Никодим Святогорец Новый Богородичник

Вместо предисловия

В 2006 г. в издательстве Православного Свято-Тихоновского гуманитарного университета вышла книга «Богородичник. Каноны Божией Матери на каждый день», название которой звучало для многих читателей непривычно. Между тем в Греческой Церкви сборники с аналогичным названием Θεοτοκάριον (в древнерусской книжной традиции «Феотокарий» или «Феотокарь»), содержащие десятки богородичных канонов, употреблялись за богослужением еще в византийскую эпоху, а один из них, наиболее авторитетный, с середины 17 в. издавался типографским способом как самостоятельная богослужебная книга¹. В Русской же Церкви подобное собрание канонов, хотя большей частью и другого подбора, существующее уже несколько веков в переводе с древнегреческого и предназначенное, как и у греков, для чтения на повечерии, не составляло отдельной книги², но всегда включалось в Октоих. А поскольку чин повечерия (принадлежащий, по богослужебному уставу, к ежедневным последованиям) в нашей приходской практике совершается крайне редко, это привело к тому, что значительный пласт богородичных текстов, связанный с именами великих византийских песнотворцев, фактически выпал у нас из литургического употребления. Вот почему собранные, по греческому образцу, в отдельную книгу и изданные ПСТГУ с комментарием, который объясняет их происхождение и место в нашем молитвенном обиходе, эти выдающиеся произведения православной гимнографии вызвали самый живой интерес читателей, о чем говорит неоднократное переиздание «Богородичника» (последнее, 4-е его издание вышло в 2013 г.).

Но в греческом церковном мире с конца восемнадцатого столетия употребляется также и «Новый Феотокарий», составителем которого был выдающийся подвижник, богослов, гимнограф и духовный писатель преподобный Никодим Святогорец (1749–1809). Содержание книги составили 62 богородичных канона, носящие имена 22-х древних творцов, причем 59 из них, обнаруженные преподобным Никодимом среди рукописей в монастырских книгохранилищах Святой Горы Афон, до этого не издавались³.

Следуя традиционному «Феотокарию», составитель распределил 56 из них по гласовой принадлежности, а внутри гласов – по дням недели,

добавив к каждому канону этой группы по четыре стихиры (скорее всего, собственного сочинения); остальные же шесть канонов завершали сборник в качестве приложения.

«Новый Феотокарий» доселе не был предметом всестороннего научного исследования, и потому нелегко сказать, насколько преподобный Никодим потрудился над ним как редактор. Не подлежит сомнению, однако, что при обнаружении схожих рукописей он тщательно их сличал и выбирал лучшие варианты чтения⁴; одно из Никодимовых примечаний⁵ говорит также о его критическом подходе к авторской атрибуции отдельных канонов.

Впервые напечатанный в Венеции в 1796 г. как «Венок Приснодевы, или Новый Феотокарий, разнообразный и прекраснейший осмогласный», Никодимов сборник многократно переиздавался в Греции, а в последнее время и с дополнениями, порой довольно обширными⁶.

Итак, перед вами богослужебная книга, которая до сих пор более двухсот лет бытовала, кроме малой ее части, лишь на языке оригинала (древнегреческом) и исключительно в поместных Церквах греческой традиции. Перевод целой богослужебной книги на иной язык, переносящий ее в иную, хотя и сродную, литургическую культуру – событие всегда исключительное. Полагаю поэтому, что церковнославянский перевод «Нового Феотокария», подготовленный в издательстве ПСТГУ, следует горячо приветствовать, и разделяю надежду издательского коллектива, что он найдет своего читателя, желающего молиться Пресвятой Заступнице нашей Богородице словами древних гимнографов.

Протоиерей Сергий Правдолюбов

От переводчика

Сопоставление «Нового Богородичника» с канонами Божией Матери на повечерии из славянского Октоиха (изданными несколько лет назад

отдельной книгой «Богородичник») показывает, что девять из 56-ти последних по своему составу в той или иной мере пересекаются с девятью канонами из сборника преподобного Никодима. А именно, каноны субботы и вторника 2-го гласа, понедельника и среды 4-го гласа, среды и четверга 5-го гласа, вторника 7-го гласа, воскресенья и вторника 8-го гласа из «Нового Богородичника» имеют соответствия в канонах воскресенья и вторника 2-го гласа, среды и субботы 4-го гласа, пятницы и четверга 5-го гласа, воскресенья 7-го гласа, среды и понедельника 8-го гласа из Октоиха. При этом в пяти случаях из девяти можно говорить о совпадении большинства тропарей каждой песни и в остальных четырех – о совпадении отдельных тропарей. Однако даже там, где тексты «Нового Богородичника» и тексты Октоиха максимально близки, последним присущи многочисленные особенности, позволяющие думать, что славянские переводчики пользовались иными редакциями оригинала. Поэтому вместо того, чтобы воспроизводить означенные девять канонов по версии славянского Октоиха, решено было заново перевести их, в числе прочих, с древнегреческого.

Кроме 56-ти канонов на повечерии, сборник преп. Никодима изначально включал следующие шесть богородичных канонов:

1. Канон молебный во всякой скорби преподобного Феодора Студита;

2. Ин канон молебный во всякой немощи святителя Иоанна Евхаитского;

3. Ин канон благодарственный по исцелении от болезни того же творца;

4. Канон ямвический того же творца;

5. Канон в Субботу акафиста преподобного Иосифа Песнописца;

6. Ин канон благодарственный, поемый в Субботу акафиста в обителях Святой Горы.

Канон 5, входящий как часть службы Субботы акафиста в греческую Триодь (слав. Триодь Постная) и известный в церковнославянском переводе не менее семи веков, включен в книгу «Богородичник. Каноны Божией Матери на каждый день» (М.: ПСТГУ, 2006; раздел «Приложения»). В тот же раздел указанной книги вошли переведенные специально для нее каноны 1, 3 и 6. Церковнославянская версия канонов 2 и 4 впервые предлагается в настоящем издании.

Перевод выполнен по изданию: Στέφανος της Αειπάρθενου ήτοι Θεοτοκάριον νέον ποικίλον καί ώραιότατον ’Οκτώηχον. Περιέχον έξηκονταδύω κανόνας προς τήν Ύπεραγίαν Θεοτόκον. Μελούργηθέντας υπό είκοσιδύω ιερών καί θεσπεσίων Μελφδών έκ του Άγιου Όρους χειρογράφων βίβλων, μετά σπουδής καί πόνων πολλών συναχθέν, καί μετ’ έπιμελείας διορθωθέν έξεδόθη παρά Νικοδήμου Μονάχου του Ναξίου.Ύπό δε της Πατριαρχικής Εκκλησιαστικής Κεντρικής Επιτροπής επικριθέν έξεδόθη υπό Γ. Μουσαίου. Έν Κωνσταντινουπόλει, 1849 и в отдельных случаях уточнен по изданию: Νικοδήμου του Αγιορείτου Θεοτοκάριον νέον ποικίλον καί ώραιότατον ’Οκτώηχον. Θεσσαλονίκη, .

Преподобный Никодим Святогорец. Предуведомление тем, кто прочтет

Лицу Твоему помолятся богатии людстии (Пс. 44:14) – пророчески обращается к Деве Богородице Ее праотец, и чрез Нее богоотец, пророк Давид, боговдохновеннейший из всех бывших от века песнопевцев. А к «богатым людстим» в высшей степени справедливо и уместно отнести священных и богоглаголивых певцов, представленных в настоящем Феотокарии. Ибо это те, кто выбран из людей обыкновенных и воистину богат, будучи исполнен не только даров внешней мудрости и знания, но гораздо более – святости вкупе с прочими боговидными и многоразличными дарованиями Святого Духа; те, кто молится и восхваляет лик Приснодевы в богосложенных и медоточивых песнопениях.

Таковы, говорю я, Андрей Критский – началовождь всех певцов и печальногласный лебедь Церкви, Иоанн Дамаскин – преискусный

и сладкогласный соловей Христов, Феофан Никейский Начертанный – приятноглаголивый и песнопевнейший дрозд, Иосиф Песнописец –

многогласная и звонкая ласточка верных, Иоанн Преподобный Никодим Святогорец Евхаит – медовноглаголивый и чарующий сирин Духа Святого, Митрофан Смирнский – добровещанный петел Церкви, Феодор Студит – мусикийская цикада православных, Фотий Константинопольский – щебечущая и прекрасно поющая птица Церкви, Георгий Никомидийский – благозвучная и доброславная кифара, Феоктист Студит – десятострунная псалтирь, Павел Аморийский – громокошумная лира Духа, Николай Катаскепин – духовная и стройнозвучная кинира, Афанасий Константинопольский – одушевленный орган дуновений Утешителевых, Игнатий Константинопольский – священный и гласословесный тимпан, Марк Эфесский – велегласная труба, Феодор Ласкарь – сладкогласящая сиринга, Мануил Ритор – боевой кимвал, Климент – медоречивая навла Духа, Илия Экдик – прекрасная самвика благодати, Калинник Ираклийский – пастырская кроткоувещательная свирель, Николай другой – звонкоречивый зяблик весенний, и Фекла – пресладкое эхо.

И как в ветхом законе царя и пророка Давида сопровождали сыны Асафа, Идифума и иных начальников над хорами и псалмопевцами, и когда он воспевал псалмы свои пред Ковчегом завета, сопровождавший народ, взяв за основу услышанное от него, пел вместе с ним, – так и в новой благодати евангельской многие из народа (разумею священных песнописцев и певцов), одни поюще на дорийский лад, другие на лидийский, одни на фригийский глас воспевая, другие – на миксолидийский, третьи – на косвенные к ним, эти полуторного держась соотношения, а те – измеряемого как один к трем, эти – как один к восьми, а те – двойного, и во всех [перечисленных] сугубое соблюдая созвучие⁷, и попросту говоря, все гармонические соотношения искусно сочетав с особыми мелодиями, все вместе, – когда противогласно, когда согласно– из одного мусического осмогласия шестьдесят два песненных канона, единую всестройную мелодию составили, молитвенно прославляя предистинным и одушевленным Ковчегом, сиречь пред Царицей Небесной Богородицей, Богоматерний Ее лик в наиболее приличных Ее достоинству хвалебных песнопениях и испрашивая у Нее необорного предстательства в словах, преклоняющих на милость и весьма умилительных.

В подражание начальникам хоров и предшествующим хору флейтистам прочий весь христоименитый народ Господень, заимствуя сии песнопения, соединяется сам и прославляет Богоматерь, призывая Ее заступление и помощь во всякое время и всякой напасти. А потому пророк Давид, возвестив об этих хоровожатых, намекает далее, что и иные народы христианские восприимут от них повод восхвалять и славить Приснодеву вовеки, когда в продолжение уже приведенного речения говорит: Сего ради людие исповедятся Тебе в век и во век века (Пс. 44:18), и слово сие относится, без сомнения, к Богородице, как и толкует в беседе на Введение Ее во храм великий Григорий Фессалоникийский.

Эти-то песненные каноны, рассеяные по многим рукописным Феотокариям, что хранятся в священных царских Святой Горы обителях,

и с великим трудом и усердием собранные воедино, ныне выпускает в свет любочестным своим иждивением некий богобоязненный и христолюбивый брат во славу Приснодевы и к общей пользе всех православных и благоговейных почитателей Богородицы.

И как царю земному в знак благодарения приносится от одного цветущего луга прекрасный и пестрый венок из благоуханных и приятных взору цветов, так и здесь от всех песненных каноновв честь Богородицы, обретенных на Святоименной Горе, или, выражаясь иносказательно, в саду Приснодевы, нынешний многояркий, изливающий ароматы и пышноцветный составился ВЕНОК и с великой любовью и благоговением Всецарице Небесной приносится как дар, многовожделенный паче многоценного венца Молхомова⁸ весом в талант золота, что носил на главе своей Давид, паче венца двенадцатизвездного, что в Апокалипсисе, и просто сказать, паче всех златожемчужных венцов царей земных.

Примите же, братья, новый сей и наипревосходнейший Феотокарий. Примите все, и освященные монахи, и миряне, в благой надежде, что

останетесь признательны, читая его с еще большим благоговением душевным, с еще большим усердием и радостью сердца, нежели Феотокарий прежний и рукописный. С большим благоговением – поскольку каждому канону в нем предпослано надписание имени творца его; с большим же усердием, умилением и радостью – по причине разнообразия, ибо столь многие и на всякий день разные мелодии прогоняют леность и усовершают душу, и самую юную, и возмужавшую, как говорит об этом Василий Великий: «Единообразием душа нередко приводится в какое-то равнодушие и рассеяние, а переменой и разнообразием псалмопения и чтения в каждый час вожделение ее приобретает новые силы, и трезвенность обновляется»⁹.

Да будет известно вашей любви, братья, что чем более вы прославляете в песненных сих канонах Богоматерь и с чем большим умилением и сокрушением сердечным при посредстве их различные моления ваши смиренной сердцем и любящей смиренномудрых Госпоже приносите, тем большую от Нее приемлете помощь и дарования, в настоящем веке избавляясь от сопротивного обстояния видимых и невидимых врагов, а в будущем – спасаясь от вечной муки и, согласно богослову Григорию Фессалоникийскому, сподобляясь Царствия Небесного. Ибо он, предпосылая своим словам уже упомянутое Давидово: Сего ради людие исповедятся Тебе в век и во век века и изъясняя его, говорит: «Видите ли, что вся тварь славит Матерь Деву, и не в преходящие лета, но вовеки и в век века? На основании этого можно заключить, что и Она не перестанет во все века благодетельствовать всей твари»¹⁰.

Наслаждаясь сими прекрасными вещами при чтении Феотокария, молитесь о том, кто впервые выпустил его в свет, а также о помогавших и содействовавших сему братьях. Да удостоятся и все по ходатайству Приснодевы вожделенного спасения, благодатию и человеколюбием рожденного от Нее Христа Бога нашего, Коему слава и держава со Отцем и Святым Духом вовеки. Аминь.

Каноны Божией Матери на каждый день, расположенные по гласам и дням седмицы

Глас первый Канон Пресвятей Богородице в субботу

Творение святаго Феодора Студита, егоже краегранесие: Владычице, преклонися к проше́нием Фео́дора¹¹

Песнь 1

Ирмос: Пе́снь побе́дную пои́м вси́ Бо́гу, сотво́ршему ди́вная чудеса́ мы́шцею высо́кою и спа́сшему Изра́иля, я́ко просла́вися.

Грешник к Богородице:

Прия́телшце Естества́ невмести́маго, Христа́ умоли́, да огня́ несвети́ма изба́вит мя, Чи́стая, и о́бщника пока́жет Ца́рствия Его́.

Богородица ко Христу:

Мое́ приими́ моле́ние, Сы́не и Сло́ве, и му́ки свободи́ вопию́ща раба́ Твоего́ ко Мне из глубины́ души́, и сподо́би Ца́рствия Твоего́.

Христос к Богородице:

Ты, Ма́ти, ми́лости Мя исто́чник ве́си, и́бо на вся́кий час Ми Влады́це согреша́ющих без зако́нных ми́лую, но сей зело́ Мене́ сту́дными преогорчева́ет зло́бами.

Богородица ко грешнику:

Мно́гими прегреше́нии и безме́стии сту́дными преогорчи́л еси́ Сы́на Моего́, отону́дуже ти на негодова́ние ны́не подви́жеся и на гнев благоутро́бие Его́.

Песнь 3

Ирмос: Пре́жде век от Отца́ рожде́нному нетле́нно Сы́ну, и в после́дняя от Де́вы воплоще́нному безсе́менно Христу́ Бо́гу возопии́м: вознесы́й рог наш, Свят еси, Го́споди.

Грешник к Богородице:

Все житие́ мое́ вои́стинну в злых ижди́х и сего́ ра́ди Ти вопию́: Сы́на Твоего́ моли́, Чи́стая, да я́ко блу́днаго воззове́т и спасе́т мя ны́не, лежа́ща в согреше́ниих.

Богородица ко Христу:

Ми́лостив бу́ди, Всецарю́, рожде́йся неизрече́нно из утро́бы Моея́, и уще́дри раба́ Твоего́, я́коже блу́днаго дре́вле сы́на, и покажи́, Всебла́же, десна́го Ти предстоя́теля в день Суда́.

Христос к Богородице:

Смы́сленне, о Ма́ти, вопи́ю Ти и Аз послу́шати Мя: и́же во блуде́х пожи́вый, в те́плое покая́ние прише́д, «Согреши́х!» вопия́ше. Но сей, а́ще и вопие́т Ти раска́явыйся, в после́дних лжет.

Богородица ко грешнику:

Я же Ми рече́, глаго́лах Сы́ну Моему́, вопию́щи, дабы́ сподо́бил тя Ца́рствия, но Той Ми противурече́: «Те́плою ве́рою не прии́де ко Мне, и сего́ ради отсыла́ю его́ от лица́ Моего́».

Песнь 4

Ирмос: Ду́хом прови́дя, проро́че Авваку́ме, Словесе́ воплоще́ние, пропове́дал еси́, вопия́: «Внегда́ прибли́житися ле́том, позна́ешися, внегда́ приити́ вре́мени, пока́жешися: сла́ва си́ле Твое́й, Го́споди».

Грешник к Богородице:

Помы́слив, о Де́во, си́лу Твою́, со стра́хом вопию́ Ти, еди́ней Благо́й: а́ще и покая́ния те́пла не и́мам отню́д, но Твои́ми ко Влады́це мольба́ми даждь ми соверше́нное исправле́ние.

Богородица ко Христу:

Услыши́ Иже естество́м Человеколю́бец Бог Ма́терь Твою́, вопию́щу приле́жно, и Твоего́ раба́ изба́ви осужде́ния. Аще же и ве́ру не стяжа́ соверше́нну, сию́ я́ко Бог ему́ да́руй.

Христос к Богородице:

Подложе́ние¹², о Ма́ти, ему́ вся́кое е́же спасти́ся дах, но сей не оставля́ет грехи́ и вни́де в смерть. Те́мже не мо́жет спасе́н бы́ти, до́ндеже во огнь оты́дет.

Богородица ко грешнику:

Се ны́не зна́ю вину́ тебе́ сама́го поги́бели, я́ко глаго́лет Боже́ственный Сын Мой, и́бо слежи́ши отню́д греху́ и преда́лся еси́ ле́ности коне́чне: кто возста́вит тя лежа́ща?

Песнь 5

Ирмос: Бог сый ми́ра, Оте́ц шедро́т, Вели́каго Сове́та Твоего́ Ангела, мир подава́юща посла́л еси́ нам. Тем богоразу́мия к све́ту наста́вльшеся, от но́щи у́тренююще, славосло́вим Тя, Человеколюбче.

Грешник к Богородице:

Путьми́ покая́ния, Де́во, жела́ю ходи́ти вы́ну, к животу́ веду́щими несконча́ему, но а́бие лю́тая де́монов со́нмища привлача́ют вве́ргнутися во глубину́ греха́, и па́губы в кал ти́нный.

Богородица ко Христу:

Умертви́вый смерть, Спа́се, пе́рвее Ада́ма от уз свободи́л еси́. Те́мже и ны́не раба́ Твоего́, Сы́не Мой, молю́ Ти ся, клеветнико́в исхити́ де́монов: тии бо николиже оставля́ют раска́ятися кому́.

Христос к Богородице:

Всепе́тая Ма́ти, вопию Ти и Аз: молитвою и посто́м изы́дут из него́ демонов лука́вая мно́жества. Но сей тело воздержа́нием и молением не очистивый, демоном, увы́, бысть вертеп.

Богородица ко грешнику:

Глаго́лы пе́рвее Сы́на Моего́ до́бре внуши и уве́ждь потре́бная. Егда́ бо не возмого́ша ученицы́ Его́ ду́ха изгна́ти, возопи к ним, глаго́ля: «Моли́твою и посто́м род бесо́вск изгоня́ется».

Песнь 6

Ирмос: Проро́ка Ио́ну подража́я, вопию́: живо́т мой, Бла́же, свободи́ из тли и спаси́ мя, Спа́се ми́ра, зову́ща: сла́ва Тебе́.

Грешник к Богородице:

Глаго́лов не и́мам и доброде́тельми ску́ден есмь, не терплю́ бо моли́тву и пост соверша́ти, Богоневе́сто; сего́ ра́ди к Тебе́ прибего́х.

Богородица ко Христу:

Вонми́ , благоутро́бне Сы́не, Ма́тери Твое́й, молю́ Ти ся: и́же ко Мне прибега́яй де́лы благи́ми ску́ден и вопие́т: «Не и́мам ра́зве Тебе́ наде́жды, Влады́чице».

Христос к Богородице:

Моля́щи те́пле, преста́ни, Ма́ти, е́же глаго́лати, зане́ сей, упова́я, я́ко благоутро́бен есмь, скверни́тся, не взира́я на гнев Мой.

Богородица ко грешнику:

Умоля́ю за тя Сы́на и Бо́га Моего́, да очище́ние улучи́ши, но Той преста́ти ми вопие́т и не моли́ти во е́же спасти́ся ти.

Седален, глас первый. Подобен: Гроб Твой, Спа́се:

Рай на земли́ Тя насади́в Христо́с Садоде́латель рая́ пе́рваго, посреде́ Тебе́, Влады́чице, я́ко живота́ дре́во насади́. Его́же моли́ сла́дости ра́йския сподо́бити мя и на вода́х воспита́ти сла́дкаго упокое́ния.

Песнь 7

Ирмос: Отроцы благоче́стию совоспита́ни, злочести́ваго веле́ния небре́гше, о́гненнаго преще́ния не убоя́шася, но посреди́ пла́мене стоя́ще, поя́ху: «Отце́в Бо́же, благослове́н еси́».

Грешник к Богородице:

Все упова́ние мое́ на Тя возлага́ю, Влады́чице, да не отри́неши мене́ в глубину́ па́губы окая́ннаго, но обрати́ся па́ки к Сы́ну Твоему́ вопию́щи, да не погуби́т созда́ние руку́ Его́.

Богородица ко Христу:

Неизме́рну я́ко имы́й благоутро́бия пучи́ну, Влады́ко, приими́ Мя па́ки, молю́ Тя, единаго Благоуве́тливаго, и уще́дри Твое́ю руку́ созда́ние, уще́дривый иногда́ ханане́ю.

Христос к Богородице:

Ми́лую и спаса́ю жела́нием мно́гим приходя́ща, зане́ николи́же хощу́ Мое́ погуби́ти созда́ние, во е́же спасти́ бо его́ роди́хся весь от Тебе́; но сей дале́че от дел Мои́х есть.

Богородица ко грешнику:

Прему́дрость Вы́шняго пре́жде Сый, Сын Мой бысть Челове́к весь от Мене́, да спасе́т храня́щия с ве́рою те́плою Боже́ственное креще́ние; но ты сих неприча́стен яви́лся еси́.

Песнь 8

Ирмос: Его́же ужаса́ются а́нгели и вся во́инства, я́ко Творца́ и Го́спода, по́йте свяще́нницы, просла́вите о́троцы, благослови́те лю́дие, и превозноси́те во вся ве́ки.

Грешник к Богородице:

Дерзну́в, приидо́х к Тебе́, Де́во, зря Сы́на Твоего́ блудни́цу спа́сша и разбо́йника, ти́и же зако́нне ни еди́наго де́ла бла́га в житии́ сотвори́ша, но улучи́ша проще́ния.

Богородица ко Христу:

С вы́шних при́зри, услы́ши Ма́терь Твою́ моля́щу Ти ся, и изба́ви огня́ раба́ сего́, я́коже блудни́цу пе́рвее и я́ко изба́вил еси́ разбо́йника на Кресте́ Твое́м.

Христос к Богородице:

Дре́вле висяй разбо́йник на кресте́ ве́рою вопия́ше: «Помяни́ мя!», блудни́ца же па́ки слез излива́ше то́ки, но сей тем не уподо́бися.

Богородица ко грешнику:

Слезя́щу спа́сл есть блудни́цу Христо́с, та́кожде уве́ровавша разбо́йника на кресте́; а́ще у́бо хо́щеши досе́ле спасе́ния улучи́ти, притецы́ ко Го́споду со слеза́ми и ве́рою.

Песнь 9

Ирмос: Светоно́сный о́блак, во́ньже всех Влады́ка, я́ко дождь с небесе́ на руно́, сни́де и воплоти́ся нас ра́ди, быв Челове́к, Безнача́льный, велича́ем вси́ я́ко Ма́терь Бо́га на́шего Чи́стую.

Грешник к Богородице:

Яви́хся всех челове́к грешне́йший, Де́во, и сего́ ра́ди к Сы́ну Твоему́ приступи́ти стыжду́ся, но умоли́ Его́ и ми́лостива сотвори́ е́же прия́ти мя те́плою ве́рою и жела́нием приходя́ща к Нему́.

Богородица ко Христу:

Изба́ви муче́ния, Сло́ве, прише́дша к Тебе́ раба́ и не помяни́ беззако́ний его́, молю́ Ти ся: а́ще бо и согреши́, Спа́се, но ко Мне прибеже́, и Мене́ ра́ди сего́ приими́, всем проше́ния исполня́яй.

Христос к Богородице:

Несть досто́ин, о Ма́ти, к Тебе́ прибе́гнувый ми́лости: от челове́к бо Мя ни еди́н я́ко той прогневля́ет. Но моле́нии Твои́ми честны́ми му́ки того́ неприча́стна на Суде́ сотворю́, а́ще принесе́т покая́ния Мне плоды́.

Богородица ко грешнику:

Ни́же а́да бы́вый, возведе́н еси́ на высоту́ к Боже́ственному Моему́ Сы́ну моле́ньми, и внемли́, да не в пре́жняя твоя́ лю́тая впаде́ши согреше́ния. Но отыди́ на пути́ покая́ния, да не ка́ко в гее́нну па́ки вве́ржен бу́деши.

Стихиры, глас первый. Подобны: Небе́сных чино́в:

Ра́дость ми́ра еси́, гре́шных приста́нище, обурева́емых Изба́вительница, Богоро́дице Де́во. Приими́ у́бо, вопию́ Ти, и мою́ мольбу́ и моле́ние, Нескве́рная, ю́же и принеси́ вско́ре Твоему́ Сы́ну, да спасе́т мя блу́днаго.

Ра́дости вина́ Мне вся́кия, Сы́не любе́знейший, проще́ние согреше́ний да́руй рабу́ Твоему́, да разуме́ют вси дерзнове́ние, е́же к Тебе́ я́ко Ма́ти ве́лие и́мам, Христе́ Мой, моли́ти Тя па́че всех святы́х Твои́х.

Ра́дости прия́телище, о Ма́ти! Твое́ю мольбо́ю прекло́нься, оставле́ние согреше́ний неблагода́рному сему́ да́рую, и оста́ви е́же взыва́ти. Но рцы ему́, да преста́нет согреша́ти и ко гне́ву влещи́ Мя, зане́ естество́м благоутро́бен есмь.

Се оставле́ние и́маши согреше́ний твои́х Мои́ми мольба́ми, и внемли́ про́чее житие́ богоуго́дно соверши́ти, я́ко да сла́дости в раи́ со все́ми избра́нными вкуси́ши благосла́вныя, ниже́ преста́тия вся́ко¹³ иму́щия.

Канон Пресвятей Богородице в неделю

Творение святаго Андрея Критского, егоже краегранесие: рыда́ний мои́х да прии́меши первое, Де́во

Песнь 1

Ирмос: Твоя́ победи́тельная десни́ца, боголе́пно в кре́пости просла́вися; та бо, Безсме́ртне, я́ко всемогу́щая, проти́вныя сотре́, изра́ильтяном путь глубины́ новосоде́лавшая.

Слез нача́тки гряди́, душе́, Богоро́дице принесе́м Днесь: Та бо изба́ви Ада́мовы кля́твы род челове́ч и благослове́ние и ра́дование дарова́.

Струя́м Иорда́новым моя́ ура́вншася отню́д не возмо́гут сле́зы измы́ти грехо́в мои́х ти́ну, но Ты, Де́во, Твое́ю ми́лостию мя очи́сти.

Со́лнце ро́ждши правды незаходи́мое Христа́, просвети́, Де́во, молю Ти ся, души́ моея́ очерне́нная очеса́ сласте́й тьмо́ю и греха́ дебельство́м.

Зако́ны Влады́чни преступи́вый, всяк вид зла соверши́х, и ны́не обраща́ющася не пре́зри, Влады́чице, неключи́маго раба́ Твоего́, но уще́дривши спаси́ мя.

Песнь 3

Ирмос: Едине ве́дый челове́ческаго существа́ не́мощь и ми́лостивно в не́ вообра́жся, препоя́ши мя с высоты́ си́лою, е́же вопи́ти Тебе́: Свят одушевле́нный Храм неизрече́нныя сла́вы Твоей, Человеколюбче.

Яко дре́вле Еву обре́т, змий мя прельсти́ и сла́сти вкуше́нием изри́ну рая́ богоразу́мия. Яже Христа́ ро́ждшая, Ада́ма втора́го, к животу́ мя возведи́, Влады́чице.

Вознеду́говав Ка́иновым злополу́чно, Де́во, безу́мием, я́ко бра́та ум мой уби́х, любосла́стия меч употреби́вый и позави́девый зле́йше сего́ восхо́ду, но Ты я́ко человеколю́бива спаси́ мя.

Воспла́кася дре́вле Ада́м, Еде́ма изселя́емь, херуви́му вход его́ загражда́ющу; отпады́й же аз богоразу́мия, рыда́я молю́ Ти ся: со святы́ми моли́, Богома́ти, страсте́й ми изба́витися.

Поуче́ние сме́ртное, душе́ окая́нная, да предваря́ет тя в жития́ дея́ниих вы́ну, и плач восприими́, и се́тование соста́ви, Хода́таицу иму́щи чисту и непоро́чну ко Христу́, от Сея́ прозя́бшему.

Песнь 4

Ирмос: Го́ру Тя благода́тию Бо́жиею приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше Свято́му, во спасе́ние на́ше и обновле́ние.

О, чуде́с Твои́х, Неискусобра́чная Влады́чице! Поне́же Хода́таица челове́ком гре́шным ко Иже от Тебе́ Рожде́нному была́ еси́, те́мже и

мене́, па́че всех сме́ртных согреши́вша, примири́тися Ему́ умоли́.

Умертви́, Де́во, пло́ти моея́ мудрова́ние и страсте́й прило́ги, и бесо́в сове́ты безде́льны сотвори́, и живота́ стезя́ми ходи́ти наста́ви, Живо́т всех поро́ждшая.

Слеза́ми очи́стити скве́рны се́рдца моего́ предста́тельствы честны́х а́нгел сотвори́, Чи́стая, и души́ омраче́ние, ума́ же уклоне́ния воззови́ и к безстра́стия стези́ напра́ви.

Мысль помышле́ньми сту́днейшими оскверни́х и ду́шу сластьми́, я́же при Но́и бы́вший превзыдо́х лю́тыми безме́стии. Те́мже вопи́ю: Богороди́тельнице, уще́дри и от пото́па у́мнаго мя спаси́.

Песнь 5

Ирмос: Просвети́вый сия́нием прише́ствия Твоего́, Христе́, и освети́вый Кресто́м Твои́м мира концы́, сердца́ просвети све́том Твоего́ богоразу́мия правосла́вно пою́щих Тя.

Лю́таго мя пла́мене гее́ннска исхити, ро́ждшая Божества́ Огнь непристу́пный, по нас бывшего богому́жнею Ипоста́сию, Богородительнице Всенепоро́чная.

Не бою́ся бу́дущих мук, окая́нный, ни тьмы, ни скре́жета зу́бнаго и че́рвия, ниже́ огня́ негасима; те́мже прошу́ Тя, Де́во, сих всех мя изба́вити.

Исцели́ души моей боле́зни, Всечи́стая, зане́ родила́ есй неду́ги на́ша Исце́льшаго страстьми́ Его́ спаси́тельными и всечестны́ми, да ве́рно велича́ю Тя.

Не я́ко Ламе́х ю́ношу и му́жа убих, Богома́ти, но ум и сло́во грехми, да не у́бо отмще́ние угото́вится ми судо́м, но зде мя изба́ви.

Песнь 6

Ирмос: Обы́де нас после́дняя бе́здна, несть избавля́яй, вменихомся я́ко о́вцы заколе́ния, спаса́ лю́ди Твоя́, Бо́же наш; Ты бо кре́пость немощству́ющих и исправле́ние.

Те́ло оскверни́х дея́ньми, ум помышле́ньми, чу́вства осяза́нием сласте́й, ихже ми цельбу́ пода́ждь ка́плями слез моих, Богоблагода́тная.

Вре́мя живота́ моего́ во сне и осла́бе ижди́х, в услажде́нии и паре́нии помысло́в. Ны́не у́бо поне́ в ста́рости уцелому́дри мя, Ма́ти Бо́жия, и к покая́нию руково́дствуй.

Умы́сливый пре́жде зако́на бы́вших ухищре́ние, безу́мно поиска́х, а́ки предсто́лпия, дела́ сту́дная друг дру́гу сочта́ти; Ты же, Чистая, Боже́ственным мя вразуми́ Ду́хом.

Сеть вои́стинну скры́ша ми, Всепе́тая, го́рдии и у́жами грехо́в си́ло¹⁴ нога́м мои́м простира́ху, и́хже, Блага́я, я́ко тка́ние паучи́но расто́ргни.

Седален, глас первый. Подобен: Лик а́нгельский:

Упова́ние христиа́н нело́жное и изве́стное, ми́лости Пода́тельнице, состра́стия исто́чниче, ключу́, отверза́яй Бо́жию благосты́ню, всем отве́рзи благоутро́бия дверь, всем да́руй сла́дости ра́йския вход, Влады́чице.

Песнь 7

Ирмос: Тебе́ у́мную, Богоро́дице, пещь разсмотря́ем ве́рнии: я́коже бо о́троки спасе́ три Превозноси́мый, мир обнови́, во чре́ве Твое́м всеце́л, хва́льный отце́в Бог и препросла́влен.

Расто́ргни, Чи́стая, у́зы се́рдца моего́, забве́ние и неве́жство лю́тое и окамене́ние души́ и безразсу́дство, и́миже связу́емь, ум мой тещи́ не мо́жет к широте́ зре́ния и высоте́ Боже́ственнаго ра́зума.

Оле страсте́й мои́х и двиза́ний! Оле безме́рных мои́х зол! Ко́е студодея́ние безу́мно не сотвори́х, кий не соверши́х сладостра́стия грех? Ты же, Чи́стая, поне́ в ста́рости покая́ние ми да́руй.

Юже во мне ле́ность и дрема́ние лю́тое бде́нными Твои́ми к Бо́гу, молю́, мольба́ми, Нескве́рная, изгони́, и сладкопою́ща мя уще́дри: хва́льный отце́в Бог и препросла́влен.

Увы́, душе́! Ка́ко не устыди́лася еси́ е́же па́че Ха́мова безсту́дства, не покры́ла сра́ма бли́жняго твоего́ по естеству́ же и благода́ти, но безчелове́чно презре́ла еси́. Ны́не же те́пле благоутро́бней Отрокови́це пока́йся.

Песнь 8

Ирмос: В пещи́ о́троцы Изра́илевы, я́коже в горни́ле, добро́тою благоче́стия, чисте́е зла́та блеща́хуся, глаго́люще: «Благослови́те, вся дела́ Госпо́дня, Го́спода, по́йте и превозноси́те во вся ве́ки».

Умертви́вшися, окая́нная душе́, лю́те нераде́нием, возста́ни а́ки от сна и Хода́таицу сотвори́ еди́ну неискусому́жную Богоро́дицу, я́ко да тя о́бразы оживи́т покая́ния и безстра́стия ти пока́жет стези́.

Успи́ у́бо всестра́стная моя́ похоте́ния, и страсте́й душетле́нных мечты в коне́ц, Богома́ти, изгла́ди, да сла́влю при́сно и благословля́ю Тя, еди́ну вину́ всех спасе́ния.

Всеобра́зно вся́ку сласть соверши́х безу́мно и вся моя́ чу́вства сту́дно оскверни́х, к Тебе́ прибега́ю, Нескве́рней: Влады́чице, всех гре́шных предста́тельство, изба́ви огня́ и тьмы ве́чныя.

Кропле́нием слез мои́х, Чи́стая, измы́й гной и стру́пы души́ моея́, Христа́ ро́ждши, прокаже́нныя исцеля́юща и кровоточи́выя, я́ко да услы́шу глас вожделе́н: «Спаса́йся ве́рою твое́ю, иди́ в ми́ре».

Песнь 9

Ирмос: Образ чи́стаго рождества́ Твоего́, огнепали́мая купина́ показа́ неопа́льная; и ныне на нас напа́стей свире́пеющую угаси́ти мо́лимся пещь, да Тя, Богоро́дице, непреста́нно велича́ем.

Уже́ при сконча́нии бых вре́менных мои́х, Де́во, увы́ мне, име́ний, и отягче́н грехми́, отхожду́ в безконе́чныя ве́ки му́читися. Яже Судию ро́ждшая, Сего́ уми́лостиви мне, Влады́чице.

Зако́ны Бо́жия отверго́х и греха́ зако́ну сам порабо́тихся, зако́ну ума́ не подклони́выйся, окая́нный. Яже естества́ зако́нов утаи́вшаяся в честне́м Твое́м рождестве́, зако́ны пло́ти моея́ покори́.

Возми́ бре́мя тя́жкое мое́ прегреше́ний, Богома́ти Всенепоро́чная, и ле́гкое и́го, Чи́стая, сподо́би мя Сы́на и Бо́га Твоего́ носи́ти, и стезю́ преити́, в го́рний уде́л вводя́щу.

Да глубину́ безконе́чную щедро́т пока́жеши бла́гости Твоея́ и благоутро́бие Сы́на Твоего́ на всех и на мне согре́шшем, Всепе́тая, проще́ние ми пода́ждь и рая́ жили́ще.

Стихиры, глас первый. Подобны: Всехва́льнии му́ченицы:

Ра́дуйся, чисте́йшая Бо́гу одушевле́нная пала́то и светоно́сная; ра́дуйся, Неискусому́жная; ра́дуйся, Боже́ственный кро́ве; радуйся, стено́ неруши́мая; ра́дуйся, Бо́га неизрече́нно Ро́ждшая; ра́дуйся, Ада́мово исправле́ние и Евино избавле́ние; ра́дуйся, всех ве́рных держа́во.

Ра́дуйся, престо́ле о́гненный Бо́жий; ра́дуйся, ши́пок неувяда́емый; ра́дуйся, еди́на Прозя́бшая Крин благово́нный; ра́дуйся Всесвята́я, Еюже изба́вихомся пе́рваго изрече́ния; ра́дуйся, пречу́дное вселе́нныя весе́лие; ра́дуйся, всех правосла́вных похвало́.

Ра́дуйся, лу́же доброцве́тный и благово́нный; ра́дуйся, виногра́де всезре́лый; ра́дуйся, плодоно́сная ма́слино; ра́дуйся, Бо́гу мироуха́нный са́де; ра́дуйся, ча́ще и присе́нная горо́; ра́дуйся, Присноде́во, благода́тей вертогра́де благообра́зный.

Ра́дости се́рдце мое́, Чистая, испо́лни, я́ко благоутро́бна, и слез изба́ви, Ра́дость я́ко заче́ншая, едина Богома́ти, и от лю́тых всех изведи раба́ Твоего́, молю́ся, да сла́влю Тя, да любо́вию велича́ю Тя, су́щих всех Преиму́щую.

Канон Пресвятей Богородице в понедельник

Творение святаго Иосифа Песнописца

Песнь 1

Ирмос: Христо́с ражда́ется, сла́вите; Христо́с с небе́с, сря́щите; Христо́с на земли́, возноси́теся. По́йте Го́сподеви, вся земля́, и весе́лием воспо́йте, лю́дие, я́ко просла́вися.

Христиа́н прибе́жище, па́дающих исправле́ние, Всенепоро́чная, согреша́ющих очище́ние, изба́ви мя осужде́ния стра́шнаго и огня́ негаси́маго, живо́т ве́чный подаю́щи мне.

Неча́янием содержу́ся, мно́жество помышля́я прегреше́ний и Судий изрече́ние; Влады́чице Богоро́дице, Ты мне бу́ди Боже́ственная Хода́таица, умиря́ющи Его́ благоутро́бием Твоим.

Де́во едина Всепе́тая, Де́во Бо́га вопло́щшая, Де́во всем Хода́таице жизни ве́чныя, возсия́й ми свет покая́ния, разреша́ющи мрак прегреше́ний мои́х.

Се, к Тебе́ ны́не прибего́х, кро́ву моему́ и Боже́ственному заступле́нию: утро́бы ми благода́ти Твоея́ незатворе́ны покажи́, не прогне́вайся, ниже́ пре́зри, не оста́ви мене́, Де́во, ги́бнуща.

Песнь 3

Ирмос: Пре́жде век от Отца́ рожде́нному нетле́нно Сы́ну, и в после́дняя от Де́вы воплоще́нному безсе́менно Христу́ Бо́гу возопи́им: вознесы́й рог наш, Свят еси, Го́споди.

Вси проро́цы Тя Ма́терь Бо́жию пропове́даша о́бразы пресла́вными, и́хже мы сбытие́ зря́ще я́сно, ве́руем и про́сим улучи́ти Тобо́ю Боже́ственныя тишины́.

Я ви́лася еси́ ши́ршая небе́с, заче́нши всех Бо́га, и на объя́тиих Твои́х содержи́ши вся Содержа́щаго, Чи́стая. Те́мже молю́ Тя: от обдержа́щих мя лю́тых страсте́й ско́ро свободи́.

Ты су́щим в ну́ждах и в ско́рби Побо́рница еси́, Ты су́щим в бу́ри жите́йстей блага́я Упра́вительница. Те́мже моля́ся вопию́ Ти: Твою́ по́мощь, Чи́стая Де́во, да́руй рабу́ Твоему́.

Влады́чице ми́ра, спасе́ние ве́рных и заступле́ние, я́же из глуби́н серде́чных стена́ния моя́ к Тебе́ возсыла́емая и сле́зы прие́мши, не пре́зри, Всенепоро́чная: согреше́ний мно́гих изба́ви мя и скорбе́й.

Песнь 4

Ирмос: Жезл из ко́рене Иессе́ова и Цвет от него́, Христе́, от Де́вы прозя́бл еси́, из горы́, Хва́льный, приосене́нныя ча́щи прише́л еси́, вопло́щься от Неискусому́жныя, невеще́ственный и Бо́же, сла́ва си́ле Твое́й, Го́споди.

Еди́ну Тя ве́рнии по Бо́зе наде́жду непосты́дну и предста́тельство имамы, Отрокови́це: Твои́ми мольба́ми изми́ ны вся́ческих враг ви́димых и неви́димых, вре́да и искуше́ний, да Тя непреста́нно сла́вим.

От ти́ннаго ви́да ум мой очи́стивши, раче́ния Бо́жия испо́лнен покажи́, Бо́жия глаго́лати при́сно, Бо́жия помышля́ти, Бо́жия приле́жно

твори́ти дела́, я́ко да избе́гну стра́шный и ве́чнующия му́ки.

Не стяжа́х ины́я на земли́ предста́тельницы и побо́рницы и стены́ необори́мый, ра́зве Тебе́ еди́ный Чи́стыя, Нескве́рная Богоро́дице. Ты бо мне наде́жда и спасе́ние, покро́в и по́мощь, и согреше́ний проще́ние.

Низложи́ де́рзость лука́вую врага́ и кова́рства я́же на мя наводи́мая, и облецы́ мя Твое́ю кре́постию, Всенепоро́чная, неуя́звена при́сно соблюда́ющи, це́ла и невре́дна ве́рою Тя почеству́ющаго.

Песнь 5

Исправле́ние всех па́дающих Ты еси, немощны́х ско́рое посеще́ние, те́мже прегреше́ньми па́дшаго лю́те и душе́ю неду́гующа исцели́ и спаси́, направля́ющи мя всеси́льною руко́ю Твое́ю, Влады́чице.

Спаси́тельное ору́жие с высоты́ ско́ро, молю́ Ти ся, Де́во, пода́ждь ми, Боже́ственное Твое́ заступле́ние, покро́в и кре́пость, с ни́миже началозло́бнаго победи́в лука́вство, спасе́ния в Бо́зе сподо́блюся, Богоблаже́нная.

Пала́то Бо́жия Сло́ва, Чи́стая, мене́, лука́вых де́лателище су́ща духо́в дея́нии сту́дными, и сих творя́ща во́лю безу́мно, покая́ния ра́ди яви́ Бо́жие жили́ще.

В час после́дний исхо́да моего́ и души́ разлуче́ния от телесе́ по́мощь мне яви́ и Побо́рница бу́ди, Нескве́рная, належа́щия враги́ неви́димыя отганя́щи и к Бо́гу мя руково́дствующи.

Песнь 6

Ирмос: Из утро́бы Ио́ну младе́нца изблева́ морско́й зверь, Якова́ прия́т; в Де́ву же все́льшееся Сло́во, и плоть прие́мшее, про́йде сохра́ншее нетле́нну; его́же бо не пострада́ нетле́ния, Ро́ждшую сохрани́ неврежде́нну.

Дверь Боже́ственныя Зари́ Ты еси́, и исто́чник Све́та Незаходи́маго, зане́ исполне́ние вся́кое Божества́ неизрече́нно во утро́бу Твою́ всели́ся, Всенепоро́чная, Его́же обы́чное де́йство и свет подае́ши тре́бующим.

Ста пред Тобо́ю смерть, Живота́ бо Христа́ чревоноси́ла еси́, ве́рующим чи́сте в Не́го безсме́ртие и Боже́ственное заступле́ние подаю́ща.Сего́ моли́, Всесвята́я, изба́вити от прегреше́ний рабы́ Твоя́.

Ми́ра¹⁵ у́мнаго прия́телище была́ еси́, всю зе́млю облагоуха́вшаго Божества́ арома́ты, Всесвята́я Богоневе́сто. Его́же ра́ди благоуха́нием моле́ния Твоего́ вся́ку го́ресть из души́ моея́ прогони́ согреше́ний.

Огнь сласте́й зело́ пали́т мя и оскорбля́ет при́сно смире́нную мою́ ду́шу, и к безме́стну де́ланию ну́дит и беззако́нну. Яже Огнь Боже́ственный ро́ждшая, угаси́ сей и увяди́, спасе́ние мое́, Богоневе́сто.

Седален, глас первый. Подобен: Гроб Твой, Спа́се:

Све́щниче златоза́рный Со́лнца сла́вы, белообра́зная свеща́, Све́та Незаходи́маго о́блаче, Отчее вжига́ющ сия́ние, се́рдца моего́ осле́пшия зе́ницы просвети́ заря́ми нетле́нными и Боже́ственными просвеще́нии.

Песнь 7

Ирмос: Отроцы благоче́стию совоспита́ни, злочести́ваго веле́ния небре́гше, о́гненнаго преще́ния не убоя́шася, но посреди́ пла́мене стоя́ще поя́ху: «Отце́в Бо́же, благослове́н еси́».

Клеща́, ю́же Иса́ия проро́к дре́вле узре́, Ты еси́, Боже́ственный Угль Христа́ во чре́ве носи́вшая, все вещество́ грехо́вное попаля́юща, ве́рных же ду́ши просвеща́юща.

Яко ту́ча на руно́ сше́дый во утро́бу Твою́, воплоти́ся ми́ра¹⁶ Река́, Исто́чник благосты́ни, Иже ка́пли дожде́вныя изчита́яй, отце́в Бо́же, благослове́н еси́.

Богоневе́сто Мари́е, упова́ние и ра́досте воспева́ющих Тя, прегреше́ний мои́х плени́цы расто́ргни мольба́ми Твои́ми, сою́зом любве́ Христо́вы соедини́, доброде́тельныя плоды́ цветоноси́ти ми.

Возведи́ мя, Де́во, из глубины́ сту́дных дел мои́х и укроти́, Чи́стая, страсте́й волне́ние, и се́рдца окамене́ние расто́ргни, и да́руй ми слез исто́чник.

Песнь 8

Ирмос: Чу́да преесте́ственнаго росода́тельная изобрази пещь о́браз: не бо я́же прия́т пали́т ю́ныя, я́ко ниже́ огнь Божества́ Де́вы, в ню́же вни́де, утро́бу. Тем воспева́юще воспое́м: да благослови́т тварь вся Го́спода и превозно́сит во вся ве́ки.

Скве́рны несть в добро́те Твое́й, Де́во, Ты бо еди́на Всенепоро́чная яви́лася еси́, от ве́ка де́вства сия́ньми озаря́ющи мир. Тем воспева́юще Тя вопие́м: да благослови́т тварь вся Го́спода и превозно́сит во вся ве́ки.

Ста́мну Тя, Ма́нну стяжа́вшую Божества́, уве́дехом, Де́во, киво́т, трапе́зу и све́щник, Бо́жий престо́л, пала́ту же и мост, преводя́й к Боже́ственней жи́зни полиция: да благослови́т тварь вся Го́спода и превозно́сит во вся ве́ки.

К о́тву¹⁷ всеизве́стну стяжа́вше, спасе́ния на́шего наде́жду вверя́ем Ти, Богоро́дице, но бу́ди рабо́м Твои́м приста́нище и стена́ неруши́ма, и ко е́же вопи́ти непреста́нно напра́ви: да благослови́т тварь вся Го́спода и превозно́сит во вся ве́ки.

Услы́ши е́же от се́рдца стена́ние мое́, внуши́ глас пла́ча моего́, Всесвята́я Влады́чице, не пре́зри сокруше́ния окая́нныя моея́ души́, но пода́ждь ми коне́чное разреше́ние грехо́в, и ра́дости бу́дущия сподо́би, да сла́влю Тя во вся ве́ки.

Песнь 9

Ирмос: Образ чи́стаго рождества́ Твоего́, огнепали́мая купина́ показа́ неопа́льная; и ны́не на нас напа́стей свирепе́ющую угасити молимся пещь, да Тя, Богородице, непреста́нно велича́ем.

Да ра́достно пе́нии благода́рственными почеству́ю Тя, и во всем животе́ мое́м велича́ю, Отрокови́це, изба́ви мя от уст льва, лю́те рыка́юща и поглоти́ти мя и́щуща.

Яви́лася еси́ свяще́нный черто́г и чи́стая, Де́во, пала́та Христа́, пре́жде век и́стинно ца́рствующа и держа́вствующа все́ю тва́рию. Те́мже се́рдце мое́ от нечи́стых страсте́й очи́сти.

Уста́ви пло́ти мудрова́ние и страсте́й, Де́во, молву́ утоли́ прибега́юща к кро́ву Твоему́, Богороди́тельнице, и наде́жды основа́ние Тя иму́ща, и Боже́ственным предста́тельством обогати́вшася и заступле́нием.

Возведо́х ду́шу мою́, Влады́чице, к Тебе́ и всем ра́зумом Ти вве́рихся, да не постыжу́ся во ве́ки, раб Твой, ниже́ врази́ мои́ да посмею́т ми ся мы́сленнии, в час отше́ствия пое́млюще мя.

Стихиры, глас первый. Подобны: Небе́сных чино́в:

Ра́дуйся, Бо́га Всесвята́го хра́ме всесвяты́й; ра́дуйся, царе́й непобеди́мая де́рзосте, всех предста́тельство земноро́дных; ра́дуйся, глубино́ безме́рная, недомышля́емая высоте́; ра́дуйся, ра́досте скорбя́щих и утеше́ние.

Ра́дуйся, Отца́ Пребезнача́льнаго Неве́сто Всенепоро́чная; ра́дуйся, Собезнача́льнаго Сы́на Ма́ти и Де́во; ра́дуйся, чистоты́ сосу́де, Яже Ада́му Еде́м отве́рзшая; ра́дуйся, о́блаче всесве́тлый, ве́рных согрева́яй и покрыва́яй.

Ра́дуйся, Непристу́пнаго Све́та черто́же Боже́ственный; ра́дуйся, село́ благопло́дно, прозя́бшее Клас; ра́дуйся, злополу́чных наде́жное исправле́ние; ра́дуйся, мо́сте, всех к животу́ преводя́й моле́ньми Твои́ми.

Стра́сти разли́чный обурева́ют смире́нную мою́ ду́шу и в глубину́ влеку́т отча́яния; предвари́в мя, спаси́ я́ко Блага́я, к Тебе́ бо прибего́х, кре́пкому и держа́вному предста́тельству, да не отпаду́ проше́ния.

Канон Пресвятей Богородице во вторник

Творение святаго Иоанна Евхаитскаго, такожде и Мавропод нарицаемаго

Песнь 1

Ирмос: Твоя́ победи́тельная десни́ца боголе́пно в кре́пости просла́вися; та бо, Безсме́ртне, я́ко всемогу́щая,проти́вныя сотре́, изра́ильтяном путь глубины́ новосоде́лавшая.

Уста́ моя́ испо́лни, Чи́стая, Божественныя хвалы́, я́ко да воспою́ Твою́ сла́ву, Всепе́тая, и велича́ю на всяк день велелепие честно Тя Возвели́чившаго.

Да́руй ми плач веселия и утешения Боже́ственнаго вино́вен, ра́досте и уте́хо правосла́вных, Богоро́дице Влады́чице, ра́дование ми́ру и

спаса́ние источи́вшая.

Яко одушевленное но́вое небо, пра́вды возсия́ла еси́ Со́лнце,Отрокови́це, и прозябла́ еси́, я́ко слове́сный и та́йный рай, Дре́во живоно́сно, от Него́же яду́ще не умира́ем.

Превы́шши была́ есй, Чистая, тва́рей, Бо́га вопло́щшая, те́мже молю́ся: от страсте́й гное́ния мя возста́ви и к Боже́ственней высоте́ безстра́стия возведи.

Песнь 3

Ирмос: Еди́не ведый челове́ческаго существа́ не́мощь и милостивно в не́ вообра́жься, препоя́ши мя с высоты́ си́лою, е́же вопи́ти Тебе́: Свят одушевле́нный Храм неизрече́нныя сла́вы Твоея, Человеколюбче.

Едина естество́ челове́ков обо́жши, Всенепоро́чная, от преесте́ственнаго Рождества́ Твоего́ испроси́ грехо́в проще́ния на́ших и весе́лия ве́чнующа, Пресвята́я Де́во Всепе́тая.

Страно́, Клас живота́ безсе́менно израсти́вшая и невозде́ланно процве́тшая, гла́дом иста́явшу бра́шна Боже́ственнаго ду́шу мою́

утверди́ хле́бом Бо́жиих дел, доброде́телей еле́ем утучня́ющи.

Из Тебе́ процвете́ нам Цвет безгре́шен, облагоуха́яй все челове́чество ми́ром¹⁸ Боже́ственным Его́ естества́, Отцу́ Собезнача́льный и от Тебе́ под вре́менем бы́вый, Мари́е Всенепоро́чная.

Виде́ние зра́ка Твоего́ честна́го а́нгелом гове́йно, челове́ком же есть спаса́тельно, и стра́шно лука́вствия духово́м; его́же ве́рою чту́ще и лобыза́юще, Богоро́дице, душа́ми просвеща́емся.

Песнь 4

Ирмос: Гору Тя благода́тию Бо́жиею приосене́нную, прозорливыма Авваку́м усмотрив очи́ма, из Тебе́ изы́ти Изра́илеву провозглаша́ше Свято́му, во спасе́ние на́ше и обновле́ние.

Го́ру Тя провиде Даниил несеко́му, приосене́нну же Авваку́м, усыре́нну Дава́д; го́ру ину святу, явле́нну и ту́чну, Всепе́тая, в ню́же всела́тися Бог благоволи.

Боже́ственную зна́ем пала́ту Сло́ва Тя, в Ню́же пло́тски Всели́выйся новосотвори́ ны истле́вшия страстьми; те́мже Чистую Богома́терь Тя чтим и от Тебе́ Рожде́ннаго сла́вим.

Боже́ственное Тя разуме́ем и непоро́чно зерца́ло, а́ко прие́мшу сияние Боже́ственныя Зара́, и сию́ облиста́вшу пло́тски миру всему́, Всепе́тая, во спасе́ние пою́щих Тя.

Храм Тя ве́мы Бо́жий преочище́нный,Творца́ небеса́м и всей тва́ри, Чистая, те́мже Ти вопие́м: хра́мы Ду́ха Бо́жия соде́лай ны, те́плым Твоим моле́нием от Него́ обога́щшияся.

Песнь 5

Ирмос: Просвети́вый сия́нием прише́ствия Твоего́, Христе́, и освети́вый Кресто́м Твоим ми́ра концы́, сердца́ просвети́ све́том Твоего́ богоразу́мия правосла́вно поющих Тя.

Исцели души́ моей боле́зни, Пречи́стая: родила́ бо еси́ боле́зни на́ша Исце́льшаго страда́нии Его́ спаси́тельными и всечестны́ми, да

ве́рою велича́ю Тя.

Оскве́рншуюся окая́нную ду́шу мою́ страстьми́, иссо́пом Боже́ственнаго моле́ния Твоего́ очи́сти, Нескве́рная, подаю́щи спасе́ния той оде́жду пресве́тлу.

Тя гото́вую ко е́же спаса́ти по́мощь стяжа́х, сего́ ра́ди Ти припа́даю и вопию́ со слеза́ми: Богоро́дице, изба́ви мя стрел чужда́го и бу́дущаго муче́ния.

Ты кре́пость моя́, Ты и похвала́ и весе́лие и храни́ло мое́, заступле́ние же и прибе́жище и необори́мо предста́тельство, сего́ ра́ди спаси раба́ Твоего́.

Песнь 6

Ирмос: Обы́де нас после́дняя бе́здна, несть избавля́яй, вмени́хомся я́ко о́вцы заколе́ния, спаси́ лю́ди Твоя́, Бо́же наш: Ты бо кре́пость немощству́ющих и исправле́ние.

Разве́явши, Де́во, моле́нии Твои́ми лопа́тою Ду́ха сто́ги грехо́в мои́х, очи́сти се́рдца моего́ гумно́, дале́че от него́ всяк плевовидный творя́щи по́мысл.

Зря́щи мое́ озлобле́ние, Всенепоро́чная, имже душа́ держи́ма есть во Египте страсте́й, я́ко плинфотворя́щая¹⁹ бре́ние пло́ти, ско́ро гряди и рабо́ты безче́стныя мя изба́ви.

Стряса́юся утро́бами и сообраща́юся, вре́мя скончава́емо живота́ моего́ зря и мене́ само́го всегда́ претыка́ющася и ра́нам прилага́юща ра́ны и я́звы.

Ны́не приближися, душе́, коне́ц, приближися; отложи́ у́бо вся тьмы и но́щи дела́ лю́тая и в све́та ору́жие облецы́ся, ходити я́ко во дни,творя́щи благообра́зная.

Седален, глас первый. Подобен: Лик а́нгельский:

День та́инствен показа́ла есй, Де́во, Со́лнце Христа́ возсия́вши всем во тьме неве́дения су́щим, Богоневе́сто. Те́мже вси Тобо́ю просве́щшеся, блажим Тя по до́лгу, я́ко вину́ челове́ков назда́ния²⁰.

Песнь 7

Ирмос: Тебе́ у́мную, Богоро́дице, пещь разсмотря́ем вернии: я́коже бо о́троки спасе́ три Превозноси́мый, мир обнови́, во чре́ве Твое́м всеце́л, хва́льный отце́в Бог и препросла́влен.

Све́тлый Влады́ки чертеже, ра́дуйся, Всечу́дная, Чи́стая; ра́дуйся, стено ве́рным; ра́дуйся, ле́ствице, вводя́щая в Боже́ственный поке́й сладкопою́щих Рождеству́ Твоему́: хва́льный отце́в Бог и препросла́влен.

Егоже не вмеща́ет не́бо вмести́ла еси́, я́ко ши́ршая небе́с, Богоре́дице, слове́сное не́бо и одушевле́нное, сотво́ршаго небеса́ ве́лею еди́наго Бога, небесе́ и земли́ удобре́ние.

Да бу́дет бог челове́к, из Тебе́ воплоти́ся Бог, егоже моли́ приле́жно, Всенепоре́чная, спасти́ся рабом Твои́м наве́тов чужда́го, и лю́таго пла́мене гее́ннска и вся́кия скорби.

Юже во мне ле́ность, Влады́чице, и дрема́ние тя́жкое бде́нными к Богу Твои́ми, молю́ся, моле́ньми, Нескве́рная, отжени́, и воспева́юща мя уще́дри: хва́льный отце́в Бог и препросла́влен.

Песнь 8

Ирмос: В пещи́ о́троцы Изра́илевы, я́коже в горни́ле, добро́тою благоче́стия чисте́е зла́та блеща́хуся, глаго́люще: «Благослови́те, вся дела́ Госпо́дня, Го́спода, по́йте и превозноси́те во вся ве́ки».

Яко от корене Иессе́ова прозя́бшая, износи́ши Цвет, Богороди́тельнице, неувяда́емь Христа́, сеге́ ра́ди молю́ся: страсте́й мои́х вся из коре́не возми́ те́рния, и Боже́ственный страх всади́ ми, Отрокови́це.

Яко красну́, я́ко преудобре́нну, я́ко Непоро́чну Тя Де́ву, я́ко Неве́сту избра́нну, я́ко Чисту Отроковицу де́вственну, я́ко нескве́рну

и свя́ту Тя воспева́ем и любовию покланя́емся Благослове́нней во вся ве́ки.

Тебе́ и сте́ну, и прибе́жище, и ле́ствицу, к высоте́ преводя́щую челове́ки, Де́во Мариа́м, зря́ще, вопие́м: благословите, вся дела́ Госпо́дня, Го́спода, по́йте и превозносите во вся ве́ки.

Свята́я земле́ и избра́нная, на нюже покрыва́лом неве́рствия покрове́ни сумня́щихся помысло́в николиже ступа́ху но́зе, ум мой земных покажи попече́ний превы́шш, и землй кро́тких сподо́би мя.

Песнь 9

Ирмос: Образ чистаго рождества́ Твоего́, огнепали́мая купина́ показа́ неопа́льная; и ны́не на нас напа́стей свире́пеющую угасити мо́лимся пещь, да Тя, Богоро́дице, непреста́нно велича́ем.

Гора́ Бо́жия, Всесвята́я, Юже десница предсоде́я Госпо́дня, в погибельных мя заблужда́юща гора́х, стремнинами же и про́пастьми отрева́ема, взыска́вши, к горе́ доброде́телей руково́дствуй.

Уже́ неве́стник угото́вася и че́ртог украси́ся бра́чный, и вхо́дят с ра́достию соблю́дшии чистоту́ нерастле́нну, аз же един, Богоро́дице, во тьму оты́ду.

Зако́ны Бо́жии отверго́х и зако́ну греха́ себе порабо́тих, ума́ зако́ну не повину́выйся, окая́нный; зако́нов Утаи́вшаяся естества́ в

честнем Твоем рождестве, зако́ны пло́ти моея́ покори́.

Да глубину́ безме́рную щедро́т пока́жеши Твоея́ бла́гости и благоутро́бие Сы́на Твоего́, Всепо́тая, па́че всех и мне согро́шшему, проще́ние пода́ждь и рая́ жили́ще.

Стихиры, глас первый. Подобны: Прехва́льнии му́ченицы:

Ра́дуйся, гра́де одушевлен Бо́жий; ра́дуйся, Ма́ти До́во; ра́дуйся, раю́, живота́ Дре́во посреде́ прозябы́й, Христа́ Жизнода́вца и Го́спода, Его́же умоли́ ма́терними Твои́ми ны́не мольба́ми изба́вити от бед рабы́ Твоя́.

Ра́дуйся, покро́ве Бо́жий, горо́ неискусобра́чная, ю́же Авваку́м ви́де; ра́дуйся, многовожделе́нная добро́то, Богоро́дице; ра́дуйся, Боже́ственная трапе́зо, Хлеб Небе́сный нося́щая, Христа́ Го́спода, Его́же моли́ рабы́ Твоя́ вся́каго изба́вити озлобле́ния.

Ра́дуйся, пала́то Бо́жия Сло́ва, Всенепоро́чная, в ню́же Всели́выйся обнови́ истле́вшия вся; ра́дуйся, Клас жи́зни изра́стшая безсе́менно, Богоро́дице Всепе́тая, Его́же ны́не умоли́ препита́ти дея́ний доброде́тельных хле́бом ду́шу мою́, молю́ся.

Мно́гих обурева́ют мя лю́тых прило́зи, Богоневе́сто, ско́рби различны и ра́ны, бед пучи́на ны́не покрыва́ет раба́ Твоего́, Нескве́рная,

к кому́ прибе́гну, окая́нный? То́кмо к Тебе́, Благоутро́бней: по ми́лости Твое́й у́бо, Влады́чице, уще́дри мя и спаси́ моле́нии Твои́ми.

Канон Пресвятей Богородице в среду

Творение Фотия, Святейшаго Патриарха Константинопольскаго, егоже краегранесие: пе́рвое моле́ние Всечи́стей Де́ве Фо́тиево

Песнь 1

Ирмос: Твоя́ победи́тельная десни́ца боголе́пно в кре́пости просла́вися: та бо, Бессме́ртие, я́ко всемогу́щая, проти́вныя сотре́, изра́ильтяном путь глубины́ новосоде́лавшая.

Две́ре Све́та у́мнаго, покая́ния ми две́ри отве́рзи, и ум мой просвети, мрак те́мный отгоня́щи греха́ и страсте́й, Всенепоро́чная.

Изба́ви ду́шу мою, Блага́я, от насильства лю́таго змия, у́дою страсте́й сию́ низводя́ща лука́вою ле́стию в погибели ров.

Яко благах па́че ума́ я́вльшися челове́ком Хода́таица, Пречистая, сице и мне спасе́ния хода́тайственна ве́чнующаго и весе́лия бу́ди.

Иже вся хоте́нием Свои́м созда́вшее держа́вою Божества́, Сло́во Соприсносу́щее, Сего́, Нескве́рная, во утро́бе Твое́й вмести́ла еси́, на благодея́ние всем земноро́дным вопло́щшееся.

Песнь 3

Ирмос: Едине ве́дый человеческаго существа́ не́мощь и ми́лостивно в не́ вообра́жся, препоя́ши мя с высоты́ си́лою, е́же вопи́ти Тебе́: Свят одушевле́нный Храм неизрече́нныя сла́вы Твоея, Человеколюбче.

Покро́ве и избавле́ние на́ше, стено́ и держа́во благохва́лящих Тя, Многопе́тая, вся́ческих мя изми́ скорбе́й и обстоя́ний жите́йских, вы́ну соблюда́ющи, я́ко да сла́влю Тя.

Влады́чице ми́ра Блага́я, еди́наго Щедролю́бца, благоутро́бия иму́ща пучи́ну и воплоти́вшася от всенепоро́чных Твои́х крове́й, умоли́ уще́дрити мя, безме́рными содержи́ма злы́ми.

Иму́щи состра́стие мно́гое и утро́бы любощедро́т и па́че ума́ благосты́ню, на мне сия́, Всенепоро́чная, покажи́, к Тебе́ притека́ющем, и согреше́ний безчи́сленных ми оставле́ние да́руй.

Утро́ба Твоя́ яви́ся вои́стинну, Присноде́во Мари́е, ши́ршая небе́с, вмести́вши Царя́ и Творца́ всего́, вся́кою тва́рию невме́стна, си́лою Его́ Божества́.

Песнь 4

Ирмос: Го́ру Тя благода́тию Бо́жиею приосене́нную, прозорли́выма Авваку́м усмотри́в очима, из Тебе́ изы́ти Изра́илеву провозглаша́ше Свято́му, во спасе́ние на́ше и обновле́ние.

Спаси́ мя, Де́во Неискусобра́чная, спаси́ мя, да не пре́зриши, Блага́я, оби́дима лю́тыми сластьми́ и страстьми́, и по́мыслы скве́рными и лука́вствия испо́лненными, и де́монскими стуже́нии.

Яко моле́бник прихожду́, Нескве́рная, и вопию́ от те́плыя и боле́знующия души́: поми́луй мя и изба́ви огня́ ве́чнаго му́ки к Бо́гу Твои́ми непоро́чными моле́нии.

Пло́ти моея́ изнуре́ние, души́ же разслабле́ние кре́пкою ма́ния Твоего́, Честна́я Влады́чице, си́лою обнови́, поле́зное сим яве исцеле́ние подаю́щи ко е́же де́яти во́лю Бо́жию.

Ве́лие и всечестно́е та́инство сокрове́ннаго Бо́жия сове́та в Тебе́ всеи́стинно, Чи́стая, яви́ся, я́ко существо́м Невмести́мый все́ю тва́рию, во чре́ве Твое́м Сам вмести́лся есть.

Песнь 5

Ирмос: Просвети́вый сия́нием прише́ствия Твоего́, Христе́, и освети́вый Кресто́м Твои́м ми́ра концы́, сердца́ просвети́ све́том Твоего́ богоразу́мия правосла́вно по ю́щих Тя.

Све́щниче златы́й, Боже́ственную Свещу́ име́яй, страсте́й мои́х мрак разгна́вши, Боже́ственнаго раче́ния пла́мень в се́рдце мое́м, Богороди́тельнице, разжзи́.

Многоплете́нныя ухищре́ния и кова́рства зми́я льсти́ваго, Де́во, расто́ргни, и́же на раба́ Твоего́ умышля́ет лука́вствием, я́ти мя поку ша́яся.

Вознедоуме́в от вся́кия по́мощи челове́ческия, к Твоему́, Нескве́рная, скоре́йшему за ступле́нию с благогове́нием притеко́х: Твоего́ промышле́ния и благоволе́ния мя сподо́би.

Зако́ннии Тя и сено́внии предъявля́ху о́брази дре́вле Богоро́дицу бы́ти Чи́стую, мы же иму́ще де́лом сих сбытие́, непреста́нно воспева́ем Тя.

Песнь 6

Ирмос: Обы́де нас после́дняя бе́здна, несть избавля́яй, вменихомся я́ко о́вцы заколе́ния, спаси́ лю́ди Твоя́, Бо́же наш: Ты бо кре́пость немощству́ющих и исправле́ние.

Черто́же Бо́жий Всесвятый, моле́ньми твои́ми очи́сти ду́шу мою́, те́ло и ум от скве́рных дел и сту́дных помышле́ний, и Иже из Тебе́ Рожде́ннаго храм сотвори́ мя.

К тишине́ мысленней мя окорми́, бу́рю и смуще́ние страсте́й мои́х укроща́ющи и треволне́ние отгоня́щи сласте́й, Тишину́ Боже́ственную Ро́ждшая.

Вода́ми та́инственных Твои́х моле́ний грехо́в зно́ем иста́явшее се́рдце мое́, Блага́я, испо́лни, и покажи́ плодоно́сно боголюби́вых и богоуго́дных слове́с и дея́ний.

Яко су́щи Чиста́ и Всенепоро́чна, Сло́во нетле́нное прия́ла еси́ во утро́бе Твое́й, и Сего́ родила́ еси́ на избавле́ние земноро́дных от пра́отча осужде́ния.

Седален, глас первый. Подобен: Гроб Твой, Спа́се:

Безсе́менно Христа́ еди́на зачала́ еси́, чу́до па́че ума́: ка́ко Де́ва еси́ и Ма́ти? Те́мже Богоро́дицу Тя кла́няющеся сла́вим: Ты бо родила́ еси́ Царя́ Сла́вы, Его́же моли́ умири́ти мир и спасти́ ду́ши на́ша.

Песнь 7

Ве́рою мно́гою и любо́вию прихожду́ к Боже́ственному покро́ву Твоему́, Чи́стая; Ты мне бу́ди прибе́жище, Ты и очисти́лище, Ты мя изба́ви скорбе́й, напа́стей и искуше́ний, Богоро́ дице, неду́гов и озлобле́ний.

Восто́че Со́лнца, Влады́чице, у́мнаго, я́ко Ми́лостивая, заре́ю всесве́тлою Боже́ственнаго моле́ния Твоего́ просвети́ покая́ния ми зарю, изгоня́щи мра́чную мглу́ страсте́й и грехопаде́ний мои́х.

Изба́ви ны, благохва́лящия Тя, от наси́льства врага́, и́щуща безу́мно погубле́ния на́шего, и сего́ отщети́ лукавство́, Всенепоро́чная, и ухищре́ние все его́ си́лою Твое́ю помрача́ющи.

Престо́л Бо́жий и черто́г одушевле́н, Богороди́тельнице, уве́девше ве́рнии Тя вои́стинну, ве́рою вопие́м: спаси́ рабы́ Твоя́ от всех обстоя́ний, я́ко да при́сно благословля́ем, Чи́стая, и покланя́емся Тебе́.

Песнь 8

Ирмос: В пещи о́троцы Изра́илевы, я́коже в горни́ле, добро́тою благоче́стия чисте́е зла́та блеща́хуся, глаго́люще: «Благослови́те, вся дела́ Госпо́дня, Го́спода, по́йте и превозноси́те во вся ве́ки».

На ка́мени поста́ви безбе́днем Бо́жия любве́ восхо́ды души́ моея́, и от страсте́й при- ло́га сохрани́ ю́ невла́ему²¹, Богоро́дице, да тве́рдым се́рдцем воспева́ю и сла́влю Тя ве́рно во ве́ки.

Вжили́²² мя, Влады́чице, си́лою серде́чною, кре́постию Твое́ю на стра́сти препоясу́ющи и соблюда́ющи невре́дна от сих обдержа́ния и го́рькаго мучи́тельства, да Тя сла́влю при́сно благохвале́нием.

О, Де́во, Честна́я Влады́чице, душа́ моя́ по Писа́нием вслед Тебе́ прилепи́ся²³; сего́ ра́ди простри́ десни́цу Твою́ нескве́рную и во всех заступи́ мя, покрыва́ющи, снабдева́ющи и ра́дости ве́чныя сподобля́ющи.

Светоно́сное селе́ние Бо́жие яви́лася еси́, Богоро́дице, одушевле́нна же и чисте́йша пала́та честна́я, и престо́л огнезра́чен нестерпи́маго Бо́жия Существа́; те́мже Тя воспева́ем ве́рнии и сла́вим во ве́ки.

Песнь 9

Ирмос: Образ чистаго рождества́ Твоего́, огнепалимая купина́ показа́ неопа́льная; и ны́не на нас напа́стей свире́пеющую угасити мо́лимся пещь, да Тя, Богоро́дице, непреста́нно велича́ем.

Я ви́лася еси́ заря́ чистоты́, всю тварь превосходя́щи, Всенепоро́чная, но приими́ мя, скве́рнами омрачи́вша сласте́й па́че вся́каго челове́ка ду́шу и те́ло, и Твои́ми мольба́ми очи́сти.

Стезя́ми Боже́ственными покая́ния отводя́щи, ду́шу мою́ возврати́ от пути́, вводяща́го в смерть и па́губу и́стинно ве́чную, Мари́е Богороди́тельнице, гре́шников очище́ние.

Вску́ю мя отри́нула еси́, Свет оче́й мои́х и ра́дование се́рдца моего́, и искуше́ния мя обыдо́ша? Но уще́дри и спаси́ от всех оскорбля́ющих, ско́рбных утеше́ние.

Песнь благогове́йно прино́сим безсе́менному Твоему́ Рождеству́ Тобо́ю, Влады́чице всех Чисте́йшая, и Тебе́ непреста́нно сла́вим, моля́ще изба́вити му́ки правосла́вно Тя чту́щих и ве́рою правосла́вною почеству́ющих.

Стихиры, глас первый. Подобны: Небе́сных чино́в:

Ра́дуйся, горо́ ту́чная и богопрохо́дная; ра́дуйся, а́нгелов многослову́щее чу́до, кре́посте му́чеников; ра́дуйся, чи́стая иере́ов красото́ и ни́щих безбе́дное сокро́вище; ра́дуйся, сла́во чту́щих Тя.

Ра́дуйся, ца́рская держа́во и сто́лпе неколеби́мь; ра́дуйся, ве́рных сла́во, Богоро́дице Де́во, исправле́ние па́дающих; ра́дуйся, Чи́стая, диа́вола низложе́ние и неве́жствия вся́каго, зане́ Христа́, упова́ние всех родила́ еси́.

Ра́дуйся, небе́снаго кру́га звездо́ светле́йшая, связу́ющая вся, я́ко зве́зды, ча́да Твоя́ вку́пе, правосла́вныя христиа́ны, и я́ко Ма́ти любе́зная покрыва́ющи и гре́ющи сих, и небе́сных сподобля́ющи оби́телей.

Кто пове́сть, Де́во, Твоя́ чудеса́? Его́же не мо́гут зре́ти а́нгелов чи́ни, носи́ла еси́ я́ко престо́л херуви́мск. Сего́ испроси́, Пречи́стая, в бу́дущий стра́шный день всем изба́витися му́ки.

Канон Пресвятей Богородице в четверток

Творение святаго Андрея Критскаго

Песнь 1

Ирмос: Песнь победную поим вси Богу, сотво́ршему дивная чудеса́ мы́шцею высокою и спа́сшему Изра́иля, я́ко просла́вися.

Песнь моле́бную Богородице, ве́рнии, принесе́м, очище́ния прося́ще прегреше́ний на́ших, и от врага́ избавле́ния, и душа́м спасе́ния.

Милости Бе́здну ро́ждши, помилуй, уще́дри не́мощь мою́, Богора́дованная, и к све́ту умиле́ния руково́дствуй.

Вознесо́хся аз, окая́нный, мне́нием, возвы́сихся мудрова́нием и в про́пасть впадо́х прегреше́ний: покая́нием мя, Нескве́рная, па́ки испра́ви.

Вез числа́ оглаго́ланьми грехо́в отягче́н, к Тебе́ припа́даю, Чи́стая: яви́ мя те́пле ка́ющася и ми́лостивна ми Судию́ сотвори́, Влады́чице.

Песнь 3

Ирмос: Да утверди́тся се́рдце мое́ в во́ли Твое́й, Христе́ Бо́же, Иже над вода́ми не́бо утвержде́й второ́е, и основа́вый на вода́х зе́млю, Всеси́льне.

Согреши́вый па́че всех челове́к еди́н есмь аз, и сего́ ра́ди к Тебе́ вопию́, Всенепоро́чная Влады́чице: помози́ рабу́ Твоему́ проще́ние получи́ти .

Отягче́на страстьми́ и треволне́нии потопля́ема льстивому́дрый пополза́ется мя восхи́тити, но изба́ви мене́, Блага́я, и к све́ту возведи́ покая́ния.

Аз, Де́во Всесвята́я, дре́во есмь зло́е, увы́, и безпло́дное; е́же сотворити ми плод добр и Боже́ствен пода́ждь, и испо́лни мя благода́ти Христо́вы и сла́дости.

Яви́ мне стезю́ спаси́тельну, е́юже Ца́рство Небе́сное насле́дую недосто́йный раб Твой, Блага́я, и услы́шу песнь Трисвяту́ю, ра́дуяся.

Песнь 4

Ирмос:«Услы́шах, Го́споди, слух Твой и убоя́хся, разуме́в дела́ Твоя́», проро́к глаго́лаше, «и просла́вих си́лу Твою́».

Мы́сленныя, я́коже исполи́ни, стра́сти трие́ на бе́гство мя устроя́ют: уны́ние, забве́ние и неве́жство. Но Ты, Богоневе́сто, Помо́щнице моя́, сих низложи́.

Дмя́щимся мудрова́нием и превознося́щимся смы́слом сконча́х житие́ мое́, но Ты смире́ние ми, Богороди́тельнице, пода́ждь и спаси́ мя.

Оскверни́выйся окаля́х блуда́ми ду́шу мою́, де́монов пребыва́лище быв, окая́нный: Пречи́стая Ма́ти, очи́сти.

Всесвята́я Богоневе́сто, утеше́ние оскорбля́емых, челове́ков прибе́жище, утвержде́ние ве́рных, спаси́ мя, раба́ Твоего́, молю́ся.

Песнь 5

Ирмос: Твой мир даждь нам, Сы́не Бо́жий, ино́го бо разве Тебе́ бо́га не зна́ем, и́мя Твое́ имену́ем, я́ко Бог живы́х и ме́ртвых еси́.

Острым поще́ния ра́ди путе́м доброде́тели ступа́ти ми, Де́во, легча́е поспешеству́й, я́ко да стра́сти укрощу́ и безстра́стия уви́жду ти́хое приста́нище.

Тобо́ю еди́ным прибе́жищем бога́тствуем, Чи́стая, вси Бо́га зле прогне́вавшии и грехми́ отягче́ни, я́ко да Твои́ми мольба́ми к Нему́ очи́стимся.

Поще́ньми и моле́ньми иногда́ Ниневи́я ми́лостивна ей еди́наго Человеколю́бца в покая́нии соде́я, аз же, Богома́ти, к Тебе́ ны́не прибега́ю.

Растли́вый Боже́ственную оде́жду креще́ния, ин несть я́ко аз всескве́рный. Те́мже вопию́ Ти: не пре́зри мя, но спаси́ неключи́ма раба́.

Песнь 6

Ирмос: Проро́ка Ио́ну подражая́, вопи́ю: живо́т мой, Бла́же, свободи́ из тли, и спаси́ мя, Спа́се ми́ра, зову́ща: сла́ва Тебе́.

Вины́ страсте́й не отсека́ю отню́д и безстра́стия ищу́ в моли́твах вы́ну, Всепе́тая: окамене́ния моего́ изба́ви и спаси́ мя.

Превзыдо́х вои́стинну содо́мляны студоде́йствуяй, и страшу́ся, да не огнь потреби́т ме не́ та́мо, Богоневе́сто: сего́ искуше́ния изми́ и спаси́ мя.

Стеню́, трепе́щу и вопию́: не пре́зри мя, Чи́стая, в стра́сти всеце́ло впа́дшаго лю́тыя, но уще́дри и к покая́нию руково́дствуй.

Живу́щ а огражда́й мя при́сно, избавля́ющи искуше́ний, исходя́ща же от земли́ к жи́зни ве́чней путенаста́ви, Матероде́во, благоутро́бием Твои́м.

Седален, глас первый. Подобен: Лик а́нгельский:

Пода́ждь ми, Чи́стая, умиле́ния то́ки, слез оби́льное и бога́тое пролия́ние, бе́здну источи́вшая бла́гости и щедро́т, возража́ющу зол наводне́ние, уставля́ющу финики́йский страсте́й мои́х ток и безчи́нно взира́ние.

Песнь 7

Ирмос: Пещь, Спа́се, ороша́шеся, о́троцы же, лику́юще, поя́ху: «Благослове́н есй, Бо́же оте́ц на́ших».

Облак Тя вем, Богоневе́сто, Со́лнца сла́вы заче́нший, световодя́щаго вся нощеобра́зная моя́ прегреше́ния.

Изсуши́вши сады́, Богоневе́стная, помысло́в и безме́стных мои́х дея́ний, при́сно прозяба́ти мя доброде́тели плоды́ сотвори́.

Наг есмь доброде́телей оде́жды и измета́юся черто́га бра́чна дале́че; Христа Ро́ждшая, в нетле́ние мя облецы́.

Уязвля́ти мене́ непреста́нно не оставля́ет, Де́во, со́весть извну́трь, но измени́ мя ско́рым Твои́м заступле́нием.

Песнь 8

Ка́ко пребыва́еши безпеча́льна, окая́нная душе́, ка́ко забве́нию предала́ еси́ дела́ сту́дная? Разгни́ сия́ Ма́тери Бо́жии, да хода́тайствует к Рожде́нному от Нея́.

Подо́бен бых иже дре́вле Исма́илу, досажда́яй себе́ я́ко друго́му Исаа́кови, сего́ ра́ди от до́ма изгоня́юся Авраа́мля, го́рняго уде́ла.

Отчуждивый себе́ небе́снаго оте́чествия́, в чужды́я приидо́х гра́жданы и разбо́йники, яды́й бра́шно чужде́е стад свины́х; Ты у́бо, Богоро́дице, я́ко блу́днаго мя спаси.

Чистоты́ разорих печа́ти безсту́дно; чистоты́ ро́ждши Христа́ Насадителя, чисте жити про́чее вре́мя живота́ моего́ сотвори́, Богома́ти.

Песнь 9

Ирмос: Светоно́сный о́блак, во́ньже всех Влады́ка я́ко дождь с небесе́ на руно́ сни́де, и воплоти́ся нас ра́ди, быв Челове́к, Безнача́льный, велича́ем вси, я́ко Ма́терь Бо́га на́шего Чистую.

Бо́га ви́дети сподо́бися Авраа́м, страннолю́бием, я́ко бе долг²⁴, подвиза́вся, аз же ску́постию странноненави́стие возыме́вый, досто́йно в гее́нну отве́ржен есмь, но Ты, Богоро́дице, изми мя та́мошняго муче́ния.

Струя́ми блудница сле́зными Христо́вы стопы́ нескве́рныя жа́лостивно омы́вши, грехо́в разреше́ние обре́те ско́рое, аз же, Чистая, припа́дая Ти, всем се́рдцем моим стеню и страсте́й прошу́ изба́вити мя.

Ум, ду́шу и те́ло и про́чая моя́ чу́вства Тебе́ возлага́ю, Всенепоро́чная: сия́ сохрани́ неврежде́ны от стрел лука́ваго, и даждь умиле́ние е́же пла́катися приклю́чшихся ми страсте́й, леня́щуся и живу́щу безпе́чно.

От ле́ности в забве́ние, в безстра́шие от забве́ния, от безстра́шия во глубину́ впады́й греха́, к Тебе́, Богома́ти, взыва́ю: ру́ку мне простри́ и спаси́ мя, я́ко спасе́ Петра́ Сын Твой от мо́ря го́рька.

Стихиры, глас первый. Подобны: Прехва́льнии му́ченицы:

Ра́дуйся, колесни́це Бо́жия; ра́дуйся, всех Цари́це; радуйся, Влады́чице тва́ри; ра́дуйся, лозо́, поро́ждшая Гро́зд, вино́ иска́паяй, веселя́щее ве́рою пою́щия, велича́ющия и чту́щия Тя, Всепе́тая, я́ко Ма́терь Христа́ Бо́га на́шего.

Ра́дуйся, Боже́ственное селе́ние Христо́во; ра́дуйся, Преблагослове́нная; ра́дуйся, всечу́дная Влады́чице; радуйся, Яже непоро́чнаго Тельца́ ро́ждшая, Юнице неневе́стная, Христа́ Жизнода́вца и Го́спода, Его́же ны́не моли́ ма́терними Твои́ми мольба́ми изба́вити от бед рабы́ Твоя́.

Ра́дуйся, кни́го одушевле́нная Бо́жия, Сло́во Всесвято́е нося́щая написа́нно; ра́дуйся, неопа́льная купино́; радуйся, Де́во, всесве́тлый о́блаче, Христа́, у́мнаго су́щне²⁵ Со́лнца возсия́вшая человеком; радуйся, Нескверная, злополу́чным готовая помоще.

Неду́гующую люте лука́внейшими страстьми ду́шу мою, Всепетая, исцели, я́ко Врача и Спаса всех рождшая, вся́ку я́зю врачу́юща, диа́вольское уя́звльша злоу́мие и смерти нас изменшаго.

Канон Пресвятей Богородице в пяток

Творение святаго Иоанна Дамаскина, яко зрится в последних Богородичнах

Песнь 1

Ра́дости вина́, облагода́тствуй ум мой, и све́том Твои́м осия́й, Чи́стая, ду́шу и смысл, я́ко да вопию́ ра́достно со арха́нгелом благода́рственную песнь, Обра́дованная.

Боже́ственную всезлату́ю ста́мну, внутрь Ма́нну иму́щую, све́тло ве́рнии воспои́м, «ра́дуйся» Той вопию́ще: ра́дуйся, конце́й наде́ждо и спасе́ние пою́щих Тя.

Облаче, ра́дуйся, всесве́тлый, ве́рныя осеня́яй; све́щниче, ра́дуйся, седмосве́тлый, я́коже проро́к дре́вле прови́де Тя, Ду́ха Свято́го де́йство в душе́ нося́щу, Всечи́стая.

Кре́пость, Де́во, и утверже́ние и похвала́ бу́ди мне, рабу́ Твоему́, ны́не во мно́жество скорбе́й всеразли́чных и искуше́ний впа́дшу; ути́ши молву́, упова́ние мое́, ра́досте и весе́лие.

Песнь 3

Ра́дуйся, Превы́шшая безпло́тных всех сил; ра́дуйся Неневе́стная Де́во, ро́ждшая безсе́менно Христа́ Бо́га, Ему́же пое́м: вознесы́й рог наш, Свят еси́, Го́споди.

Ра́дуйся, царе́й благочести́вых диади́мо честна́я; ра́дуйся, му́чеников Боже́ственная кре́посте и огнезра́чный престо́ле Христа́ Бо́га, Ему́же пое́м: вознесы́й рог наш, Свят еси́, Го́споди.

Мно́жество согреше́ний и бед погружа́ет мя окаи́ннаго, но в приста́нище утеше́ния и весе́лое прибе́жище Твоея всемо́щныя благода́ти напра́ви, яко да при́сно пою́ Тя, Всепе́тая.

О, па́че ума́ Твои́х и неизрече́нных чуде́с, Богоневе́сто! Ко́ко и де́вствуеши, Собезна́чальнаго ро́ждши Сло́ва Отцу́ и Ду́ху Боже́ственному, Ему́же песнопое́м непреста́нно ве́рнии: Свят еси́, Го́споди.

Песнь 4

Ирмос: Жезл из ко́рене Иессе́ова, и Цвет от него́, Христе́, от Де́вы прозя́бл еси, из горы́, Хва́льный, приосенене́нныя ча́щи, прише́л еси́ вопло́щся от Неискусому́жныя, невеще́ственный и Бо́же, сла́ва си́ле Твое́й, Го́споди.

Ра́дуйся, иере́ов благогове́йных оде́ждо и преподо́бных удобре́ние; пра́ведных, ра́дуйся, ра́досте и му́ченик похвало́; радуйся, ста́рцев же́зле и кре́посте вопию́щих: сла́ва си́ле Твое́й, Го́споди.

Ра́дуйся, слове́сная Голуби́це, преста́тие неве́рия нося́щая и к ве́ре Боже́ственней та́инственно привле́кшая я́же во тьме неве́жствия, Де́во, держи́мыя, ны́не же вопию́щия ве́рно: сла́ва си́ле Твое́й, Го́споди.

Жезло́м Боже́ственнаго ма́ния Твоего́ невла́жное мое́ се́рдце отве́рзши, слез исто́чники излива́ти и ре́ки, Богоро́дице, сотвори́, да те́ми от скве́рны грехо́вныя омы́вшеся, све́тло Сы́ну Твоему́ яви́тся.

Возни́кни, окая́нная душе́, и воззови́ из глубины́ твои́х зол еди́ному Бо́гу на́шему: согреши́х Ти, Спа́се, но уще́дрив, спаси́ мя Ро́ждшия Тя безму́жно мольба́ми, и ко избра́нным, я́ко Благ, сопричти́.

Песнь 5

Ирмос: Бог сый ми́ра, Оте́ц шедро́т, Вели́каго Сове́та Твоего́ Ангела, мир подава́юща посла́л еси́ нам. Тем богоразу́мия к све́ту наста́вльщеся, от но́щи у́тренююще, славосло́вим Тя, Человеколюбче.

Се Тебе́ е́же «ра́дуйся» ве́рнии вопие́м: ра́дуйся, престо́ле Вы́шняго огнеобра́зный и две́ре спасе́ния нам земноро́дным; ра́дуйся, вселе́нныя услажде́ние, Де́во, и огражде́ние Боже́ственное, и безопа́сное прибе́жище.

Ле́ствица, ю́же ви́де Иа́ков иногда́, челове́ки от земли́ к сла́ве небе́сней возводя́щая, вои́стинну Ты еси́, Всецари́це Мари́е. Те́мже Ти и «ра́дуйся» благода́рне вопие́м, спасе́ни рождество́м Твои́м.

Покро́ве ми́ру и всех ра́досте, ско́ро предваря́ющая и спаса́ющая, уще́дри и ны́не нас, Богоневе́сто Чи́стая, Тя призыва́ющих при́сно во обстоя́нии, предста́тельства бо ино́го по Бо́зе не и́мамы.

Храм я́ко су́щи светови́ден Влады́ки всех и жили́ще, храм и верте́п разбо́йнич мя бы́вша очи́сти и просвети́, и черто́га бра́чна внутрь введи́, Де́во Всенепоро́чная.

Песнь 6

Ирмос: Из утро́бы Ио́ну младе́нца изблева́ морски́й зверь, якова́ прия́т; в Де́ву же все́льшееся Сло́во, и плоть прие́мшее, про́йде сохра́ншее нетле́нну; его́же бо не пострада́ нетле́ния, Ро́ждшую сохрани неврежде́нну.

Ра́дуйся, исто́чниче светоза́рный и неистоща́емый, от него́же све́тлая и чисте́йшая и присноживо́тная вре́ющи вода́ напоя́ет жа́ждущия и ороша́ет пла́менем прегреше́ний дре́вле держи́мыя, и в Боже́ственную вво́дит отра́ду, Влады́чице.

Ра́дуйся, реко́ Бо́жия неисчерпа́емая, вод мно́гих вои́стинну испо́лнена, е́юже вся ороша́ется тварь, воспева́ющи Тя, и веселя́тся се́рдцем вси пла́менем держимии и жа́ждущии воскресе́ния то́ков.

Свет ми све́тлый, пала́то Влады́чня, бу́ди, во мно́жество впа́дшу лютых и спя́щу вся́ко при бла́те неве́дения, и Твоея́ и́щущу Боже́ственныя по́мощи. Ра́зве Тебе́ ино́го не стяжа́х заступле́ния раб Твой, Влады́чице.

Но́вое Не́бо показа́ся светле́йшее: возсия́ла бо еси па́че сло́ва и мы́сли Со́лнце вели́ко и незаходи́мо, безбо́жия нощь, Всесвята́я, разре́шши. Те́мже тварь вся веселя́тся и ра́дуется, и е́же «ра́дуйся» непреста́нно Ти вопие́т.

Седален, глас первый. Подобен: Гроб Твой, Спа́се:

Де́ва вои́стинну пре́жде рождества́, Де́во, Де́ва ви́истинну и в рождестве́ еси; Де́ва Присноде́вственная и по рождестве́ пребыла́ еси, и Де́ву Тя испове́дуем, Де́во, и упова́ем Тобо́ю, Де́во, спастися, де́вственных похвало.

Песнь 7

Ирмос: Отроцы благоче́стию совоспита́ни, злочести́ваго ве́ления небре́гше, о́гненнаго преще́ния не убоя́шася, но посреди́ пла́мене стоя́ще, поя́ху: «Отце́в Боже, благослове́н еси».

Ра́дуйся, Бога Заче́ншая, злополу́чных наде́жное исправле́ние; радуйся, предсто́лпие кре́пкое царе́й и держа́во, и изве́стное заступле́ние вопию́щих: отце́в Боже, благословен еси.

Радуйся, Богороди́тельнице, све́та Твоего просве́щшая заря́ми вселе́нную, темнопа́дшую прегреше́нии, и уясни́вшая ве́рою воспева́ющих: отце́в Боже, благослове́н еси.

Яко дождь на руно́ сше́дый, во чре́ве Твое́м воплоти́ся мира²⁶ Река, благосты́ни Исто́чник, Иже ка́пли дожде́вныя Исчисля́яй: отце́в Боже, благослове́н еси.

Едина ро́ждшая Спа́са па́че ума́ воплоти́вшася, облада́ема лю́тыми мя искуше́ньми и бе́дствующа, Чи́стая, свободи́, и спаси́ пою́ща: отце́в Бо́же, благослове́н еси.

Песнь 8

Ирмос: Чу́да преесте́ственнаго росода́тельная изобрази́ пещь о́браз: не бо я́же прия́т палит ю́ныя, я́ко ниже́ огнь Божества́ Де́вы, в ню́же вниде, утро́бу. Тем воспева́юще воспое́м: да благословит тварь вся Го́спода и превозно́сит во вся ве́ки.

Ра́дуйся, преиму́щая го́рних едина во́инств, Всенепоро́чная Дево; ра́дуйся, Пречу́дная; ра́дуйся, покро́ве земноро́дных; ра́дуйся, мо́сте, к жи́зни безсме́ртней преводя́й челове́ки, поющия: да благослови́т тварь вся Го́спода и превозно́сит во вся ве́ки.

Ра́дуйся, Де́во Ма́ти, Све́та Непристу́пнаго Боже́ственное жили́ще; ра́дуйся, страно́ благопло́дная, Клас Боже́ствен я́ко вои́стинну израсти́вшая и пита́ющ вся́ческая, Ему́же вси вопие́м: да благослови́т тварь вся Го́спода и превозно́сит во вся ве́ки.

Чу́да преесте́ственнаго се коне́ц: Де́вая ражда́ет Челове́ка бы́вша всех Соде́теля, Собезнача́льна Отцу́ и Ду́хови, Ему́же вси веселя́щеся зове́м: да благослови́т тварь вся Го́спода и превозно́сит во вся ве́ки.

Спасти́ восхоте́в, я́ко Благоде́тель, естество́ челове́чо, Созда́вый вся Сло́вом всего́ мя понесе́, весь мне всему́ соедини́вся от Де́вы воплоти́выйся Пресу́щный, Ему́же вси игра́юще зове́м: да благослови́т тварь вся Го́спода и превозно́сит во вся ве́ки.

Песнь 9

Ирмос: Образ чистаго рождества́ Твоего́, огнепали́мая купина́ показа́ неопа́льная; и ныне на нас напа́стей сви ре́пеющую угаси́ти мо́лимся пещь, да Тя, Богоро́дице, непреста́нно велича́ем.

Ра́дуйся, Ма́ти всех Царя́; ра́дуйся, мирския ра́дости вина́, Всечи́стая; ра́дуйся, Телица обра́зна, Тельца́ нося́щая Иису́са, Спа́са и Го́спода; ра́дуйся, Све́та прия́телище; ра́дуйся, согреша́ющих очище́ние.

Ра́дуйся, всех удобре́ние; ра́дуйся, клеще́, Боже́ственный Угль нося́щая; ра́дуйся, багрянице Ца́рская светлопозлаще́нна; ра́дуйся, зако́нов Бо́жиих хранило; ра́дуйся, я́ко прорече́ния проро́ческая яве сконча́вшая.

Ра́дуйся, не́бо зве́здное, преиспещре́но доброде́телей све́тлостьми; ра́дуйся, Царице, одесну́ю Влады́ки Твоего́ стоя́щая, одея́ние иму́щи че́стно и украше́нно, я́ко Давид Тебе́ возопи.

Ра́дуйся, слове́сный раю́, Дре́во живота́ посреде́ Христа́ прозябы́й, пе́рваго дре́ва го́речь разо́ршаго, дре́вле тле́ю уме́ршия усладивша и Боже́ственныя жизни прича́стники я́ показа́вшаго.

Стихиры, глас первый. Подобны: Небе́сных чино́в:

Ра́дуйся, Све́та о́блаче и сто́лпе о́гненный, у́мнаго вводя́й Изра́иля в досто́йный поко́й; Де́во, ра́дуйся, Ада́мово чистое исправле́ние и слез Евиных избы́тие; ра́дуйся, мирови по́моще.

Ра́дуйся, клеще́, Боже́ственный Угль нося́щая; ра́дуйся, Це́ркве неразори́мая стено́; ве́рных, ра́дуйся, держа́во; ра́дуйся, челове́ков к Бо́гу очище́ние; ра́дуйся, мо́сте, преводя́й к Животу́ пою́щия Тя, Богоневе́сто.

Ра́дуйся, Всецаря́ Ма́ти; ра́дуйся, Царице мирски́х цари́ц, Богоро́дице Мари́е; ра́дуйся, немощству́ющих ско́рая цельба́ и избавле́ние; ра́дуйся, сла́досте, и́же во Еде́ме рая́ без сравне́ния преиму́щая.

Заря́ми нетле́нными Ду́ха Боже́ственна озарится даждь помраче́нней души́ мое́й, и тьмы кроме́шныя изми́, и водворя́тися всегда́ во све́тлостех святы́х ра́достно, Богоро́дице, сподо́би.

Глас вторый Канон Пресвятей Богородице в субботу

Творение Митрофана, митрополита Смирнскаго, коего и во октоихе троичны, егоже краегранесие: Митрофа́н сладкопою Тя, Владычице Богоро́дице

Песнь 1

Ирмос: Во глубине постла́ иногда, фараони́тское всево́инство преоруженная сила, воплощшееся же Слово всезлобный грех потребило есть; препросла́вленный Господь, сла́вно бо просла́вися.

Вообрази́выйся от Тебе́ е́же по нам Солнце Невече́рнее, Тя слове́сное не́бо светле́йшее яве показа́, те́мже изба́ви мя страсте́й омраче́ния, я́ко да воспою́ любо́вию Тя, еди́ная Ма́ти Де́во.

Исто́чника ми́лости Христа́, Всесвята́я, ро́ждшая и Еде́м челове́ком отве́рзшая, врата́ ми отве́рзи ми́лости Твоея́, Богоро́дице, и да́руй согреше́ний, Влады́чице ми́ра, проще́ние.

Клещу́ у́мную, Угль носи́щу и челове́ков естество́ очи́щшую, молю́ Тя, Влады́чице, скве́рну грехо́в мои́х отжени́ и смуща́ющих изми́ мя страсте́й Твои́ми моли́твами.

Расто́ргни мои́х согреше́ний плени́цы, всех прибе́жище, Твоего́ Сы́на и Бо́га умоля́ющи, и низложи́, Присноде́во, томя́щий мя грех, да Тя почита́ю, всегда́ спаса́емь, Всепе́тая.

Песнь 3

Ирмос: На ка́мени мя ве́ры утверди́в, разшири́л еси́ уста́ моя́ на враги́ моя́, возвесели́ бо ся дух мой, внегда́ пе́ти: несть свят, я́коже Бог наш, и несть пра́веден па́че Тебе́, Го́споди.

Мглу страсте́й мои́х и мрак отгони́ заря́ми моле́ний Твои́х, и просвети́ мя, Всечи́стая; родила́ бо еси́ возсия́вша пре́жде денни́цы Христа́, от Со́лнца Со́лнце незаходи́мо, Влады́чице.

Попаля́ющее грехи́ и страсти души́ моея́ ору́жие, Де́во, бу́ди, и покажи́ мя я́ко рай други́й ненаве́тен, и от Тебе́ соблюда́емь, и принося́й цветы́ Ду́ха.

Возста́вила еси́ Твои́м рождество́м ски́нию па́дшу и сокруше́нну Дави́да, пра́отца Твоего́, Богоро́дице; те́мже и мя возста́ви, раба́ Твоего́, страстьми́ сокруше́на и прегреше́нии.

Неду́гующу бесо́в наве́тами и ле́ностию ду́шу мою́ уврачу́й, и сле́зы покая́ния да́ждь се́рд цу моему́, и Влады́ки моего́ всади́ в него́ страх Твой, Всенепоро́чная.

Песнь 4

Ирмос: Пою́ Тя, слу́хом бо, Го́споди, услы́шах и ужасохся, до мене́ бо и́деши, мене́ ища́ заблу́ждшаго. Тем мно́гое Твое́ снизхожде́ние, е́же на мя, прославля́ю, Многомилостиве.

Квас²⁷ естества́ челове́ча нескве́рен и свят еси́ Ты, Богоро́дице, от Нея́же прие́м смеше́ние, созда́ е́ Зижди́тель; и мене́ омы́й ка́ла страсте́й, и прегреше́ний мои́х скве́рну очи́сти.

Плени́цы страсте́й мои́х разреши́ и согреше́ний тене́ты расто́ргни, Влады́чице, моле́ний Твои́х мече́м, я́ко ро́ждшая Христа́, избавле́ние су́щим во у́зах а́довых дарова́вша.

Лечбо́ю моле́ний Твои́х, Влады́чице, обяза́нием же и еле́ом, души́ моея́ я́звы и ра́ны грехо́вный ны́не, Чи́стая, уврачу́й, я́ко ро́ждшая естества́ на́шего Богонача́льное Поможе́ние.

От всех обнажи́хся до́брых и зло́бою превзыдо́х попремно́гу вся я́же дре́вле и ны́не па́дшия; те́мже пе́рвыми мя удобри́ и от вторы́я из- ба́ви, Богоневе́сто.

Песнь 5

Ирмос:.Просвеще́ние во тьме лежа́щих, спасе́ние отча́янных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твои́м; ино́го бо ра́зве Тебе́ бо́га не зна́ю.

От кля́твы дре́вния мир я́ко изба́вила еси́, Влады́чице, ми́ру благослове́ние, Христа́ поро́ждши, помысло́в безме́стных изба́ви мя и вся́кия ско́рби, еди́на бо су́щи ве́рных весе́лие.

Бу́ря лю́тая духо́в лука́вых стремле́ньми мой по́мысл возмуща́ет; ско́ро предвари́ и ути́ши сию́, всея́ тва́ри Ро́ждшая еди́наго Окорми́теля, Христа́ всеси́льна.

Покая́ния свет просвети́ мне, во тьму па́губы все́льшуся, и пода́ждь ру́ку по́мощи лежа́щу, и Твои́ми моли́твами воздви́гни, Богороди́тельнице, твори́ти Бо́жия оправда́ния.

Облежи́т град души́ моея́ де́монов полк и опустоши́ти зело́ покуша́ется; препросла́вленный Всецаря́ гра́де, остени́ ю́ столпостена́ми моле́ний Твои́х и спаси́ мя, Влады́чице.

Песнь 6

Ирмос: В бе́здне грехо́вней валя́яся, неизсле́дную милосердия Твоего́ призыва́ю бе́здну: от тли, Бо́же, мя возведи́.

Яко Жизнь ве́чную ро́ждшая, смерть души́ моея́, ю́же от телесе́ воздвиза́ему, Твои́ми мольба́ми, Всенепоро́чная, умертви́.

Стро́потными ше́ствующа стезя́ми к пра́вому мя пути́ наста́ви, Путь чревоноси́вшая живота́, Христа́ и Бо́га на́шего.

Лови́т, искуша́я мя, Владычице, человеконенави́стник змий, но сего́ упраздни́, я́ко родила́ еси́ главы́ змие́в Сокруши́вшаго.

Препла́вая пучи́ну жите́йскую, впа́даю в во́лны безме́рных скорбе́й; Яже Ко́рмчию всех ро́ждшая, Всевята́я, помози́ мне.

Седален, глас вторый. Подобен: Вы́шняя иски́й:

К Тебе́, Нескве́рная, ве́рно вопиюще, напа́стей мно́гих и согреше́ний изба́влени есмы́: не и́мамы бо ины́я Уте́шительницы, сострада́тельныя, любоблаги́я, благоутро́бныя, подающия душа́м всех спасе́ние.

Песнь 7

Ирмос: Образу злато́му на по́ле Деи́ре служиму, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми поя́ху: «Благослове́н еси́, Бо́же оте́ц на́ших».

Тя дверь у́мнаго уве́дев Восто́ка, я́влыпася с небесе́, о е́же вни́ти ми в небеса́, раб Твой, Тобо́ю, Де́во, молю́ся; те́мже приими́ мя, Влады́чице, светонаста́ви и путево́ждствуй.

Просвеще́ния исто́чник, из рая́ слове́снаго устремля́яся, всея́ земли́ напая́ет лице́, сла́дости ток невеще́ствен, Ду́ха Свята́го благода́ть, Всечи́стая, от Тебе́, ю́же и мене́ сподо́би прия́ти оби́льно.

Руно́ Гедео́ново иногда́ чре́во Твое́, Всепе́тая, прояви́, небе́сную ро́су прия́вшее, всех ороша́ющу жа́ждею держи́мых греха́; благослове́нна еси́, Бо́га пло́тию ро́ждшая.

На кресте́ Христо́с, Сын Твой, пригвозди́выйся во́лею, нача́ла тьмы обличи́ и сме́ртное разори́ могу́тство тлетво́рное; те́мже, Влады́чице Всесвята́я, стра́стная пло́ти моея́ мудрова́ния умертви́.

Песнь 8

Ирмос: О подо́бии зла́те небрегше треблаже́ннии юно ши, неизме́нный и живы́й Бо́жий о́браз видевше, среди́ огня́ воспева́ху: «Осуществова́нная да пое́т Го́спода вся тварь и превозно́сит во вся ве́ки».

Вод живо́тных струя́ми пла́менем греха́ иста́явшее се́рдце мое́ напо́й, Богоро́дице, в умиле́нии мя всегда́ соблюда́ющая, ве́рою сладкопою́ща: да пое́т Го́спода вся тварь и превозно́сит во вся ве́ки.

Нескве́рная Агнице, браконеиску́сная и нетле́нная Де́во Богоневе́сто, Юнице кра́сная, Яже Тельца́ упита́нна безму́жно роди́вшая, облегчи́, возми́ от ду́ши моея́ тя́жкую цепь и яре́м грехо́вный.

Ски́ние богоде́ланная, Свята́я су́щи святы́х, показа́вшаго дре́вле ски́нии о́браз Архиере́я Вели́ка иму́щая внутрь, се́рдце мое́, Богоро́дице, покажи́ ски́нию святу Вы́шняго Всецаря́ Христа́.

Отсече́ся от утро́бы Твоея́, Влады́чице, я́ко от горы́, Ка́мень честны́й, и столп вся́кия пре́лести, я́ко Вседержи́тель, еди́н Всеси́лен сокруши́л есть; тем ны́не, Всенепоро́чная, о́бразы страсте́й души́ моея́ потреби́, мы́сленных враг сокруша́ющи члено́вная²⁸.

Песнь 9

Ирмос: Я же пре́жде со́лнца Свети́льника Бо́га возсия́вшаго, пло́тски к нам прише́дшаго, из боку́ Деви́чу неизрече́нно воплоти́вшая, Благослове́нная Всепе́тая, Тя, Богоро́дице, велича́ем.

Иже безпло́тная существа́ я́ко Бог Поста́вивый, из Тебе́, Свята́я Отрокови́це, воплоти́лся есть; те́мже от привозста́ния изми́ теле́сных страсте́й и мудрова́ний плотски́х моле́бника Твоего́ мольба́ми Твоими.

Пра́вды Со́лнца, Де́во, Христа́ возсия́ла и не́бо яви́лася еси́ светле́йшее; те́мже нощь страсте́й Твои́ми луча́ми разори́, и ду́шу мою́ просвети́, и се́рдце уясни́.

Идеже пра́ведных собо́р, во гла́се ра́дования всели́ти ми ся тогда́ недосто́йному сподо́би, презира́ющи мно́жество зол мои́х, я́ко Взе́мшаго ми́ра грех млеко́м Пита́вшая.

Суди́, Богоро́дице Мари́е, и разсуди́ лю́таго супоста́та, и сего́ отмщения мя изба́ви: Судию́ бо Блага́го и Пра́веднаго родила́ еси́, Иже в ме́рилех Божества́ осуди́вша смерть.

Разори́ла еси́ Евы печа́ль, Ада́ма Но́вато ро́ждши, Иже естество́ Ада́мле прежде созда́л есть; темже и мои́х согрешений рукописа́ние раздери́, от искушений же, страстей и скорбей свобожда́ющи.

Стихиры, глас вторый. Подобны: Егда́ от дре́ва:

Ра́дуйся, Вы́шняго Бо́га Ма́ти и Дево, и покро́ве к Тебе прибега́щих; ра́дуйся, всех арха́нгел Цари́це, Чи́стая; ра́дуйся, Влады́чице, небесными и земны́ми еди́на облада́ющи я́ко Цари́ца вои́стинну; ра́дуйся, царей ро́ге; всех верных, ра́дуйся, сла́во и Христиа́ном прибежище.

Ра́дуйся, та́инства стра́шнаго и недоразуме́емаго, Дево, Божественное явление; ра́дуйся, всезлата́я ста́мно; ра́дуйся, всесла́дкий раю́; Ада́мова, ра́дуйся, Дщи и Содетеля моего́ Ма́ти Неискусобра́чная, Благословенная, Чи́стая; ра́дуйся, и́же к Тебе прибега́щих похвало́ и стено́ неруши́мая; ра́дуйся, оскорбля́емых утешение.

Ра́дуйся, ка́меню Бо́жий драги́й, всех драги́х ка́мений преиму́щий; ра́дуйся, светлейший Царя́ Христа́ би́сере; ра́дуйся, одушевленный сосу́де каменозлатоблиста́ющ, Богороди́тельнице Нескверная; ра́дуйся, многоценная у́тварь Ду́ха Свята́го, честнейших, Дево, Честнейшая.

Гряди́, окая́нная душа́, припади́ Ма́тери Христа́ Твоего́, слезоточа́щи тепле, разрешения грехо́в твои́х и лю́тых туги́²⁹ испроша́ющи, и во пию́щи: Отрокови́це Всенепоро́чная, предвари́ и изба́ви мя от вся́кия му́ки, вся́каго прещения душепа́губна, вся́каго треволнения же и болезни и от вра́г, всу́е борю́щих мя.

Канон Пресвятей Богородице в неделю

Творение Иоанна Евхаитскаго

Песнь 1

Ирмос: Во глубине́ постла́ иногда́, фараони́тское всево́инство преоруже́нная си́ла, вопло́щшееся же Сло́во всезло́бный грех потреби́ло есть; препросла́вленный Госпо́дь, сла́вно бо просла́вися.

Па́че вся́каго естества́ слове́снаго согреши́вша, Яже а́нгелов чины святы́нею превозше́дшая и че́стностию и ума́ чистото́ю, спаси мя, Де́во, да Тя почита́ю, Всепе́тая.

Страсте́й волне́ние зе́льное, ве́тры воздвиза́емо злых духо́в, обурева́ет мя, Отроковице Неискусобра́чная; покая́ния корми́лом направля́ющи, к безстра́стия приста́нищем оти́шным устреми.

Прокаже́н ум и ду́шу очисти ми, Влады́чице, я́ко прокаже́ннаго Сын Твой очистил есть, «Хощу́, очи́стися» прире́кши мне, и́бо вся словеси́ Твоему́ повину́ются, Тебе́ ро́ждшей Сло́во Отцу́ Единосу́щное.

Дровосе́чица бу́ди, Владычице, вещенеи́стовное мое́ и олядене́вшее се́рдце очища́ющи, и из ко́рене исторга́ющи и изсека́ющи, и огне́м Боже́ственным пожига́ющи терноно́сныя и смертоно́сныя грехи́ моя́.

Песнь 3

Челове́ком жива́я спасе́ния две́ре, отве́рзи ми пра́вды врата́ и дверь покая́ния, я́ко да те́ми вшед, испове́дание и хвалу́ принесу́ Го́сподеви моему́.

Печа́таю мя назна́менуй и о́бразом кро́ва Твоего́ души́ моея́ на челе́, я́ко да от лица́ убегу́ лу́ка всегуби́теля, да не я́ко овча́ неназна́менное растерза́ет мя.

Образ Сы́на Твоего́ погребе́н, погубле́нную дра́хму Царе́ву, Де́во, взыска́вши и обре́тши, належа́щую персть и прах в ней страсте́й очи́сти и отряси́.

Ору́жием мя греха́ уя́звльшаго, Сама́, Богороди́тельнице, уязви́, ору́жие излива́ющи, имже ребро прободеся Сы́на Твоего, и прожени, и в конец сокруши же и изсецы́.

Песнь 4

Ирмос: Пришел еси́ от Девы, не ходатай, ни а́нгел, но Сам, Господи, вопло́щся, и спасл еси всего́ мя челове́ка. Тем зову́ Ти: сла́ва силе Твое́й, Го́споди.

В скорбех Тобою богате́ем, Де́во, утеше́нием, в печа́лех отра́дою, во искуше́ниих увеща́нием, пособием и забра́лом, спасе́нием готовы́м и заступле́нием.

Ро́ждшая Воли́теля ми́лости, не хотя́ща сме́рти гре́шников, покая́нием же сих наипа́че услажда́ющася, к покая́ния путе́м руково́дствуй мя.

Исцеля́яй прама́тере Евы сокруше́ние, от Богома́тере Отрокови́цы на́шея прише́л еси, Человеколю́бче Влады́ко, Еюже и мене́ сокруше́нна сло́вом исцели́.

Стеня́ща во дни и в нощи́ всегда́, и рыда́ньми пла́чущася, и сле́зы кропя́ща, уще́дри, Влады́чице, и неви́димым уте́ши ма́нием Твои́м.

Песнь 5

Реко́ благода́тей Бо́жиих, о́чи мои́ испо́лни слез и души́ моея́, Богороди́тельнице, безво́дная поля́ и безпло́дныя напо́й бразды́, да умно́жатся плоды́ ея́.

В руку́ Твое́ю, Де́во, жре́бии души моея́, изми́ от руки́ мя ны́не враг мои́х, яви́ и лице́ Твое́ на рабе́ Твое́м, Всесвята́я, спаси́ мя Боже́ственною милостию Твое́ю, Влады́чице.

Восто́ка с высоты́ я́вльшася показа́лася еси врата́, престо́л превознесе́нный Царе́в, небодо́лгая и высо́кая ле́ствица, е́юже сни́де Христо́с и отринове́нным челове́ком приобщи́ся.

Высо́кий и сла́вный престо́л Царя́ ца́рствующих, богогоприя́тное ло́же, всесвяты́й дом, нескве́рное очистилище, Богородительница Мария мно́ю да воспое́тся.

Песнь 6

Ирмос: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли, Бо́же, мя возведи́.

Псало́мски благохва́ляще вопие́м Ти: ра́дуйся, тучне́йшая горо́ Христа́ Бо́га, в Ню́же вселитися благоволи на́шего ра́ди спасе́ния, Богоневе́сто.

Ра́дуйся, две́ре Бо́жия непрохо́дная; ра́дуйся, пре́лести пещь Угаси́вшая, Еюже ми даде́ пла́менное ору́жие вход.

Дожденося́й о́блаче богоро́сный, изсо́хшую ду́шу мою́ зно́ем грехо́вным вода́ми ороси́ и пото́ком сла́дости ту́ю напо́й.

Худи́и по́мыслы ум мой скверня́т, злы́я мы́сли и сту́дныя окаля́ют смире́нное мое́ се́рдце; Всесвята́я Де́во, помози́ ми.

Седален, глас вторый. Подобен: Вышних ища́й:

Боже́ственным све́том тьму се́рдца моего́ дале́че, Блага́я, отжени́, подаю́щи ми то́ки слез ко измове́нию зол мои́х, и́миже опеча́лих Преблага́го Го́спода; в Тебе́ бо мне еди́но утеше́ние.

Песнь 7

Ирмос: Образу злато́му на по́ле Деире служиму, трие́ Твой о́троцы небрего́ша безбо́жнаго веле́ния, посреде́ же огня́ вве́ржени, ороша́еми поя́ху: «Благослове́н еси, Бо́же оте́ц на́ших».

Житие́, душе́, я́ко торг Я́ве све́дущи, до́бре дей, да велича́йшая приобря́щеши, Ца́рство Небе́сное и сла́ву неизрече́нную; а́ще же мимои́деши к ма́лу, ино́го не возы́маши вре́мене.

На путь живота́, Христа́ Ро́ждшая, Ты мя наста́ви, на путь пра́вый, в ра́йская жили́ща вводя́й и к та́мошнему упокое́нию, пу́ть исправля́ющи и души́ моея́, Блага́я, стопы́.

Яд греха́ лю́та кре́пость мою́ иждива́ет, но ма́нием многоблагоутро́бным Твои́м, дла́нию благода́тною предвари́вши, сей изчерпи́, я́ко ми́ра Взе́мшаго грех на земли́ еди́на Поро́ждшая.

Сы́на Бо́жия ро́ждшая, Иже за милосе́рдие щедро́т Сы́на Челове́ческаго бы́вша, сы́на све́та и дне мене́, сы́на но́щи и тьмы, Пренепоро́чная, сотвори́, и Небе́снаго Отца́ досто́йна покажи́ сы́на.

Песнь 8

Ирмос: пещь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте, дела́, я́ко Го́спода, и превозноси́те во вся ве́ки.

Халде́йское всесожже́ние и огнено́сное мне страсте́й безме́рное пла́мя Навуходоно́сор мы́сленный и лю́тую разжже́ всепаля́щую пещь, ю́же моли́тв Твои́х росо́ю угаси́, Де́во.

Ум стяжа́в стра́стен и безме́стными по́мыслы оскверне́н, к Тебе́ прибега́ю, чи́стей и благоуха́нней пала́те Бо́жией, Влады́чице: очи́сти мя от вся́каго земна́го злосмра́дия.

Христо́ву Тя кни́гу свяще́нную, Ду́хом Бо́жиим ве́дый запечатле́ну, Де́во, призыва́я молю́ Ти ся в кни́зе живы́х написа́тися мне и неги́блема живота́ сподо́битися.

Предста́тельство ве́рных, наде́ждо и ра́досте оскорбля́емых, в ра́дость обрати́ плач мой, Чи́стая, и даждь ми, зане́же ны́не не зрю Тя в ве́це сем, зре́ти во о́ном.

Песнь 9

Ирмос: От Бо́га Бо́га Сло́ва, неизрече́нною му́дростию, прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося нас ра́ди, ве́рнии, единому́дренно пе́сньми велича́ем.

Святе́йши а́нгел, херуви́м превы́шши, о́гненных серафи́м пребо́льши и вся́каго у́мна чи́на честне́йши, сла́вою без сравне́ния и че́стию превосхо́днейши, Мари́е, яви́лася еси́, Де́во Влады́чице.

Неве́сто Бо́жия Всесвята́я, сокро́вище спасе́ния, приста́нище в пучи́не напа́стей, покро́ве душ и заступле́ние, спасе́ние бу́ди ми и бога́тство, и прибе́жище всети́хое, ду́шу мою́ изме́рзшу покрыва́ющи и согрева́ющи.

Невозде́ланная страно́, Де́лателя поро́ждшая, ни́во, жи́зни Клас неора́нно прозя́бшая, до́брых избы́точествием и всех оби́лием благ, гла́дом иста́явша препита́й мя, Влады́чице.

Тебе́ Роди́вшей Творца́ всех и Спа́са, нищ и убо́г, что принесу́, недосто́йный? Ино ничто́же, но ве́ру о́гненну и при́сну любо́вь, и́миже спаси́ мя, Влады́чице.

Стихиры, глас вторый. Подобны: Егда́ от дре́ва:

Ра́дуйся, всесвяты́й хра́ме; ра́дуйся, Царе́во седа́лище; ра́дуйся, огнеобра́зный престо́ле Всецаря́; ра́дуйся, а́нгелов ра́досте; па́дшаго Ада́ма, ра́дуйся, воста́ние; ра́дуйся, Евино осужде́ние разреши́вшая; ра́дуйся, правосла́вных сла́во, гре́шных заступле́ние и оби́димых по́моще.

Ра́дуйся, клеще́ та́инственная, ю́же Иса́ия прови́де, Угль носи́вшая, очища́ющ от скве́рны всю тварь; ра́дуйся, купино́ неопа́льная и несгара́ющая; ра́дуйся, сто́лпе о́гнен, и́мже внидо́хом вси в Боже́ственный поко́й; ра́дуйся, ми́лости две́ре и гре́шных проще́ние.

Ра́дуйся, не́бо, зве́зды нося́щее дви́жимыя же и недви́жимыя; ра́дуйся, кру́же светле́йший зо́дий двана́десяти, его́же посреде́ прии́де Со́лнце Христо́с, и смотре́ния плотска́го о спасе́нии челове́ков обхожде́ние все испо́лни.

Еди́на невмести́маго Бо́га нетесновме́стно во утро́бе Твое́й носи́ла еси́, Челове́ка бы́вша за благосты́ню, Всесвята́я Богоневе́сто. Те́мже молю Тя: утесня́ющих мя страсте́й измени́, я́ко да те́сную правоше́ственно преше́д стезю, в широту́ дости́гну та́мошняго блаже́нства.

Канон Пресвятей Богородице в понедельник

Творение святаго Андрея Критскаго, егоже краегранесие: Плаче́вная песнь втора́я Де́ве

Песнь 1

Ирмос: Гряди́те, лю́дие, пои́м песнь Христу́ Бо́гу, раздельшему мо́ре и наста́вльшему лю́ди, яже изведе́ из рабо́ты еги́петския, я́ко просла́вися.

Рыда́ния вре́мя́ прииде, всеокая́нная душе́, настоя́щаго по́прище живота́, его́же теце́м и спим, увы́! Про́чее убуди́мся и воспла́чимся.

Быстрина́ ре́чная, сень, дым и со́ние и цвет травны́й увяда́яй настоя́щая есть красота́; про́чее к Богоро́дице, душе́, припаде́м.

Жизнь еди́ну ро́ждшая, Богоневе́сто, ме́ртва мя бы́вша и низлежа́ща греха́ стрело́ю, возста́ви цельба́ми ми́лости Твоея́.

Ум, ду́шу и чу́вства оскверни́х, безме́стная соверша́я, Богора́дованная, но к пучи́не Твоей припа́даю ми́лости, и не отри́ни мене́.

Песнь 3

Ирмос: Утверди́ нас в Тебе́, Го́споди, дре́вом умерщве́й грех, и страх Твой всади́ в сердца́ нас пою́щих Тя.

Яко друга́го мя пу́тника, жите́йское по́прище ше́ствующа, разбо́йницы е́мше, ду́шу мою́ уязви́ша, но Ты, Бого́мати, ту́ю воззови́.

Порабо́тив души́ самовла́стное, ура́нен бых страстьми́, не поревнова́вый Ио́сифови, но свободи́, Богома́ти, сих влады́чества.

Тобо́ю на стра́сти дерза́я, Влады́чице, вели́ку и неруши́му сте́ну ме́дяну преидо́х, и изба́вихся лю́таго искуше́ния де́монска.

Ка́пли слез ми изсхо́ша, Де́во, сном отягче́ну, но бо́дрство да́руй, слез исто́чник, и стоя́ние всено́щное.

Песнь 4

Ирмос: Пою́ Тя, слу́хом бо, Го́споди, услы́шах и ужасохся: до мене́ бо и́деши, мене́ ища́ заблу́ждшаго. Тем мно́гое Твое́ снизхожде́ние, е́же на мя, прославля́ю, Многоми́лостиве.

Вся́каго греха́ вина́ самолю́бие и сребролю́бие, и́хже от души́, Всечи́стая, возлюби́х, и вся́ко де́ло сту́дное доброхо́тно испо́дних, но поне́ в ста́рости спаси́ мя, окая́ннаго.

Оде́жды мя честна́го креще́ния совлече́ велиа́р, и о́строе, Всечи́стая, и злотя́жкое греха́ возложи ру́бище, его́же молю́, Де́во, мене́ совлецы́.

Мара́е, Влады́чице Богоро́дице, весе́лие мое́ и спасе́ние, на одре́ ле́ности лежа́щу ми всегда́, Боже́ственным све́том Твоим разори души смире́нныя моея тьмонеи́стовство.

Из еги́петския изведе́ Моисе́й рабо́ты изра́ильтян, мене́ же, Всечи́стая, кто изведе́т го́рькия рабо́ты страсте́й, а́ще не Ты к Влады́це моему́ и Сы́ну Твоему́ помо́лишися, Любоблагоутро́бная.

Песнь 5

Ирмос: Све́та Пода́телю и веко́в Тво́рче, Го́споди, во све́те Твои́х повеле́ний наста́ви нас; ра́зве бо Тебе́, ино́го бо́га не зна́ем.

Посто́м иногда́ предочистився Моисе́й, услы́ша Боже́ственный глас, и Тебе́, Богома́ти, уви́де о́браз; аз же блу́дствуяй, ка́ко узрю́ свет ра́зума?

В пусты́ни Сина́йстей ма́нну Бог Изра́илю одожди́, ты же, душе́, а́ще хо́щеши ма́нны у́мныя улучити, приступи к Сего́ Ма́тери, и препита́ет Тя.

Высокоре́чием лю́тым, я́ко Дафа́н и Авиро́н, де́ях на Бо́га сове́т, не на Моисе́я, и се под зе́млю упа́даю; Ты у́бо мя, Богома́ти, возста́ви, молю́ся.

Окая́нныя моей души́ сту́дныя укроти́ во́лны, Влады́чице, и пло́ти боле́зни утоли́, еди́на ро́ждшая боле́зней кроме́ Бо́га воплоще́нна.

Песнь 6

Изле́й благоутро́бия Твоего́ еле́й на смире́ние на́ше, и ми́лостива, ми́лостива бу́ди Твои́м рабо́м, Де́во.

То́ками благодея́ния Твоего́ приснотеку́щия струи́ и ду́ши, страстьми́ изсо́хшия, напоя́ют; с ни́миже, Чи́стая, напо́й мя.

Преподо́бно ничто́же в житии́ сотвори́х, окая́нный, па́че же мно́жество грехо́в, но простри́, Влады́чице, ру́ку Твою́ и гее́нны изба́ви.

Неве́сто Бо́жия Всесвята́я, покро́ве и сла́во моя́, Ты ми во исхо́да вре́мя предста́ни, спаса́ющи и вводя́щи в оби́тели ве́чныя.

Седален, глас вторый. Подобен: Вы́шних ища́й:

Покая́ние ми да́руй и́стинное, Всенепоро́чная, я́же от младе́нческа во́зраста моего́ согреше́ний, и всех сих проще́ние соверше́нное пода́ждь, и Боже́ственное жи́тельство, Чи́стая, восприя́ти любе́зно сподо́би.

Песнь 7

Ирмос: Образу злато́му на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми поя́ху: «Благослове́н еси, Бо́же оте́ц на́ших».

Острому и те́сному доброде́тели пути, Богороди́тельнице, святы́х науча́ют кни́ги и вся́кое сло́во Бо́жественное, его́же мя соверша́ти усе́рдно си́лою Твое́ю укрепи́, по коему́ждо о́бразу при́сно уклоня́ющагося.

Безмо́лвному уму́ и тишине́ помысло́в Уте́шителева Боже́ственная благода́ть совхо́дит в се́рдце, Богоневе́сто, ю́же ми низпосла́ти моли́ Сы́на Твоего́ и Го́спода, чрез се́рдца сокруше́ние и смире́ние души́.

Мно́гих искуше́ний пламеноно́сных и го́рьких разори́ о́блак, обдержа́щих, стужа́ющих и неудержа́нно бию́щих мя, еди́но предста́тельство ми́рови, и вразуми́ пою́ща: благослове́н еси́, Бо́же оте́ц на́ших.

Ди́ким звере́м преда́хся, страсте́й наста́вником, и а́ки в пусты́ни возропта́вшии, та́йно пробода́ют мя, я́коже и тех зми́и; но Отрокови́це Богоневе́стная, мольбо́ю Твое́ю, молю́ся, даждь ми исцеле́ние.

Песнь 8

Ирмос: В пещь о́гненную ко отроко́м евре́йским снизше́дшаго и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся ве́ки.

Зло́бами враг ловя́й вта́йне, прельща́ет мя, помышле́ньми низвлача́ к сла́сти стремни́нам, но Ты, Богоро́дице, огради́ мя, еди́но предста́тельство оби́димых.

Хотя́й покаря́юся врагу́, помысло́в прираже́ньми нале́гшу, но некре́пко сего́ кова́рство, Блага́я, всу́е шата́ющася покажи́, снабдева́ющи мя, раба́ Твоего́.

Пред Тобо́ю излию́ в пла́чи и воздыха́нии моли́тву мою́, души́ моея скорбь возвещу́ Ти, Чи́стая; се бо гное́нием скорбе́й иждива́юся, не ви́дя Тебе́, све́та моего́.

Посто́м подвиза́йся, душе́, бде́нием, пла́чем, псалмопе́нием и в моле́ниих всено́щных стоя́нием невеще́ственным, те́мже Бог тя очи́стит Богоро́дицы богоприя́тными моли́твами.

Песнь 9

Ирмос: От Бо́га Бо́га Сло́ва, неизрече́нною му́дростию, прише́дшаго обновит Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося нас ра́ди, ве́рнии, единому́дренно пе́сньми велича́ем.

Яко сострада́тельна су́щи, Де́во, сострада́тельнейша Сло́ва ро́ждшая нам с пло́тию, Сего́ при́сно моли́ изба́вити бед, скорбе́й и ины́х искуше́ний Чи́стую Богоро́дицу ве́рою Тя сла́вящия.

Ааро́нов жезл пре́жде и ста́мна ма́нны, све́щник и злат киво́т Тя прообразова́ху, Богоневе́сто; и́хже мы сбытие́ досе́ле ви́дяще све́тло, Богоро́дицу госпо́дственне ве́рою сла́вим.

Исто́чник, ве́рным пролива́яй то́ки спасе́ния, нарица́ем Тя, Чи́стая, зане́ иста́явше зно́ем безме́рных грехо́в, мно́гую обрето́хом отра́ду Сы́на Твоего́ Кровь, е́юже ны назда́л есть.

От зе́млена у́бо существа́ Ада́мова возросла́ еси́ я́ко ветвь, Богома́ти, Цвет же, еди́ная, Го́спода прозябла́ еси́, земноро́дна де́лателя кроме́; сего́ ра́ди вси в пе́снех Тя велича́ем.

Стихиры, глас вторый. Подобны: Егда́ от дре́ва

Ра́дуйся, ши́ршая небе́с; ра́дуйся, Де́во, сил го́рних превы́шшая; ра́дуйся, Чи́стая, вселе́нныя всея́ Влады́чице; ра́дуйся, уде́ле святы́й Бо́га Вы́шняго; ра́дуйся, мо́сте Боже́ственный, ме́ртвыя преводя́й к животу́ нестаре́ему; ра́дуйся, спасе́ние ми́ра; ра́дуйся, ве́рных всех похвало́.

Ра́дуйся, всеми́рная ра́досте; ра́дуйся, Ла́стовице сладча́йшая, ве́сну весе́лую всем возся́вшая су́щим в зиме́ зол; ра́дуйся, свеще́ негаси́мая, во мра́це преле́стнем богоразу́мия свет облиста́вшая; ра́дуйся, царе́й держа́во; ра́дуйся, кре́пкое предста́тельство ве́рно блажа́щих Тя.

Ра́дуйся, у́мнаго не́ба светило седмизве́здное ве́лие и сла́вное, благода́тьми седмию́ облиста́ющая, недвижи́мою же моли́твою Твое́ю, я́ко други́м по́лусом³⁰ я́же в нощи́ жите́йскаго мо́ря плыву́щия к приста́нищу Небе́снаго Ца́рства наставля́ющая, и све́том сла́достным Твои́м просвеща́ющая.

Приими́ моле́бную песнь, приими́ плач мой, Де́во, приими́ проше́ние, сле́зы и души́ воздыха́ние; рыда́ние упраздни́, сле́зы ути́ши, печа́ли вся на ра́дость преложи́, пода́й ми взыска́ющу покро́в Твой и заступле́ние всеси́льным ма́нием Твои́м, Богоневе́стная.

Канон Пресвятей Богородице во вторник

Творение Феклы монахини, яко зрится в осьмей и девятей песнех

Песнь 1

Ирмос: Непроходи́мое волня́щееся мо́ре, Бо́жиим Свои́м веле́нием изсуши́вшему, и пешеше́ствовати сквозе́ е́ изра́ильтеския лю́ди наста́вльшему, Го́сподеви пои́м, сла́вно бо просла́вися.

Похвале́ний Тебе́ присноцвету́щий вене́ц ны́не истка́, Всечи́стая, Це́рковь Ду́хом, и прино́сит благогове́йно со арха́нгелом Гаврии́лом невестово́дцем, «ра́дуйся» пою́щи и Тя присночеству́ющи.

Возде́лавши виногра́д живоно́сный, Христа́ и Го́спода, земля́ свята́я Отца́ па́че ума́ яви́лася еси́, Ма́ти Де́во Всепе́тая, и пи́вом жи́зни Боже́ственныя мир напои́ла еси́.

Волну́емый лю́те грехми и бе́дствуяй мир весь, я́ко приста́нище ти́хое, Ты от го́рькия бу́ри спасла́ еси́, Христа́ Упра́вителя, Спа́са и Го́спода Ро́ждшая.

Прибе́жище Тя и спасе́ния град вси ве́рнии све́дуще, Мари́е, Ма́ти Христа́, Тебе́ мо́лимся те́пле: приими́ проше́ния ве́рных моле́бник Твои́х и разреши́ вся от прегреше́ний осужде́ния.

Песнь 3

Ирмос: Утверди́ нас в Тебе́, Го́споди, дре́вом умерщве́й гpex, и страх Твой всади́ в сердца́ нас пою́щих Тя.

Нача́ло отвраще́нию Бо́жию от челове́к Евино бысть прельще́ние, Свята́я же Богоро́дица па́ки Бо́га к нам привлече́.

Живота́ Тя сокро́вище ражда́ет, Всепе́тая, ми́рови, и ра́дуется благоча́дию Иоаки́м, оте́ц Твой в Тебе́, Всечи́стая, от него́ произше́дшей всех ра́дости.

От Анны ра́дость ро́ду на́шему процвела́ еси́, и ражда́еши, Де́во, Царя́, и сра́дуются рождеству́ Твоему́ жены́, пре́жния кля́твы изба́вльшияся.

Яже в Сина́и купина́, Де́во, прообрази́ чу́до пресла́вное рождества́ Твоего́: Ты бо огнь Божества́ прие́мши, утро́бу Твою́ не опали́ла еси́.

Песнь 4

Ирмос: Услы́шах, Го́споди, сла́вное Твое́ смотре́ние и просла́вих, Человеколюбче, непостижи́мую Твою́ си́лу.

Иа́ков Тя я́ко ле́ствицу боголе́пно прозира́ше, ея́же на верху́ Бог утвержда́шеся.

Ангелов е́же к нам сни́тием, Сло́ва Тобо́ю прише́ствие, Всепе́тая, предъявле́но бысть.

Чре́во Твое́ нескве́рно и сосца́ блаже́нна, Де́во, имиже бо вси живо́т обрето́хом.

Та́инственно воспева́ем Тя, Ма́ти Бо́жия, во гла́сех Правосла́вия, е́же Це́ркви соблюда́еши моле́нии Твоими.

Песнь 5

Ирмос: Просвеще́ние во тьме лежа́щих, спасе́ние отча́янных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твои́м; ино́го бо ра́зве Тебе́ бо́га не зна́ю.

Зако́ннаго Тя киво́та святе́йшую све́мы: не скрижа́ли бо, но Бога всех и Творца́ поносила еси, Всепе́тая Богоро́дице Марие.

Престо́л Сло́ва Тя, Богоро́дице, пропове́дуем, на не́мже я́ко челове́к Бог седя́й зрится, показу́яй Тя херувим честне́йшую.

Отрешила еси го́рькия рабо́ты род весь, Де́во, и свобо́дою Христо́вою естество́ же́нское почтила еси в Боже́ственнем Твое́м рождестве́.

Де́ва Сы́на родила́ есть, и благодерза́ют яве жены́ на врага́, и Сей после́дствуют отрокови́цы, в де́встве подвиза́ющияся.

Песнь 6

Мира ра́досте, Присноде́во, «ра́дуйся» Ти зову́щия со а́нгелом ве́рно, ра́дости Твоея́ сподо́би и на́шу печа́ль разори́.

Не́бо небе́с превы́шшее, Богоневе́стная, яви́лася еси́, в Боже́ственней сла́ве Твое́й, Тобо́ю бо Бог наш вся́чески носи́мь мне яви́ся.

Ра́дости непреста́емыя село́ яве Тя све́дуще, «ра́дуйся» Ти зове́м: Тебе́ бо еди́ней ра́доватися подоба́ет, Чи́стая.

Ны́не естество́ же́нское весели́тся, ны́не печа́ль преста́, ра́дость же процвете́, я́ко Мари́я Ра́дость породила́ есть, Спа́са и Го́спода.

Седален, глас вторый. Подобен: Милосе́рдия су́щи:

На души́ моея́ уны́ние го́рькое и се́рдца окамене́ние призре́вши, исцели́ сия́, Ма́ти Бо́жия, мольба́ми Твои́ми, и спаса́емых ча́сти сподо́би мя, избавля́ющи вся́кия му́ки, еди́на наде́ждо моя́ и утеше́ние.

Песнь 7

Ирмос: Образу злато́му на по́ле Деире служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми поя́ху: «Благослове́н еси́, Бо́же оте́ц на́ших».

Гедео́ново руно́ иногда́ е́же на Та́ Бо́га Сло́ва Боже́ственное предживописа́ сни́тие, зане́ я́ко ро́су зача́тие, Нетле́нная Де́во, прия́ла есй; те́мже вси зове́м: благослове́н Плод чре́ва Твоего́, Чи́стая.

Но́вая и ужа́сная, ве́рная и и́стинная та́инства Твоя́, Мари́е, Бо́га на́шего Мати, я́ко в Тебе́ Богу́ вси примири́хомся и Влады́це, и со а́нгелы ку́пно пое́м: благослове́н Плод чре́ва Твоего́, Чи́стая.

Пре́жде Гедео́н, провозвеству́яй яве Боже́ственное Твое́ рождество́, окри́н³¹ но́сит испо́лнь воды́, я́же есть руна́ исцеже́ние, все бо в Тя Божество́ всели́ся; благослове́н Плод чре́ва Твоего́, Чи́стая.

Ро́ждшая Бога и Спа́са всех, Отрокови́це, па́дших была́ еси́ исправле́ние, гре́шников обновле́ние, ненаде́жных наде́жда и по́мощь пою́щих: благослове́н Плод чре́ва Твоего́, Чи́стая.

Песнь 8

Ирмос: В пещь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте, дела́, я́ко Го́спода, и превозноси́те во вся ве́ки.

Но́вый рай явилася нам еси, Богоро́дице Всесвята́я, не сме́рти дре́во, но Сад живота́ безсе́менно израстивши Го́спода, Его́же безсме́ртныя жизни вси наслажда́емся.

Никто́же погибе, Чистая, иже ве́ры упова́ние стяжа́вый на Тя правосла́вно, Богома́ти Марие, едини же за́вистию отме́щущиися Твоего́ не покланя́тися о́браза начерта́нию.

Услажда́ется Це́рковь Христо́ва вся, Богоро́дице, Твоим рождество́м, я́ко спаса́ются гре́шнии вси и нищии, любо́вию к Тебе́ прибега́юще: прийде бо Бог Тобо́ю челове́ки спасти.

Свобожда́ется Тобо́ю прама́терь, Богоро́дице, осужде́ния, и се ны́не жены́ страда́льчествуют за Христа́, и ра́дуется естество́ же́нское, я́ко извеща́ет де́лом первому́ченица Фе́кла.

Песнь 9

Ирмос: Яже пре́жде со́лнца Свети́льника Бо́га возсия́вшаго, пло́тски к нам прише́дшаго из боку́ Деви́чу, неизрече́нно воплоти́вшая, Благослове́нная Всечи́стая Тя, Богоро́дице, велича́ем.

Приклони́ ко мне у́хо Твое́, Де́во, воспева́ющей, Препе́тая, похва́льными словесы́ рождество́ Твое́, и я́ко да́ры вдовичи пе́ния усте́н приимши, испроси грехо́в мне проще́ние.

Сия́ет Твоя́ Боже́ственная добро́та, облиста́ет чистоты́ све́тлость, пресия́ет же сих Твое́ рождество́: Бог бо, со́лнца и тва́ри Зиждитель, Сей от Тебе́ родися, те́мже Тя вси велича́ем.

Яко цвет чистоты́ и де́вства жезл, и Бо́жию Ма́терь Тя в пе́снех блажа́ще, со гла́сом хвале́ния мо́лим: в де́встве нас утверди и в чистоте́ соблюди.

Те́ло и ду́шу Ти Де́ве сохра́ньшей нескве́рно, Царь Христо́с добро́ты возжеле́ Твоея, и Ма́терь воплоще́ния Своего́ показа́, Марие Пресла́вная, устроя́я мое́ спасе́ние.

Стихиры, глас вторый. Подобны: До́ме Евфра́фов:

Ра́дуйся, престо́ле Бо́жий, Всецарице Марие, христиа́ном сла́во, де́вам похвало, Неве́сто солнцека́плющая.

Ра́дуйся, ра́дость источившая мирови, Пресвята́я Отроковице, челове́к же и а́нгел наро́читое украше́ние.

Ра́дуйся, Чистая, сосу́де небе́снаго мира и цве́те нетле́ния; ра́дуйся, крине и шипок, облагово́нствуяй вся.

Всецарю Иису́се, умири мир молитвами Ма́тере Твоей Всецарицы Де́вы и всех святы́х Твоих.

Канон Пресвятей Богородице в среду

Творение Георгия Никомидийскаго, яко зрится в последних Богородичнах

Песнь 1

Сла́ва Рождеству́ Твоему́, Всенепоро́чная:Той бо су́щим из Ада́ма искупле́ние благовести́л и ме́ртвым от ве́ка безсме́ртия путь обнови́л есть.

Ты еси́ злата́я кади́льница, в не́йже рукописа́ние пра́отче сожже́ся, Влады́чице, Боже́ственному огню́ приобщи́вшеся Иже в Тебе́

Угля.

Ра́дуйся, злата́я ста́мно манноприе́мнице; ра́дуйся, исто́чниче неистоща́емый живы́ воды́, Богоро́дице Де́во, оживля́яй и ороша́яй

пою́щия Тя.

Богоразу́мием вси обогати́хомся, позна́вше Тя, Влады́чице, Богома́терь и Госпожу́ всех, де́лы словеса́ печатле́юще.

Песнь 3

Еди́ну де́вствующую по рождестве́ Мари́ю святы́х Святе́йшую, и́стинно Неискусобра́чную Богоро́дицу, прииди́те, воспои́м, ве́рнии, зову́ще: ра́дуйся, ми́ра Влады́чице Богора́дованная.

Тя купина́ неопали́мая прообрази́, одушевле́нну купину́ жи́ву и ды́шущу: огнь бо Божества́ заче́нши, пребыла́ еси́ неопа́льна, Богороди́тельнице, сего́ ра́ди негаси́маго мя огня́ исхити́.

Дави́д богооте́ц и Твой пра́отец, нарица́ет Тя Дщерь и Цари́цу, мы же Де́ву и Богоро́дицу, Чи́стая, вселе́нныя стра́нное слы́шание и ве́лия

похвало чту́щим Тя.

Обреты́й Тя а́нгелов чисте́йшу, сни́де во утро́бу Твою́ во све́те Живы́й непристу́пнем, Богоро́дице, и Челове́к яви́ся, из Тебе́ воплоща́емь, во двою́ естеству́ познава́емый.

Песнь 4

Ирмос: Услышах, Го́споди, сла́вное Твое́ смотре́ние и просла́вих, Человеколю́бче, непостижи́мую Твою си́лу.

Песносло́вяще, Нескве́рная, во утробе́ Твое́й Воплоти́вшася, я́ко Богома́терь Тя славосло́вим.

Изба́влени, Всесвята́я, мра́чных а́довых недр Боже́ственным Твои́м Рождество́м, Тя ублажа́ем.

Изми́ от вся́каго озлобле́ния сопроти́вна, Де́во, ве́дущих Тя вои́стинну Богома́терь Пречи́стую.

Яко приста́нище Тя иму́ще и изве́стное ми́ра спасе́ние, к Тебе́, Богоро́дице, вси притека́ем.

Песнь 5

Ирмос: Просвеще́ние во тьме лежа́щих, спасе́ние отча́янных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твои́м: ино́го бо ра́зве Тебе́ бо́га не зна́ю.

Долг прама́тере Евы, Богома́ти, отдала́ еси́, пло́тию оде́яна из Тебе́ ро́ждши Спа́са ми́ру; те́мже Тя вси блажи́м, Благода́тная Мари́е

Всенепоро́чная.

За ны Вопло́щшася из Тебе́, Де́во Ма́ти, всегда́ моли́, пою́щия Тя, изба́вится нам страсте́й и бед, душепа́губных зол и скорбе́й, и пла́мене ве́чнующа и муче́ния.

Заре́ю Твое́ю уму́ просвети́тися моему́, грехо́м омраче́ну, помани́³², неве́жствия тьму и зол потребля́ющи, ино́го бо ра́зве Тебе́ огражде́ния не ве́мы.

Жезло́м заступле́ния Твоего́ мое́ расто́ргши окамене́ние, сле́зы точи́ти сподо́би, финики́йско же страсте́й наводне́ние, я́ко друго́е разсе́кши мо́ре Чермно́е, к земли́ безстра́стия ум мой наста́ви.

Песнь 6

Воплоща́ется Сло́во во утро́бе Твое́й, и благоутро́бием познае́тся Челове́к, да бо́гом челове́ка соде́лает, Отрокови́це Нескве́рная.

Мене́ ра́ди Младе́нец по мне Всесоверше́нный бысть, обновля́я мя обветша́вша страстьми́ Тобо́ю, Всесвята́я Богоневе́сто.

Покрове́нное бе́дне се́рдце мое́ согреше́ний неизрече́нных волна́ми, всемо́щным моле́нием Твои́м, Пресвята́я Де́во, спаси́.

Земноро́днии Твое́ Рождество́ почита́ют и славосло́вят а́нгелов чи́нове, и Тя я́ко Богоро́дицу сла́вят, Присноде́вая Отрокови́це.

Седален,глас вторый. Подобен: Вы́шних ища́й:

От любве́ душе́вныя притека́ю ны́не к покро́ву Твоему́, прося́, Чистая, грехо́в разреше́ния; не отрини, Нескве́рная, но благоутро́бне

приими вопию́ща: Яже Бо́га ро́ждшая Воплоще́ннаго, неду́гующую мою́ ду́шу исцели.

Песнь 7

Ирмос: Образу злато́му на по́ле Деире служиму, трие Твои о́троцы небрего́ша безбо́жнаго веле́ния, посреде́же огня́ вве́ржени, ороша́еми поя́ху: «Благослове́н еси,Бо́же оте́ц на́ших».

Бо́га чистое и нескве́рное, Де́во, жилище, храм Ду́ха Всесвята́го мя сотвори, верте́п бы́вша разбо́йник нечистых, да любо́вию вопию́: благослове́н Плод Твоего́ чре́ва.

Яко ве́щно мое́ обре́т се́рдце, враг умертви, но силою Боже́ственною мя облецы́ и победити сего́ сподо́би, да ве́рою вопию́: благослове́нна Бо́га пло́тию Ро́ждшая.

Иже дре́вле ю́ноши три из пе́щи горя́щия, Христе́ Сло́ве мой, изба́вивый, Сам и мене́ мольба́ми Неискусобра́чныя Ма́тере Твоей, пла́мене, его́же разжего́х, зол безме́рных моих изми́ и спаси.

Се, Чистая, земноро́дных все естество́ славосло́вит Тя, та́йне чудя́щеся Твоего́ рождества́, и ра́достию взыва́я из Тебе́ Возсия́вшему:

благослове́н еси, Бо́же оте́ц на́ших.

Песнь 8

Всесвяты́й киво́т, пречестну́ю ски́нию Боже́ственную, ста́мну, све́щник, скрижа́ль, светоно́сный храм, престо́л Бо́жий сла́вный, Чи́стую Де́ву воспои́м согла́сно.

«Се роди́ся от Тебе́, Чистая», Иса́ия я́сно вопие́т, «Сын Вьшняго», и Твой Сын зри́тся, Де́во, сы́ны содева́яй Небе́снаго Отца́ Тя воспева́ющия.

Не преста́й, Богоневе́сто, Сы́на Твоего́ приле́жно моли́ти за кла́няющияся и ве́рою воспева́ющия благода́ть Твою, еди́на Всесвята́я, Преблагослове́нная.

Весь помрачи́хся умо́м, весь де́моном порабо́тихся сту́дным, но к Твоему́ прибега́ю покро́ву держа́вному, Де́во, и вопию́: спаси́ мя Твои́м хода́тайством, Обра́дованная.

Песнь 9

Ирмос: Недоуме́ет всяк язы́к благохвали́ти по достоя́нию, изумева́ет же ум и преми́рный пе́ти Тя, Богоро́дице; оба́че Блага́я су́щи, ве́ру приими́, я́ко любо́вь ве́си Боже́ственную на́шу, Ты бо христиа́н еси́ предста́тель

ница, Тя велича́ем.

Тя благословя́т горе́ безпло́тных чи́нове и воспева́ют, Всепе́тая, челове́ков мно́жества до́лу; земля́, не́бо и мо́ре пою́т всесли́чно о́бщим согла́сием песнь всеми́рную, «ра́дуйся» Ти вопию́ще весе́лием, Богороди́тельнице.

Ра́дуйся, одушевле́нная купино́ и всесвята́я горо́; ра́дуйся, всезлата́я ста́мно и Боже́ственная трапе́зо, Всецари́це Мари́е; ра́дуй

ся, та́инственный о́блаче и о́гненный сто́лпе; ра́дуйся, ми́рови мо́сте и небе́сная ле́ствице;ра́дуйся, прибе́жище и предста́тельство песнопою́щих Тя.

Всяк слух и ум диви́тся отню́д рождества́ Твоего́ преесте́ственей та́йне, Нескве́рная́: ка́ко Ма́ти ку́пно и Де́ва была́ еси́, и Де́ва по рождестве́ пребыва́вши неискусому́жна, Чи́стая? Те́мже Тя Богоро́дицу вси госпо́дственне сла́вим.

Песнь Боже́ственну, Отрокови́це, настоя́щую приими́, воздаю́щи благода́ть и́же на Тя наде́жду возло́жшим, и ми́ру Це́рквам при́сно

пода́тися испроси́, царе́м побе́де и одоле́нию ве́рным, да христиа́н всяк язы́к Тебе́ велича́ет.

Стихиры, глас вторый. Подобны: Егда́ от дре́ва:

«Ра́дуйся» вся тварь Тебе́ вопие́т: ра́дуйся, Всесвята́я Де́во; ра́дуйся, ски́птре Дави́дов; ра́дуйся, Израсти́вшая Грозд всезре́лы́й; ра́дуйся, две́ре небе́сная и неопали́мая купино́; ра́дуйся,

све́те всеми́рный; ра́дуйся, а́нгелов ра́досте; ра́дуйся, апо́столов сла́во; му́чеников, ра́дуйся, му́жество и по́стников Боже́ственное наслажде́ние.

Ра́дуйся, горо́ вои́стинну высо́ка, горо́ несеко́ма, горо́ присе́нна; ра́дуйся, горо́ ту́чная, я́ко пое́т Дави́д; ра́дуйся, Де́во, Госпоже́ всея́

тва́ри; ра́дуйся, ору́жие необори́мо на ва́рвары враги́; ра́дуйся, обличе́ние вся́каго наве́та бесо́вска; ра́дуйся, прибе́жище рабо́м Твои́м.

Ра́дуйся, любве́ сугу́быя широто́ неизме́рная и глубино́ безконе́чная Боже́ственнаго воплоще́ния, высото недомы́слимая пронарече́ния Бо́жия, долгото преве́чная, Де́во Честна́я; ра́дуйся, кра́ю ви́истинну до́браго упова́ния и́же в океа́не жите́йстем пла́вающим.

Возста́ви мя па́дшаго люте, низве́ржена и потопля́ема, предвари́ и изба́ви озлобле́ния, да не постыди́шися и не отри́неши от лица́ Твоего́.

Где бо обра́щу, окая́нный, ино́е предста́тельство, ра́зве Тебе́? Влады́чице ми́ра, не пре́зри мя.

Канон Пресвятей Богородице в четверток

Творение Святаго Феодора Студита

Песнь 1

Ирмос: Вo глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный грех потреби́ло есть, препросла́вленный Госпо́дь, сла́вно бо просла́вися.

Вο гла́сех пе́сней свяще́нных хвалу́ благода́рственную по до́лгу, Богоро́дице, Тебе́ пою́, зане́же спаса́вши мя от всех, в ни́хже име́ях Тя

по́мощь. Ты по Бо́зе еси, Влады́чице, мне прибе́жище.

Вο вся́цем внеза́пнем шу́ме еди́но и́мя Твое́ глаша́ю и стра́ха избавля́юся: сицева́ благода́ть Твоя́ и толи́ка безме́рна по́мощь, к не́йже всяк притека́яй, Влады́чице, от ну́ждных свободи́ся.

Впады́й в молву́ искуше́ний внегда́ Тя взыска́х, не ско́ро ли бу́рю потреби́ла еси́, ум мой умири́ла еси́ и от наве́та вся́каго исхити́ла еси́? Те́мже благословля́ю Тя и воспева́ю си́лу Твою́.

Отча́ян мно́жеством лю́тых, воспла́ках и обрето́х Тя предзащище́ние, ну́ждных изыма́ющу; предваря́еши непреста́нно, заступле́ние су́щи мне, те́мже благословля́ю Тя, Влады́чице, и воспева́ю си́лу Твою́.

Песнь 3

Ирмос: Непло́дствовавший мой ум, плодоно́сен, Бо́же, покажи́ ми, Де́лателю до́брых, Насади́телю благи́х, благоутро́бием Твои́м.

Кто восхваля́ти Тя от земноро́дных дово́лен по достоя́нию, Матероде́во? Ты бо в жена́х еди́на яви́лася еси́ избра́нна и всеблаже́нна.

Не́бо Тя воспева́ет и земля́ благохва́лит, с ни́миже и аз, Тебе́ до́лжная воздая́й, зане́же яви́лася еси́ ми спаси́тельна, Богороди́тельнице.

Упова́нием е́же на Тя искуше́ний изба́влен есмь, к Тебе́ взыва́ю из глубины́ души́: Ты мой покро́в держа́вный еси́, Богора́дованная.

Содержи́ма мя в лю́тых и е́же жи́ти отча́янна поми́ловала еси́, челове́ков наде́ждо, изыма́ющи злых манове́ньми Твои́ми, Влады́чице.

Песнь 4

Ирмос: еже от Де́вы Твое́ рождество́ проро́к предзря́, воспропове́даше вопия́: «Слух Твой услы́шах и убоя́хся, я́ко от ю́га и из горы́ святы́я приосене́нныя прише́л еси́, Христе́».

Стра́шное призыва́ние Твое внегда́ услы́шит де́монов мно́жество, отбега́ет, боя́щеся я́ко огня́; тем мя глаго́люща: Богоро́дице, помози́,

не пре́зри, Блага́я, услы́шати.

Вожделе́нное и́мя зрю во ико́не Твое́й, Госпоже́ вся́ческих, и́бо в сей чудоде́йствуеши, благода́ть источа́ющи, и и́же упова́нием приходя́ща раба́ Твоего́, изыма́еши, Богоро́дице, лю́тых.

Благода́рственную хвалу́ Тебе́ по до́лгу пою́, Препе́тая Чи́стая, предваря́еши бо в щедро́тах моле́бника Твоего́, я́ко в се́тех мя неизбе́жных угле́бша от зло́бующих ди́вно изба́вила еси́.

Теле́сными оскверни́х, всеокая́нный аз, ду́шу мою́ страстьми́, но к Тебе́ Непоро́чней Де́ве ве́рою притека́ю. Те́мже не пре́зри мя, плач мой услы́ши, и приими́ души́ моея́ любо́вь.

Песнь 5

Ирмос: Просвеще́ние во тьме лежа́щих, спасе́ние отчаянных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твои́м: ино́го бо ра́зве Тебе́ бо́га не зна́ю.

Яко кре́пость еси́ немощна́го се́рдца моего́, досто́йно Тя, Чистая, пою́ и глаго́лю: коль держа́вно ма́ние си́лы Твоея в предста́тельствах!

Яко о́браз Твой чудоде́йствовати позна́ся, и́мже здра́вствуяй, Чи́стая, привеща́ю: коли́ко украси́ся зрак лица́ Твоего́, Богороди́тельнице!

Яко себе́ само́го Ти привозложи́вый, возупова́х: по́мощь бу́ди мне на враги́, Влады́чице, Твое́ бо моле́ние чи́сто и си́ла необори́ма.

Яко в лю́тых Тя е́же пособи́ти взыска́х, благопослу́шно да бу́деши ми, Госпоже́, очище́ние; Ты бо моле́бнику Твоему́ наде́жда спасе́ния, Богороди́тельнице.

Песнь 6

Ирмос: Бе́здна согреше́ний обы́де мя после́дняя, но я́ко проро́ка Ио́ну, Го́споди, Го́споди, возведи́ из истле́ния живо́т мой.

Бе́здна грехо́в потопля́ет в коне́ц преокая́нную ду́шу мою́, Всесвята́я Влады́чице, ру́ку по́мощи ми пода́ждь.

Бе́здна благоутро́бия су́щи, в ти́не страсте́й лю́те угле́бша мя возведи́ к безстра́стия высоте́, Богоро́дице.

«Ра́дуйся» а́нгельски Ти удо́бь вопие́м, Де́ве Пренепоро́чней; ра́дуйся, огражде́ние раб Твои́х и опло́те необори́мый.

«Ра́дуйся» Ти Всепе́той и Неискусому́жней Де́ве ныне ра́достно приношу́; ра́дуйся, заступле́ние и похвало́ к Тебе́ притека́ющих.

Седален, глас вторый. Моле́ние те́плое:

Еди́на Бо́га безсе́менно ро́ждшая и па́ки чиста́ по рождестве́ пребы́вшая, к Тебе́ припа́даем, Влады́чице, стра́хом и любо́вию зову́ще: страсте́й, боле́зней лютых и вся́кия ско́рби изба́ви ны.

Песнь 7

Ирмос: В пещь о́гненную ко отроко́м евре́йским снизше́дшаго и пла́мень в ро́су прело́жшаго Бо́га по́йте, дела́, я́ко Го́спода, и превозноси́те во вся ве́ки.

В девичестей утро́бе Твое́й, я́ко на небеси седмокру́жнем, Богомладе́нца носила еси всех Зиждителя, и ро́ждши, Всечи́стая, пребыла́ еси я́ко пре́жде нескве́рна: стра́шное чу́до!

В многоплаче́вней боле́зни, я́ко в пещи огнепа́льней бех раб Твой, Богородительнице, и изба́влен бых Твоими моле́ньми от обдержа́щия му́ки, я́ко из пла́мене о́троцы.

Благода́рственная Тебе́ пе́ния я́ко госпо́дско достоя́ние приношу́ о́трок Твой, Богородительнице; воспева́ю Твое́ заступле́ние и предста́тельство стра́шное, имиже присно мя покрыва́еши.

Ты приско́рбней души́ мое́й врачевство́ еси́ сла́дкое, я́ко благоутро́бна, Мари́е Чи́стая, свет серде́чный содева́ющи те́мным мои́м помысло́м и храня́щи спаса́еши.

Песнь 8

Ирмос: Отроцы святи́и в пещь вве́ржени иногда́, и пла́мень росоме́чущ ви́девше, Ангела кра́сна попече́нием стра́шным согла́сно трие́ воспева́ху, славосло́вяще и зову́ще: «Вся дела́, по́йте Го́спода»³³.

Боже́ственными пе́нии упещря́ю Ти песнь, вожделе́ннаго ра́ди и́же на мне покро́ва Твоего́ Чи́стая; Тя бо во искуше́ниих обрето́х ро́су живота́, боле́зни утоля́ющу и подвиза́ющу пе́ти: вся дела́, по́йте Го́спода.

Ты мне, Влады́чице, наде́жда и прибе́жище держа́вное, в настоя́щая боре́ния дости́гшу: на Тя бо упова́в, наве́та лю́тых, возмоги́й, отвраща́юся и благода́рно веща́ю: вся дела́, по́йте Го́спода.

Дале́че отринове́но бу́ди бесо́в лука́вое мно́жество, зане́ спобора́ет ми вели́кая си́ла, Сама́ Ма́ти Бо́жия, расторга́ющи се́ти ва́ша и я́ко от стрелы́ пти́цу мя соблюда́ющи, во е́же вопи́ти непреста́нно: вся дела́, по́йте Го́спода.

Еди́на препре́ла еси́ естества́ уста́вы, Нескве́рная, я́ко Сы́на безсе́менно родила́ еси́, ку́пно иму́щи облиста́ние де́вства и сро́дство

ма́терне, и Твое́ чу́до пое́тся на небеси́ и на земли́, Богоро́дице Мари́е Всепе́тая.

Песнь 9

Ирмос: От земноро́дных кто слы́ша таково́е? Или́ кто ви́де когда́, я́ко Де́ва обре́теся во чре́ве иму́щая, и безболе́зненно Младе́нца поро́ждшая? Сицево́е Твое́ чу́до, и Тя, Чи́стая Богоро́дице, велича́ем.

От земноро́дных кто хвалу́ Тебе́ не сплете́т или́ славосло́вия не изглаго́лет, я́ко Хода́таица еси́ всем к Бо́гу? С ни́миже и мне, во всех Твоему́ рабу́, зане́же воспева́ю и в пе́снех, Богоро́дице Мари́е, велича́ю Тя.

В напа́стех со́лнца светле́йший облистава́ет кре́пкаго Твоего́ предста́тельства свет, прогоня́яй от души́ моея́ печа́ли о́блаки. Те́мже и воспева́ю, и в пе́снех, Богоро́дице Мари́е, велича́ю Тя.

В жена́х Ты еди́на яви́лася еси́ чу́до преди́вное, ро́ждши и не растли́вши де́вства Твоего́, Чи́стая: Иже бо па́че естества́ естество́ новосеки́й Сам Бог есть Рожде́йся. Те́мже Тя ве́рою и лю́бовию непреста́нно велича́ем.

Вси вку́пе е́же «ра́дуйся» Ти вопие́м, я́ко роди́вшей Ра́дость и почествова́нней мольбо́ю от всех концо́в, и́бо и мое́ заступле́ние, моле́бника Твоего́, сицева́ благода́ть Твоя́ есть; те́мже Тя в пе́снех, Богоро́дице, велича́ем.

Стихиры, глас вторый. Подобны: Егда́ от древа:

Ра́дуйся, Юже ви́де иногда́ дверь затворе́ну Бо́жиим Ду́хом проро́к, е́юже един Всевино́вный про́йде; ра́дуйся, наро́чито слы́шание, чу́до пресла́вно; ра́дуйся, ста́мно зла́тая, Ма́нну нося́щая; ра́дуйся, сокро́вище нищо́тствующих; ра́дуйся, немощству́ющих крепосте; ра́дуйся, злополу́чных исправление.

Ра́дуйся, приснотеку́щий исто́чниче златоза́рнаго, Дево, и Божественнаго пото́ка; ра́дуйся, заступление и предста́тельство человеков; ра́дуйся, свято́е жили́ще Влады́ки всех, сосу́де чисте́йш многоце́ннаго ми́ра; ра́дуйся, богоро́сное руно́, е́же древле Гедео́н прови́де, Ду́хом Бо́жиим просвещен.

Ра́дуйся, ми́лости реко́; ра́дуйся, та́инственое зерца́ло и две́ре, Всечи́стая; ра́дуйся, неисчерпа́емо сла́дкое мо́ре благода́тей духо́вных; ра́дуйся, вечнующих венцо́в Хода́таице боголе́пных и по́честей; ра́дуйся, похвало́ ми́ра, вся́каго похваления и словесе без сравнения Превосхо́днейшая.

Возми́ ру́це Твои́, Блага́я, к Сы́ну Твоему́, и сосца́ я́же Сей сса покажи́, и пелены́ Сему́ воспомяни́, и я́же Онаго смеси́ Твои́м, Богоро́дице, крест, гво́здие же, копие́, кро́ви, я́звы и стра́сти вся, и та́ко уми́лостиви Сего́ о нас и изба́ви муче́ния.

Канон Пресвятей Богородице в пяток

Творение святаго Афанасия, Патриарха Константинопольскаго Новаго, по алфавиту, яко зрится в последних Богородичнах

Песнь 1

Амвросии мирови пищу, ра́дуйся, источи́вшая, Богородительнице; ра́дуйся, раю́, жизни прозя́бнувый Дре́во, Влады́чице, Еже и зре́ти

сподо́би и насладитися вся ве́рно пою́щия Тя.

Ца́рство Небе́сное, ра́дуйся, ве́рным пода́вшая рождество́м, Богородительнице, неизрече́нным Твоим; ра́дости ве́чныя нас сподо́би,

Всечи́стая, е́же «ра́дуйся» вопити Тебе́, Обра́дованная, хода́тайствы Твоими.

Ве́село «ра́дуйся», Чистая, неопа́льная купино,любо́вию Ти зову́щим Помо́щница бу́ди Твоими мольба́ми, и нас от лука́внующих стремле́ния свободи́, Всеблагослове́нная.

Недосто́йных внемли моле́бник Твоих сле́зным молитвам, вы́ну вопию́щих Ти, Всесвята́я: ра́дуйся, Боже́ственная трапе́зо, Хлеб

нося́щая жизни, Его́же наслади́тися пода́ждь нам моле́нии Твоими.

Песнь 3

Ирмос: На ка́мени мя ве́ры утвердив, разшири́л еси́ уста́ моя́ на врага моя́. Возвесели́ бо ся дух мой, внегда́ пе́ти: несть свят, я́коже Бог наш, и несть пра́веден па́че Те́бе, Го́споди.

Прия́телище, ра́дуйся, Ми́ра³⁴ небе́снаго; ра́дуйся, богоро́сное, Отрокови́це, руно́; рабы́ Твоя́ укрепи́ «ра́дуйся» пе́ти, Яже Свет непристу́пный су́щим во тьме возсия́вшая Боже́ственным рождество́м Твои́м.

Изба́ви от жа́ждущих ду́шу мою́ студа́ испо́лнити, да «ра́дуйся», ненаде́жных наде́ждо, Тебе́ вопию; ра́дуйся, Богора́дованная, све́щниче и горо́ свята́я; ра́дуйся, спасе́ние чту́щих Тя.

Жизнь неги́блему, ра́дуйся, ми́рови Источи́вшая рождество́м Твои́м; ра́дуйся, врата́ Взе́мшая челове́ком небе́сная, «ра́дуйся» Ти вопию́щих ве́чнаго испо́лни весе́лия нас.

Богозда́нная, ра́дуйся, Де́во, пала́то; ра́дуйся, украше́ние ро́да на́шего и заступле́ние; мира, ра́дуйся, Госпоже́, Боже́ственный кро́ве;

е́же «ра́дуйся» я́ко Тебе́ непреста́нно песнопое́м, нужд и скорбе́й ны изба́ви.

Песнь 4

Ирмос: Прише́л есй от Де́вы, не хода́тай, ни а́нгел, но Сам, Го́споди, вопло́щся, и спасл еси всего́ мя челове́ка. Тем зову́ Ти: сла́ва силе Твое́й, Го́споди.

Одушевле́нный киво́те, ра́дуйся, благода́ти скрижа́ли нося́й богозда́нныя; е́же «ра́дуйся» Тебе́ любо́вию взыва́ющим от вся́ческих изба́витися, Богора́дованная, Сы́на Твоего́ умоля́й.

Богозра́чный и Пребоже́ственный, ра́дуйся, черто́же; напа́стей, скорбе́й и боле́зней изба́ви е́же «ра́дуйся» Ти вопию́щих, усыре́нная

и ту́чная горо́, Всесвята́я.

Исцеле́ний, ра́дуйся, миру Исто́чник иска́павшая; ра́дуйся, печа́ль разре́шшая пра́отец рождество́м Твоим; но я́ко Предста́тельница,

безу́мия мя и вре́да изми вражду́ющих.

Неколе́блема, ра́дуйся, ве́рных стено́, Бе́здну ма́лости ро́ждшая, Богома́ти; призри на вся прося́щия Тя и треволне́ний жите́йских изба́ви.

Песнь 5

Ирмос: Просвеще́ние во тьме лежа́щих, спасе́ние отчаянных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твои́м; ино́го бо ра́зве Тебе́ бо́га не зна́ю.

На стра́сти, Де́во, возста́ви па́губныя любо́вию е́же «ра́дуйся» Ти вопию́щих, Дне та́инственного заре́: ра́дуйся, горо несекомая; ра́дуйся, слез Евиных избавле́ние.

Разреше́ние кля́твы, Всеблагослове́нная, ра́дуйся; согреша́ющих, ра́дуйся, очище́ние; ра́дуйся, высото Божества́ неудобовосходная;

ра́дуйся, Богора́дованная, немощству́ющих цельбо́, боле́зней нас измени́.

Иже по Бе́зе «ра́дуйся» Ти вопию́щим упова́ние и покре́ве, ра́дуйся, пребыва́лище Божия сла́вы; ра́дуйся, утеше́ние в ске́рбех; вся́каго

вре́да, Чи́стая, и печа́ли изба́ви ны, к Тебе́ прибега́ющия.

Не́ктаром возрожде́ния ве́рныя, ра́дуйся, Напои́вшая; ра́дуйся, Незаходи́маго Све́та облаче; све́щниче, ра́дуйся, просвеще́ние су́щим

во тьме пода́вшая, Богороди́тельнице, тьмы вне́шния нас изба́ви.

Песнь 6

Ирмос: Глас глаго́л моле́бных от боле́зненныя, Влады́ко, души́ услы́шав, от лю́тых мя изба́ви: еди́н бо еси́ на́шего спасе́ния вино́вен.

При́зри на проше́ния «ра́дуйся» Ти вопию́щих, мо́сте Боже́ственный, и́мже прехо́дит спаса́емых мно́жество, Всечестна́я, к богоразу́мию.

Дре́во живота́, ра́дуйся, процве́тшая мы́сленное, Влады́чице, от него́же яду́ще не умира́ем вои́стинну и кля́твы пра́отчей, Нескве́рная, избавля́емся.

Простри́ ру́це е́же «ра́дуйся» Ти вопию́щим, Всечи́стая, при́сно, и вся́каго ны изми́ озлобле́ния и стра́шныя му́ки.

Пою́щия «ра́дуйся» держа́ве Твое́й от вся́кия изба́ви напа́сти, и ми́ра, я́ко Ро́ждшая Бо́га ми́ра, испо́лни.

Седален, глас вторый. Подобен: Милосе́рдия су́щи:

Кто ви́де, кто слы́ша Ма́терь, ражда́ющую Зижди́теля Своего́, пи́щу даю́ща вся́кой пло́ти? О, чудесе́! Престо́л херуви́мск яви́ся утро́ба Твоя́, Благода́тная; моли́ся о душа́х на́ших.

Песнь 7

Ирмос: Образу злато́му на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми поя́ху: «Благослове́н еси́, Бо́же оте́ц на́ших».

Огне́м искуше́ний пали́мыя, чуде́с исто́чниче, хода́тайством Твои́м ороси́ пою́щия: ра́дуйся, Одожди́вшая ми́ру во́ды спасе́ния; ра́дуйся, сла́дости раю́; ра́дуйся, ве́рных прибе́жище.

Глаго́лы, Чи́стая, е́же «ра́дуйся» Ти души́ весе́лием пою́щих, Отрокови́це Всенепоро́чная, услы́ши, вся́каго прило́га проти́вна изыма́ющи кре́постию Твое́ю, и от враг мы́сленных и чу́вственных при́сно.

Ски́ние Бо́жия, ра́дуйся, сла́ву челове́ком пове́дающая; киво́те, ра́дуйся, благода́ти, скрижа́ли нося́й; жи́зни трапе́зо, ра́дуйся, Хлеб небе́сный при́сно нам подаю́щая.

Те́мныя ересе́й стремни́ны, Де́во, изба́ви Тебе́ вопию́щия: ра́дуйся, сто́лпе о́гненный, уде́ла небе́снаго насле́дники нас покажи́, да пое́м: благослове́нна Бо́га пло́тию Ро́ждшая.

Песнь 8

Уясни́ язы́к наш е́же «ра́дуйся» вопи́ти Тебе́, Пречи́стая, упова́ние ми́ра, необори́ма стено́; моли́твенники Твоя́ скорбе́й и напа́стей разли́чных изба́ви, и стези́ покажи́ нам пра́выя.

Вы́шняго, ра́дуйся, Бо́га челове́ком неизрече́нно Вопло́щшая; ра́дуйся, ве́рных покро́ве; пою́щия Тя всегда́ насле́дники содева́й небе́сныя пищи и Ца́рствия.

Шата́ния угаси́ и́же на ны находи́ти неща́дно вооружа́ющихся, да «ра́дуйся», Богома́ти, при́сно Тебе́ вопие́м, еди́ней превы́шшей тва́ри

вся́кия ви́димыя и неви́димыя.

Да во гла́сех ра́достно возвести́м вели́чия Твоя́, ми́лости исто́чниче, Твое́ю моли́твою боле́зней изба́ви «ра́дуйся» вопию́щия Ти, Преблагослове́нная.

Песнь 9

Ирмос: Безнача́льна Роди́теля Сын, Бог и Госпо́дь, воплощен от Де́вы, нам яви́ся, омраче́нная просвети́ти, собра́ти расточе́нная; тем Всепе́тую Богоро́дицу велича́ем.

Христо́ва, ра́дуйся, кни́га одушевле́нная; я́же от любве́ Тебе́ вопию́щих «Ра́дуйся, Богора́дованная, ра́дуйся, присе́нная горо́!», я́ко на

Тя наде́жду возло́жших, вся́каго неудо́бства изба́ви.

Душ просвеще́ние и теле́с цельбу́ «ра́дуйся» вопию́щим Ти ско́ро пода́ждь, све́щниче богоза́рный, Всенепоро́чная, и стоя́ние проше́ньми Твои́ми в час су́дный десно́е нам испроси́.

Отринове́н, окая́нный, ко а́ду сведо́хся, но ру́ку пре́жде конца́ ми даждь, вопиющу Ти «ра́дуйся», о́блаче све́тлый, и от вся́каго безу́мия исхити ненави́дящих мя, Богоневе́сто.

Никто́же на Тя упова́ и постыде́ся нигде́же; сего́ ра́ди ве́рою прибега́ющия к хра́му Твоему́ и любо́вию «ра́дуйся» а́нгельски вопию́щия не оста́ви, от вся́каго зла соблюда́ющи.

Стихиры, глас вторый. Подобны: Егда́ от дре́ва:

Ра́дуйся, приснотеку́щая реко́; ра́дуйся, неисчерпа́емый исто́чниче,тиспо́лнь вод мно́гих, и́миже напая́ется тварь вся и сердца́ веселя́тся, жа́ждою иста́явшая и пла́менем держи́мая прегреше́ний; ра́дуйся, све́тлая Влады́чня и кра́сная пала́то; ра́дуйся, гре́шных исправле́ние.

Ра́дуйся, всесвяты́й нача́ток ро́да челове́ча, из него́же обнови́ все естество́ на́ше Христо́с Госпо́дь; ра́дуйся, земле́ невозде́ланная и утро́бо Боже́ственная, плодоприне́сшая жи́зни Клас; ра́дуйся, проро́ков зерца́ло, апо́столов сла́во; ра́дуйся, му́чеников держа́во.

Ра́дуйся, нетва́рнаго и тва́рнаго естества́ преде́л, еди́на Чи́стая су́щи; ра́дуйся, одушевле́нное до́брых и благи́х огла́вие; ра́дуйся, многосложе́ние благода́тей; ра́дуйся, до́ме о́бщий Боже́ственных и челове́ческих вку́пе и а́нгельских дарова́ний, и ве́ликое оби́телище.

Испо́лни весе́лия ны́не се́рдце мое́, Богоро́дице Де́во, молю Ти ся: приидо́ша бо во́ды до него́ вои́стинну, в тину углебо́х глубины́ поги́бельныя, уже́ и до дна́ а́дова прибли́жихся; Ты у́бо я́ко Петру́ ми ру́ку простри́, Безневе́стная Ма́ти, человеколю́бия Твоего́ и спаси мя.

Глас третий Канон Пресвятей Богородице в субботу

Творение Мануила, Великаго Ритора, егоже краегранесие: Деве песнь воспева́ю третию

Песнь 1

Ирмос: Во́ды дре́вле, ма́нием Боже́ственным, во еди́но сонмище совокупи́вый, и раздели́вый мо́ре изра́ильтеским лю́дем, Сей Бог наш, препросла́влен есть; Тому́ еди́ному пои́м, я́ко просла́вися.

Глубину́ я́ко ро́ждши безме́рныя му́дрости, просвеще́ние ми, благослове́нная Марие, пода́ждь, и сло́во ны́не вдохни́, я́ко да воспева́ю

всесве́тлая Твоя́ вели́чия, я́же Тебе́, Отрокови́це, Госпо́дь сотвори́.

Смерти жа́ло и дерзости а́довы низло́жшая совершенно пресвяты́м рождество́м Твоим, и нас оживи́вшая, сла́ва вели́чием, и́же Тебе,

Отрокови́це, Госпо́дь, сотвори́.

Всесветле́йшая две́ре, из нея́же Велий Госпо́дь возсия́в, про́йде неизреченно и верныя озари́, и демонов вся попали́ требища, сла́ва

вели́чием, яже Тебе, Отрокови́це, Госпо́дь, сотвори́.

Оживи́ла еси́ Ада́ма и Еву, преступлением

лю́тым умерших, жи́зни Исто́чник Христа поро́ждши, и́стинно Бо́га на́шего; сла́ва вели́чием, яже Тебе, Отрокови́це, Госпо́дь, сотвори́.

Песнь 3

Ирмос: Иже от не су́щих вся приведы́й, Сло́вом созида́емая, соверша́емая Ду́хом, Вседержи́телю Вы́шний, в любви́ Твое́й утверди́ мене́.

Изба́ви от вся́ческих бед и напа́стей пою́щия, Влады́чице, всесвято́е Твое рождество́, и́маши бо еже мощи́ хотению Твоему́, Нескверная, равноче́стное.

Удиви́ Твоя́ бога́тыя на мне ми́лости и ру́ку по́мощи ми пода́ждь; и́маши бо еже мощи́ хотению Твоему́, Нескверная, равноче́стное.

Ура́ниша стрелы мя сопроти́внаго, но Божественным ма́нием Твои́м на здра́вие преведи́; и́маши бо еже мощи́ хотению Твоему́, Нескверная, равноче́стное.

Хм повину́в двиза́нием пло́ти, мра́ка испо́лнихся, Ты же очисти и просвети́; и́маши бо е́же мощи́ хоте́нию Твоему́, Нескве́рная, равноче́стное.

Песнь 4

Ирмос: Положи́л еси́ к нам тве́рдую любо́вь, Го́споди,Единоро́днаго бо Твоего́ Сы́на за ны на смерть дал еси́. Те́мже Ти зове́м, благодари́ще: сла́ва си́ле Твое́й, Го́споди.

Посреде́ Бо́га и челове́ков была́ еси́, Всепе́тая, и Соде́теля отринове́нное созда́ние преесте́ственно Тому́ примири́ла еси́. Сего́ ра́ди

вопие́м Ти: ра́дуйся, всем рабо́м Твои́м спасе́ние возсия́вшая.

Вложи́ ра́дость многоболе́зненному моему́ се́рдцу, одоле́ну печа́льми от и́же в ми́ре за́висть се́юща, да пою́ Ти, Отрокови́це: ра́дуйся, всем рабо́м Твои́м спасе́ние возсия́вшая.

Изба́ви лю́тых, обыше́дших мя, Всепе́тая, и не оставля́ющих уму́ пе́сни тка́ти Боже́ственней Твое́й сла́ве, да любо́вию зову́: ра́дуйся, всем рабо́м Твои́м спасе́ние возсия́вшая.

Ми́лостова к нам Твои́ми мольба́ми соде́лай, Отрокови́це, Сы́на и Бо́га Твоего́, да изба́вимся гне́ва и ско́рби, при́сно зову́ще: ра́дуйся, всем рабо́м Твои́м спасе́ние возсия́вшая.

Песнь 5

Ирмос: К Тебе́ у́тренюю всех Творцу́, преиму́щему всяк ум ми́рови; зане́ свет повеле́ния Твоя́, в ни́хже наста́ви мя.

Стихи́й растворе́ние ко здра́вому раба́ Твоего́ состоя́нию моли́твами Твои́ми, Отрокови́це, сотвори́; Ты бо Жизнь ве́чную ми́рови прозябла́ еси́.

Да не вни́дет, Де́во, губи́тельства боле́знь лю́дем Твои́м, но я́ко Любоблагосе́рдая, неуя́звлены соблюди́; Ты бо Жизнь ве́чную ми́рови

прозябла́ еси́.

Нескве́рная Отрокови́це, неду́гов вся́ческих мя измени́, раба́ Твоего́, и сохрани́; Ты бо Жизнь ве́чную ми́рови прозябла́ еси́.

На одре́ боле́зни, Чи́стая, лежа́ща по обою́³⁵ ско́ро воздви́гни мя благосе́рдием Твои́м; Ты бо Жизнь ве́чную ми́рови прозябла́ еси́.

Песнь 6

Ирмос: Бе́здна после́дняя грехо́в обы́де мя, и исчеза́ет дух мой; но простры́й, Влады́ко, высо́кую Твою́ мы́шцу, я́ко Петра́ мя, Упра́вителю, спаси́.

Дре́во и сад Тя присноцвету́щ позна́хом, Отрокови́це, Жи́знь процве́тшую, Христа́ Бо́га на́шего, Реку́ ми́лости; те́мже я́ко Богоро́дицу

Тя госпо́дственне почита́ем.

Неопа́льну я́же в Сина́и купину́ Твоего́ рождества́, Чи́стая, воображе́ние соблюде́, и нас покро́вом Твои́м от вся́кия изба́ви печа́ли, зане́ я́ко Богоро́дицу Тя госпо́дственне почита́ем.

Со слеза́ми припа́даю Ти, Блага́я, и вопию́: поми́луй, Влады́чице, и́же мно́гим пови́ннаго грехо́м и страсте́м, да Тя я́ко Богоро́дицу госпо́дственне почита́ем.

Всели́ся благода́тей в Тебе́ Исто́чник, сего́ ра́ди благода́ть расточа́вши чту́щим Тя; те́мже и мое́, Де́во, се́рдце бога́тно облагодати́, и́бо Богоро́дицу Тя госпо́дственне почита́ю.

Седален, глас третий. Подобен: Боже́ственныя ве́ры:

Престо́л всезлаты́й Царе́в и рай цветоукра́шен яви́лася еси́, Всепе́тая Богоро́дице: Бо́га бо во утро́бе Твое́й поноси́вши, облагово́нствуеши ны благода́тьми Боже́ственными; те́мже вси Бо́жию и́стинно Ма́терь Тя пропове́дуем при́сно и вели́чаем.

Песнь 7

Ирмос: Якоже древле благочестивыя три о́троки ороси́л еси́ в пла́мени халде́йстем, све́тлым Божества́ огне́м и нас озари́, «Благослове́н еси́», взыва́ющия, «Бо́же оте́ц на́ших».

Ве́лие христиа́н еси́ очище́ние к Бо́гу и Соде́телю, Иже из Тебе́ неизрече́нно рожде́нну, Блага́я, и Хода́таица непреста́емая; те́мже

Ти «ра́дуйся» зове́м, Сла́вы престо́ле солнцезра́чный.

Жезл Моисе́ов иногда́ Тя прообрази́, от лю́тыя ле́сти и́дольския к Боже́ственней и́стине ны Наста́вльшая; те́мже Ти «ра́дуйся» зове́м,

Сла́вы престо́ле солнцезра́чный.

Уми́лостиви ма́терними проше́нии, Всенепоро́чная, Твоего́ Сы́на и Бо́га на́шего, к нам, гре́шником и моли́твенником Твои́м, и боле́зней измени́, при́сно бо «ра́дуйся» Ти зове́м, Сла́вы престо́ле солнцезра́чный.

Образы херуви́мстии пе́рвее киво́т осеня́ху, Тебе́ же, Чи́стая, всемощноде́тельная Вы́шняго си́ла я́ве осени́, я́ко храм Божества́, те́мже

Ти «ра́дуйся» зове́м, Сла́вы престо́ле солнцезра́чный.

Песнь 8

Ирмос: Нестерпи́мому огню́ соедини́вшеся, богоче́стия предстоя́ще ю́ноши, пла́менем же неврежде́ни, Боже́ственную песнь поя́ху: «Благослови́те, вся дела́ Госпо́дня, Го́спода и превозноси́те во вся ве́ки».

Боже́ственный Дави́д, пра́отец Твой, рече́т: «Пресла́вная глаго́лашеся о Тебе́, Бо́жий одушевле́нный гра́де, сла́вою обогати́ла его́ еси́», провозвеща́я: «Ра́дуйся, сла́вы уде́ле, Еюже просла́вися Царь Сла́вы!»

Неду́гующа душе́ю и те́лом от невнима́ния,Богома́ти, ми́лостию Твое́ю ны́не воздви́гни от одра́, я́ко да ве́рою всегда́ вопию́ Ти: ра́дуйся, сла́вы уде́ле, Еюже просла́вися Царь Сла́вы.

Еди́ну на Тя спасе́ния моего́, Де́во, наде́жду возложи́х, и Тобо́ю изба́витися ча́ю печа́ли и озлобле́ния, я́ко да пою́: ра́дуйся, сла́вы уде́ле,

Еюже просла́вися Царь Сла́вы.

Возрази́, Пречи́стая Де́во, злы́я враго́в нахо́ды Твое́ю си́лою, при́сно ми па́кости де́ющих за́вистию льстивому́драго, да пою́: ра́дуйся,

сла́вы уде́ле, Еюже просла́вися Царь Сла́вы.

Песнь 9

Ирмос: Но́вое чу́до и боголе́пное: деви́ческую бо дверь затворе́нную я́ве прохо́дит Госпо́дь, наг во вхо́де, и Плотоно́сец яви́ся во исхо́де Бог, и пребыва́ет дверь затворе́на. Сию́ неизрече́нно я́ко Богома́терь велича́ем.

Вод Боже́ственных разуме́ний Твои́х присножа́ждущую мою́, Де́во, испо́лни ду́шу, к любви́ направля́ющи, Чи́стая, Сы́на Твоего́ и сию́ избавля́ющи от наве́та враго́в ви́димых же и неви́димых, ма́нием бо еди́ным Твои́м неврежде́н соблюду́ся.

Всех Творе́ц и Зижди́тель, привита́вый неизрече́нно в Тебе́, Де́во Нескве́рная, существо́ челове́чо очи́стил есть пра́отчия и дре́вния

кля́твы, те́мже и мя изба́ви от бед, ма́нием бо еди́ным Твои́м неврежде́н соблюду́ся.

Свы́ше от лю́тых спаса́еши и озлобле́ния держа́вною, Де́во, руко́ю, вся ве́рно пою́щия Боже́ственое Твое́ рождество́ и сла́ву, ю́же стяжа́ла еси́ от всех Бо́га; те́мже изба́ви от бед и мене́ пою́ща, ма́нием бо еди́ным Твои́м неврежде́н соблюду́ся.

Лю́дие христоиме́ннии моле́бно припа́дают, Чи́стая, к ми́лости Твое́й и по́мощь Твою́ ны́не призыва́ют, па́губныя боле́зни и лю́тыя

ско́ро изба́витися, гла́да же и сопроти́вных нахо́да; ма́нием бо еди́ным Твои́м неврежде́ни да соблюду́тся.

Стихиры, глас третий. Подобны: Ве́лия Креста́ Твоего́ си́ла:

«Ра́дуйся» Тебе́ вси́ взыва́ем, Мари́е Богороди́тельнице; ра́дуйся, хра́ме Госпо́день; ра́дуйся, Свет неизглаго́ланно облиста́вшая, просвети́вый су́щия во тьме льсти́вней; ра́дуйся, Обра́дованная Вла́дычице.

Ра́дуйся, страда́льцев светле́йший ве́нче, Чи́стая Ма́ти Де́во; ра́дуйся, Госпо́день престо́ле; ра́дуйся, Всечестна́я, Препросла́вленная;

ра́дуйся, сень зако́нну уста́вльшая, я́ко ро́ждшая Жизнода́вца.

Ра́дуйся, Чи́стая, Со́лнце вве́дшая и́же во тьме лежа́щим; ра́дуйся, стено́ и покро́ве от се́рдца к Тебе притека́ющим; ра́дуйся, дев Боже́ственное украше́ние и правосла́вных всех предста́тельство.

Бед пучи́ною ны́не коле́блема раба́ Твоего́ и напа́стей мно́жеством, Де́во, уще́дри и спаси́, щедро́т поро́ждшая пучи́ну безме́рну, Отрокови́це.

Канон Пресвятей Богородице в неделю

Творение святаго Андрея Критскаго, егоже краегранесие: Рыда́ти приобре́тение жития́ есть вседне́вное

Песнь 1

Ирмос: Су́шу глубороди́тельную зе́млю со́лнце наше́ствова иногда́; я́ко стена́ бо, огусте́ обапо́лы вода́ лю́дем пешомореходя́щим и богоуго́дно пою́щим: «Пои́м Го́сподеви, сла́вно бо просла́вися».

Со скорбьми́ бра́тися в житии́ добре́йшее есть к по́льзе душе́вней, сего́ ра́ди, Богоро́дице, в ско́рбех су́щии, при́сно Тя Помо́щницу нарица́ем, непреста́нно зову́ще: Влады́чице, не пре́зри моле́ния раб Твои́х.

Ко́рень зол всех в житии́ сребролю́бное тща́ние есть, его́же приобре́тение яви́ся Иу́дино удавле́ние; те́мже Христу́ рабо́тати чи́сте хотя́щии́, отве́ржим сие́ дале́че Богома́терию.

Со́лнце я́ко ино́е на тве́рди показа́ся нестяжа́тельно житие́, доброде́телей круг многообра́зный крася́щее; те́мже страсте́й тьмо́ю

при́сно воспяща́еми, сего́ светозаре́нием к Де́ве притеце́м.

Ны́не душепа́губных мя и неподо́бных помысло́в бу́ря пости́же, и к про́пасти влече́т и глубине́ поги́бельней. Ты у́бо бу́ди ми Ко́рмчия, Всесвята́я, и ко приста́нищу Боже́ственному упра́ви и блаже́нному благосла́вию.

Песнь 3

Ирмос: Утвержде́ние на Тя наде́ющихся, утверди́, Господи, Це́рковь, ю́же стяжа́л еси́ честно́ю Твое́ю кро́вию.

Оста́влени бе́хом сласте́м жития́, Всепе́тая, одебеле́вше страстьми́, и Бо́жия за́поведи оста́вихом.

Крепча́йшая есть прельще́ния стра́сть,прикаса́ющися и изя́щных, ея́же изба́витися молю́ся моле́ньми Твои́ми.

Младому́дренни и́же сла́вы ра́ди су́етныя поще́ние сотво́ршии, и́хже ча́сти Тобо́ю, Нескве́рная, да изба́вимся.

Наде́ющася и прибега́юща ве́рою к Тебе́ не пре́зри, Богоневе́стная, но спаси́ мя, раба́ Твоего́, молю́ся.

Песнь 4

Ирмос: Покры́ла есть небеса́ доброде́тель Твоя́, Христе́; из киво́та бо проше́д святы́ни, Твоея́ Нетле́нныя Ма́тере, в хра́ме сла́вы Твоея́ яви́лся еси́, я́ко Младе́нец руконоси́мь, и испо́лнишася вся Твоего́ хвале́ния.

Виде́нием мя сатана́ в раи́ иногда́ взят я́ко пле́нника, Де́во, и ны́не у́бо виде́нием покуша́ется чистоты́ отъя́ти Боже́ственную оде́жду,

и облещи́ мя в ри́зу греха́.

Вонзе́ враг во вся́ко чу́вство мое́ волхвова́ния своя́, Богома́ти Отрокови́це, и те́ми низвлачи́т мене́ в смерть. Еди́на Ро́ждшая Сло́во,

ки́та вели́каго³⁶ одоле́вша, того́ многоплете́нных сете́й изми́ мя.

Приседи́т на пути́ плотски́ми двиза́нии змий, враг льсти́вый, и пу́тнику уму́ прилага́ется, пробода́я неча́янно, Де́во, жа́лом страсте́й,

и к сме́рти душе́вней мене́ приво́дит, те́мже помози́ ми.

Ору́жием сла́сти мя низложи́ти зави́стно и́щут врази́, наляко́ша бо ми лук душепа́губный их и в нем сосу́д угото́ваша сме́ртный; жезло́м

желе́зным Твои́м я́ко скуде́лей сосу́д сокруши́ я́, Влады́чице.

Песнь 5

Ирмос: Яко ви́де Иса́ия обра́зно на престо́ле превознесена Бо́га, от а́нгел сла́вы дориноси́ма, «О, окая́нный», вопия́ше, «а́з, прови́дех бо воплоща́ема Бога, Све́та Невече́рня и ми́ром влады́чествующа».

Лука́вно мя гладото́ю³⁷ сласте́й преле́стник у́дою восхи́ти и я́ко ры́бу безгла́сну мре́жею привлече́, но имы́й Тебе́ огражде́ние, Чи́стая,

се́тей и тене́т его́ вско́ре изми́, раб Твой молю́ся.

Ве́лий в кре́пости Бог и ми́лостию бога́т,Нескве́рная, Иже милосе́рдия ра́ди плоть прие́мый, зове́т: «Пока́йтеся и небе́сный живо́т

насле́дите», аз же жите́йским сласте́м примеша́юся.

Совокупи́ся а́нгелом естество́ челове́че, Блага́я, в Тебе́, сего́ ра́ди челове́цы жи́тельству соревну́ют а́нгельску, в де́встве и свя́тости живу́ще на земли́, и́хже ча́сти сподо́би мя, Влады́чице.

Немощно́е Ты ве́си пло́ти моея́ и души́ печа́ль, ума́ же моего́, Де́во, гнило́е и нестоя́нное; ми́лости ра́ди сподоби́ благода́ти Твоея́, да Тя сла́влю, покро́вом Твои́м спаса́емь.

Песнь 6

Ирмос: Возопи́ к Тебе́, ви́дев ста́рец очи́ма спасе́ние, е́же лю́дем прии́де от Бо́га: «Христе́, Ты Бог мой».

Ника́коже страшу́ся, ника́коже трепе́щу Та́ин причаще́ния, сего́ ра́ди, Де́во, немощству́ю ча́сто согреша́яй.

Простра́нное житие́ и веще́ствен нрав, Богоро́дице, прохожду́, сего́ ра́ди Христо́вых чужд есмь благода́тей.

Жити не хощу́, стеснева́емь мона́хов зако́нми, Влады́чице, и в широ́к путь теку́ поги́бели.

Кре́пость моя́ вся и наде́жда моя́, свет и живо́т и утеше́ние Ты еси́, Де́во, сего́ ра́ди к Тебе́ прибего́х.

Седален, глас третий. Подобен: Де́ва дне́сь:

От те́плыя ве́ры Тебе́ вопию́, Богоро́дице, недосто́йными усты́ и нечи́стым се́рдцем, спаси́ мя, потопля́ема грехи́, уще́дри неча́янием умерщвле́на, да зову́ Ти спаса́емь: ра́дуйся, Де́во, христиа́н похвало́.

Песнь 7

Ирмос: Тебе́, во огни́ ороси́вшаго о́троки богосло́вившия, и в Де́ву Нетле́нну все́льшагося Бо́га Сло́ва пои́м, благоче́стно пою́ще: благослове́н Бог оте́ц на́ших.

Егда́ прииму́ во уме́, Всечи́стая, суд неумы́тный и помы́слю дела́ безме́стная моя́, себе́ отчаява́ю, но Ты мой мрак и печа́ли тьму дале́че отжени́.

Сна ле́ности и уны́лаго разслабле́ния от бра́шен невоздержа́ния быва́ющих исправле́ние даждь, и душе́вным бо́дрством и умиле́ния

све́том мя просвети́.

Пла́чу и рыда́ю и убоя́хся, напа́стей пещь на мя воздвиза́ему зря, окая́нный, но угаси́ сию, Всесвята́я, ми́лости ороше́нием, благоутро́бия

я́ко исто́чник.

Безме́рная согреше́ний бу́ря пости́же мя, окая́ннаго, и к бе́здне поги́бели влече́т, Богома́ти. Яко Ко́рмчию ро́ждшая, Де́во, к приста́нищу безстра́стия мя упра́ви.

Песнь 8

Рыда́я Дави́д прелюбодея́ния и уби́йства, воспе́: «Поми́луй мя, Бо́же, Бо́же мой». Аз же, тьма́ми пови́нен грехо́в, ка́ко обра́щу проще́ние, а́ще не Твои́ми к Нему́ мольба́ми очи́щуся?

День от дне, Богоро́дице, услажда́юся при́сно наде́ждами су́етными, е́же пока́ятися иски́й, па́ки же обы́чаем де́йствуяй, теку́,

я́ко пес на блево́тину, к злосмра́дию нечи́стых страсте́й.

Покая́ние жития́ втора́го полага́ет заве́ты в Госпо́де и па́дшия воздвиза́ет, плач низлага́ет и све́тлы сия́ представля́ет Сотво́ршему, с ни́миже да вчиню́ся и аз, Богома́ти, моле́бник Твой.

Испо́лнися зол душа́ моя́, прибли́жися а́ду живо́т мой, вмени́хся я́ко челове́к от враг мои́х еди́н безпомо́щен; но покажи́, ми́ра держа́вное заступле́ние, я́ко безпомо́щных еси́ Помо́щница.

Песнь 9

Ирмос: В зако́не се́ни и писа́ний о́браз ви́дим, ве́рнии: всяк му́жеский пол, ложесна́ разверза́я, свят Бо́гу; тем перворожде́нное Сло́во, Отца́ Безнача́льна, Сы́на первородя́щася Ма́терию неискусому́жно, велича́ем.

Тече́ние слез, Де́во Ма́ти, да́руй ми стра́стному, и се́рдца печа́ль, плач душе́вный и воздыха́ние, я́ко да воспла́чуся ума́ моего́, зле умерщвле́нна, и милосе́рдствовав, Сын Твой воздви́гнет сего́ я́ко Ла́заря.

Чи́стая, Всесвята́я Влады́чице, ро́ждшая пло́тию Христа́, Еди́на от Тро́ицы, на́га мя доброде́тели вся́кия, доброде́телей тро́ицею се́ю обогати́: стра́хом Бо́жиим, умиле́нием и смире́нием огради́ мя́.

Умертви́ти пло́ти мудрова́ние вся́кое сло́во боговеща́тельное глаго́лет, в сем бо живя́тся душа́ и притека́ет к Бо́гу, и в кро́вы еди́ны восхо́дит небе́сныЯ, и́хже ми улучи́ти моля́ Сы́на Твоего́, Богоневе́сто.

Но́щию страсте́й помраче́на озаря́ мя, Влады́чице, безстра́стия днем; от но́щи у́тренюет бо к Тебе́ в сокруше́нии се́рдца, Чи́стая, дух

мой, зане́ Свет на земли́ возсия́ла еси́ Го́спода.

Стихиры,глас третий. Подобны: Ве́лия Креста́ Твоего́:

Ра́дуйся, проро́ков Бо́жиих, Чи́стая, похвало́; ра́дуйся, черто́же Госпо́день; ра́дуйся, о́блаче ле́гкий; ра́дуйся, Нескве́рная Ма́ти Благослове́нная; ра́дуйся, ра́досте ми́ра и заступле́ние; ра́дуйся, царе́й правосла́вных побе́до.

Радуйся, держа́во апо́столов, Отрокови́це; ра́дуйся, златы́й све́щниче и манноприе́мная ста́мно; ра́дуйся, цве́те ве́ры; ра́дуйся, Свет

неизрече́нно заче́ншая; ра́дуйся, престо́ле о́гненный Вы́шняго.

Ра́дуйся, ски́ние свята́я; ра́дуйся трапе́зо, мо́сте и ле́ствице; ра́дуйся, Госпо́дня горо́ несеко́мая, Де́во; ра́дуйся, сте́блие свяще́ннейшее и нетле́нное; ра́дуйся, Ма́ти Госпо́дня.

Ра́дости се́рдце мое́ испо́лни, Радостотво́рная, и Боже́ственнаго весе́лия, я́ко да при́сно сла́влю Твое́, Влады́чице, тве́рдое предста́тельство, не и́мам бо ра́зве Тебе́, Нескве́рная, ины́я наде́жды.

Канон Пресвятей Богородице в понедельник

Творение Святейшаго Фотия, Патриарха Константинопольскаго, егоже краегранесие: Тре́тие моле́ние Всесла́вней Отрокови́це Фо́тиево

Песнь 1

Ирмос: Во́ды дре́вле, ма́нием Боже́ственным, во еди́но сонмище совокупи́вый и раздели́вый мо́ре изра́ильтеским лю́дем, сей Бог наш, препросла́влен есть; Тому́ еди́ному пои́м, я́ко просла́вися.

Иже в Тебе́ неизрече́нно все́льшася Бо́га Сло́ва моли́, Ма́ти Де́во, страсте́й свободи́ти безче́стия мя и умиле́ние да́ти смире́нному се́рдцу, и долго́в очище́ние дарова́ти.

Оскверне́ну от дел безме́стных окая́нную ду́шу мою́, чисти́тельными то́ки благоутро́бия Твоего́, Всенепоро́чная, уясни́, храм ю́ Свято́го и Всечестно́го Духа соверша́ющи све́тлый.

Очисти́лище Боже́ственное, Богоро́дице Де́во, су́щая лю́дем христоиме́нным, к Тебе́ вси ве́рно притека́ем, и разреше́ние обрета́ем согреше́ний лю́тых, и спаса́емся от вся́ческих зол.

Де́ву Мари́ю, душе́ моя́, иму́щу щедро́ты безме́рныя и челове́ки спаса́ющу от разли́чных зол, твою́ Предста́тельницу обре́тши, припади́

к Сей, взыва́ющи: Влады́чице Всенепоро́чная, помощи́ мне потщи́ся.

Песнь 3

Вы́шшая небе́сных умов, все́ми влады́чествующи созда́ньми, Нескве́рная, Ты бу́ди Предста́тельница моя́ в час Стра́шнаго суда́,

Богома́ти.

Вы́ну Тебе́ из глубины́ души́ моея́ вопию́, Богоневе́сто, и призыва́ю Тя: не отри́ни мя от ли́ца Твоего́ посра́млена.

Поми́луй мя, Чи́стая, вопию́ со слеза́ми Ти при́сно, согреше́ний мои́х моли́ся прия́ти ми оставле́ние пре́жде конца́.

Две́ре Боже́ственная Царя́ Христа́, Еюже Той про́йде и ми́ру яви́ся, две́ри умиле́ния ми отве́рзи и покая́ния.

Песнь 4

Ирмос: Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м, благодаря́ще: сла́ва си́ле Твое́й,

Го́споди.

Утверди́ ны, коле́блемыя ве́тры скорбе́й, искуше́ний и нужд, на ка́мени спасе́ния,Чи́стая, всяк отрева́ющи на нас вред льсти́внаго зми́я.

Ми́лостивна к нам всех Спа́са и Го́спода, Влады́чице ми́ра, Блага́я и Ми́лостивая, рабо́м Твои́м сотвори́ Твои́ми проше́нии и те́плыми

моли́твами.

Побо́рница и Засту́пница нам яви́ся, Влады́чице, сокруша́ющи бра́ни лука́вныя мы́сленных враг и неуя́звлены соблюда́ющи и покрыва́ющи ны от вся́каго вре́да и озлобле́ния.

Ускори́, Чи́стая, во е́же помощи́ и изба́вити вся прибега́ющия к Тебе́, льсти́вых челове́к язы́ки обуздова́ющи и нам спасе́ние подающи.

Песнь 5

Уста́ви труд окая́нныя моея́ души́ и вся боле́зни моя́ теле́сныя, Яже душ ро́ждшая Врача́ и теле́с, Всенепоро́чная.

Грехо́в нощь обдержи́т мя и страсте́й мгла покрыва́ет, све́том моле́ния Твоего́, Де́во Блага́я, просвети́.

Вода́ми Боже́ственными проше́ний Твои́х, Мариа́м, ду́шу мою́, зно́ем го́рьких и лю́тых согреше́ний иста́явшу, одожди́ и спаси́ мя.

К Тебе́ прибега́ю, не отри́ни, Блага́я, ниже́ пре́зри, ниже́ уничижи́, но ми́лостивно мне Твоей по́мощи благода́ть низпосли́.

Песнь 6

Сон нераде́ния пости́же мя лю́тый и в па́губу срее́т³⁸ сме́ртную, но Сама́ к покая́нию возста́ви, Влады́чице, и спасе́ние да́руй.

Во́лны помышле́ний стра́стных вы́ну смуща́ют мя, бу́ря же лука́вых духо́в погружа́ет, Нескве́рная, но утверди́ на ка́мени мя безстра́стия.

Просвети́ сия́нием Твои́м, Блага́я, о́чи мои́ серде́чныя, смеше́нием отемне́нныя помысло́в, и сы́ном све́та соде́лай, и в ме́сте све́тле всели́.

Иму́щи состра́стие обильно и благоутро́бие неизме́рно, сие́ на раба́ Твоего́, Тя призыва́юща, бога́тно ны́не изле́й и спаси́ мя.

Седален, глас третий. Подобен: Бо́жия ве́ры:

Утеше́ние стужа́емых, очище́ние согреша́ющих Ты яви́лася еси́, Матероде́во Влады́чице; челове́ков бо Спасе́ние ро́ждши, столп

кре́пок ве́рным еди́на была́ еси́. Те́мже вопие́м: Христа́ Бо́га моли́ дарова́ти нам ве́лию ми́лость.

Песнь 7

Ирмос: Якоже дре́вле благочести́выя три о́троки ороси́л еси́ в пла́мени халде́йстем, све́тлым Божества́ огне́м и нас озари́, «Благослове́н еси́», взыва́ющия, «Бо́же оте́цна́ших».

Прозябла́ еси́ Клас во чре́ве Боже́ствен всеи́стинно, Влады́чице Чи́стая, и Сего́ родила́ еси́ всех челове́к во спасе́ние, вся́кую ду́шу благода́ти Его́ исполня́юща и спаса́юща.

От ти́ны страсте́й, из глубины́ скорбе́й и напа́стей жите́йских возвлецы́ ны к безстра́стию, Чи́стая, и к ра́достному весе́лию, «Благослове́н», вопию́щия, «Плод чре́ва Твоего́».

Удо́лий мирски́х, я́ко крин, посреде́ и те́рний жите́йских, и я́ко багряноша́рный ши́пок³⁹ благоуха́нен же и цвету́щ Бог обреты́й, всели́ся

в Тя Я́ве и нас облагоуха́л есть, Всенепоро́чная.

Иже дверь Тя та́инственную предположи́вый Себе́ и приста́вивый стра́нно над су́щими на земли́, Тобо́ю, Нескве́рная, челове́ком дверь

подаде́, в жизнь вводя́щу вся ве́чную, я́ко щедро́т и всех Бог.

Песнь 8

Ирмос: Обра́зно во а́нгельстем я́вльшася зра́це, и де́ти прохла́ждша посреде́ горя́щия пе́щи, благослови́те, дела́ Госпо́дня, Го́спода.

Изба́ви, Всепе́тая, моле́ньми Твои́ми от вся́каго озлобле́ния и неудо́бства жите́йска, и Твой пода́ждь ми покро́в спаси́тельный.

Световожа́тая су́щих во тьме, Мари́е Честна́я, о́чи души́ моея́ просвети́, молю́ся, мрак страсте́й све́том Твои́м разоря́ющи.

Соблюди́ ны от наве́та враго́в невреди́мы, ве́рою и́мя Твое́ призыва́ющих, языковре́дие тех и уста́ оброти́вши⁴⁰, Чи́стая.

Яко Творца́ всех пло́тию ро́ждшая, укрепля́еши и мо́жеши ели́ка хо́щеши, Всенепоро́чная, те́мже бу́дущаго ны изми́ осужде́ния.

Песнь 9

Зако́нов Твои́х отверго́хся и спаси́тельныя за́поведи преступи́х, Ще́дре, и стра́шнаго бою́ся суди́ща Твоего́, в не́мже, воссе́д, суди́ти

и́маши вся́ческая, те́мже вопию́: ту́не спаси́ мя, Сло́ве, Ма́тере Твоей мольба́ми.

Кре́посте моя́, наде́ждо и пе́ние, держа́во и спасе́ние мое́, Богоневе́сто Мари́е, ви́димых враг изба́ви и лю́тых неви́димых, и́щущих зверообра́зно мя растерза́ти и в коне́ц погуби́ти.

Житие́ мое́ все, Нескве́рная, ле́ностно соверши́х и прибли́жихся а́ду ны́не неча́яния, но исправле́ние подава́й и не оста́ви мя в сицево́м озлобле́нии, прибега́юща к покро́ву Твоему́.

Сы́на Бо́жия ро́ждши и всех су́щи Влады́чица, поми́луй ду́шу мою́, и в день суда́ осужде́ния мя изми́, и не оста́ви му́кам гее́нским отвести́ся.

Стихиры, глас третий. Подобны: Стра́стию Твое́ю, Христе́:

Ра́дуйся, разреше́ние кля́твы и ра́дости излия́ние; ра́дуйся, Еюже а́нгелом совокупи́хомся; ра́дуйся, Ма́ти Нескве́рная; ра́дуйся, ве́рных

те́плое и изве́стное предста́тельство.

Ра́дуйся, све́тлая похвало́ и ве́ры воздви́жение; ра́дуйся, Еюже уз отреши́хомся, и́же дре́вле держи́мии мра́ком неве́дения, Чи́стая, и глубино́ю прегреше́ний.

Ра́дуйся, руно́ Гедео́ново; ра́дуйся, Бо́жий черте́же; ра́дуйся, мы́сленный Грозд Прозя́бшая; ра́дуйся, ми́ра Влады́чице; ра́дуйся, право

сла́вных утвержде́ние и похвало́.

Яко мне́жеством напа́стей и грехе́в содержу́ся к заступле́нию Твоему́, Влады́чице, припа́даю окая́нный: не лиши́ мене́ пре́чее бога́тыя

Твоея́ по́мощи.

Канон Пресвятей Богородице в вторник

Творение Иоанна Евхаитскаго

Песнь 1

Вышняго отпа́д и лу́чшаго жития́ и живота́ добре́йша, в преиспо́днейшее сведо́хся а́дово ме́сто, нача́льства же вся́каго и вла́сти Тобо́ю,Влады́чице, па́ки превы́шше бых, ро́ждшею Спа́са моего́.

Отверзо́шася заключе́нная врата́, Влады́чице, рая́ Еде́мля Твои́ми Боже́ственными враты́ одушевле́нными и живы́ми, и́миже Бог еди́н про́йде и затворе́ны оста́ви. Те́мже молю: жи́зни врата́ мне отве́рзи.

Ду́ха Всесвята́го сосу́д свят и прия́телище свяще́ннное, Богоро́дице, ду́шу мою́, лука́вых бы́вшу духо́в жили́ще, освяти́, дух прав во

утро́бе мое́й ны́не обновля́ющи.

Утром покая́ния тьму разо́ршая и нощь страсте́й, ду́шу мою́, во мра́це неве́дения спя́щу, у́треневати и просвеща́тися све́том богоразу́мия воздви́гни светоза́рным моле́нием Твои́м, Богома́ти.

Песнь 3

Ирмос: Утвержде́ние на Тя наде́ющихся, утверди́, Го́споди, Це́рковь, ю́же стяжа́л еси́ честно́ю Твое́ю Кро́вию.

Род земны́й Твои́м хода́тайством небе́сный бысть, Богороди́тельнице, те́мже земли́ мя и земны́х разреши́.

Умно́жишася па́че влас главы́ моея, Всенепоро́чная, мно́жества зол мои́х, но Ты мя спаси́.

От ю́ности презре́в Боже́ственная Рождества́ Твоего́, Влады́чице, повеле́ния, на стра́сти нече́стия отпадо́х.

Ны́не услы́ши стена́ния гла́са моего́ и да́руй ми дух сокруше́н и се́рдце смире́нно, Неискусобра́чная.

Песнь 4

Яко одушевле́нный и живы́й слове́сен ковче́г, благослове́нная Мариа́м, Законода́вца Сло́ва а́ки Но́я вмеща́еши, от пото́па пре́лести избавля́юща мир и Нача́льника показу́ема ми́ра втора́го и жития́ лу́чшаго.

Злату́ю Тя почита́ем кади́льницу, в не́йже Сло́во Отчее возже́г всесвяту́ю плоть Свою́, вселе́нную испо́лни Боже́ственныя вони́

и освяти́ возду́х, ту́ком жертв оскве́рншийся ме́рзких, Богоблаже́нная.

Врачева́ний всем ро́су ка́плеши, Чи́стая, я́ко исцеле́ний исто́чник и пото́к спасе́ния, и Бо́жия река́, вод испо́лнена невеще́ственных,

душепита́тельных и животво́рных. Те́мже и мене́, молю́ся, неду́гующа исцели́.

Всенепоро́чная и́стинно и всех Влады́чице, Влады́ку всех заче́ншая несказа́нным сло́вом Христа́, от влады́чества беглеца́ Его́ мироде́ржца изба́вльши мя, при́снаго раба́ Твоего́ покажи́.

Песнь 5

Ирмос: Яко ви́де Иса́ия обра́зно на престо́ле превознесе́на Бо́га, от а́нгел сла́вы дориноси́ма, «О, окая́нный», вопия́ше, «а́з, прови́дех бо воплоща́ема Бо́га, Све́та Невече́рня и ми́ром влады́чествующа».

Боже́ственную мирополо́жницу безсме́ртнаго Ми́ра⁴¹, святы́й исто́чник животворя́щия и живы́я воды́, врата́ спасе́ния, рай Бо́жий слове́сный, одушевле́н град Царя́ Христа́ пою́.

Умо́м очище́нным всегда́ ви́дети и созерца́ти Тя, весе́лие се́рдца моего́, Де́во, кре́пость ми даждь, и Твои́м озаря́тися све́том, и восприима́ти благоуха́ния Твоего́.

Неле́стнаго покая́ния, сокрове́ннаго воздыха́ния и умиле́ния благода́ть пода́ждь ми хода́тайственну; се бо отча́янный мно́жеством грехо́в, Де́во Свята́я, прибега́ю к ми́лости Твое́й.

Юнице Боже́ственная, Тельца́ избра́нна и упита́нна заче́ншая, Агнице, Агнца Христа́ поро́ждшая, десны́м мя овца́м сопричти́, и огра́ды

небе́сныя и ра́йскаго зла́ка сподо́би.

Песнь 6

Ирмос: Иже в концы́ веко́в доше́дшия, Человеколю́бче,

и треволне́ньми напа́стей поги́бнути бе́дствующия, вопию́щия не пре́зри: спаси́, Спа́се, я́коже спасл еси́ от зве́ря проро́ка.

Храм и дверь, све́щник, киво́т, заве́са и жезл и ски́ния, земля́ свята́я, Боже́ственная трапе́за и мост, ле́ствица, престо́л, черто́г и пала́та Бо́жия яви́лася еси́, Де́во.

Добру́ и кра́сну Тя, Де́во, добро́тою кра́сный Госпо́дь па́че сыно́в земноро́дных, Чи́стая, обреты́й, возсия́ я́ко Со́лнце кра́сно, я́ко от черто́га Жени́х, Твоего́ нетле́ннаго чре́ва.

Ди́вный во святы́х удиви́ Тя, Влады́чице, ди́вное я́ко вои́стинну небесе́ и земли́ та́инство! Те́мже Твоя́ ми́лости ны́не на мне удиви́, ми́лости тре́бующем.

Яже смире́нное естество́ челове́чо возвы́сившая, и ни́щия возста́вльшая от земли́, и убо́гия от гно́я страсте́й воздви́гшая, от пе́рсти зол, Всенепоро́чная, воздви́гни мя.

Седален, глас третий. Подобен: Боже́ственныя ве́ры:

Сте́ну неразори́му, кре́пкое основа́ние, приста́нище непотопля́емо Тя стяжа́вше, Всепе́тая Влады́чице, и́же в пучи́не обурева́емии

страсте́й, к ти́хому заступле́нию Твоему́ прибега́юще ве́рно, тишины́ улуча́ем.

Песнь 7

Звезда́ Тобо́ю возсия́, Чи́стая, Иже от Иа́кова Христо́с, сотвори́вый луну́ и со́лнце в нача́ла и просвеще́ние но́щи и дне, Его́же моли́ мою́ просвети́ти ду́шу.

Го́ру Дании́л прови́де Тя, Де́во, несеко́му, от нея́же Ка́мень Христо́с кроме́ рук отсече́ся, но молю Ти ся: возми́ ско́ро ка́мень тяжча́йш ослепле́ния от се́рдца моего́.

От ко́рене Иессе́ова прозя́бши, сте́блие свяще́ннейшее, нетле́ние ве́рным плодопринесла́ еси́, и жи́зни Боже́ственныя Цвет, благослове́ние процвела́ еси́, изсуши́вшее кля́твы сад.

Принесла́ еси́, Чи́стая, я́ко виногра́д, живота́ Гро́зд всезре́лый, пия́нство пре́лести возрази́вый и ми́рови вино́ ра́зума источи́вый, его́же

пию́ще, ве́рнии, целому́дрствуем.

Песнь 8

Воздухохо́дное о́блако, на него́же Бог Сло́во на о́блацех е́здяй возше́д, я́ко на о́блаце ле́гце седя́й, низложи́л есть еги́петския дре́вле

куми́ры, сокруши́, Де́во, страсте́й мои́х столпы́.

Боже́ственная клеще́, Угль Боже́ствен неизрече́нно прие́мшая, страсте́й мои́х разжже́нная у́глия угаси́, Всесвята́я, росо́ю Твои́х моли́тв, да сла́влю Тя во вся ве́ки.

Неве́стника кра́сна святы́х и небоплете́ннаго мя сподо́би черто́га, неве́стниче сла́вы Бо́жия, безстра́стия одея́нием све́тлым оде́явши, Богома́ти, и ри́зою обо́лкши нетле́ния.

Нощь мя несве́тлая объе́млет, Отрокови́це, дело́м бо тьмы порабо́тихся, но Сама́ мя све́том Твои́м озари́, и просвети́ пою́ща: благослови́те, вся дела́ Госпо́дня, Го́спода, и превозноси́те во

вся ве́ки.

Песнь 9

Се заступле́ние мое́, се спасе́ние, се предста́тельство души́ моея́ и весе́лие, се прибе́жище, се покро́в мой я́ве еси́ и наде́жда изве́стная,

Де́во Влады́чице.

Красну́ душе́ю и те́лом, красну́ и умо́м обреты́й Тя Кра́сный, от ложе́сн Твои́х де́вственных воплоти́ся я́коже весть, безобра́зие мое́,

Чи́стая, украси́в я́ко Бог, Его́же моли́ спасти́ся ми.

Но́ваго Младе́нца на объя́тиих нося́щи Твои́х Безнача́льна, я́ко ши́ршая су́щи небе́с и твари́ всея́ святе́йшая, Де́во, Сего́ моли́ свобо-

ди́ти мя, Чи́стая, прегреше́ний безме́рных.

Ты мою́ жизнь окорми́ и ра́дости се́рдце испо́лни, Ты разреши́ воздыха́ний безме́рных боле́зни, и всю го́речь души́ моея́, Всесвята́я, на

и́стинное весе́лие премени́.

Стихиры, глас третий. Подобны: Ве́лия Креста́ Твоего́:

Ра́дуйся, Пресвята́я, Сло́во Свято́е Вы́шняго прии́мшая во чре́ве Твое́м; ра́дуйся, правосла́вных сла́во честна́я; ра́дуйся, невеще́ственных а́нгел благоле́пие; ра́дуйся, Богоневе́сто, всех прибе́жище.

Ра́дуйся, многолюбе́зная добро́то всея́ вселе́нныя, Богоотрокови́це Мари́е; ра́дуйся, Боже́ственное утеше́ние оскорбля́емых; ра́дуйся,

немощству́ющих, Чи́стая, посеще́ние; ра́дуйся, огнезра́чное Госпо́дне седа́лище.

Ра́дуйся, сто́лпе де́вства незы́блен; ра́дуйся, Всеблагоде́тельнице песносло́вящих; ра́дуйся, златоза́рная пала́то Царе́ва; ра́дуйся, ми́ре

ве́лий в ма́лем, Всечи́стая; ра́дуйся, спасе́ния на́шего глави́зно.

Ты еди́но еси́ предста́тельство непосты́дное, похвала́ же и сла́ва христиа́н; Ты мя боле́зней свободи́, и напа́стей о́блаки, Де́во, обрати́ в утеше́ния свет.

Канон Пресвятей Богородице в среду

Творение Арсения монаха, егоже краегранесие: Тре́тий, Всечи́стая, псало́м от Арсе́ния

Песнь 1

Истинно Пребоже́ственнаго, Де́во Всенепоро́чная, и челове́ки слове́сныя прело́жшаго от безслове́сия на словесе́ благода́ть, еди́ная ма́терски ро́ждши Сло́ва, сло́ву пода́тися мне испроси́, Богома́ти, пе́ти и сла́вити Тя.

Оздра́вльшеся, здра́вия душ лише́ннии, преширо́ким Твои́м, Честна́я, могу́тством, я́ко к Боже́ственному врачу́ прибега́юще, кре́пости

Твоея́ взыску́ем, во е́же тле́нному восприя́ти естеству́ си́лу блажи́ти и воспева́ти Тя.

Яд всепа́губный, его́же пре́жде естеству́ на́шему изблева́ вше́дый в рай злосове́тник змий, сла́достию Твое́ю Боже́ственною, Богома́ти, очи́стши, сла́вити Тя и ра́доватися ны́не нас укрепи́.

Естество́м у́мным сада́ животво́рна в виде́нии ны́не пресла́вно наслажда́еми, те́плаго ра́ди хода́тайства Твоего́, Влады́чице, и́же к земли́ укло́ньшиися и сне́дию дре́ва уме́ршии Тя в пе́снех по до́лгу вси велича́ем.

Песнь 3

Его́же безбе́дно я́ко сокро́вище, Богоро́дице, во утро́бе Твое́й прия́ла еси́, Христа́ моли́ е́же обогати́ти ве́рно Тя хва́лящия.

Ты утвержде́ние яви́лася еси́ е́же посреде́ вод, Со́лнце нося́щи пра́вды, Его́же моли́ просвети́тися рабо́м Твои́м.

Всех Влады́чице, Грозд сладча́йш ми́ру всему́ израсти́вшая, весе́лием Твои́м све́тлым всех обвесели́.

Возми́, Пречи́стая, е́же от зло́бы и́го мое́ и облегчи́ вселю́тый яре́м согреше́ний, я́ко да благонаде́жен сый при́сно ублажа́ю Тя.

Песнь 4

Победи́ла еси́, Честна́я, доброде́тельми вся́ческая: не́бо чистото́ю, зе́млю же всю целому́дрием стра́шным, и моря́ превозшла́ еси́ широто́ю. Не преста́й у́бо моля́щи о всех, Непоро́чная Ма́ти Бо́жия.

Процвете́ пре́жде вои́стинну жезл Ааро́нь,

спроцвете́ же сему́ и Иессе́ов жезл, прообрази́вше Тя, Чи́стая; ов у́бо от иере́й, ов же от царе́й Тебе́ бы́ти показа́, но Яже от обои́х прозя́бшая,

спаса́й вся.

Ве́дуще Тя всепло́дную ни́ву, в безсе́меннем се́янии Клас изра́стшую, пита́яй вся, и вся́каго естества́ Соде́теля Христа́ хлеботворя́щую во утро́бе, мо́лим Тя, Нескве́рная, гла́да духо́внаго изба́ви ны.

Уразуме́лася еси́ Тро́ицы град одушевле́н, ре́чная у́бо, Блага́я, веселя́т Тебе́ Ду́ха стремле́ния, Оте́ц же я́ко жили́ще Тя очища́ет, и пребыва́ет Сын Тебе́ посреде́; те́м незы́бленни ны соблюда́й покро́вом Твои́м.

Песнь 5

Ирмос: Яко ви́де Иса́ия обра́зно на престо́ле превознесена Бо́га, от а́нгел сла́вы дориноси́ма, «О, окая́нный», вопия́ше, «аз, прови́дех бо воплоща́ема Бога, Све́та Невече́рня и ми́ром влады́чествующа».

В естестве́ нестерпи́мем Иже от Отца́ несозда́нно рожде́йся Сын Тобо́ю зи́ждется непрело́жно, Всечи́стая, о чудесе́! Ка́ко во утро́бе Твое́й Прему́дрость дом созида́ет Себе́, нас купнози́ждет и мир да́рует?

Ду́шу мою́ неключи́му, ю́же ума́ незре́лаго в путие́х бра́шном грехо́вным вельми́ оскоме́ншуюся, Твои́ми мольба́ми к сла́дости живота́ преведи́, Ма́ти Бо́жия, Хле́бом небе́сным, и Твоей благода́ти испо́лни.

Еже пре́жде зре́ти жела́ху а́нгели, ны́не, Де́во, Сама́ узре́вши, егда́ естества́ их Творе́ц естество́ челове́чо, прише́д, восприя́т, и Бо́га вопло́щши, а́нгелы превосхо́диши, и на́шу славу яви́ла еси́.

Просвеща́ются гре́шник мно́жества, упова́нием е́же на Тя оздравля́емая, и́бо я́ко на гре́зне я́года⁴² во все́х пребыва́еши. Сего́ ра́ди враго́м ника́коже погуби́мся, я́ко обетова́ Госпо́дь, в Тебе́ же, Де́во, обря́щем благослове́ние.

Песнь 6

Ирмос: Возопи́ к Тебе́, ви́дев ста́рец очи́ма спасе́ние, е́же лю́дем прии́де от Бо́га: «Христе́, Ты Бог мой».

Мари́е, Ма́ти Христа́ Зижди́теля, кни́го Бо́жия всезапеча́танна, в кни́гах небе́сных Твои́ми моле́ньми, Чи́стая, и мене́ напиши́.

Иже ве́рою Боже́ственною све́щник ин светлоно́сен Тя му́дрствующии, в невеще́ственнем све́те, Блага́я, Твое́м уясни́мся.

Угаси́ я́ко ветр похоте́ние, сокруши́ я́рость

злых звере́й мои́х, и души́ моея́ сло́во трича́стне, Де́во, соблюда́й⁴³.

Вo о́бразе е́же по о́бразу Бо́жию обогати́тися пода́ждь ми, в подо́бии по подо́бию, Чи́стая, сохраня́й.

Седален, глас третий. Подобен: Де́ва Днесь:

От ве́ры те́плыя Ти вопию́, Богоро́дице, недосто́йными усты́ и скве́рным се́рдцем, спаси́ мя угле́бшаго грехми́, уше́дри неча́янием уме́рша, да зову́ спаса́емь: ра́дуйся, Де́во, христиа́н похвало́.

Песнь 7

Стра́нно изобразу́ет, Всенепоро́чная, рождество́ Твое́ пещь, и́бо ю́ноши три опаля́яй мучи́тель, с четве́ртым пою́щия зря, вопие́т:

благослове́н Бог оте́ц на́ших.

Взя́ти Па́стырь овча́ хотя́й, в Тебе́ сие́ обре́те, и обложе́н от пречи́стых крове́й Твои́х, на ра́мех но́сит, те́мже ве́рою вопие́м: благослове́н Бог оте́ц на́ших.

Скве́рна страсте́й при́сно омрача́ет ду́шу мою́, Влады́чице, и я́ко трость су́ху, всеконе́чно безпло́дную пожига́ет грехо́м; сего́ ра́ди зовы́й

вопию́ Ти: Богоблаже́нная Чи́стая, изба́ви мя и спаси́.

То́ком Твои́м чисти́тельным ду́шу мою́ омы́й, окали́ну грехи́ безме́стными, Де́во, да ве́рою Ти пою́: благослове́на Бо́га пло́тию

Ро́ждшая.

Песнь 8

Ста́мну злату́ю и све́щник, трапе́зу и жезл, Бо́жию го́ру и о́блак, черто́г Царе́в и пре́стол огневи́дный Тя ве́рнии вси имену́ем, по рождестве́ Де́ву соблю́дшуюся.

Яко крин, Чи́стая, Тя узре́в кри́ны се́льныя украси́вый Сло́во, и от тернови́дна взем естества́, из Тебе оде́ждею облека́ется. Те́мже

зову́: на́га мя всего́ облецы́, да воспева́ю Тя во вся ве́ки.

От Тебе́ рожде́йся Иже вся нося́й Бог Сло́во глаго́лом Свои́м, Тобо́ю очище́ние прегреше́ний дае́т, те́мже Ти зову́: спаси́ на суде́

мя, Влады́чице, я́ко да Тя воспева́ю во ве́ки.

Зако́ну ума́ приража́яся моего́, противора́тствуяй пло́ти зако́н пра́выми Сы́на Твоего́ путьми́ хоте́ний Боже́ственных отвраща́ет ходи́ти. Те́мже молю́: Твои́м хода́тайством, Отрокови́це, управи мя.

Песнь 9

Ирмос: В зако́не се́ни и писа́ний о́браз ви́дим ве́рнии: всяк му́жеский пол, ложесна́ разверза́я, свят Бо́гу; тем перворожде́нное Сло́во, Отца́ Безнача́льна, Сы́на первородя́щася Ма́терию неискусому́жно, велича́ем.

На ми́лостивное Твое́ взираю́ще о́ко, пое́м от души́: поми́луй вся благоутро́бием Твои́м, Ма́ти Бо́жия, Боже́ственную Твою́ покажи́ благода́ть чту́щим Тя ве́рно, я́ко да вси в пе́снех сладкопою́ще Тебе́ велича́ем.

Зря́щи, Чи́стая, раба́ Твоего́, ве́рно Тя лю́бяща, в ско́рбех помози́, в ну́ждах заступи́ те́пле, во обстоя́ниих свободи́ и в напа́стех изба́ви; Ты бо ми́ру покро́в и ро́ду на́шему поможе́ние.

Троичен: Нерожде́нный Све́те пресве́тлый, Отче Боже́ственный и Изводи́телю, Сы́не Оте́ч и Сло́ве, рожде́йся я́ко от Све́та Свет, и Ду́ше

нетва́рный Боже́ственный возсия́вый исхо́дне, Тро́ице Еди́нице Бо́же мой, вся сохраня́й си́лою Твое́ю.

Свы́ше Твое́ заступле́ние, Чи́стая, и нам низпосли́, де́тельное моле́ние Твое́ всем распростри́, да́руй исцеле́ний благода́ть и чуде́с

мно́жество, да вси Тя чтим и непреста́нно велича́ем.

Стихиры, глас третий. Подобны: Стра́стию Твое́ю, Христе́:

Ра́дуйся, Живота́ Ма́ти; ра́дуйся, Присноблаже́нная, а́нгелов всебога́тное зре́ние и земноро́дных, ра́дуйся, похвалео́; ра́дуйся, ра́дость челове́ком источи́вшая, Влады́чице.

Ра́дуйся, Всенепоро́чная, Це́ркве Христо́вы скраниа́ма поко́й и проше́ний ея́ подъя́тие; ра́дуйся, мы́сленная врата́, и́миже Вы́шний про́йде.

Ра́дуйся, добро́то Иа́ковля, Юже Влады́ка возлюби́; ра́дуйся, заре́, нося́щая Со́лнце; радуйся, от тле́ния челове́ки Изба́вльшая рождество́м Твои́м.

От вся́каго прило́га проти́вна и ско́рби, и от враг лю́тых, Всенепоро́чная, рабы́ Твоя́ свободи́; Тя бо держа́вное предста́тельство стяжа́хом.

Канон Пресвятей Богородице в четверток

Творение Феоктиста, монаха Студийскаго, егоже краегранесие: Пою тре́тию Тебе́ слез испо́лнену песнь

Песнь 1

Ирмос: Во́ды дре́вле, ма́нием Боже́ственным, во еди́но сонмище совокупи́вый и раздели́вый мо́ре изра́ильтеским лю́дем, Сей Бог наш, препросла́влен есть; Тому́ еди́ному пои́м, я́ко просла́вися.

Напои́тися бога́тно слеза́ми даждь бразда́м окая́нныя души́ моея́, и плоды́ приноси́ти стори́чествующия сподо́би, и се́рдце мое́ вся́ческаго испо́лни весе́лия, Влады́чице, да сла́влю Тя.

Благоутро́бием ми́лости, всех Влады́чице, поми́луй окая́нную ду́шу мою́ и огня́ изба́ви мя ве́чнаго и де́монска натече́ния⁴⁴, Богоро́дице, под кров Твой ны́не прибега́юща.

Яко нескве́рный дом Царе́в, страстьми́ безме́стными оскве́рншееся се́рдце мое́, молю́ся, очи́сти, Отрокови́це, мольба́ми Твои́ми,

и чи́стаго жи́тельства де́лы обогати́, да сла́влю Тя.

Что неради́во, душе́ окая́нная, прехо́диши житие́, и не бои́шися дне стра́шныя му́ки? Но воста́ни про́чее от низпаде́ний и ле́ности, усе́рдно зову́щи: Богоро́дице, спаси́ мя, Пречи́стая.

Песнь 3

Изба́ви гее́нны и вся́каго ино́го томле́ния в час су́дный раба́ Твоего́, и Ца́рствия прича́стника сотвори́ Твоего́ Сы́на и Бо́га.

Уврачу́й пло́ти моея́ я́звы, и многомяте́жное помысло́в волне́ние, Влады́чице, укроти́, и ми́рное состоя́ние пода́ждь ми.

Окая́нствовав, ны́не сляко́хся лю́те, и несть исцеле́ния, Всенепоро́чная, души́ мое́й, но не в коне́ц оста́ви мя, Де́во, раба́ Твоего́.

Лице́ Твое́ Боже́ственное и честно́е яви́, молю́ Ти ся, Чи́стая, на рабе́ Твое́м и твори́ти мя научи́ оправда́ния Сы́на Твоего́.

Песнь 4

Ирмос: Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м, благодаря́ще: сла́ва си́ле Твое́й, Го́споди.

Вся бла́га еси́, Мари́е Пречи́стая, вся и благоутро́бна, вся ми́лостива и Помо́щница всем в напа́стех и обстоя́ниих; те́мже всего́ соблюди́ мя и огради́.

Нощь несве́тлая мя страсте́й содержи́т, окая́ннаго, но све́том Твои́м, Блага́я, души́ моея́ о́блак расто́ргни, и к све́ту наста́ви повеле́ний

Бо́жиих, Нескве́рная.

Бу́рею искуше́ний и треволне́ньми лука́внейших помысло́в потопля́емь, и в глубину́ отчая́ния при́сно влеко́м, спаси́, вопию́ Ти, Влады́чице, раба́ Твоего́.

Егда́ пло́ти душа́ моя́ хо́щет разлуча́тися,тогда́, предста́вши состра́стием, бесо́в нахожде́ния мя исхити́, и́щущих моея́ непреста́нно, Отрокови́це, поги́бели.

Песнь 5

Ирмос: На земли́ Неви́димый яви́лся еси́, и челове́ком волею сожи́л еси́ Непостижи́мый, и к Тебе́ у́тренююще, воспева́ем Тя, Человеколю́бче.

Виждь, Чи́стая, виждь неможе́ние смире́нныя и окая́нныя души́ моея́, и неви́димых враг привозста́ния, и сих вре́да изба́ви мя.

Де́монскими наве́ты ум мой вы́ну в безме́стная помышле́ния низвлеко́мый, не оста́ви, Влады́чице, но непревра́тен предста́ви.

Гре́шником и мытаре́м яви́ся Твой Сын за благоутро́бие ми́лости, Ему́же подража́ющи, Чи́стая, ны́не уще́дри мя, па́че всех согреши́вша.

Пси мно́зи вои́стинну обыдо́ша мене́, со́нмище духо́в мя лука́вых обы́де, но сих, Нескве́рная, кова́рствия разори́.

Песнь 6

Волна́ми погружа́юся страсте́й и сласте́й грехо́вных, раб Твой; Богоро́дице, предвари́ и Боже́ственным Твои́м окормле́нием ко приста́нищу покая́ния мя путево́ждствуй.

Струи́ мне слез духо́вных, Отрокова́це, пода́ждь, да омы́ю ти́ну прегреше́ний мои́х, и к воде́ напра́ви отра́ды в день су́дный.

Успо́х к сме́рти духо́вней и во гро́бе лежу́ отча́яния, но даждь ру́ку мне и воздви́гни, молю́ся, к покая́нию и животу́ наставля́ющи мя.

Превзыдо́ша вои́стинну главу́ мою́ мно́гая моя́ беззако́ния, я́ко бре́мя тя́жкое отяготе́ша на мне, но облегчи́ яре́м мой, Всепе́тая.

Седален, глас третий. Подобен: Красне́йшую:

Все житие́ в нераде́нии мно́зе, Всечи́стая, преидо́х, и ко исхо́да вре́мени ныне прибли́жився, враг мои́х устраши́хся: еда́ растерза́ют

ду́шу мою́ и па́губней я́рости мя предадя́т? Но уще́дри и изба́ви сих озлобле́ния.

Песнь 7

Ирмос: Пре́жде о́бразу злато́му, перси́дскому чти́лшцу, о́троцы не поклони́шася, трие́ пою́ще посреде́ пе́щи: «Отце́в Бо́же, благослове́н еси́».

О, ми́лостивая Ма́ти Бо́жия, Твоя́ рабы́ состра́стия Твоего́ сподо́би, ве́рою Сы́ну Твоему́ вопию́щия: отце́в Бо́же, благослове́н еси́.

Па́жить изсуши́, Чи́стая, грехо́вных и скве́рных дел, да любо́вию Сы́ну Твоему́ зову́: отце́в Бо́же, благослове́н еси́.

Род челове́ч мо́лит Тя, Влады́чице Богоро́дице, поми́луй раба́ Твоего́, ве́рою Сы́ну Твоему́ вопию́ща: отце́в Бо́же, благослове́н еси́.

На суди́щи Христо́ве, егда́ хощу́ суди́тися я́ко пови́нен, Нескве́рная, яви́ся ми вся́кия му́ки избавля́ющая те́плым Твои́м предста́тельством.

Песнь 8

Не преста́ни, Чи́стая, моля́щи Сы́на Твоего́ и́же в умиле́нии Тя чту́щим се́тей изба́витися диа́вольских, благословя́щим Го́спода.

Не ру́це то́кмо и очеса́, но ум и ду́шу и се́рдце к Тебе́ простира́ю, Де́во: всего́ мя озари́ све́том Твои́м, всего́ слеза́ми омы́й, всего́ умиле́нием те́плым очи́сти мя.

Нощь грехо́в мя кры́ет и смуща́ет прегреше́ний бу́ри вся́кия належа́щее треволне́ние. Трепе́щу у́бо и страшу́ся мук, и́хже мене́, Всесвята́я, изба́ви, отча́янных наде́ждо и спасе́ние.

Ждет мене́ лютое пре́ние, хотя́ща пред а́нгелы осуди́тися и позо́ром люде́й тмочи́сленных; вели́кия ну́жды изми́ мя тогда́; ве́лию бо и бога́тую ми́лость и́маши, Ро́ждшая вели́каго Царя́.

Песнь 9

Приближа́ется, душе́, коне́ц, при две́рех суд, оста́ви дела́ сту́дная и восприими́ благо́е жи́тельство; Побо́рницу бо и́маши Богоро́дицу,

от вся́каго избавля́ющу тя озлобле́ния.

В разбо́йники мысленный впадо́х, окая́нный, тех ко́зньми ри́зы доброде́тели умовре́дно совлеко́хся, и душепа́губных ран испо́лнь, вопию́ Ти: Богоро́дице, не пре́зри мя.

Житие́ мое́ все, Нескве́рная, ле́ностне соверши́ся, и ко а́ду прибли́жихся ны́не отча́яния, но исправле́ние даждь и не оста́ви в сицево́м озлобле́нии прибега́юща к кро́ву Твоему́.

Пло́ти моея́ неможе́ние и души́ разслабле́ние, се́рдца боле́знь и ума́ уклоне́ния моего́ Тебе́ возложи́в, вопию́: даждь исцеле́ние, да похвало́ю велича́ю Тя.

Стихиры, глас третий. Подобны: Ве́лия Креста́ Твоего́ си́ла:

Ра́дуйся, предста́тельство всех, Ма́ти Де́во, сла́во ве́рою те́плою Тя велича́ющих; ра́дуйся, похвало́ и утвержде́ние и огражде́ние ненаве́тно.

Ра́дуйся, Юнице, Тельца́ ро́ждшая непоро́чна; ра́дуйся, еди́на Преблагослове́нная; ра́дуйся, Препросла́вленная; ра́дуйся, честно́е

украше́ние а́нгелов; ра́дуйся, живота́ Хода́таице, Безневе́стная Богоро́дице Мари́е.

Ра́дуйся, свеще́ неугаси́мая ми́рови; ра́дуйся, Неве́сто вседо́брая; ра́дуйся, всезлата́я и Боже́ственная Сло́ва пала́то; ра́дуйся, Отрокови́це, еди́но прибе́жище всех вопию́щих Ти «ра́дуйся».

Львов душепа́губных изми́ мольба́ми Твои́ми, упова́ние и предста́тельство ро́да на́шего, и путево́ждствуй мя к Ца́рству Вы́шнему,

и зре́ти добро́ту Сы́на Твоего́, Де́во, сподо́би.

Канон Пресвятей Богородице в пяток

Творение Святаго Иоанна Дамаскина⁴⁵

Песнь 1

Ирмос: Во́ды дре́вле, ма́нием Божественным, во едино сонмище совокупи́вый и раздели́вый море изра́ильтеским лю́дей, сей Бог наш, препросла́влен есть; Тому́ еди́ному пои́м, я́ко просла́вися.

Ра́дуйся, престо́ле Госпо́день; ра́дуйся, Де́во, разре́шшая пре́лести мглу и к Све́ту Невече́рнему вся привле́кшая; ра́дуйся, Неискусобра́чная; ра́дуйся, богопи́санный сви́тче, ве́рных утвержде́ние; ра́дуйся, Всепе́тая.

Ра́дуйся, ста́мно, Ма́нну внутрь нося́щая и всех услажда́ющая и́стинную Влады́чицу ве́рою испове́дающих Тя; ра́дуйся, всея́ тва́ри

Упра́вителя Ро́ждшая; ра́дуйся, свет озари́вшая ми́ру, Пречи́стая.

Многорачи́тельная добро́то и всечестна́я, ра́дуйся, вся па́че естества́ Твои́м рождество́м из глубины́ неве́рия спа́сшая и к ве́ре Боже́ственней руково́дствовавшая; ра́дуйся, еди́на Преблагослове́нная; ра́дуйся, Богоневе́сто.

Светоприе́мная Де́во, ра́дуйся, еди́на ро́ждшая Спа́са ми́ру и всех злополу́чных наде́ждо; ра́дуйся, Жизнепода́тельнице; ра́дуйся,

Нескве́рная, Всесвята́я; ра́дуйся, присноживо́тныя струи́ источа́ющая.

Песнь 3

Боже́ственная ле́ствице, ю́же ви́де Иа́ков, сме́ртныя возводя́щая к небе́сному вхо́ду, ра́дуйся, Всенетле́нная, злополу́чных наде́яние,

покро́ве и ра́досте.

Пламеноно́сная клеще́, мы́сленный Угль содержа́щая, ра́дуйся, Безневе́стная Ма́ти огне́м Очища́ющаго грех ми́ра всего́.

Же́зле, ра́дуйся, Цвет жи́зни нетле́нный пресла́вно прозя́бшая; ра́дуйся, Всенепоро́чная; ра́дуйся, све́тлое жили́ще Госпо́дне.

Ста́мну Тя Ма́нны у́мныя све́дуще, «ра́дуйся» немо́лчно вопие́м, Пресвята́я Влады́чице; ра́дуйся, ве́рных безопа́сное огражде́ние и

покро́ве.

Песнь 4

Ирмос: Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м, благодаря́ще: слава си́ле Твое́й, Го́споди.

Ра́дуйся, у́мная Ла́стовице и́стинно сладкоглаго́ливая, зи́му уста́вльшая мы́сленную, и к весне́ пресочта́вшая вся ве́рою Тя, Пречистая, велича́ющия.

Ра́дуйся, Влады́чице, та́инственная живопита́тельная трапе́зо, Хлеб небе́сный Христа́ посреде́ сея́ нося́щи, Нескве́рная, от Него́же прича́щшиися неизрече́нныя жи́зни и ра́дости исполня́ются.

Ра́дуйся, сокро́вище де́вства су́що и похвало́; ра́дуйся, Ка́мень жи́зни во чре́ве Твое́м едина вмести́вшая; ра́дуйся, Пречу́дная; ра́дуйся,

па́дших наде́жное исправле́ние.

Ра́дуйся, ве́рных невла́емая тверды́не; ра́дуйся, неве́рных и лука́вых враго́в отмще́ние; ра́дуйся, Всечу́дная, Благослове́нная; ра́дуйся, всех Влады́чице.

песнь

Песнь 5

Ра́дуйся, Све́та Невече́рня вмести́лище; ра́дуйся, Чи́стая, боля́щих цельба́ и врачевство́ невеще́ственное; ра́дуйся, Всесвяще́нная, Боже́ственный хра́ме Влады́чень.

Ра́дуйся, ски́ние ши́ршая о́блак, златоза́рное прия́телище Вы́шняго; ра́дуйся, Всепе́тая; ра́дуйся, ми́ро честно́е и кади́ло всеблагово́нное.

Ра́дуйся, ве́рных неруши́мая стено́, держа́вное ми́рови заступле́ние; ра́дуйся, Пренепоро́чная; ра́дуйся, всех утвержде́ние пою́щих Тя, Богоневе́сто.

Све́тлое Влады́чне прия́телище, ра́дуйся, Чи́стая, па́дшаго Ада́ма еди́но исправле́ние, и Евиных избавле́ние слез, ра́дуйся, Всечестна́я.

Песнь 6

«Ра́дуйся» Ти Гаврии́лово усе́рдно вси лю́дие Твои́, весе́лящеся, зове́м, Госпоже́ Богоро́дице; ра́дуйся, Чи́стая и многосве́тлая, Яже

Со́лнце ве́рным возсия́вшая.

«Ра́дуйся» Ти вопие́м прера́достно Всенепоро́чней и Ма́тери Бо́га на́шего; ра́дуйся, купино́ неопа́льная и село́ невозде́ланно, небе́сный изра́стшее Клас.

«Ра́дуйся» Ти, Цари́це, ве́рнии единомы́сленно и безмяте́жно взыва́ем; ра́дуйся, ле́ствице одушевле́нная, челове́ки возводя́щая к небеси́ и нетле́нному благосла́вию.

Вси е́же «ра́дуйся» Ти, яко присноживо́тную Си́лу ро́ждшей, ра́достно вопие́м, Богома́ти; ра́дуйся, черте́же всесве́тлый; ра́дуйся,

всемо́щная тверды́не вселе́нныя.

Седален, глас третий. Подобен: Красне́йшую:

Ра́дуйся, простра́нная Бо́жия пала́то; ра́дуйся, многосве́тлое Христо́во оби́телище, златоплете́нный черте́же и порфиропо́стланный

о́дре, ло́жнице огнезра́чная, не́бо превысоча́йшее, одушевле́нный раю́, слове́сное пребыва́ние, пресла́вный престо́ле Влады́чень; ра́дуйся, Богоро́дице Мари́е.

Песнь 7

Ра́дуйся, светоно́сная оби́тель, Мари́е Всенепоро́чная; ра́дуйся, селе́ние Зижди́телево чисте́йшее; ра́дуйся, стено́ и покро́ве ве́рно

сладкопою́щих: благослове́н Бог оте́ц на́ших.

Ра́дуйся, спасе́ния Хода́таице челове́ком и заступле́ние, красото́ Це́ркве и благоле́пие; ра́дуйся, побе́до царе́й и песнопоющих де́рзосте:

благослове́н Бог оте́ц на́ших.

Ра́дуйся, дев похвало́ и ма́терей удобре́ние; ра́дуйся, бога́тство нище́тствующих неисчерпа́емое; ра́дуйся, держа́во и сла́во ве́рных, взыва́ющих: благослове́н Бог оте́ц на́ших.

Ра́дуйся, Богоро́дице Всечестна́я, челове́ков прибе́жище; ра́дуйся, ме́сто свяще́ния и селе́ние Бо́га Вы́шняго, Его́же воспева́юще вопие́м: благослове́н Бог оте́ц на́ших.

Песнь 8

Да Тебе́, Де́во, ве́рнии благода́рне «ра́дуйся» вопие́м, изба́ви ны вся́каго греха́ и бури, вся́кия ну́жды и обстоя́ния, напа́сти и ско́рби

вся́кия, и лю́таго обдержа́ния ва́рварска.

Яко небе́с ши́ршую и херуви́м сла́внейшую, све́дуще Тя, Богоро́дице, Тебе́ приглаша́ем: ра́дуйся, Ма́ти Де́во, ра́дуйся, всех челове́ков воззва́ние, де́монов всепогубле́ние и низпаде́ние.

Безме́рных изми́ скорбе́й, находя́щих ча́сто мне окая́нну, напа́стей же и вре́да, вся́каго осужде́ния и неду́га, вся́каго преще́ния и я́звы,

да Тя сла́влю во ве́ки.

Храм теле́сный, увы́, безу́мно оскверни́х, окая́нный аз, в ти́не пребыва́яй греха́; омы́й мя, молю́ся, Влады́чице, то́ком Твои́м чисти́тельным, и в ра́дость Боже́ственную введя́ и сла́ву.

Песнь 9

Храм разуме́юще Тя вмести́телен Бо́га всех и Творца́, Пресвята́я Влады́чице, «ра́дуйся» Ти любо́вию вопие́м вси раби́ Твои́; ра́дуйся, Прему́дрости Бо́жия прия́телище; ра́дуйся, ве́рных к Бо́гу спасе́ние непосты́дное.

Кро́ве Боже́ственный, ра́дуйся, челове́ков и всех небе́сных чино́в; ра́дуйся, апо́столов похвалео́ и сла́во му́чеников; радуйся, страстоте́рпцев де́рзосте неизрече́нная; всех преподе́бных и пра́ведных, ра́дуйся, све́тлое и многослову́щее удобре́ние.

Ты мне пла́мень угаси́ лю́тых, бу́рю укроти́, Чи́стая, и печа́ль утоли́, сле́зы ути́ши, напа́сти дале́че от Мене́ изгони́, ра́дость пода́ждь рабу́ Твоему́, да непреста́нно я́ко благоде́ющую величаю Тя.

Богороди́тельнице Нескве́рная, всех прибега́ющих к Тебе́ покре́ве и кре́пкое заступле́ние, приими́ ны́не проше́ния раб Твои́х, и скверноуби́йственных рук изба́ви, Блага́я, я́ко необори́му иму́щи держа́ву, да в песнопе́ниих Тя непреста́нно велича́ем.

Стихиры, глас третий. Подобны: Стра́стию Твое́ю, Христе́:

Ра́дуйся, колесни́це све́тлая Влады́ки тва́ри; ра́дуйся, те́плое челове́ков очище́ние; ра́дуйся, Неискусобра́чная; ра́дуйся, Всенепоро́чная, Бо́га челове́ком соедини́вшая.

Ра́дуйся, стра́ннаго и ужа́снаго та́инства явле́ние; ра́дуйся, Еюже отве́рзеся рай; ра́дуйся, Боже́ственная трапе́зо; ра́дуйся, тле́нное пресла́вно Обезтли́вшая.

Ра́дуйся, сокро́вище ми́рови и попече́ние убо́гих; ра́дуйся, злополу́чных утвержде́ние; ра́дуйся, исправле́ние па́дших; ра́дуйся, немощству́ющим вспоможе́ние и цельбо́.

Мно́гих грехо́в помышля́я мои́х пучи́ну, к Твое́й, Нескве́рная, прибега́ю по́мощи, окая́нный: спаси́ мя, Чи́стая, и го́рьких изба́ви мук.

Глас четвертый Канон Пресвятей Богородице в субботу

Творение Феоктиста, монаха Студийскаго, егоже краегранесие: Све́та Прия́телище, просвети́ мя све́том Твои́м. Ами́нь

Песнь 1

Ирмос: Мо́ря чермну́ю пучину невла́жными стопа́ми древний пешешествовав Изра́иль, крестообра́зныма Моисе́овыма рука́ма, Амали́кову силу в пусты́ни победи́л есть.

Светом мя молений Твои́х просвети, Богороди́тельнице, Ма́ти су́щи Света Незаходи́маго, и просвещению мне ра́зума да́тися умоли́.

Яко светообра́зна су́щи, Богороди́тельнице Всенепорочная, светлыми молении Твои́ми, Нескве́рная, отемне́на мя просвети́ и све́та ходи́ти Боже́ственными стезя́ми сподо́би.

Нощь помысло́в мои́х просвети́ све́том Твои́м, Пречи́стая, и ду́шу мою две́рь све́та светоно́сну соде́лай, да свет узрю́ Светода́вца и

Бо́га моего́.

Мглу́ страсте́й мои́х прогони́, Свет ро́ждшая, Богома́ти Отрокови́це, све́та я́ве пресия́ющи со́лнечна, Светороди́тельнице Всеблагослове́нная.

Песнь 3

Ирмос: Весели́тся о Тебе́ Це́рковь Твоя́, Христе́, зову́щи: Ты моя́ кре́пость, Го́споди, и прибе́жище, и утвержде́ние.

Проще́ния испроша́ю просвети́тельных моле́ний Твои́х, Нескве́рная, е́же ми́лостивно пода́ждь ми, Свет от Све́та заче́ншая.

Смысл омраче́нный мой светоно́сною Твое́ю заре́ю просвети́: Ты бо ужа́сно породила́ еси́, Чи́стая, Отчее сия́ние.

Несть на земли гре́шнейша па́че мене́, Нескве́рная, те́мже вопию́: просвети́, две́ре Све́та, се́рдце мое́.

Селе́ние светови́дно пресве́тлаго вои́стинну естества́, свет Боже́ственный и све́та лучу́, Пречи́стая, пода́ждь ми.

Песнь 4

Ирмос: Вознесе́на Тя ви́девши Це́рковь на кресте́, Со́лнце пра́ведное, ста в чи́не свое́м, досто́йно взыва́ющи: сла́ва си́ле Твое́й, Го́споди.

От ю́ности моей, Пречи́стая, окаля́хся, Богороди́тельнице, сластьми́, но пра́вды Со́лнце поро́ждши Христа́, ны́не све́том Твои́м просвети́ очерне́вшее мое́ се́рдце.

Врачевство́ све́тлое су́щи, просвети́ мой ум, светоно́сное Сло́ва жили́ще, и тьмы изми́, Всепе́тая Светороди́тельнице, в невеще́ственный све́т вселя́ющи мя.

Всеобра́зне зло́бе порабо́тихся, но к Тебе́ прибега́ю ны́не омраче́н: просвети́ мя, Све́та врата́, и изба́ви гее́нны, и невеще́ственна све́та

испо́лни.

Законополо́жника ро́ждши и Светода́вца, го́рькую тьму ума́ моего́ разгони́ све́том моле́ний Твои́х, и спаси́ мя, Влады́чице, оскверне́нна, Нескве́рная.

Песнь 5

Ирмос: Ты, Го́споди мой, Свет, в мир прише́л еси́, Свет Святой, обраща́яй из мра́чна неве́дения ве́рою воспева́ющия Тя.

Свет от Све́та па́че сло́ва заче́нши, свет пода́ждь ми, обрати́ти от мра́чна неве́дения ве́рою воспева́юща Тя.

Яко херуви́м и серафи́м превы́шшая, ду́шу мою све́том Твои́м, Светороди́тельнице, просвети́.

Кто уразуме́ти возмо́жет све́та Твоего́ неизрече́нное, Пресве́тлая Богоро́дице? Тро́ицы бо Еди́наго ужа́сно породила́ есй.

Равноче́стна Сы́на Отцу́ и Ду́хови, Светода́вца ро́ждшая па́че сло́ва, Всенепоро́чная, све́том мя Сего́ просвети́.

Песнь 6

Ирмос: Пожру́ Ти со гла́сом хвале́ния, Го́споди, Це́рковь вопие́т Ти, от бесо́вския кро́ве очи́щшися, ра́ди ми́лости от ребр Твои́х исте́кшею кро́вию.

Обрати́ мое́ в ра́дость се́тование, Всепе́тая, и неду́гов мглу и страсте́й треволне́ние всех в тишину́ и соверше́нное здра́вие преложи́.

Уще́дри, я́ко Ми́лостивая, мя нечи́стаго, Чисте́йшая су́щи сия́ний со́лнечных, и све́та се́рдце мое́ Боже́ственнаго Твоего́ испо́лни.

Ма́нии просвети́тельными, Де́во, помраче́ннаго окая́нне к све́ту путево́ждствуй невече́рнему Сы́на Твоего́, и свети́льник души́ моея́

уга́сший возжзи́.

Еди́ну честне́йшу позна́хом Тя, Всенепоро́чная, херуви́м, я́ко ро́ждшую све́та Прави́теля, Богороди́тельнице, Его́же моли́ к све́ту мя

всели́ти незаходи́мому.

Седален, глас четвертый. Подобен: Вознесы́йся:

Доброде́тели и покая́ния стезю́ приско́рбну, у́зку и о́стру ве́село пу́тствовати мя, Чи́стая, укрепи́; разшири́ в ско́рби те́сное мое́ се́рдце,

ду́шу обогати́ мою́ де́лы благи́ми, и от страсте́й стро́потства на широту́ безстра́стия изведи́.

Песнь 7

Ирмос: В пещи́ Авраа́мстии о́троцы перси́дстей, любовию благоче́стия па́че, не́жели пла́менем опаля́еми, взыва́ху: «Благослове́н еси́ в хра́ме сла́вы Твоея́, Го́споди».

Аз, Де́во, беззако́ньми превзыдо́х вся я́же пре́жде зако́на вои́стинну и в зако́не; но Ро́ждшая Свет непристу́пный, прегреше́ний мои́х

тьму потреби́.

Растле́вший мир обновля́вши, Матероде́во, Свет ро́ждши и́стинный, просвеща́яй вся́каго челове́ка. Тем ны́не просвети́ души́ моея́ очеса́,

молю́ся.

Красне́йшу ны́не, и всесве́тлу ду́шу мою́ соде́лай, Господороди́тельнице, Отчее сия́ние ужа́сно родила́ бо еси́, и све́та присносу́щнаго

мя испо́лни.

Сокруше́ние души́ моея́ исцели́, Мариа́м, колесни́це Све́та, и пода́ждь ми к све́ту Сы́на Твоего́ ше́ствия твори́ти всегда́, да узрю́ свет невече́рний.

Песнь 8

Ирмос: Ру́це распростер Даниил, львов зияния в ро́ве затче́; огненную же силу угаси́ша, доброде́телию препоя́савшеся благоче́стия рачители о́троцы, взыва́юще: «Благословите, вся дела́ Госпо́дня, Го́спода».

Да уви́жду свет моле́ний Твои́х, Свет ро́ждшая челове́ком неизрече́нный, и чу́вства души́ моея́, Нескве́рная, просвеща́ющая, неве́дения же тьму отъе́млющая, и да вопию́: Светороди́тельнице, ра́дуйся, Всенепоро́чная.

Тьму страсте́й мои́х, Све́та о́блаче одушевле́нный, Всечестна́я Мари́е, светоно́сною просвети́ мольбо́ю, и ум мой уясни́, да зову́ Ти,

спаса́емь Светороди́тельнице, ра́дуйся, Пречи́стая.

Бога́тно и просвеще́ния испо́лнь моле́ние Твое́, Всепе́тая, ми́ра вся концы́ озаря́я и ве́рных уясня́я сердца́, вопию́щих: Светороди́тельнице, ра́дуйся, Нескве́рная.

Песнь Тебе́ принести́ никто́же досто́ин, Отрокови́це Всесве́тлая, Ты бо, Всенепоро́чная, родила́ еси́ па́че смы́сла Светода́вца Христа́, просвеща́юща ду́ши зову́щих: Светороди́тельнице, ра́дуйся, Всецари́це.

Песнь 9

Ирмос: Ка́мень нерукосе́чный от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́; тем веселя́щеся, Тя, Богоро́дице, велича́ем.

Нескве́рная, светоиме́нная Отрокови́це, светоно́сною Твое́ю мольбо́ю ума́ моего́ зе́ницы просвети́ и чу́вства теле́сная, да узрю свет Светода́вца и Спа́са моего́.

Еди́н превзыдо́х, Деви́це, блудо́м земноро́дных вся́кое естество́, и яви́хся ското́в безслове́сных несмы́сленнейш, но све́том моле́ний

Твои́х светонаста́ви, молю́ся.

Согреши́х окая́нный аз попремно́гу, но Ты, Де́во, мя просвети́, и изба́ви тьмы ве́чныя, и к жи́зни наста́ви нетле́нней и небе́сному наслажде́нию.

Отрокови́це, ра́дуйся, Всенепоро́чная; ра́дуйся, Безневе́стная Де́во; ра́дуйся, а́нгелов сла́во, и апо́столов, ра́дуйся, похвало́; ра́дуйся, му́чеников ве́нче и преподо́бных весе́лие.

Стихиры, глас четвертый. Подобны: Яко до́бля в му́ченицех:

Ра́дуйся, Нескве́рная Влады́чице, Бо́жия пала́то, и а́нгелов, ра́дуйся, весе́лие; ра́дуйся, Ада́мово воззва́ние и Евино избавле́ние; ра́дуйся, ле́ствице у́мная, ме́ртвыя возводя́щая к небеси́ и сла́ве нетле́нней; ра́дуйся, царе́й пра восла́вных держа́во и неруши́мое огражде́ние.

Ра́дуйся, Отрокови́це Всенепоро́чная, свяще́нных све́тлосте и ца́рствующих, ра́дуйся, диади́мо; ра́дуйся, а́дово умерщвле́ние; ра́дуйся, гре́шных очище́ние; ра́дуйся, глубине́ помысле́м безме́рная и высоте́ неизрече́нная; ра́дуйся, пла́чущих ра́досте; ра́дуйся, покре́ве ве́рно к Тебе́ притека́ющих и моля́щих Ти ся, Нескве́рная.

Ра́дуйся, тва́ри всея́ пречу́днейшее Созда́ние; ра́дуйся, богосле́вия подложе́ние; ра́дуйся, краести́шие Писа́ний и прорече́ний Боже́ственных, Всечи́стая; ра́дуйся, проре́чество и сбытие́ всеконе́чное; ра́дуйся, Еюже покланя́емся Еди́ному в Тро́ице Божеству́.

И ду́шу и те́ло мое́, и мысль Тебе́, Всечи́стая Богома́ти, привозложи́х: о́вой у́бо приноше́ния испроси́, о́вого же взыгра́ния умертви́, о́ву же све́том Твои́м Боже́ственным просвети́, да благоду́шен созерца́ю Тро́ицы сла́ву и непреста́нно велича́ю Тя, всесве́тлую Влады́чицу.

Канон Пресвятей Богородице в неделю

Творение Иоанна Евхаитскаго

Песнь 1

Ирмос: Триста́ты кре́пкия, Рожда́йся от Да́вы, безстра́стия во глубине́ души́ трича́стное потопи́, молю́ся, да Тебе́, я́ко в тимпа́не, во умерщвла́нии телесе́ побе́дное воспою́ пе́ние.

Пресве́тлая свеще́ Со́лнца сла́вы, души́ моея́ огнь, при́сно нераде́нием угаша́емь, возжзи́, Боже́ственных дел еле́ом, Пречи́стая, напоя́ющи, да ве́рою и любо́вию сла́влю Тя.

Окропи́вши, Честна́я, покая́ния иссо́пом оскверне́нную ду́шу мою́, очи́сти ско́ро, и слеза́ми омы́вши, убели́ па́че сне́га, у́мное весе́лие ми слы́шано сотво́рши и ра́дование.

Град Бо́га Всецаря́, богоприя́телище благочести́вое, сосу́де честны́й, Всенепоро́чная Богоро́дице, соблюди́ достоя́ние Твое́, при́сно

Тя благохва́лящее и ве́рою чту́щее Твое́ Рождество́.

Блаже́ни лю́дие сла́вящии Тя Богома́терь нело́жну, и при́сно блажа́щии Тя, Нескве́рная, я́коже прорекла́ еси́ священнопроро́чествующи, егда́ Христа́ внутрь носи́ла еси́.

Песнь 3

Ирмос: Не му́дростию и си́лою и бога́тством хва́лимся, но Тобо́ю, Отчею ипоста́сною Му́дростию, Христе́; несть бо свят па́че Тебе́, Человеколю́бче.

Тя Прему́дрость Бо́жия жили́ще чисте́йшее обре́т, от пречи́стых Твои́х крове́й воплоти́ся, и по рождестве́ нетле́нну яви́.

Тебе́ в стра́шнаго истяза́ния день предста́тельство нело́жное да обря́щу, и во вре́мя исхо́да моего́ ско́рое заступле́ние, Богороди́тельнице.

Тя предста́тельство, Всесвята́я Де́во, стяжа́хом; претвори́ на́ше в ра́дость се́тование, и ско́рби изба́ви, ражда́ющия смерть.

Ты, Всесвята́я, Святе́йшее ро́ждши Сло́во, освяти́ на́ша ду́ши и телеса́, блажа́щих Тя, Всеблаже́нную.

Песнь 4

Ирмос: Седя́й в сла́ве на престо́ле Божества́, во о́блаце легце прии́де Иису́с Пребоже́ственный, нетле́нною дла́нию, и спасе́ зову́щия: сла́ва, Христе́, си́ле Твое́й.

Ста́кти Боже́ственная и касси́я от риз Твоих, Всесвята́я Отрокови́це, благода́ти чистоты́ сладково́нныя, Иже в не́дрех Роди́телевых Седя́ща облагоуха́ющия, на не́дра Твоя́ Сего́ приведо́ша.

Златы́й свети́льниче, Де́во Цари́це, Бо́га вопло́щшая, осия́й покая́ния ми лучи́; Со́лнца о́блаче, светонаста́ви се́рдца моего́ у́мная чу́вствия.

Пресвята́я Богоро́дице, в Ню́же всели́тися благово́ли, я́ко в благоуха́нен дом, Сло́во Отцу́ Единосу́щное, дом мя Боже́ственнаго покажи́ Ду́ха, зову́ща: сла́ва, Чи́стая, рождеству́ Твоему́.

Мари́е Браконеиску́сная, сладча́йшее и́мя и па́че ка́мене зла́та бога́тство и пречестно́е име́ние, спаси́ мя к Тебе́ прибега́юща.

Песнь 5

Ирмос: Нечести́вии не у́зрят сла́вы Твоея́, Христе́, но мы Тя, Единоро́дне, Оте́ческия сла́вы Сия́ние Божества́, от но́щи у́тренююще, воспева́ем Тя, Человеколю́бче.

Избавля́ема лю́тых яви́ мя и прегреше́ний тлетво́рных, страсте́й, скорбе́й же и обстоя́ний, ве́рно пою́ща Тя, Богоро́дице Присноде́во.

Боже́ственный Угль пло́тию Ро́ждшая, страсте́й сластны́х мои́х разжже́нная у́глия росо́ю ми́лости угаси́, Влады́чице, неизрече́ннаго

благоутро́бия Твоего́.

Ду́шу мою́ я́ко зе́ницу о́ка соблюди́ в кро́ве крилу́ Твое́ю, Блага́я, и от духо́в лука́вых свободи́ мя томле́ния и му́ки.

Всем се́рдцем мои́м, Богоро́дице, испове́датися Изба́вителю ду́шу мою́ окая́нную ублагости́, изрева́ющи окамене́ние ея́, Всенепоро́чная.

Песнь 6

Ирмос: Возопи́, прообразу́я погребе́ние тридне́вное, проро́к Ио́на, в ки́те моля́ся: «От тли изба́ви мя, Иису́се, Царю́ сил».

Всади́ души́ мое́й, я́ко дре́во многоприно́сно, Боже́ственный страх, и плод и́же внутрь сподо́би доброде́телей принести́, от ни́хже пита́ется челове́к, Влады́чице.

Возсия́й покая́ния мне лучяи́, и о́блаки разори́ помышле́ний лука́вых, о́блаче Со́лнца пра́вды, Всенепоро́чная.

Укроти́ страсте́й мои́х свире́пое вла́яние⁴⁶, и бу́рю помысло́в потреби́, тве́рдое всех предста́тельство и покро́в, Всепе́тая.

Умно́жишася па́че песка́ морска́го прегреше́ния душя́ моея́, и я́ко бре́мя тя́жкое му́чат мя, но Ты, Де́во, пре́жде конца́ спаси́, уще́дривши.

Седален, глас четвертый. Подобен: Ско́ро предвари́:

Чистая, Неискусобра́чная, христиа́н упова́ние, ни́щих Засту́пнице, скорбя́щих ра́досте, пла́чущих утеше́ние, изба́ви мя, содержи́ма напа́стьми неча́янными, исцели́ мя, неду́гующа пло́тию и ду́хом: к Тебе́ бо прибего́х, еди́на Всенепоро́чная.

Песнь 7

Ирмос: Спасы́й во огни́ Авраа́мския Твоя́ о́троки, и халдеи уби́в, я́же пра́вда пра́ведно уловля́ше, Препе́тый Го́споди Бо́же оте́ц на́ших, благослове́н еси́.

Свяще́ния хра́ме, ми́лости вмести́лище, пра́вды и́стинныя пребыва́ние, Влады́чице, оправди́вши спаси́ мя ту́не, молюся, Яже оправда́юща Христа́ породи́вшая.

Имаши е́же мощи́, Чи́стая, вся́ко, я́ко ро́ждшая Влады́ку, те́мже мя страстей влады́чества и сласте́й свободи́, да зову́ Рождеству́ Твоему́:

Бо́же оте́ц на́ших, благослове́н еси́.

Неизрече́нно во чре́ве и преесте́ственно непреме́ннаго Бо́га Прие́мшей, благоутро́бия ра́ди челове́ком бесе́довавша, ве́рнии поклони́мся, я́ко Ма́тери Го́спода Благослове́нней.

Изми́ грехо́вных плени́ц ма́терним Твои́м дерзнове́нием благоче́стно и ве́рно сладкопою́щия Рождеству́ Твоему́, Всесвята́я: Препе́тый Го́споди, Бо́же оте́ц на́ших, благослове́н еси́.

Песнь 8

Ирмос: Ру́це распросте́р Дании́л, львов зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: «Благослови́те, вся дела́ Госпо́дня, Го́спода».

Жезл из ко́рене Иессе́ова, Де́во, яви́лася еси́, Цвет изра́стши, Всеси́льнаго Го́спода, облагоуха́вшаго ны и обоня́ние подаю́ща Свое́

взыва́ющим: вся дела́, по́йте Го́спода.

Отверза́ется па́ки и́же пре́жде Тобо́ю рай, и вво́дится пре́жде осужде́нный челове́к, и обожа́ется и́стиннейше, Богора́дованная, челове́ков смеше́ние⁴⁷, вопию́щих: вся дела́, по́йте Го́спода.

Изба́ви мя ярма́ тя́жкаго прегреше́ний, Благода́тная, и се́рдце мое́ сокруши́, ду́шу уясни́ и ума́ гнило́е уста́ви и нестоя́тельное, да воспева́ю: вся дела́, по́йте Го́спода.

Неду́гующую, Де́во, ду́шу мою́ исцели́ и ю́же во мне ти́ну страсте́й омы́й, и суди́лищу Вседержи́теля Бо́га предста́ви всего́ спаса́ема, да песнопою́: вся дела́, по́йте Го́спода.

Песнь 9

Ты удобре́ние всех о Тебе́ хва́лящихся, Ты весе́лие ми́ра и утеше́ние раб Твои́х, Ты услажде́ние и жела́ние пою́щих Тя, Ма́ти Де́во.

Воспевае́м неизрече́нную сла́ву и безприкла́дную Твою́ благода́ть: Ты бо еси́ исто́чникпрему́дрости, из него́же Сло́во всем произы́де

Тя чту́щим, Нескве́рная, и воспева́ющим Твое́ Рождество́.

Яви́лася еси́ херуви́м превы́шшая и ши́ршая небе́с, Непоро́чная Де́во Мари́е, Вели́кагосове́та Ангела ро́ждши, собезнача́льна Отцу́ и

Ду́ху соприсносу́щна.

Всесвята́я Де́во, Влады́чице, ту́не уще́дри мя, не и́мам бо ины́я наде́жды спасе́ния, а́ще не Твое́ заступле́ние, по́мощь и покро́в Твой.

Стихиры, глас четвертый. Подобны: Свы́ше зван:

Ра́дуйся, Све́та чисте́йшаго прия́телище; ра́дуйся, сто́лпе о́гненный, у́мнаго Изра́иля внутрь в Боже́ственное поко́ище, Еди́на, вводя́й; ра́дуйся, о́блаче, вели́кое Со́лнце ми́рови озари́вый и к незаходи́мому Све́ту и́же во тьме неве́дения спя́щия приведы́й; ра́дуйся, Де́во; ра́дуйся, Всечестна́я; ра́дуйся, Ма́ти Христа́ Бо́га на́шего, Его́же моли́ спасти́ и просвети́ти ду́ши на́ша.

Ра́дуйся, све́тлое жили́ще Госпо́дне; ра́дуйся, престо́ле всезла́т; ра́дуйся, све́щниче многоце́нный; ра́дуйся, червлени́це, омочи́вшая от

крове́й Тво́их багряни́цу Царю́ богоде́льную; ра́дуйся, гра́де одушевле́нный, ве́нче честны́й и держа́вное остене́ние ца́рствующих благоче́стно; ра́дуйся, непобеди́мая во́инствующих де́рзосте; ра́дуйся, две́ре Госпо́дня, Всепе́тая, Его́же моли́ спасти́ и просвети́ти ду́ши на́ша.

Ра́дуйся, хра́ме всечестне́йший Госпо́день; ра́дуйся, Боже́ственная трапе́зо, Хлеб поноси́вшая; ра́дуйся, виногра́де ненапое́н, сла́дкий

Грозд израсти́вшая; ра́дуйся, сладча́йшее пе́ние и услажде́ние небе́сных умо́в; ра́дуйся, естества́ челове́ча цве́те красне́йший и всеблагово́нный;

ра́дуйся, кри́не шафранобе́лый и сладкоуха́нный; ра́дуйся, раю́ пи́щи безсме́ртныя; ра́дуйся, ле́пото многорачи́тельная.

Испове́дую Ти, Богоро́дице Чи́стая, лю́тая моя́ согреше́ния; а́ще бо и утаю́, в день суда́ отверза́емым кни́гам вся́ко объявя́тся: о́чи

оскверни́х, взира́яй безме́стная, ру́це беззако́нно окаля́х студоде́йствии, те́ло отщети́х, окая́нный, и ду́шу мою́ грехми́ уязви́х; поми́луй,

уще́дри и ча́сти спаса́емых насле́дника покажи́ мя мольба́ми Твои́ми.

Канон Пресвятей Богородице в понедельник

Творение Митрофана Смирнскаго, егоже краегранесие: Кано́н четве́ртый Де́ве Митрофа́на

Песнь 1

Ирмос: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма, Амали́кову си́лу в пусты́ни победи́л есть.

Госпо́дственно и вои́стинну родила́ еси́ Бо́га и Го́спода, и Богоро́дица еди́на вои́стинну и госпо́дственно нарекла́ся еси́, Чи́стая; те́мже ве́рно чтим и по до́лгу Тя сла́вим.

Звезда́ Иа́ковля возсия́, Всенепоро́чная, от Тебе́, Иже звезд Изчита́яй, я́ко Бог, мно́жества; те́мже Его́ облиста́ньми мрак отжени́ греха́ моего́.

Неве́стник Бо́жия воплоще́ния, Чи́стая, слове́сен и непоро́чен ве́дый Тя я́ве, молю́ изба́вити мя от пло́ти и ду́ха страсте́й, от искуше́ний и обстоя́ний.

Яко ле́ствица е́же к нам прише́ствия Вседержи́телева, е́юже Сей на зе́млю снизше́л есть, от земны́х страсте́й плотски́х к небеси́ возвы́си и к Бо́гу мя руково́дствуй.

Песнь 3

Исто́чник приснотеки́й, скорбя́щим утеше́ние Ты еси́; те́мже и мне, Влады́чице, моле́бных вод Твои́х струю́ источи́ и угаси́ страсте́й пещь.

Безме́стными по́мыслы уя́звлена мя исцели́, я́зву лю́тую уврачева́вши на́шего естества́: сего́ бо Соде́теля родила́ еси́ и Го́спода.

В пучи́не мно́гих грехо́в, страсте́й и напа́стей вла́емаго, к ве́лию приста́нищу ско́ро устреми́ мя, Всенепоро́чная, заступле́ния Твоего́.

Яко на руно́ дождь Боже́ствен во утро́бе Твое́й Прии́мшая, се́рдце мое́, пали́мое страстьми́, одожди́ мольба́ми Твои́ми.

Песнь 4

От мир Сы́на Твоего́, благоуха́ние живота́ всем точа́щих, безстра́стия ми́ро души́ мое́й, Нескве́рная, источи́, и вся́кую ти́ну страсте́й ея́ очи́сти.

Очерне́на мя ка́лом греха́, окропи́ иссо́пом Твои́х моли́тв, и омы́й, и от скве́рны страсте́й очи́сти, Влады́чице, и покажи́ жили́ще Христо́во.

Написа́ну Тя пе́рстом Боже́ственным кни́гу запечатле́нну молю́, Всечи́стая: моли́тв перста́ми Твои́х оставле́ние мне грехо́в напиши́ и

страсте́й избавле́ние.

Иже на версе́х гор святы́х дом Бо́жий бы́вшая, я́ко пре́жде проро́к рече́, дом Христо́в очище́н покажи́ мя, Влады́чице, Твои́ми предста́тельствы.

Песнь 5

Ирмос: Ты, Го́споди, мой свет, в мир пришёл еси́, Свет Свя́ты́й, обраща́яй из мра́чна неве́дения ве́рою воспева́ющий Тя.

Яко ро́су аермо́нску, в Сио́н сходя́щую Тя ве́дый, Богороди́тельнице, страсте́й мои́х пещь молю́ угаси́ти.

Рай живота́, Богоро́дице, су́щи, сме́рти грехо́вныя и многови́дных страсте́й изба́ви мя ско́ро.

Алава́стр, Чи́стая, су́щи мы́сленный Ми́ра, на зе́млю с небесе́ излия́вшагося, и мене́ ны́не облагово́нствуй.

Поте́кшаго к тле́нию назда́ла еси́ челове́ка Боже́ственным Твои́м рождество́м и е́же пре́жде нетле́ния, Де́во, сподо́била еси́.

Песнь 6

Черто́г просла́влен, сла́вная Влады́чице, Царя́ Сла́вы бы́вши, челове́ки просла́вила еси́, те́мже сла́вы нетле́нныя и мене́ удосто́й.

Уста́вила еси́ тле́ние естества́ неизбе́жное нетле́нием неруши́мым; но уста́ви, Нескве́рная, и страсте́й мои́х то́ки, и плотска́го мудрова́ния

струи́.

Умертви́ двиза́ния стра́стная телесе́ и игра́ющую мою́ плоть уму́ покори́, я́ко жребя́ обуздава́ющи, Чи́стая, реме́ньми Твои́х моли́тв.

Зако́нов кроме́, Всенепоро́чная, родила́ еси́ Законополо́жника исти́нна, Его́же моли́ ду́шу мою́, зако́ну греха́ поко́ршуюся, уще́дрити и

спасти́ мя.

Седален, глас четвертый. Подобен: Вознесы́йся:

Яже от земли́ к небеси́ просте́рта, ле́ствица невеще́ственная та́йно прообража́ше слове́сную и одушевле́нную Тя ле́ствицу: Ты бо средосте́ние граде́жа разо́рши, Всепе́тая, пре́жде разстоя́щаяся соедини́ла еси́, не́бо совоку́пльши земли́ и челове́ки смеси́вши а́нгелом.

Песнь 7

Ирмос: В пещи́ Авраа́мстии о́троцы перси́дстей, любовию благоче́стия па́че, не́жели пла́менем опаля́еми, взыва́ху: «Благослове́н еси́ в хра́ме сла́вы Твоей, Го́споди».

Яко огнено́сная су́щи и богоприе́мная купина́, попали́ те́рние помышле́ний лука́вых, Чи́стая; ду́шу мою́ озари́ и смысл, бе́здну же

страсте́й изсуши́.

Вели́чествие от ве́ка еди́на и Боже́ственную сла́ву я́ве обрела́ еси́ на земли́, не́бо второ́е я́вльшися; Ты у́бо потреби́ велехва́льныя враги́

моя́ де́моны.

Боже́ственный окри́не благоутро́бия и бла́гости, источи́ мне оби́льно бога́тство Твои́х щедро́т, и скве́рну согреше́ний мои́х омы́вши,

пло́ти угаси́ раждеже́ние⁴⁸.

Еже от Бо́га ми да́нное бога́тство духо́вное, пре́жде блу́дно вы́ну живы́й, сластьми́ теле́сными изнури́х, но я́ко блу́днаго, Твои́ми моле́нии, Де́во, мя оправди́.

Песнь 8

Ирмос: Ру́це распросте́р Дании́л, львов зия́ния в ро́ве затче́; о́гненную же си́лу угаси́ша, доброде́телию препоя́савшеся благоче́стия рачи́тели о́троцы, взыва́юще: «Благослови́те, вся дела́ Госпо́дня, Го́спода».

Расто́ргни согреше́ний мои́х плени́цы и телесе́ стремле́ния возрази́, лука́вствия же ссецы́ умышле́ния, и от та́йных ско́ро очи́сти помысло́в раба́ Твоего́, Богоро́дице, всех ве́рных предста́тельство и заступле́ние.

Горо́ Бо́жия явле́нна, несеко́ма и ту́чна, и присе́нная ча́ще, покры́й мя, Чи́стая, учаще́нием моли́тв Твои́х, и се́ти изба́ви ло́вчия, и от

стрел соблюди́ бесо́вских и мы́слей сту́дных.

Страх ми Бо́жий зача́ти, и дух, Влады́чице, сокруше́н во утро́бе мое́й сотвори́, и роди́ти житие́ доброде́тельное и стра́шное лука́вым бесо́м, и Боже́ственнаго мя покажи́ ли́ка а́нгельска собесе́дника.

Отве́рзи ми ско́ро, две́ре живо́тная, две́ри упова́ния моего́, и наста́ви, Нескве́рная, к животу́ несконча́ему, и Ца́рства Небе́снаго раба́

Твоего́ насле́дника покажи́, Боже́ственныя же сла́вы святы́х сприча́стника.

Песнь 9

Ирмос: Ева у́бо неду́гом преслуша́ния кля́тву всели́ла есть; Ты же, Де́во Богоро́дице, прозяба́нием чревоноше́ния ми́рови благослове́ние процвела́ еси́, тем Тя вси велича́ем.

При́зри на моле́ния раба́ Твоего́ и вско́ре предвари́, Чи́стая, оскорбля́ющих и зло́бующих враг неви́димых мя изба́ви, и спаси́ от нужд и скорбе́й и обстоя́ний многообра́зных.

Всего́ мя ра́нами грехо́вными уя́звлена и боле́знующа, Всесвята́я Де́во, исцели́ и лука́вых помышле́ний изба́ви, Яже Сло́ва Всеси́льна ро́ждшая, Блага́го же и Человеколюбца.

За па́дшаго пре́жде Ада́ма в сме́рть сме́рти приобщи́ся Иже живото́м и сме́ртию влады́чествуяй Твой Сын, Преблага́я; те́мже мя

от страсте́й паде́ния Твои́ми мольба́ми возста́ви.

Спаси́, Богоро́дице, к Тебе́ прибега́юща от беды́ и напа́стей, от греха́ и бу́ри плотски́х страсте́й, и волне́ния, и обстоя́ний жите́йских,

и бу́дущаго осужде́ния.

Стихиры, глас четвертый. Подобны: Дал еси́ зна́мение:

Ра́дуйся, чисте́йшая пала́то Царе́ва; ра́дуйся, Неве́сто Непоро́чная; ра́дуйся, купино́ неопа́льная; ра́дуйся, Боже́ственный кро́ве и всех

предста́тельство; ра́дуйся, нескве́рная ски́ние; ра́дуйся, Влады́чице всея́ тва́ри; ра́дуйся, злата́я кади́льнице; ра́дуйся, всечу́дная Госпоже́; ра́дуйся, раю Боже́ственный, Дре́во живота́ израсти́вый.

Ра́дуйся, Безневе́стная Ма́ти, Вы́шняго честне́йшее и златоза́рное пребыва́ние; ра́дуйся, Боже́ственная стено́, Неискусому́жная Отрокови́це; ра́дуйся, свети́льниче све́тлый; ми́ра всего́, ра́дуйся, избавле́ние; ра́дуйся, цве́те ве́ры, мучи́телей де́рзость си́лою необори́мою

Твое́ю благомо́щно Разо́ршая.

Ра́дуйся, всенепоро́чная Агнице Христа́ Архипа́стыря; ра́дуйся, исто́чниче приснотеку́щий, амвроси́и точа́щ мсто⁴⁹ нектароуха́нное;

ра́дуйся, мирополо́жнице у́мнаго Ми́ра злата́я, злосмра́дие облагоуха́ющая страсте́й; ра́дуйся, Неискусому́жная, честно́е а́нгелов украше́ние и челове́ков удобре́ние, ве́рно сла́вящих Тя.

Все упова́ние мое́, злополу́чный и окая́нный, на Тя возлага́ю, Пренепоро́чная Влады́чице, вседу́шным обраще́нием: не отве́ржи мене́

от лица́ Твоего́, ниже́ омерзи́ мя недосто́йна, ниже́ утро́бу Твою́ человеколю́бную затвори́ ми, Ма́ти Любоблага́я, зане́ ино́го не стяжа́х

предста́тельства раб Твой.

Канон Пресвятей Богородице во вторник

Творение святаго Феофана Никейскаго Начертаннаго, егоже краегранесие: Хвале́ния нача́тки приношу́ Ти, Го́споди

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся све́тло торжеству́я, и воспою́, ра́дуяся, Тоя́ чудеса́.

Чу́вств сугу́бую пятери́цу, Влады́чице, вразуми́ и десятостру́нный орга́н покажи́ благода́тию, вышшеле́тну Прему́дрость ро́ждшая, согла́сное я́ко да воспою́ Тебе́ пе́ние.

Кре́постию, Всенепоро́чная, Сове́та вели́каго Ангел вся уста́вивый от не су́щаго пре́жде, прии́де за благоутро́бие из Тебе́, и раздра́в рукописа́ние, оставле́ние дарова́.

Облак одушевле́н сия́ния Отча Тя ве́мы, Влады́чице, Све́та восто́к, неле́поту на́шу просве́щшаго и вся к небе́сным привле́кшаго.

Зри́шися несосу́дная⁵⁰ красота́ го́рних сил и тва́ри всея́, Богоро́дице Чи́стая, естество́ обожи́вшая челове́че и ад умертви́вшая рождество́м Твои́м.

Песнь 3

Ирмос: Твоя́ песносло́вцы, Богоро́дице, живы́й и незави́стный исто́чниче, лик себе́ совоку́пльшия духо́вно утверди́, в Боже́ственней Твое́й сла́ве венце́в сла́вы сподо́би.

Победи́шася естества́ преде́лы и разреши́шася зако́ны есте́ственныя па́че ума́ рождество́м Твои́м, Де́во Ма́ти Нескве́рная, из Тебе́ бо Беззра́чный плотско́е бытие́ восприя́т.

Нескве́рно Тя ло́же узре́ Соломо́н, Влады́чице, шестию́десятми му́дрыми остолпля́емо, в не́мже Бог плоть прия́т возлеги́й, и к челове́ком бесе́дова.

Багряни́цу от честны́х крове́й Твои́х Сло́во Бо́жие понесы́й без преложе́ния и смеше́ния, и Ада́мово обнаже́ние покры́вый, облече́ в Боже́ственную красоту́.

Нестерпи́маго Божества́ вмести́лище и град Бо́жий одушевле́н яви́лася еси́, Всенепоро́чная, в не́мже вели́кая соде́яшася неизрече́ннаго ра́зума, я́же от ве́ка не слы́шана бе́ша.

Песнь 4

Ирмос: Седя́й в сла́ве на престо́ле Божества́, во о́блаце легце прийде Иису́с Пребоже́ственный, нетле́нною дла́нию, и спасе́ зову́щия: сла́ва, Христе́, си́ле Твое́й.

Пото́че живы́й безсме́ртия, окри́не, источи́вый благоутро́бия не́ктар сла́дкий и златостру́йный, я́же жа́ждею распала́емыя ороша́ющ, раю́ и́стинный, Всекра́сная Влады́чице.

Златоза́рный све́щник седмосве́тлыми благода́тьми Тя от ро́да всего́ Христо́с Со́лнце избра́, и от незаходи́мых снизше́д, уневе́сти неискусому́жно плоть челове́чу к назда́нию.

Содержа́теля всех ражда́еши, совоку́пльшаго в то́жде концы́ и разстоя́щаяся соеди́ншаго; Тобо́ю вы́шняя ни́зшим сликовству́ют и сла́вят вся я́ко Хода́таицу Тя, Влады́чице.

Де́лателище е́же двою́ соедине́ния естеству́, Отрокови́це, была́ еси́ па́че ума́, сло́ва и мы́сли, из Нея́же весь Влады́ка сотка́лся есть, не премене́нием, но соедине́нием понесы́й воплоще́ние.

Песнь 5

Ирмос: Ужасо́шася вся́ческая о Боже́ственней сла́ве Твое́й: Ты бо, Неискусобра́чная Де́во, име́ла еси́ во утро́бе над все́ми Бо́га, и родила́ еси́ Безле́тнаго Сы́на, всем воспева́ющим Тя мир подава́ющая.

Кре́пость моя́ и пе́ние, Всенепоро́чная, еси́, основа́ние тве́рдо и́стины, благонасле́дия воззва́ние, в не́мже возложи́х, Честна́я, все упова́

ние мое́ и живота́ наслажде́ние.

Чи́стая, благода́тно Ты окруже́на еси́, естество́ нестерпи́мое скры́вши Божества́ во утро́бе, е́юже неизме́нно во Ипоста́си еди́ней Плотоно́сец Бог показа́ся всем и Челове́к пресу́щественный.

Сла́дкое мо́ре Ты, оба́че и непрохо́дное, в коне́ц пото́пльшее триста́ты и вса́дники с мы́сленным фарао́ном, и спа́сшее Но́ваго Изра́иля в Град Небе́сный и приста́нище ти́хое.

«Красно́ предуспе́й и ди́вно в добро́тах», песнопою́щи Неве́ста Тебе́ зове́т; Еюже прише́д до́брых Рача́тель, естество́ челове́че облагоро́дствова, Влады́чице, и спасе́ от рука́ чужда́го.

Песнь 6

Ирмос: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Прему́дрость и Сло́во пропове́дуем, Сы́на Отча Преве́чнаго, все́льшася существа́тельне во утро́бу Твою́, Нескве́рная, и крепча́йшим назда́нием нас обо́жшаго.

Уста́вивый го́ры ма́нием, го́ру мы́сленну Тя, Богоблагода́тная, показа́, доброде́тельми осене́ну, из нея́же Той плоть Себе́ изсече́.

Ядом угрызе́на зме́евым, род наш прама́ти погуби́, от Твоего́ же, Пречи́стая, несказа́ннаго Рождества́, обожа́ется естество́ все о́бразом лу́чшим.

Пропове́дую, зря чудеса́ па́че ума́ же и ве́дения: ка́ко Невме́стный в Тебе́ неизме́нно вмести́лся есть, ка́ко быва́ет тварь Зижди́тель, Влады́чице?

Седален, глас четвертый. Подобен: Ско́ро предвари́:

На враги́ ополчи́ся, борющия ны, лю́то бо наидо́ша на достоя́ние Твое́, Всецари́це Мари́е; погуби́ самору́чно ва́рваров де́рзости, да уве́дят

кре́пость Твою́ любобра́ннии язы́цы, Боже́ственным Твои́м ма́нием вся потреби́.

Песнь 7

Ирмос: Не послужи́ша тва́ри богому́дрии па́че Созда́вшаго, но о́гненное преще́ние му́жески попра́вше, ра́довахуся, пою́ще: «Препе́тый отцо́в Госпо́дь и Бог, благослове́н еси́».

Превозлета́ет всяк смы́сл стра́нное рождества́ Твоего́: пло́тски бо описа́н Иже естество́м Непристу́пный и Неопи́санный, в кни́зе живо́тней рабы́ Твоя́ написа́, Богоро́дице Всесвята́я.

Глаго́лы пророковеща́нныя в Тебе́ испо́лнишася, Богоневе́сто: Украси́теля бо ми́ру ро́ждши, вся украси́ла и просвети́ла еси́, Благослове́нная Влады́чице, челове́ков спасе́ние.

Равномо́щное Отцу́ и Ду́хови Сло́во родила́ еси́, во двою́ существу́ бы́вша, Ипоста́си еди́ней, Благослове́нная Влады́чице, челове́ков спасе́ние.

Несогля́даему глубину́ разуме́ем Тя и высоту́ неизглаго́ланну, Де́во Ма́ти, естество́ на́ше Боже́ственным возвы́сившая Твои́м рождество́м, Благослове́нная Влады́чице, челове́ков спасе́ние.

Песнь 8

Ирмос: Отроки благочести́выя в пещи́ Рождество́ Богоро́дичо спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Го́спода по́йте, дела́, и превозноси́те Его́ во вся ве́ки.

Боже́ственное сокро́вище вся́кия чистоты́ и богоначерта́нное де́вства жили́ще яви́лася еси́, Богоневе́стная, кри́не благоуха́ннейший

Насади́теля тва́ри и до́ме Боже́ственный, те́мже Тя, Де́во, пое́м и превозно́сим во ве́ки.

Божества́ Огнь носи́ла еси́, я́ко купина́, во утро́бе Твое́й неопа́льне, Евино отдая́ние и долг, Всепе́тая, разреша́ющи Боже́ственным Твои́м рождество́м; те́мже Тя, Де́во, пое́м и превозно́сим во ве́ки.

Всего́ восприя́т мя нетле́нно и непрело́жно и неслия́нно по Испоста́си Сло́во всесоверше́нное, всего́ сочта́нием мя обожи́л есть, Влады́чице, лу́чшим отню́д: те́мже Тя, Де́во, пое́м и превозно́сим во ве́ки.

Естества́ прише́дый Хитре́ц⁵¹ из горы́ Богома́тере, я́ко Младе́нец ссу́щий зри́тся ны́не рука́ма ма́тернима носи́мь, и вся воздви́зает Ма́терь Его́ воспе́ти и возславосло́вити, я́ко еди́ну Богоро́дицу.

Песнь 9

Ирмос: Всяк земноро́дный да взыгра́ется, Ду́хом просвеща́емь, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице,

Чи́стая Присноде́во.

Колесни́ца све́тлая Сло́ва су́щи, колесни́ца огнеобра́зная, колесни́ца многоимени́тая, невеще́ственных престо́л несравне́нная колесни́ца, колесни́ца златоплете́нна утверже́ния Боже́ственнаго, Сы́на Твоего́ колесни́цу мя покажи́ безстра́стием ума́, Богоневе́стная.

Но́вое не́бо небе́с превы́шшее пре́жде всех Сый угото́ва Тя, и от всех небе́сных сил утаи́, и снизше́д всели́ся неизрече́нно весь во утро́бу Твою, не изступи́в вои́стинну, Богоневе́сто, еди́наго Отча естества́.

Со́лнце све́тлое возлюби́, Влады́чице, Тя Нескве́рную, и уневе́сти неизрече́нным сло́вом ко оживле́нию уме́ршаго естества́; те́мже от

любве́ Тя благохва́лим ве́рою и почита́ем я́ко Боже́ственнаго вину́ прича́стия.

Уста́ви, Всенепоро́чная, страсте́й молву́ от се́рдца моего́, утоли́ взыгра́ния пло́ти, ум утверди́ к зре́нию невеще́ственному, и помысло́в

стремле́ния безчи́нная к безстра́стию обрати́, и бу́дущаго живота́ сподо́би.

Стихиры, глас четвертый. Подобны: Яко до́бля в му́ченицех:

Ра́дуйся, Боже́ственных сил весе́лие; ра́дуйся, апо́столов честносло́вие; ра́дуйся, му́чеников венча́ние, преподо́бных похвало́,

по́стников, иера́рхов, проро́ков оглаше́ние, превы́шшая же созда́ний всех, Богоро́дице, а́нгел и челове́к многослову́щее слы́шание.

Ра́дуйся, жили́ще свято́е Влады́ки тва́ри; ра́дуйся, Богоро́дице Всенепоро́чная; всесве́тлый, ра́дуйся, све́щниче; ра́дуйся, гра́де одушевле́нный; ра́дуйся, мо́сте, ме́ртвыя к животу́ преводя́й; ра́дуйся, Чи́стая, Всесвята́я Де́во; ра́дуйся, еди́на земна́я с вы́шними Твои́м рождество́м соедини́вшая.

Ра́дуйся, врата́ златокова́нная; ра́дуйся, престо́ле огнеобра́зный; ра́дуйся, светлопозлаще́нная Боже́ственная трапе́зо; ра́дуйся, златоплете́нный чертоже, хлами́до червленоша́рная⁵²; радуйся, колесни́це све́тлая; радуйся, селе́ние сла́вное; ра́дуйся, хра́ме молниезра́чный; ра́дуйся, души́ моей благоле́пие и доброто, Де́во Ма́ти Богоневёсто.

Тмори́цею, Всенепоро́чная, простро́хся покая́ние прегреше́ний мои́х сотвори́ти, но не оставля́ет ми злый мой обы́чай. Сего ра́ди Тебе́

вопию́, и припа́дая со слеза́ми, молю́ся: изми́ сего мя мучи́тельства, наставля́ющи к лу́чшим и спаса́ния придержа́щимся.

Канон Пресвятей Богородице в среду

Творение Илии Екдика, егоже краегранесие: Илии́ моле́ние Богоро́дице

Песнь 1

Еди́на во искуше́ниих и ско́рбех защища́ющая под кров Твой, Всесвята́я, прибега́ющих те́плейше, приими́, я́ко Преблага́я, е́же от

се́рдца моего́ моле́ние.

Приста́нище обре́т Тя, неразу́мный, напа́стей же и бед прило́ги отрева́ющее, благода́рно Ти воспева́ю пе́ние, Присноде́во.

Ми́лостивым и благоприя́тным о́ком Твои́м, Богороди́тельнице, во обстоя́нии и нала́сти содержи́ма зря́щи мя, ско́ро свободи́, Тя бо прошу́: помози́ мне.

Ева осужде́ния спасе́ся и Ада́м Тобо́ю, с ни́миже и аз припа́даю Ти, Чи́стая: печа́ли моей сле́зы на ра́дость преложи́ и от бед свободи́.

Песнь 3

Ирмос: Лук си́льных изнемо́же, и немощству́ющии препоя́сашася си́лою, сего́ ра́ди утверди́ся в Го́споде се́рдце мое́.

Ору́жие необори́мо и сте́ну стяжа́вый Тя, обраща́ю проти́вных полки́ и пою́ вели́чествия Твоя́, Богоро́дице Неискусобра́чная.

Вещество́ скорбе́й разоря́еши и угаша́еши отча́яния хвра́стие; кто бо ин, я́ко Ты, Де́во, ра́зве Бо́га, всеси́лен?

Вонми́ зва́нию раба́ Твоего́, тре́бующа Твоея́, Ма́ти Де́во, по́мощи: наде́ждо моя́, услы́ши и потщи́ся е́же спасти́ мя.

При́зри, Блага́я, во е́же спасти́ся ми: Боже́ственным ма́нием бо воплоти́ла еси́ Бо́га Сло́ва, вся преходя́ща па́че сло́ва и ра́зума.

Песнь 4

Изби́вшая вражду́ющих ми всу́е, я́ко ду́шу мою́ лю́те поя́ти тща́щихся, соблюди́ мя, Влады́чице, в Тебе́ ненаве́тна, да веселя́ся сла́влю Тя.

Избавля́ющи мя от язы́ка льстивоглаго́лива, Предста́тельнице Блага́я моя́, непреткнове́нна покажи́ от дея́ний жите́йских, мно́го бо

мо́жеши, я́ко Ма́ти су́щи Творца́.

Утоля́ющую боле́зни Тя ве́дый цельбу́, вопию́ немощству́яй душе́ю и те́лом: исцели́ мя, Влады́чице, спаси́ и поми́луй к Тебе́ прибе́гша моле́бника Твоего́.

Яко похвалу́ а́нгел и челове́к воспева́ем Тя вси, Присноде́во Мари́е, и мо́лимся ве́рно: моли́ся, Влады́чице, да напа́стей изба́вимся.

Песнь 5

Ирмос: Ты, Го́споди, мой свет, в мир прише́л еси́, Свет Святы́й, обраща́яй из мра́чна неве́дения ве́рою воспева́ющия Тя.

Упра́ви, Чи́стая, моли́тву служи́теля Твоего́ ко Го́споду Сы́ну Твоему́, да обра́щу разреше́ние мно́гих прегреше́ний.

Изба́ви мя страсте́й и напа́стей, Богоневе́сто, Тя бо положи́ Бог в хода́тайство к Нему́ моего́ смире́ния.

Покро́в мой еси́, ра́дость и похвале́ние, о Влады́чице Богоро́дице, не презира́еши ника́коже бо к Тебе́ прибега́ющия.

Ны́не испроси́ нам прегреше́ний оставле́ние, и изба́ви бед и страсте́й нечи́стых мольба́ми Твои́ми, Всепе́тая.

Песнь 6

Кре́пость моя́ Сама́ еси́, Нескве́рная Влады́чице, в обре́тших мя неча́янных ско́рбех, и вопию́ Ти, я́ко ве́лий есть всеси́льный покро́в

Твой рабу́ Твоему́.

Уврачу́й души́ моея́ я́звы, заступи́ мя, Де́во, и изба́ви оклевета́ния, наве́та и непра́ведна стремле́ния раба́ Твоего́.

Сокруши́ я́же на мя моле́бника Твоего́, при́сно совеща́ющия непра́ведно, не оста́ви поги́бнути мя, вся бо возмо́жна Ти, я́ко Богома́тери.

Успи́ души́ моея́ свире́пое волне́ние, я́ко мно́жество прегреше́ний, искуше́ний же и скорбе́й возста́ша на мя, но Сама́ спаси́ мя, Влады́чице.

Седален, глас четвертый. Подобен: Ско́ро предвари́:

Воспева́ем Тя, Богоневе́сто, Ма́ти Христа́ Бо́га, сла́вяще рождество́ Твое́ непости́жное, и́мже изба́вихомся пре́лести диа́воли и вся́ческих бед, Влады́чице Богоро́дице, и ве́рою вопие́м: поми́луй ста́до Твое́, Де́во Всепе́тая.

Песнь 7

Ирмос: Спасый во огни́ Авраа́мския Твои́ о́троки, и халдеи уби́в, я́же пра́вда пра́ведно уловля́ше, Препе́тый Го́споди Бо́же оте́ц на́ших, благослове́н еси́.

Иже от Ага́ри сопроти́вных ско́ро Погубля́ющая мече́м, моля́щия Ти ся лю́ди и ста́до Твое́ сохрани́, Сы́ну Твоему́ зову́щее: оте́ц на́ших Бо́же, благослове́н еси́.

Киво́т мы́сленный, приими́ мя, к Тебе́ прибе́гша, да не пое́млет мя изгоня́яй враг погубити́, пою́ща Сы́ну Твоему́, Богома́ти: оте́ц на́

ших Бо́же, благослове́н еси́.

Богороди́тельнице Мариа́м, предвари́ раба́ Твоего́ ско́ро, в треволне́ниих искуше́ний бе́дствующа, поможе́нием ску́дна и вопию́ща: ненаде́жных наде́ждо, поми́луй мя.

Челове́ческия напа́сти, я́ко грехо́в виновный, ны́не, Богоро́дице Всеблага́я, расто́ргни Боже́ственными Твои́ми моли́твами, и рабы́

Твоя́ изба́ви согреше́ний вины́ и вся́каго вре́да.

Песнь 8

Ирмос: Изба́вителю всех всеси́льне, посреде́ пла́мене благоче́ствовавшия, снизше́д, ороси́л еси́ и научи́л еси́ пе́ти: вся дела́, благослови́те, по́йте Го́спода.

Привозста́ на ны язы́к беззако́нный, хваля́йся потреби́ти́ служи́тели Твоя́; его́же разде́льши, Нескве́рная, покры́й зову́щия: вся

дела́, благослови́те, по́йте Го́спода.

Яко Ты мне кре́пость и по́мощь, не бою́ся ме́рзостей вра́жеских, и воспева́ю Тя, Влады́чице, и вопию́: вся дела́, благослови́те, по́йте

Го́спода.

Моле́нием мои́м ны́не подви́гайся и ра́дость в печа́ли ме́сто ми да́руй, да воспева́ю Тя, Влады́чице, и вопию́ Сы́ну Твоему́: вся дела́,

благослови́те, по́йте Го́спода.

Мно́гия Твоя́ нас спаса́ют щедро́ты, Всесвята́я Матероде́во, от грехо́в истяза́ния и напа́стей разли́чных, Ты бо, ро́ждшая Бо́га, спаса́вши мир весь.

Песнь 9

Ирмос: Ева у́бо неду́гом преслуша́ния кля́тву всели́ла есть: Ты же, Де́во Богоро́дице, прозябе́нием чревоноше́ния ми́рови благослове́ние процвела́ еси́, тем Тя вси велича́ем.

Ору́жие на ны изостря́яй, отмсти́тель ара́влянин беззако́нная совещава́ет; Ты же, Де́во, си́лою Креста́ и мольба́ми Твои́ми, вооружа́вши нань Твоя́ моли́твенники; отону́дуже пропове́мы сла́ву Твою́.

Держа́ва у́бо Ты мне на враги́ дарова́ся, и от напа́стей изба́ви мя; что у́бо аз принесу́ Ти? Недоуме́ю вои́стинну; оба́че, Влады́чице, е́же

и́мам, благодаре́ние Тебе́ приношу́: приими́ сие́ и спаси́ мя.

Ма́ти Всесве́тлая всех Творца́, оскорбля́емых утеше́ние, напа́ствуемых предста́тельство, оби́димых заступле́ние, ско́рое немощству́ющих посеще́ние, до сконча́ния живота́ моего́ соблюда́й мя.

Тесни́ма согреше́нии мно́гими и напа́стьми, Всепе́тая, не пре́зри мя; ны́не хвале́ния же́ртву Тебе́ приношу́, приле́жно взыва́я: Пресвята́я Богоро́дице, помози́ мне; Тя бо сла́вя, песнь соверша́ю.

Стихиры, глас четвертый. Подобны: Дал еси́ зна́мение:

Ра́дуйся, сладкоуха́нен Ши́пок еди́на прозя́бшая, доброто многовожделе́нная; ра́дуйся, Неискусобра́чная; ра́дуйся, сосу́де Боже́ственнаго и многоце́ннаго ми́ра; ра́дуйся, Еюже к небеси́ пре́жде умерщвле́ннии возведо́хомся, в бе́здну попо́лзшиися злодея́нием зми́евым; ве́рных огражде́ние неруши́мо, ра́дуйся, Непоро́чная.

Ра́дуйся, неистоща́емый Ток живота́ источи́вшая; ра́дуйся, же́зле, Цвет неувяда́емь прозя́бшая; ра́дуйся, Еюже Еде́м восприя́хом; ра́дуйся, еди́на безбо́жия пещь угаси́вшая; ра́дуйся, па́дшаго Ада́ма воста́ние, Всепе́тая.

Ра́дуйся, пресла́внейшая Царе́ва пала́то; ра́дуйся, Неве́сто Непоро́чная; ра́дуйся, купино́ неопали́мая; ра́дуйся, одр Боже́ственный; ра́дуйся, предста́тельство упова́ющих на Тя; ра́дуйся, Госпоже́ вся́кия тва́ри; ра́дуйся, злата́я кади́льнице; ра́дуйся, всечу́дная Влады́чице; ра́дуйся, раю́ Боже́ственный, жи́зни Дре́во прозя́бшая.

Пла́чу и рыда́ю, напа́стей ны́не пещь на мя свире́пеющую зря, всеокая́нный, но к Тебе́, Де́во, злополу́чный, припа́даю: не пре́зри мя,

Блага́я, не отри́ни мене́ недосто́йнаго, но ра́дости се́рдце мое́ испо́лни, Ра́дость поро́ждшая, да не пожре́т мя неключи́маго глубина́ скорбе́й.

Канон Пресвятей Богородице в четверток

Творение Мануила, Великаго Ритора

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся све́тло торжеству́я, и воспою, ра́дуяся, Тоя́ чудеса́.

Ум мой, Нескве́рная, светоза́рным хода́тайством Твои́м наста́ви ко Го́споду, Его́же́ воплоти́ла еси́, да ве́рою пою́ Твоя́ вели́чествия, по́мощь бо еси́ всех и избавле́ние.

Пала́та одушевле́нная я́ко су́щи Вседержи́теля Бо́га, хра́мы Го́спода Твоего́ соде́лай любо́вию Тя воспева́ющих, по́мощь бо еси́ всех и избавле́ние.

Исто́чник я́ко су́щи Боже́ственных благода́тей, Всенепоро́чная, благода́ти ка́плю ны́не и мне одожди́, потопля́ющую бе́здну мои́х страсте́й, по́мощь бо еси́ всех и избавле́ние.

Бо́га Преве́чнаго преесте́ственно я́ко ро́ждшая пло́тню, Сего́ моли́, Ма́ти Де́во, согреше́ний бе́здну мои́х презре́ти, по́мощь бо еси́ всех и избавле́ние.

Песнь 3

Гора́ свята́я, Де́во, еси́ и присе́нная, Чи́стая; Отца́ бо си́ла не́бо Тя зве́здное, тве́рди же ны́не и́стинно вы́шшее яви́ла есть.

Безпло́тных ли́цы предстоя́т, Нескве́рная, со стра́хом Ти раболе́пно, пе́ти не возмога́юще; а́нгелов бо че́стность Твою́ я́ко превы́шшую показа́ла есть.

Неопа́льно купина́ пре́жде в Сина́и огню́ приобщи́вшися, Рождество́ Твое́ прояви́ обра́зно, Богоневе́стная; Той бо че́стность Твою́ я́ко всех превы́шшую показа́л есть.

Облак еси́ беле́йш, ка́пли с не́ба ве́рным одождева́яй и пра́вды Со́лнца возсиява́яй, Иже че́стность Твою́ я́ко всех превы́шшую показа́л есть.

Песнь 4

Ирмос: Седя́й в сла́ве на престо́ле Божества́, во о́блаце ле́гце прии́де Иису́с Пребоже́ственный, нетле́нною дла́нию, и спасе́ зову́щия: сла́ва, Христе́, си́ле Твое́й.

Иере́и честни́и во о́бразех предпропове́даша и проро́цы прия́телище хотя́щую бы́ти, Богоневе́сто, Тя Бо́жие; Тобо́ю бо ви́деша су́щии во тьме свет Боже́ственнаго ра́зума.

Тя Нескве́рную Де́ву от естества́ челове́ча прия́т я́ко нача́ток Святы́й Госпо́дь, и на́ше всеестество́ освяти́, и возсия́ свет Боже́ственнаго

ра́зума.

Проше́ния Тя ве́рно прося́щих, Всепе́тая, ми́лостивно приими́, и ум наш просвети́, и зако́ну Госпо́дню наста́ви вся, и озари́ свет Боже́ственнаго ра́зума.

По́мощь всех еси́, Всенепоро́чная, и́же к Тебе́ дерза́ющих и песносло́вящих Боже́ственное Твое́ рождество́ ве́рою и любо́вию, и́мже

возсия́ с небесе́ свет Боже́ственнаго ра́зума.

Песнь 5

Яко небе́сная ле́ствица яви́лася еси́ пра́отцу дре́вле Иа́кову, е́юже у́мове к виде́нию Бо́га восхо́дят и па́ки низхо́дят к земли́, покланя́ющеся любо́вию Твоему́ неизрече́нному рождеству́.

Жезл яви́ процветы́й Тя, Всечи́стая, цвет красе́н и благоуха́нен, Ты бо Бо́га неизглаго́ланно родила́ еси́, Имже тли избега́ют ве́рнии, покланя́ющеся любо́вию Твоему́ неизрече́нному рождеству́.

Ви́де Тя дре́вле, Нескве́рная, я́ко сви́ток Боже́ствен в Бо́зе су́щий проро́к, в не́мже Сло́во Отчее на ра́дость ми́рови внутрь написа́ся, и спасе́ я́ко Бог ве́рою покланя́ющияся Твоему́ неизрече́нному рождеству́.

Не возмога́ет язы́к челове́ч николи́же воспе́ти досто́йно Тя, Богоро́дице; те́мже си́лу, Чи́стая, даждь ми произволе́нию равноста́тную, я́ко да любо́вию воспою Твое́ неизрече́нное рождество́.

Песнь 6

Ума́ моего́ вся́кое тмобезу́мие отжени́ и да́руй, Пренепоро́чная, всеокая́нней мое́й души́ лучу́ Твоея́ благода́ти: Ты бо упова́ние всех и

по́мощь.

Ура́нен есмь, Пречи́стая Влады́чице, ору́жием лю́тым отмсти́теля и падо́х паде́нием тя́жким, но оживи́ мя: Ты бо упова́ние всех и по́мощь.

Дивя́т всяк смысл чудеса́ Твоя́, Богоневе́стная, я́же излива́вши бога́тно рабо́м Твои́м: Ты бо упова́ние всех и по́мощь.

Лю́ди Твоя́, Нескве́рная, испра́ви, впа́дшия в порабоще́ния ров от враг неве́рных, но уще́дри я́: Ты бо упова́ние всех и по́мощь.

Седален, глас четвертый. Подобен: Вознесы́йся:

Христиа́н нело́жное спасе́ние, гре́шных неруши́мое предста́тельство, держа́вная по́моще и прибе́жище на́ше, спаси́ мя притека́юща к Тебе́, Всесвята́я Отрокови́це, покры́й крило́ма

честна́го покро́ва Твоего́, и ду́шу мою́ заступи́ та́мо, и исходя́щей той от зде́шних предста́ни.

Песнь 7

Ирмос: Не послужи́ша тва́ри богому́дрии па́че Созда́вшаго, но о́гненное преще́ние му́жески попра́вше, ра́довахуся, пою́ще: «Препе́тый отце́в Госпо́дь и Бог, благослове́н еси́».

Глаго́лом Твои́м Боже́ственным ны́не после́дующе, блажи́м Тя, «ра́дуйся» вопию́ще, Чи́стая, Твоя́ бо вели́чия стра́нна и неизме́рна;

те́мже, Влады́чице, ум наш озари́ пе́ти Тя во ве́ки.

Яко храм светови́днейший Ду́ха Бо́жия су́щи, дарова́ния подае́ши притека́ющим к Тебе́ ве́рою, Пренепоро́чная; сего́ ра́ди озари́ и мой

ум пе́ти Тя во ве́ки.

Прибега́юща к щедро́там безме́рным Твои́м не пре́зри, но я́ко Бо́га во пло́ти, ми́лости Бе́здну Ро́ждшая, уще́дри и испра́ви па́дшаго мя страстьми́ пе́ти Тя́ во ве́ки.

Двиза́ния ума́ моего́, я́ко упова́ние и спасе́ние ве́рных, напра́ви к Тебе́ бла́гостию Твое́ю, да почита́ю Тя и сла́влю во ве́ки.

Песнь 8

Ирмос: Отроки благочести́выя в пещи́ Рождество́ Богоро́дичо спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Го́спода по́йте дела́ и превозноси́те Его́ во вся ве́ки.

Боже́ственный я́ко су́щи свети́льник огненося́й, благода́тей све́тлости всем испусти́, ве́рою Ти вопию́щим глас а́нгельск, Всенепоро́чная, «ра́дуйся», Еюже озари́ся и обнови́ся род челове́ческий.

Зари́ честны́я и трисо́лнечныя пресве́тлое селе́ние су́щи, Боже́ственное и спаси́тельное всем возсия́ла еси́ просвеще́ние, ве́рою вопию́щим Ти, Еюже озари́ся и обнови́ся род челове́ческий.

Труба́ проро́ча та́йно прообража́ше Тя дре́вле дверь непрохо́дну, го́ру же и пала́ту, хра́мы Ду́ха явля́ющу «ра́дуйся» вопию́щих Ти,

Еюже озари́ся и обнови́ся род челове́ческий.

Расто́ргни пото́ки страсте́й, се́рдце смире́нное мое́ потопля́ющия и к Боже́ственному приста́нищу мя устреми́, да пою́ Тя всегда́,

Препе́тую, и «ра́дуйся» ве́рою вопию́ Ти, Еюже озари́ся и обнови́ся род челове́ческий.

Песнь 9

Ирмос: Всяк земноро́дный да взыгра́ется, Ду́хом про-свеща́емь, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во.

Водо́ю живо́тною бога́тно мя одари́ ми́лости Твоей, к Тебе́ бо прихожду́, озло́блен от нераде́ния моего́, и мил ся де́ю: простри́ весе́лие,

да зову́: ра́дуйся, по́моще челове́ком, и при́сно велича́ю Тя.

Весь уязви́хся, всеокая́нный, лежу паде́нием лю́тым от нахожде́ний врага́ льстеца́; но Ро́ждшая Жизнь ипоста́сную, ско́ро возста́ви мя, да зову́: ра́дуйся, по́моще челове́ком, и при́сно велича́ю Тя.

Прии́де на ны свет ра́зума Твои́м рождество́м, и вся Боже́ственныя испо́лни прему́дрости, и у́мныя та́йны Сы́на и Бо́га Твоего́ ви́дим сказа́тельно. Те́мже и аз, Влады́чице, со все́ми поя́, велича́ю Тя.

Осия́й мне ра́дости свет неизрече́нным благоутро́бием Твои́м, и прогони́ вся о́блаки моего́ воздыха́ния, и и́стинное весе́лие ми возда́ждь, да ве́рою воспева́ю Боже́ственное Твое́ рождество́ и велича́ю Тя.

Стихиры, глас четвертый. Подобны: Яко до́бля в му́ченицех:

Ра́дуйся, престо́ле огнезра́чный Бо́га Вседержи́теля; ра́дуйся, Боже́ственная ста́мно, Ма́нну нося́щая; ра́дуйся, исто́чниче неисчерпа́емый, во́ды вре́яй⁵³ ве́рою под Твое́ заступле́ние прибега́щим, и благода́ть целе́б подава́яй неду́жным и напа́стей многоплете́нных реше́ние, Чи́стая, да́руяй.

Ра́дуйся, земли́ Основа́ние во чре́ве Твое́м нетесновме́стно Носи́вшая; ра́дуйся, лозо́ благопло́дная, Грозд прозя́бшая, ве́рным всем мсто́ спаси́тельное иска́пающ и нетле́ния сла́дость точа́щ и́же сове́том зми́евым в глубине́ преле́стней усну́вшим.

Ра́дуйся, горо́, доброде́тельми приосене́нная; ра́дуйся, пламеноно́сная клеще́, нося́щая Угль Боже́ствен, Взе́млющаго ми́ра всего́ грехи́; ра́дуйся, челове́ков Хода́таице и спасе́ния опло́т; Це́ркве Христо́вы, ра́дуйся, престо́ле солнцезра́чный Госпо́день; ра́дуйся, Богоневе́стная, ве́рных держа́во.

Мра́чными по́мыслы влеко́м и прельща́емь, удали́хся Твоего́ Сы́на, Богоневе́стная, я́коже пре́жде блу́дный, обнаже́н доброде́телей и́хже от естества́ име́х. Те́мже молю́ся: Боже́ственным обра́щши покая́нием, бога́тство восприя́ти сподо́би, е́же погуби́х.

Канон Пресвятей Богородице в пяток

Творение Феодора царя Ласкаря

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся све́тло торжеству́я, и воспою́ ра́дуяся Тоя́ чудеса́.

Ра́дость заче́ншая, ра́дуйся, Де́во Богоневе́сто, кля́твы отчужде́ние; ра́дуйся, Всенепоро́чная; ра́дуйся, Влады́чице, заступле́ние ми́ру;

ра́дуйся, прибе́жище притека́ющих к Тебе́.

Ра́дости су́щи Хода́таица, ра́дуйся, Богоневе́сто Влады́чице, кля́тву уничижи́вшая; ра́дуйся, Неискусому́жная; ра́дуйся, Всесвята́я, души́ моея́ покро́ве; ра́дуйся, Матероде́во; ра́дуйся, Всепе́тая.

Ра́дуйся, Боже́ственная трапе́зо; ра́дуйся, све́щниче всесве́тлый; ра́дуйся, престо́ле о́гненный; ра́дуйся, хра́ме Бо́жий; ра́дуйся, колесни́це всех Царя́; ра́дуйся, гра́де Вседержи́теля.

Ра́дуйся, горо́ свята́я; ра́дуйся, небе́сный мо́сте; ра́дуйся, одр одушевле́н; ра́дуйся, о́блаче златоза́рный; ра́дуйся, Нескве́рная, ве́рных

спасе́ние; ра́дуйся, Всенепоро́чная; ра́дуйся, Всепе́тая.

Песнь 3

Ирмос: Лук си́льных изнемо́же, и немощству́ющии препоя́сашася си́лою; сего́ ра́ди утверди́ся в Го́споде се́рдце мое́.

Ра́дуйся, де́вства похвало́; ра́дуйся, ражда́ющих ра́дость несконча́емая; ра́дуйся, еди́но Евы пе́рвыя спаси́тельное воззва́ние.

Ра́дуйся, ми́рови предста́тельство; ра́дуйся, святы́х а́нгел чу́до пресла́вное; ра́дуйся, Ма́ти благослове́нная Влады́ки всея́ тва́ри.

Ра́дуйся, кри́не сладкоуха́нный; ра́дуйся, мирополо́жнице и исто́чниче свяще́ния; ра́дуйся, Отрокови́це, све́та о́блаче и све́щниче седмосве́тлый.

Ра́дуйся, ши́пок неувяда́емь; ра́дуйся, де́вства Боже́ственный вресноту́⁵⁴ сосу́де; ра́дуйся, ро́да правосла́вных спасе́ние.

Песнь 4

Ирмос: Неизсле́дный Бо́жий сове́т, е́же от Де́вы воплоще́ния Тебе́ Вы́шняго, проро́к Авваку́м усмотря́я, зовя́ше: «Сла́ва си́ле Твое́й, Го́споди».

Ра́дуйся, спасе́ния всех наде́ждо; ра́дуйся, плодови́тая лозо́; ра́дуйся, две́ре Бо́жия та́инственная; ра́дуйся, Со́лнца колесни́це; ра́дуйся, Богоро́дице Всепе́тая.

Ра́дуйся, присе́нная горо́ Бо́жия; ра́дуйся,всесвяты́й до́ме; ра́дуйся, ле́ствице, ю́же прови́де Иа́ков; ра́дуйся, Де́во Пречи́стая; ра́дуйся, Богоро́дице Всепе́тая.

Ра́дуйся, благоуха́ннейшее ми́ро Бо́жие; ра́дуйся, неудобозри́мое виде́ние, его́же прови́де проро́к Авваку́м; ра́дуйся, ве́рных спасе́ние;

ра́дуйся, Богоро́дице Всепе́тая.

Ра́дуйся, двунадесятосте́нный гра́де Бо́жий; ра́дуйся, Боже́ственныя сла́вы пала́то; ра́дуйся, седа́лище всех Творца́; ра́дуйся, Сло́ва трапе́зо; ра́дуйся, Богоро́дице Всепе́тая.

Песнь 5

Ра́дуйся, Прозя́бшая Насади́теля тва́ри; ра́дуйся, Ро́ждшая Пита́теля всего́ ми́ра; ра́дуйся, ко́реню Дави́дов, Содержи́теля всех па́че

вся́каго помышле́ния израсти́вый.

Ра́дуйся, стено́ неруши́мая и покра́ве честву́ющих Тя; ра́дуйся, земноро́дных предста́тельство и дерзнове́ние; ра́дуйся, челове́ков наде́ждо, всех весе́лие кра́сное блажа́щих Тя.

Ра́дуйся, непости́жное и а́нгелом виде́ние; ра́дуйся, несказа́нное и ди́вное чу́до; ра́дуйся, Дщи Дави́дова и Ма́ти всех Творца́, Влады́чице

и Госпоже́ всея́ тва́ри.

Ра́дуйся, колесни́це о́гненная все́ми Ца́рствующаго; ра́дуйся, багряни́це у́мная Ба́га Сло́ва; ра́дуйся, клеще́ та́инственная и кади́льнице злата́я, две́ре непрохо́дная, Всеблаже́нная Влады́чице.

Песнь 6

Ра́дуйся, неора́нная ни́во; ра́дуйся, невозде́ланная лозо́; ра́дуйся, раю́; ра́дуйся, иста́чниче неоску́дный; ра́дуйся, Боже́ственная ста́мно Ма́нны; ра́дуйся, Богоневе́сто.

Ра́дуйся, приста́нище невла́емое; ра́дуйся, бори́мых забра́ло; ра́дуйся, тверды́не; ра́дуйся, па́дающих исправле́ние; ра́дуйся, Вы́шняго

Ма́ти; ра́дуйся, Всенепора́чная.

Ра́дуйся, ма́слина плодови́тая; ра́дуйся, Голуби́це мировожделе́нная; ра́дуйся, Ма́ти Де́во; ра́дуйся, Мари́е Нескве́рная; ра́дуйся, Пресвята́я Отрокови́це; ра́дуйся, Всепе́тая.

Ра́дуйся, клеще́ Боже́ственнаго Угля; ра́дуйся, всезлато́е кади́ло; ра́дуйся, ди́вное благоуха́ние; ра́дуйся, Ду́ха прия́телище; ра́дуйся,

Сло́ва черто́же; ра́дуйся, Любоблага́я.

Седален, глас четвертый. Подобен: Яви́лся еси́:

Ра́дуйся, престо́ле о́гненный Царе́в и све́щниче све́та Бо́жия всезлаты́й, ду́ши и помышле́ния просвеща́яй воспева́ющих Тя, Отрокови́це Всепе́тая.

Песнь 7

Ра́дуйся, врата́ непроходи́мая, и́миже еди́н Вы́шний про́йде; ра́дуйся, запечатле́нный исто́чниче; ра́дуйся, Боже́ственное ме́сто зако́на и благода́ти; ра́дуйся, мо́сте, ве́рныя вся преводя́й к го́рнему достоя́нию.

Ра́дуйся, горо́ несеко́мая, ю́же та́йно предузре́ Дании́л; ра́дуйся, купино́ неопа́льная, ю́же медленноязы́чный Моисе́й ви́де; ра́дуйся, похвало́ проро́к и апо́стол.

Ра́дуйся, же́зле Ааро́нь, па́че ума́ прозябы́й Насади́теля жи́зни; ра́дуйся, зако́на исполне́ние и проро́ков печа́те; ра́дуйся, Влады́чице; ра́дуйся, Де́во Всечестна́я, Пресвята́я Богоро́дице.

Ра́дуйся, Ма́ти Неискусобра́чная Зижди́теля Твоего́; ра́дуйся, ве́рных наде́ждо; ра́дуйся, Источи́вшая во́ду ска́чущу⁵⁵; ра́дуйся, похвало́

и Боже́ственное весе́лие ве́рно Тя чту́щих.

Песнь 8

Ирмос: Отроки благочести́выя в пещи́ Рождество́ Богоро́дичо спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: «Го́спода по́йте, дела́, и превозноси́те Его́ во вся ве́ки».

Ра́дуйся, небе́с ши́ршая и всех Честне́йшая небе́сных чино́в; ра́дуйся, глубино́ безме́рная и высото́ непости́жная; ра́дуйся, очистили́ще

го́рняго зва́ния; ра́дуйся, Богоро́дице, ненаде́емых наде́ждо.

Ра́дуйся, горо́ Бо́жия, ту́чная, усыре́нная, несеко́мая; ра́дуйся, горни́ло растли́вшагося естества́; ра́дуйся, черто́же двою́ естеству́ соедине́ния, в Тебе́ бо ше́ствия Бо́жия зря́тся и́стинная, Де́во, во ве́ки.

Ра́дуйся, свиде́ния ски́ние и богоде́ланная скрижа́ле заве́та; ра́дуйся, глави́зно зако́на и благода́ти; ра́дуйся, проро́ков опло́т, Свята́я

Влады́чице, му́чеников и апо́столов сла́во; радуйся, преподо́бных де́вственное утеше́ние.

Песнь 9

Ра́дуйся, Мари́е Богоневе́сто, ми́ра Засту́пнице; ра́дуйся, звездо́ незаходи́мая, Све́та прия́телище, Тро́ицы до́ме; ра́дуйся, Сло́ва жили́ще

и всех утвержде́ние вопию́щих: ра́дуйся, Всеблаже́нная Богоро́дице, Чи́стая Присноде́во.

Ра́дуйся, златоза́рный све́щниче и трапе́зо, ве́рных пита́ющая; ра́дуйся, невозде́ланная земле́, живоно́сный израсти́вшая Клас; ра́дуй

ся, исто́чниче, во́ду вре́яй естественноживо́тную вопию́щим: ра́дуйся, Всеблаже́нная Богоро́дице, Чи́стая Присноде́во.

Ра́дуйся, черте́же, в не́мже уневе́сти Бог естество́ на́ше; ра́дуйся, многопло́дная ма́слино, вся обвеселя́ющая; ра́дуйся, купе́ле очище́ния Боже́ственнаго неоску́дная вопию́щим: ра́дуйся, Всеблаже́нная Богоро́дице, Чи́стая Присноде́во.

Ра́дуйся, червлени́це у́мная, обагри́вшая порфи́ру Бо́жию; ра́дуйся, многоце́нное ми́ро, ве́рныя облагоуха́ющее; ра́дуйся, стено́ неразори́мая и прибе́жище вопиющих: ра́дуйся, Всеблаже́нная Богоро́дице, Чи́стая Присноде́во.

Стихиры, глас четвертый. Подобны: Дал еси́ зна́мение:

Ра́дуйся, держа́внейшее ми́ра всего́ спасе́ние, стоя́щих утвержде́ние и па́дших воста́ние; ра́дуйся, бога́тство нище́тствующих, убо́гих сокро́вище, пи́ще а́лчущих; ра́дуйся, Всенепоро́чная, утеше́ние ско́рбных и немощны́х посеще́ние; ра́дуйся, еди́на по́моще ве́рно моля́щих Ти ся.

Ра́дуйся, светле́йшее у́тро, ве́рным возсия́вшая невече́рнее Со́лнце; ра́дуйся, глубино́ неизме́рная и высото́ неизрече́нная стра́шнаго

та́инства; ра́дуйся, а́нгелов весе́лие; ра́дуйся, пла́мень пре́лести Угаси́вшая а́дов; ра́дуйся, всесве́тлый о́блаче, Ада́мово исправле́ние; ра́дуйся, Всечестна́я Влады́чице.

Ра́дуйся, удобре́ние де́вствующих и похвалео́ вселе́нныя; ра́дуйся, ка́меню адама́нтск, его́же прови́де Амо́с проро́к и не мимохо́дит Бог,

Твои́ми моле́нии призыва́емь; ра́дуйся, ми́рови избавле́ние; ра́дуйся, Божества хра́ме; ра́дуйся, ве́рных язы́ку услажде́ние, Нескве́рная.

Со́лнце Ро́ждшая пра́вды, мрак расто́ргни оскорбля́ющих мя страсте́й, и зми́я, ду́шу мою́ прелыца́юща и при́сно ю́ любосла́стии и суе́тствы обава́юща, дале́че отжени́ от окая́ннаго моего́ се́рдца, в безстра́стия тишине́ соблюда́ющи раба́ Твоего́.

Глас пятый Канон Пресвятей Богородице в субботу

Творение иже во Святых отца нашего Игнатия, Патриарха Константинопольскаго, егоже краегранесие: Пя́тое моле́ние Всесвяте́й Де́ве Игна́тиево

Песнь 1

Ирмос: Коня́ и вса́дника в мо́ре Чермно́е, сокруша́яй бра́ни мы́шцею высо́кою, Христо́с истрясе́, Изра́иля же спасе́, побе́дную песнь пою́ща.

Ду́ха Свята́го привлещи́ благода́ть прошу́ во отверзе́ние, Де́во, смире́нных мои́х усте́н, и пода́тися мне словесе́ дарова́нию, да Тя Сло́ва

воспою́ Роди́тельницу.

Подала́ еси́ весе́лие в се́рдце мое́м, горо́ ту́чная и Боже́ственная, о́блаче, ро́су ка́плющ, па́мять Твою́, Де́во, утеше́ния и ра́дости вы́ну

мя исполня́ющую.

Пия́нством сласте́й при́сно мя отемне́на и безу́мна су́ща уцелому́дри, напои́вши вино́м умиле́ния, Богоро́дице: зре́лый бо нетле́ния Грозд процвела́ еси́.

Утоли́ла еси боле́зни а́довы, ро́ждши Недомышля́емаго, Отрокови́це, боле́зней кроме́; Сего́ моли́ вся́кия мя всеболе́зненныя зло́бы изба́вити.

Песнь 3

Ирмос: Водрузи́вый на ничесо́мже зе́млю повеле́нием Твои́м и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х Це́рковьТвою́ утверди́, еди́не Бла́же и Человеколю́бче.

Ро́ждшая Творца́, Де́во, и Го́спода, всех превы́шши созда́ний была́ еси́, херуви́м же и серафи́м честне́йши, те́мже Тя при́сно блажи́м

вси ро́ди, я́ко прорекла́ еси́.

Христиа́ном покро́ве, наде́ждо и заступле́ние, и́же к Тебе́ дерза́юща и прибега́юща изба́ви от согреше́ний, страсте́й и скорбе́й, и от враг, борю́щих мя, Де́во, я́ко да благода́рно сла́влю Тя.

Сле́зныя ми пото́ки пода́ждь, Богоневе́сто, и испове́дание согреше́ний мои́х, и преступле́ний очище́ние, да Тя велича́ю, покро́вом спаса́емь Твои́м и всегда́ соблюда́емь.

Оскверни́х души́ моея́, Чи́стая, благоро́дие и о́браза Боже́ственное досто́инство, увы́ мне, что бу́ду про́чее? Предвари́, Богоро́дице:

пре́жде конца́ даждь ми спасе́ния о́бразы и покая́ние досто́йно.

Песнь 4

Ирмос: Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: «Во спасе́ние люде́й Твои́х спасти́ пома́занныя Твоя́ прише́л еси́».

Утро́ба Твоя́ пала́та свята́я Царя́ и Бо́га несказа́нно была́ есть, в нюже Всели́выйся, Де́во, храм Его́ нас соде́ла.

Содержи́т и обурева́ет мя бу́ря страсте́й, треволне́ния помысло́в и сласте́й противодыха́ния потопля́ют, Отрокови́це, но простри́ Твою́ ру́ку и спаси́ мя.

Кре́пость моя́ и пе́ние, Влады́чице, я́ве была́ ми еси́ во е́же спаса́ти, ми́рови ро́ждши спасе́ние, Христа́ Изба́вителя и Спа́са моего́.

Пло́ти моея́ и души́ боле́зни исцели́, молю́ Ти ся, Чи́стая, Врача́ душ породи́вши ку́пно же и теле́с, и спаси́ мя Боже́ственными моле́нии

Твои́ми.

Песнь 5

Ирмос: Одея́йся све́том я́ко ри́зою, к Тебе́ у́тренюю и Тебе́ зову́: ду́шу мою́ просвети́ омраче́нную, Христе́, я́ко еди́н Благоутро́бен.

Уя́звлена мя, и прегреше́ний глубино́ю слежа́ща, и неча́янием вся́ческим содержи́ма, Спа́се, уще́дри Ма́тере Твоея́ мольба́ми.

Яже Преве́чнаго в ле́то Поро́ждшая, в опи́санней пло́ти су́ща, и естество́м Неопи́санна, Сего́ моли́ о мне, рабе́ Твое́м.

Две́ре небе́сная, две́ри отве́рзи ми покая́ния, Богороди́тельнице, две́ри рая́ отве́рзши, и а́довых врат изба́ви мя.

Пою́т Рождество́ Твое́, Богоро́дице, чи́нове а́нгельстии, Имже лесть и́дольская преста́, и и́стины свет превозсия́.

Песнь 6

Ирмос: Неи́стовствующееся бу́рею душетле́нною, Влады́ко Христе́, страсте́й мо́ре укроти́ и от тли возведи́ мя, я́ко Благоутро́бен.

Умерщвле́нныя страстьми́ грехо́вными, Влады́чице, возста́вльши ны, оживотвори́ моле́ньми Твои́ми, тли Потреби́теля ро́ждшая.

Испроси́ оставле́ние прегреше́ний, Влады́чице Чи́стая, и страсте́й свобожде́ние рабо́м Твои́м, от души́ вы́ну Тя благохва́лящим.

Земноро́дных предста́тельствуй в боле́знех всегда́, Непоро́чная, и лю́тыя облегча́ющи, служи́тели Твоя́ це́лы сохрани́.

Очище́ние прегреше́ний, неду́гов цельбу́,скорбя́щим ра́дость даде́ Тя Христо́с, и пою́щим Тебе́, Нескве́рная, похвалу́.

Седален глас пятый. Подобен: Собезнача́льное Сло́во:

Безприкла́дную благода́ть благоутро́бия и Боже́ственную держа́ву могу́тства Твоего́, Де́во Ма́ти, ве́дый, вопию́ Ти приле́жно: вся́кия

ско́рби раба́ Твоего́ исхити́ и утеше́ния испо́лни, я́ко да воспева́ю Тя, Всепе́тая.

Песнь 7

Ирмос: Превозноси́мый отце́в Госпо́дь пла́мень угаси́, о́троки ороси́, согла́сно пою́щия: «Бо́же, благослове́н еси́».

Похвало́ всеми́рная и очисти́лище, прегреше́ний ми оставле́ние пода́ти умоли́ благоутро́бнаго Сы́на Твоего́, и живо́т ве́чный.

То́ки слез ми да́руй, Всепе́тая, я́ко да ве́чную и стра́шную угашу́ му́ку, и пою́ Сы́ну Твоему́: Бо́же, благослове́н еси́.

На глаго́лы усте́н мои́х и слез пото́ки при зре́вши, Чи́стая, ско́рби измени́ души́ моея́ в и́стинное весе́лие Сы́на Твоего́.

Благодарова́теля Бо́га нам ро́ждши, Того́ уми́лостиви ма́терними мольба́ми, Нескве́рная, да уще́дрит Тобо́ю хва́лящияся.

Песнь 8

Ирмос: Тебе́ Вседе́телю в пещи́ о́троцы, всеми́рный лик спле́тше, поя́ху: «Дела́ вся́кая, Го́спода по́йте и превозноси́те во вся ве́ки».

Виждь, Блага́я, смире́нныя души́ моея́ озлобле́ние и се́тование, и боле́зни измени́ ско́ро, Всечи́стая, да Тя сла́влю во вся ве́ки.

«Земля́ еси́, и в зе́млю я́ко земноро́ден отыдеши», да не услы́шу ктому́: от земли́ бо к небеси́ возвела́ мя еси́, Нескве́рная, ро́ждши Иже от земли́ Созда́вшаго родонача́льники челове́ком.

Нощь мя страсте́й и печа́лей обы́де, и ума́ возмуща́ет све́тлость, Пречи́стая, но я́ко ро́ждшая Со́лнце сла́вы, све́том ра́дости мя и безстра́стия просвети́.

Свято́е обре́т Пресвяты́й Тя жили́ще, Всенепоро́чная, всели́ся в Тебе́, плоть восприя́вый несе́янно челове́чу и по рождестве́ Де́ву Тебе́

соблюды́й.

Песнь 9

Ирмос: Иса́йе, лику́й: Де́ва име́ во чре́ве и роди́ Сы́на Емману́ила, Бо́га же и Челове́ка, Восто́к и́мя Ему́; Его́же велича́юще, Де́ву ублажа́ем.

Бо́га, Его́же родила́ еси́ неизрече́нно, Влады́чице Чи́стая, моли́ приле́жно изба́вити ны напа́стей, скорбе́й и бу́дущаго суди́лища стра́шна, и све́тлости сподо́би святы́х Его́.

Исцеле́ний бе́здну и благода́тей пучи́ну, Нескве́рная, позна́хом Тя гре́шнии, те́мже мо́лим: лю́тых всех изми́ велича́ющия и чту́щия Тя, Всепе́тая.

Мно́жества ра́ди боле́зней се́рдце мое́ рыда́ющее, утеше́ние ми и прибе́жище, ско́ро уте́ши, я́ко да и аз ве́село вопию́: возвесели́ша Твоя́ утеше́ния ду́шу мою́, Многопе́тая.

Со́нен и неради́в лени́вый аз: в де́лех мра́чных живо́т скончава́я, Влады́чице, весь потреби́х; дости́гнув же в захожде́ние жития́, восхо́д

молю́ Тя всесве́тлый ми озари́ти.

Стихиры, глас пятый. Подобны: Ра́дуйся, по́стников:

Ра́дуйся, Агнца Бо́жия неопи́санно во чре́ве носи́вшая, пре́жния рабо́ты изба́вльшаго челове́ки, еди́на Чи́стая, ра́дость ми́рови возсия́вшая, черто́же светоно́сный неизрече́ннаго уневе́щения. Ра́дуйся, вся та́инственно озаря́ющая и просвеща́ющая, я́ко Свет облиста́вшая, Всечи́стая, непристу́пный, Безневе́стная Влады́чице. Ра́дуйся, Свята́я святы́х; ра́дуйся, всеми́рная похвало́; Бо́га, ра́дуйся, Ма́ти, подаю́щаго ми́ру ве́лию ми́лость.

Ра́дуйся, всеси́льная челове́ков наде́ждо и покро́ве, неруши́мое утвержде́ние и стено́, спасе́ние и прибе́жище неразо́рно, Бо́га челове́ком

примири́вшая, Чи́стая, в безсе́меннем и пресла́внем зача́тии Твое́м. Ра́дуйся, же́зле Ааро́нов, прозя́бнувый Цвет честны́й, пи́щу тва́ри; ра́дуйся, держа́во непобеди́мая царе́й, Богоневе́сто; ра́дуйся, кре́посте му́чеников; ра́дуйся, Све́та жили́ще; Бо́га, ра́дуйся, Ма́ти, подаю́щаго ми́рови ве́лию ми́лость.

Ра́дуйся, невмести́маго Бо́га страно́ и земле́ свята́я, ю́же Ио́иль прови́де, на ню́же на́йде всех Содержи́тель; ра́дуйся, Боже́ственная стено́; ра́дуйся, Непоро́чная, упова́ние непосты́дное и тве́рдое заступле́ние сла́вящих, пою́щих, Всепе́тая, и взыска́ющих Тя вседу́шно, Богоневе́сто; ра́дуйся, Насади́теля Ро́ждшая чистоты́; ра́дуйся, богопи́санный сви́тче; ра́дуйся, исто́чниче освяще́ния; Бо́га, ра́дуйся, Ма́ти, подаю́щаго ми́рови ве́лию ми́лость.

Испо́лни весе́лия, Чи́стая, благохва́лящия Тя и любо́вию сла́вящия, и потщи́ся свободи́ти от обдержа́щих лю́тых, напа́стей, рыда́ний и озлобле́ний, от враго́в го́рдых и скверноуби́йц, отведе́ния же темни́чна и терза́ния, туги́ го́рькия и лю́таго осужде́ния. Уще́дри ны бе́дствующия, и не оста́ви до конца́, но обы́чно поми́луй, враги́ же, Де́во, борю́щия ны, вско́ре погуби́.

Канон Пресвятей Богородице в неделю

Творение святаго Андрея Критскаго

Песнь 1

Пе́ти непреста́нно Тебе́ до́лжни есмы́, Чи́стая, и Твое́ предста́тельство призыва́ти всегда́, его́же низпосла́ти умилосе́рдися Твои́м моли́твенником, я́ко да изба́вимся бори́теля.

По́ду главе́ мое́й кто пода́ст, Всенепоро́чная, а́ще не Ты ве́ждей источи́ши сле́зы и пода́си ми пла́катися о душе́ мое́й, ю́же соде́ях ме́ртву прегреше́ньми.

Сло́вом от всех живо́тных еди́н аз почте́н быв промышле́нием Зижди́телевым, повину́хся безу́мно, Всепе́тая, страсте́м душетли́тельным;

сего́ ра́ди уподо́бихся ското́м безслове́сным.

Ле́ствице небодо́лгая, доброде́телей путь,ду́ши вознося́щая сло́вом к небе́сным, ея́же степе́ньми восходи́ти ми сотвори́, дея́нием и виде́нием, Богора́дованная.

Песнь 3

Ирмос: Водрузи́вый на ничесо́мже зе́млю повеле́нием Твои́м и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х Це́рковь Твою́ утверди́, еди́не Бла́же и Человеколю́бче.

Прему́дрости воипоста́сныя Ма́ти была́ еси́, Бо́га и Сло́ва, Мари́е Нескве́рная, Его́же, Чи́стая, умоли́, ка́плю стра́ха Бо́жия иска́пати

се́рдцу моему́, я́ко да испо́лнюся Боже́ственнаго разуме́ния.

Ка́пли дожде́вныя зе́млю утучня́ют и плод прозяба́ти, Чи́стая, подают, аз же же́стоко и не боле́зненно се́рдце име́яй, ника́коже умиля́юся.

Невеще́ственно мы́сленным ум бесе́дуяй, я́ко исто́чницы влече́т слез струи́; мой же, о Богома́ти, ум земли́ пригвожда́емь, многоча́стныя по́мыслы стяжа́, и по достоя́нию изтупля́ется.

Ми́ро доброде́тели о́бразы четы́рьмя, Богома́ти, изя́щно состроя́емо быва́ет: му́дростию и му́жеством душе́вным, пра́вдою Боже́ственною и целому́дрия чистото́ю, сих же аз лиши́хся.

Песнь 4

Ирмос: Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: «Во спасе́ние люде́й Твои́х спасти́ пома́занный Твоя́ прише́л еси́».

Удо́бь ко страсте́м влеку́ся, Твоея́ по́мощи обнаже́н, Де́во Ма́ти Богоневе́стная, те́мже умилосе́рдися и от ро́ва изми́ мя зла́то обы́чая.

Изсуши́ти пло́ти смяте́ния помышле́нием де́тельным, Богороди́тельнице, сподо́би мя, и ума́ движе́нием в го́рних пребыва́ти благопоспе́шствуй.

Сы́нове Бо́жии прича́стием бы́хом, ели́цы прия́хом Христа́, аз же па́ки на проти́вная обрати́хся, зло́бою сын греха́ быв.

Пути́ спаси́тельна не обрето́х неве́жствием души́; Путь живота́ поро́ждшая, Богороди́тельнице Мари́е, спасе́ния путь ми бу́ди.

Песнь 5

Еди́ну Тя вем, Богома́ти, гре́шных предста́тельство, и к Тебе́ прибего́х: не отве́ржи мене́, па́че всех согреши́вша.

Да безприкла́дное благоутро́бия Твоего́ на мне пока́жеши, Матероде́во, воздви́гни мя лежа́ща и безстра́стия стези́ скажи́.

Страсте́й во́лны смята́емы от де́монов лютых духо́в, спокрыва́ют, Чи́стая, души́ моея́ окая́нный корабле́ц.

Ве́село мне яви́ся во исхо́де, Богороди́тельнице, егда́ хо́щет душа́ разлуча́тися окая́ннаго телесе́, и спаси́ мя, раба́ Твоего́.

Песнь 6

Искуше́ний бу́ри находя́ще ми лю́тыя, души́ устраши́ша жили́ще, Отрокови́це, те́мже слезя́, к покро́ву Твоему́ прихожду́.

Помысло́в су́етных мя и душетле́нных изба́ви, Нескве́рная, помышле́ния же прия́ти суда́ и та́мошняго состоя́ния сподо́би.

Боже́ственнаго отпадо́х весе́лия, Ма́ти Бо́жия, и пла́кати начина́ю, окая́нный, а́ще ка́ко та́мошняго рыда́ния изба́влюся.

Исцеле́ний исто́чник стяжа́вше Тя, Влады́чице Чи́стая, неду́гующии жа́ждею прегреше́ний, притека́ем и спасе́ние прие́млем.

Седален, глас пятый. Подобен: Собезнача́льное Сло́во:

Многообра́зне, Де́во, Христа́ прогне́вах мы́слию и сло́вом, делесы́ и дея́ньми, и бою́ся стра́шнаго та́мо суди́ща, но предвари́вши ско́ро, изми́ мя лю́тых ма́терним Твои́м моле́нием и к Бо́гу дерзнове́нием, моле́бника Твоего́, Богороди́тельнице.

Песнь 7

Кто ин согреши́ я́коже аз, Всепе́тая? Ум греху́ повину́х, те́ло оскверни́х и вся чу́вствия омрачи́х, окая́нный.

Мене́ всеблу́днаго, мене́ всеокая́ннаго, уще́дри, Влады́чице, и даждь ми оставле́ние пре́жних согреше́ний, да любо́вию Тя сла́влю.

Со́нными привиде́ньми враг, Богоневе́стная, прельща́яй мя, ну́дит к паде́жу чрез мне́ние, его́же вселука́вства, Богоро́дице, свободи́ мя.

Жезло́м состра́стия, па́лицею покро́ва Твоего́ уте́ши и мене́, Чи́стая, и еле́ом Боже́ственнаго Твоего́ благоутро́бия нама́сти главу́ мою́.

Песнь 8

Благода́ть сыноположе́ния прие́мый в Боже́ственнем креще́нии, сию́ погуби́х дея́ньми беззако́нными в житии́ грехо́внем, те́мже молю́

тя, Де́во, уще́дри мя.

Ко́рене безсту́днаго самолю́бия ве́твие, Де́во, суть несы́тость и разлене́ние, отону́дуже со́нмище прозяба́ет страсте́й; Тя у́бо молю́

ко́рени сему́ изсуше́тися.

Возвыша́ю глас, с пла́чем к Тебе́ взыва́я: вино́м умиле́ния, Чи́стая, мя напо́й, хле́ба сле́знаго зде испо́лни, да не та́мо возжа́жду и вза́лчу.

Еди́н отсту́пль Боже́ственнаго виде́ния, ско́тен бых и разсвире́пех; еди́на неизрече́нно Зижди́теля Ро́ждшая, изба́ви мя пла́мене гее́нска.

Песнь 9

Ирмос: Иса́йе, лику́й: Де́ва име́ во чре́ве и роди́ Сына Емману́ила, Бо́га же и Челове́ка, Восто́к и́мя Ему́; Его́же велича́юще, Де́ву ублажа́ем.

Умное чу́вство души́ мое́й да́руй, Чи́стая, да умертви́т неподо́бныя пре́жде сла́сти, и́хже ражда́ти обыко́ша чу́вства теле́сная, я́ко да бу́ду жили́ще Ду́ха.

Творя́й сту́дная, николи́же, Богома́ти, оста́вих, от младе́нства яви́выйся дом страсте́й, и ны́не в ста́рости пока́ятися даждь ми по́мысл,

еда́ ка́ко избе́гну жду́щих мя мук.

Прегреше́ний стремни́ною поползну́выйся, низпадо́х лю́те с доброде́телей высоты́, Влады́чице Чи́стая; Ты у́бо, заступле́ние гре́шных

и немощству́ющих, ру́ку ми пода́ждь по́мощи, моле́бнику Твоему́.

Страши́т мя суди́ще, Богома́ти Влады́чице, и убоя́хся, я́ко мно́гих зол испо́лнь, оба́че к Тебе́ прибего́х, прибе́жище гре́шных: не отри́ни

мя, но спаси́ ми́лостию Твое́ю.

Стихиры, глас пятый. Подобны: Ра́дуйся, по́стников:

Ра́дуйся, цветолюби́вый гра́де, сад живота́ окружа́яй, и ве́нче, Избра́нная, све́тлый, я́сное Созда́теля пребыва́лище, ски́ние, Невмести́маго вме́щшая Го́спода. Ра́дуйся, Де́во, Еюже ад умертви́ся и смерть упраздни́ся, и первозда́нный паде́жа спасе́ся лю́та и ве́лия. Ра́дуйся, Чи́стая, Всесвята́я; ра́дуйся, предсто́лпие непозы́блемо; Бо́га, ра́дуйся, Ма́ти, подаю́щаго ми́рови ве́лию ми́лость.

Ра́дуйся, красне́йшая Го́рлице, позлаще́неи целому́дрием иму́щи криле́, цве́те нетле́ния, у́мная багряни́це; ра́дуйся, ле́ствице Боже́ственная, к жи́зни небе́сней ме́ртвыя преводя́щая; ра́дуйся, царе́й ве́рнейших держа́во и утвержде́ние и диади́ма честна́я; ра́дуйся, де́вство

рождеству́ сопря́гшая, немощству́ющих врачевство́, лише́нных исполне́ние; Бо́га, ра́дуйся, Ма́ти, подаю́щаго ми́рови ве́лию ми́лость.

Ра́дуйся, по Бо́зе Превелича́йшая, вто́рство⁵⁶ по Тро́ице иму́щая; радуйся, даро́в исполне́ние все от Бо́га несре́дственно Прии́мшая и

во вся а́нгелы и челове́ки сие́ преда́вшая. Ра́дуйся, о́гненнаго небесе́ ди́вное дальнозре́ние, хоте́ний Боже́ственных чу́дный коне́ц⁵⁷смотри́тельнейш и после́дний всего́ созда́ния, Всечи́стая, Ея́же ра́ди

мир⁵⁸ бысть, и Твои́м рождество́м преве́чный Творца́ сове́т испо́лнися.

Еди́на оскорбля́емых ра́досте, предвари́ изба́вити моле́бника Твоего́ от всех обдержа́щих мя искуше́ний многообра́зных, пламеноно́сных неду́г и озлобле́ний, от враг, и́щущих пожра́ти мене́, от печа́ли вся́кия и демо́нскаго безу́мия, уны́ния и лю́таго осужде́ния, да

не преда́си до конца́ ско́рбем, да не потопи́т мя глубина́ зол, окая́ннаго: на Тя бо все упова́ние мое́ возложи́х, Богора́дованная.

Канон Пресвятей Богородице в понедельник

Творение святаго Марка Ефесскаго Евгеника

Песнь 1

Коле́но Тебе́ преклоня́ю, Влады́чице, окая́нный, и Твоего́ ны́не прошу́ Боже́ственнаго предста́тельства: разреши́ печа́ль души́, разори́ о́блаки уны́ния моего́ моле́ньми Твои́ми, оскорбля́емых утеше́ние.

От скве́рных страсте́й све́тлость души́ моея́, Богоро́дице Де́во, соблюда́ющи неприме́сну, чи́сто мя, Нескве́рная, сотвори́ Свет Боже́ственный зре́ти, Тебе́ сла́вяща.

Ты воста́ния я́же на ны вра́жия держа́вною Твое́ю си́лою, Влады́чице, пременя́ющи, мир глубо́к ста́ду Твоему́ да́руй, я́ко Божественного ми́ра Хода́таица.

Созда́вый на еди́не Бог сердца́ челове́ков, боле́зни ве́дый и стра́сти душ на́ших, сообра́зное Тя подаде́ врачевство́ нам, Нескве́рная, в боле́знех и ско́рбех.

Песнь 3

Ирмос: Водрузи́вый на ничесо́мже зе́млю повеле́нием Твои́м и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х Це́рковь Твою́ утверди́, еди́не Бла́же и Человеколю́бче.

Руно́ дождя́ Боже́ственна, Всенепоро́чная, изсо́хшую ду́шу мою́ страстьми́ и разжже́нием зол, напо́й, Богоро́дице, посеще́нием Твои́м,

я́ко источи́вшая жи́зни Во́ду, Христа́ Го́спода.

Ви́ден был есть Тобо́ю, Де́во, с пло́тию пре́жде Неви́димый Сло́во и Госпо́дь, да к неви́димей и Боже́ственней преста́вит сла́ве и к прия́тию ве́чному я́ко Богоро́дицу пою́щия Тя.

Ти́ны тлетво́рных страсте́й свободи́ ны к Сы́ну Твоему́, Чи́стая, мольба́ми и подава́й ше́ствовати покая́ния чи́сте стезя́ми, вводя́щими в ве́чное упокое́ние.

Воплоща́ется от честны́х крове́й Твои́х, Де́во, Иже благоутро́бием Челове́к бы́вый; Сего́ моли́, я́ко Сы́на, Ца́рства вы́шняго мя сподо́бити, Всенепоро́чная, ве́рно Тя сла́вяща.

Песнь 4

Яко зе́ницу о́ка в кро́ве Твое́м, Чи́стая, соблюди́, молю́ся, и в се́ни крилу́ Твое́ю огре́й, и де́монов лука́вствия изба́ви и спаси́ мя.

Питие́м умиле́ния мя напо́й, Богоро́дице Мариа́м, и сле́зы сподо́би приноси́ти от се́рдца, гаси́ло пла́мене, мя ожида́юща.

Страх томи́т мя суда́ и изрече́ния Бо́жия: предвари́ и предста́ни ми в день той, и изба́ви, Мари́е Богоневе́сто.

Яко тва́ри всея́ заче́нши Соде́теля, укрепля́еши вся и мо́жеши, те́мже му́ки изба́ви и вся́каго наве́та раба́ Твоего́.

Песнь 5

Ирмос: Одея́йся све́том я́ко ри́зою, к Тебе́ у́тренюю и Тебе́ зову́: ду́шу мою просвети́ омраче́нную, Христе́, я́ко еди́н Благоутро́бен.

Оскверне́ну страстьми́ ду́шу мою́, Всечи́стая, и се́рдце чисти́тельным Твои́м благоутро́бием омы́й, и храм Ду́ха Бо́жия сотвори́.

Бысть рождество́ Твое́, Богоблагода́тная, осужде́нным благосты́ня, боля́щим цельба́, оскорбля́емым ра́дость и весе́лие.

Самоосужде́нна и неиспра́вленна мя, Христе́ мой, спаси́ Ма́тере Твоея́ мольба́ми, да Твое́ мно́гое сла́влю и безме́рное сострада́ние.

Облаки отжени́ скорбе́й от души́ моей, Чи́стая, и ра́дости мя луча́ми просвети́, Свет ро́ждшая Боже́ственный и невече́рний.

Песнь 6

Из пе́рсти созда́вый мя, Влады́ко, по о́бразу Твоему́ и сыноположе́ния Твоего́, Человеколюбче, сподо́бивый, соблюди́, я́ко Благоутро́бен.

Безме́рным согреше́нием мои́м сообра́зно низложе́н есмь, Чи́стая, озлобля́ющих скорбьми́; сего́ ра́ди очище́ние даждь ми и печа́лей избавле́ние.

Моли́твами Твои́ми сла́вы Боже́ственныя испо́лни и све́та неизрече́нна сподо́би певцы́ Твоя́, Богора́дованная Влады́чице.

Осужде́ния мя ве́чнаго изба́ви, Влады́чице Чи́стая, и ра́дости Боже́ственныя сподо́би и пи́щи ра́йския хода́тайствы Твои́ми.

Седален, глас пятый. Подобен: Собезнача́льное Сло́во:

Ра́дуйся, ле́ствице Госпо́дня богоутвержде́нная; ра́дуйся, мо́сте богопрохо́дный; ра́дуйся, прибе́жище ве́рных и очисти́лище, приводя́щая ны к Сы́ну Твоему́ и Бо́гу, всегда́ к Твоему́ кро́ву притека́ющия, Богоро́дице, я́ко в приста́нище тиша́йшее.

Песнь 7

При́зри на моле́ния ны́не к Тебе́ прибега́ющих, и сия́ приведи́ к Бо́гу Всеще́дрому, и проше́ния испо́лни, Мари́е Многопе́тая.

Сон отряси́ нераде́ния моего́ и просвети, молю́ся, Чи́стая, чу́вства моя́, бо́дрство да́рующи и покая́ние досто́йное.

Ми́лостива бы́ти ми, Де́во, благопримири́тельнаго умоли́ Сы́на Твоего́ и спасти́ мя, поюща душе́ю сокруше́нною: Бо́же, благослове́н

еси́.

Вре́мени Твоя́ ми́лость не соопису́ется, при́сно бо ще́дриши, Всенепоро́чная, рабы́ Твоя́ и расточа́еши прося́щим благода́ть

неоску́дную.

Песнь 8

Сла́вою Боже́ственною еди́на просвеще́на, я́ко Ма́ти су́щи Просла́вльшаго Тя, сла́вы свы́ше ми улучи́ти Боже́ственныя, Отрокови́це, испроси́ еди́наго Присносла́вимаго.

Вся избра́нна и просвеще́нна еси́, вся еди́на нескве́рна, чиста́ и непоро́чна, те́мже Ти вопию: Де́во любоблага́я, очи́сти мя от вся́кия скве́рны Твои́ми моле́нии.

Даждь, Богороди́тельнице, очище́ние и жития́ исправле́ние к Тебе́ прибега́ющим, я́ко да непреста́нно пое́м Тя, Де́во, и превозно́сим

во вся ве́ки.

Па́че све́тлыпих и я́снших луч со́лнечных Твое́ заступле́ние, Влады́чице: всем бо чуде́с лучи́ простира́ющи, мглу реши́ши страсте́й и

боле́зней.

Песнь 9

Коле́блемый скорбьми́ и печа́лей мно́жеством, утверди́ ны Боже́ственным Твои́м манове́нием, Мари́е Богоневе́сто, на кре́пцем терпе́ния и наде́жды Твоея́ ка́мени, да сла́вим Тя.

Превзы́де, Нескве́рная, бре́мя скорбе́й си́лу мою, и в ве́лию низвлачи́т про́пасть отча́яния, от нея́же изба́ви мя, Влады́чице, во е́же непреста́нно велича́ти Тя.

Светоно́сная колесни́ца Емману́илева яви́лася еси́, Влады́чице Чи́стая, ве́рныя просвеща́ющи; те́мже мя озари́, ле́ности тьмо́ю ду́шу ны́не покрыва́юща и согреше́ньми погубля́юща.

Предста́тельство еси́ души́ моея́, Всечестна́я, Тобо́ю бо проти́вных сокруша́ю кре́пость, и к Тебе́ воздвиго́х чу́вствия вся и ум: спаси́, спаси́ мя, да любо́вию велича́ю Тя.

Стихиры, глас пятый. Подобны: Ра́дуйся, по́стников:

Ра́дуйся, Голуби́це слове́сная, мы́сленнаго пото́па прекраще́ние нося́щая и скве́рну грехо́в омы́вшая, еди́на Чи́стая, те́плое ми́ру очисти́лище, упова́ние непосты́дное и изве́стное заступле́ние чту́щих Тя и воспева́ющих ве́рно, и Боже́ственныя Твоея́ взыска́ющих по́мощи. Ра́дуйся, го́рних чино́в всевожделе́нное слы́шание; ра́дуйся, де́монов паде́ние; ра́дуйся, челове́ков исправле́ние; Христа́, ра́дуйся, Ма́ти,

подаю́щаго ми́рови ве́лию ми́лость.

Ра́дуйся, светоно́сная Ла́стовице, от зимы́ мы́сленныя ве́сну принося́щая и бу́рю греха́ уста́вльшая, еди́на Чи́стая. Ра́дуйся, Боже́ственный покро́ве; ра́дуйся, трапе́зо, небе́сный Хлеб жи́зни в Себе́ иму́щая, Его́же наслажда́ющеся не бои́мся сме́рти, ниже́ умира́ем, но живе́м, я́ко рече́, Всеблагослове́нная, Соде́тель естества́. Его́же и нас, Твои́х раб, насы́титися сподо́би и улучи́ти, Де́во, непреста́емаго и нетле́ннаго блаже́нства.

Ра́дуйся, Матероде́во Чи́стая, Юни́це простейшая и нескве́рная, Тельца́ ро́ждшая та́инственнаго, Агнице чи́стая и всенепоро́чная, Се́рно, в гора́х арома́тов пасу́щаяся и пита́ема вы́ну кри́ны Боже́ственных благода́тей и пи́щами Ду́ха, Ла́ние⁵⁹ скороше́ственная, змий мы́сленных убива́ющая и от Твои́х раб дале́че сих прогоня́ющая; Христа́, ра́дуйся, Ма́ти, подаю́щаго ми́рови ве́лию ми́лость.

Уста́ви е́же на мя лю́тых волня́щееся мо́ре, Богосла́вная, всех крепча́йшее ве́рных прибе́жище, и к Боже́ственному приста́нищу путево́ждствуй, Чи́стая, неключи́маго и всеокая́ннаго раба́ Твоего́, бе́здне поги́бели уже́ прибли́жшася и в дно неча́яния дости́гша. Влады́чице, не про́зри мя, зле бе́дствующа и вседу́шно взыска́юща ско́рыя Твоея́ по́мощи: на Тя бо все ча́яние мое́ возложи́х, Богоблаже́нная.

Канон Пресвятей Богородице во вторник

Творение святаго Феофана Никейскаго Начертаннаго, яко зрится в последних Богородичнах

Песнь 1

Преблагослове́нная Мари́е Всечи́стая, ве́рою и любо́вию Тя я́ко Бо́жию Ма́терь пою́щия спаси́ от страсте́й, скорбе́й же и согреше́ний мольба́ми Твои́ми.

Ве́ра да возвеща́ется еди́на, а не сказа́ние я́же па́че ума́ чуде́с Твои́х, Богоневе́стная: Непостижи́маго бо па́че естества́ родила́ есй,

обо́лкшася в челове́чество.

Весь жела́ние и нескве́рная сла́дость Сын и Бог Твой, благи́х исполне́ние есть, Всенепоро́чная, Еге́же моли́ от ско́рби изба́вити чту́щия Тя.

Чу́до в Тебе́ соверша́ется, Де́во, и́стинно стра́шное, зане́ ника́коже Вмеща́ема во чре́ве Твое́м зача́та име́ла еси, и неизрече́нно родила́

еси́, Присноде́ва пребы́вши.

Песнь 3

Иже дре́вле из небытия́ сотвори́вый вся́ческая, из свята́го Твоеге́ чре́ва происхо́дит, Челове́к быв, Чи́стая, за человеколю́бие преве́лие Человеколю́бец, да челове́ки изба́вит.

Се па́че всех Ты еси́ облагода́тствована, и превозшла́ еси́ святы́нею вся́ческая, и над все́ми превознесла́ся, и всех показа́лася еси́ превы́шшая я́ве у́мных сил, Ма́ти Бо́жия бы́вши.

Де́во, чисте́йшая Сло́ва пала́то, ду́шу мою́ дом Ду́ха яви́; воды́ живонача́льныя исто́чниче, напо́й мя, зно́ем грехо́вным иста́явша, я́ко да по до́лгу сла́влю Тя.

Ра́зве Тебе́ по Бо́зе предста́тельницу не стяжа́х, от ну́ждных мя при́сно, Всепе́тая, изыма́ющу: не пре́зри мя погиба́юща и грехми́

омраче́на.

Песнь 4

Одея́ние истка́вши от де́вственных крове́й Твои́х Иже не́бо о́блаки, Отрокови́це, Оде́ющему, в ри́зу нетле́ния мя ле́ностию обна́жшася

облецы́.

Утро́ба Твоя́ пала́та свята́я Царя́ несказа́нно и Бо́га бысть, в ню́же Всели́выйся, Де́во, хра́мы Его́ ны соде́ла.

Неизрече́нно заче́нши, Всенепоро́чная, Творца́ Твоего́ и Бо́га, моли́ спасти́ от бед вся́ческих и душ спасе́ние пода́ти воспева́ющим Тя, Влады́чице.

Уще́дри, ми́лостива су́щи, всеокая́нную мою́ ду́шу, Богороди́тельнице, страстьми́ и согреше́ньми лю́те очерне́ну и воздыха́ющу.

Песнь 5

Напа́стей бу́рею мя погружа́ема, ко приста́нищу Твоея́ тишины́, Всесвята́я, напра́ви, безстра́стия Ко́рмчию ро́ждшая.

Ниже́ ум небе́сный вои́стинну возмо́жет Тя, Богома́ти, пе́ти досто́йно: Зижди́теля бо родила́ еси́, небе́сными воспева́ема си́лами.

Нова́го родила́ еси́ я́ко Младе́нца, Нескве́рная, Иже пре́жде век от Отца́ Безле́тнаго возсия́вша безле́тно, Его́же за мир моли́, Богоневе́стная.

Просвети́ о́чи ума́ моего́, све́щниче всезлаты́й Све́та Боже́ственнаго, и страсте́й разори́ омраче́ние, Де́во, и всего́ мене́ уясни́.

Песнь 6

Всесвята́я Влады́чице Богома́ти, тле́ния мя изба́ви и страсте́й молву́ укроти́, Исто́чник безстра́стия ро́ждшая.

Па́че ума́ Безле́тнаго, па́че сло́ва Соде́теля, Всесвята́я, родила́ еси́, изба́вльшаго вся́кия тли я́ко Богоро́дицу Тя воспева́ющия.

Сын Собезнача́льный Отцу́, недр Оте́ческих не оста́вль, воплоти́ся, Отрокови́це, в не́дрех Твои́х и Авраа́мово не́дро отве́рзе нам.

Неискусому́жно родила́ еси́, Богоро́дице, Емману́ила, смире́ние на́ше уще́дривша, те́мже при́сно по до́лгу Тя сла́вим.

Седален, глас пятый. Подобен: Собезнача́льное Сло́во:

Цвет Боже́ствен, ко́реню прозя́бший, киво́те, све́щниче и ста́мно всезла́та, свята́я трапе́зо, Хлеб жизни нося́щая, я́ко Сы́на Твоего́ и

Бо́га, Того́ со а́нгелы умоли́ и со все́ми и́же от ве́ка святы́ми поми́ловати воспева́ющия Тя.

Песнь 7

Ирмос: Превозноси́мый отцо́в Госпо́дь пла́мень угаси́, о́троки ороси́, согла́сно пою́щия: «Бо́же, благослове́н еси́».

Превозноси́мый со Отце́м и Ду́хом Сын, Тя, Чи́стая, зело́ возлюби́, избра́в в жили́ще Себе́, Благослове́нная.

Дверь непрохо́дную зрит Тя проро́к, Мари́е Всенепоро́чная, ю́же Еди́н про́йде, Ему́же вси сла́дце пою́т: Бо́же, благослове́н еси́.

Усты́ и мы́слию Тя, Всепе́тая, пропове́дую, веселя́ся: Бо́га бо родила́ еси́, Ему́же вси сла́дце пое́м: Бо́же, благослове́н еси́.

Неве́ста была́ еси́ Бо́жия, апо́столов похвала́, му́чеников венча́ние, красота́ преподо́бных и ра́дование вопию́щих: Бо́же, благослове́н еси́.

Песнь 8

Ирмос: Тебе́ Вседе́телю в пещи́ о́троцы, всеми́рный лик спле́тше, поя́ху: «Дела́ вся́кая, Го́спода по́йте, и превозноси́те во вся ве́ки».

Тебе́, всех Творца́ ро́ждшей, ку́ю песнь воспои́м? Тя бо воспева́ют а́нгелов во́инства и славосло́вят челове́ков ликостоя́ния.

Ле́ствица у́мная, е́юже сни́де Бог, мост, земны́я преводя́й к го́рним, чу́до а́нгелов, де́монов ве́лия я́зва и ве́рных цельба́ Ты еси́, Богоро́дице.

Ка́ко де́вственныя не отпа́дши сла́вы, ма́тернею обогати́лася еси́ че́стию, Безневе́стная? Весть сия́ прему́дро Чудоде́йствовавый, Его́же

превозно́сим во вся ве́ки.

Отверзо́х и аз, дерзну́вый от любве́, к пе́нию Твоему́, Всепе́тая, уста́ моя́, те́мже ми испо́лнитися прему́дрости молю́ся и привлещи́, Мари́е, дух ра́зума.

Песнь 9

Богома́ти Пречи́стая, предста́тельство христиа́н, лю́ди Твоя́ спаса́й от вся́каго преще́ния, от плене́ния ва́рварска, от гне́ва, я́рости и

вся́каго осужде́ния.

Благогове́йне пое́м хвале́бныя Тебе́ пе́сни, избавля́еми при́сно боле́зней лю́тых Боже́ственными Твои́ми мольба́ми; сего́ ра́ди и ны́не

взыва́ем ве́рно: исцели́, Влады́чице, ду́ши на́ша и телеса́.

Всесвята́я Влады́чице, моли́ Тро́ицу покланя́емую, от Нея́же безстра́стно Еди́наго пло́тию нам родила́ еси́, умири́ти вся я́же на

земли́ и разреше́ние согреше́ний пою́щим Тя дарова́ти.

Воздыха́ний моли́твенник Твои́х не отри́ни, Всечи́стая, но при́зри на нас, в ско́рбех су́щих, плач на весе́лие премени́ и печа́ль на ра́дование в пе́снех почита́ющим Тя.

Стихиры, глас пятый. Подобны: Ра́дуйся, по́стников:

Ра́дуйся, мы́сленный киво́те, и́мже мы челове́цы пото́па изба́вихомся и бу́ри грехо́вныя; ра́дуйся, Богома́ти Честна́я, све́тлое ми́рови удобре́ние и ве́ры крепча́йшее воста́ние. Ра́дуйся, свети́льниче светоза́рный и пресве́тлый, нестерпи́маго во чре́ве Твое́м и всепресу́щнаго Све́та безсе́менно Поноси́вшая. Ра́дуйся, кля́твы разреше́ние и благослове́ния возда́ние; Христа́, ра́дуйся, Ма́ти, подаю́щаго ми́рови ве́лию ми́лость.

Ра́дуйся, би́сер Христа́ от мо́лнии Божества́ заче́ншая, вся тьмо́ю неве́дения и глубино́ю лю́тых объя́тыя еди́на к све́ту ра́зума наста́вльшая, Препе́тая Влады́чице. Ра́дуйся, о́блаче светоза́рный и пресве́тлый; ра́дуйся, апо́столов похвало́ и пропове́дание, виде́ние

многослову́щее и изря́дное слы́шание; ра́дуйся, прия́телище Творца́ и чи́стое Бо́га жили́ще, Его́же моли́ душа́м на́шим дарова́тися ве́лией

ми́лости.

Ра́дуйся, восто́че у́мный, Яже Христа́ от ложе́сн Возсия́вшая, исполня́ющаго вселе́нную све́та неизрече́нна; ра́дуйся, Чи́стая, безпло́тных ра́дование; ра́дуйся, Агнца Бо́жия ро́ждшая, взе́мшаго грехи́ на́ша, и ми́ра всего́ Пита́теля и Права́теля отдои́вшая и на объя́тиих Твои́х удержа́вшая, еда́на Нетле́нная и Нескве́рная; ра́дуйся, Свята́я святы́х, Пресвята́го Го́спода при́сно моля́щи не оста́ви, Владычице, о рабе́х Твои́х.

Обрата́ плач в ра́дость, на благохвале́ние се́тование преложи́, рыда́ние же на весе́лие и ра́дование ны́не, Богоро́дице еда́на Всеблагослове́нная, и́бо умно́жишася ненава́дящии раба́ Твоего́ и и́щущии ду́шу погуба́ти мою, безсту́дни су́ще, кровоя́дцы и льсти́вии, всу́е превознося́щеся, люте рыка́юще, я́коже пси неи́стовии; и́хже зло́бы мя изба́ви, живо́т да́рующи, спасе́ние и ве́лию ми́лость.

Канон Пресвятей Богородице в среду

Творение Митрофана Смирнскаго, егоже краегранесие: Пя́тый кано́н Тебе́ Митрофа́на, Де́во

Песнь 1

Вси челове́ков ро́ди почита́ют Тя, я́коже дре́вле, Де́во, проро́чески прорекла́ еси́; и мене́ у́бо приими́, певца́ Твоего́, Влады́чице, и озари́

и вразуми́.

Сокруши́ла еси́ сме́рти жа́ло, грех мирски́й, Жизнь ро́ждши и́стинную, е́юже притупи́ страсте́й мои́х, Влады́чице, стре́лы о́стрыя

ско́ро.

Еда́на преиспреще́на ря́сны деви́ческими от ве́ка я́вльшаяся, ю́же от смо́ковницы ра́зу Ада́млю раздра́ла ecи́; те́мже ны́не мя облецы́

целому́дрия ри́зою, Де́во, моле́ньми Твои́ми.

Бога́тую и Боже́ственную сла́ву дще́ри мно́ги предъявле́нно стяжа́ша, но Ты, Влады́чице, вся без сравне́ния превозшла́ еси́; тем

ны́не обогати́ мя небе́сными и Боже́ственными благода́тьми.

Песнь 3

Глубина́ и высота́ в Тебе́ уве́дестеся Прему́дрости Бо́жия, Мари́е Всечи́стая, ро́ждшияся непости́жно из утро́бы Твоея́, Еюже глубины́ се́рдца моего́ изба́ви мудрова́ний зми́евых.

Иже сло́вом от воды́ перна́тая и пла́вающая осуществова́вый, Христе́, пре́жде не су́щая, от крове́й Де́вы Чи́стыя Божества́ Твоего́ одея́ние стра́шно угото́вал еси́.

Ты еди́на горни́ло яви́лася еси́ естества́, в не́мже огнь Боже́ственный неопа́льно, Нескве́рная, я́ве сие́ слия́. Ты у́бо грехо́в и

страсте́й мои́х скве́рну слия́вши, Твои́ми моле́нии просвети́.

Ча́шу но́ваго виногра́да рожде́ния, напоя́ема я́ве во оставле́ние согреше́ний всем ве́рным, Тя, Всечи́стая, ве́дый, молю́: оставле́ния не́ктаром се́рдце мое́ напо́й.

Песнь 4

Неора́нная яви́лася еси́ ни́ва, невсе́ян прозя́бшая и Боже́ственный Клас; те́мже а́лчуща мя напита́й дарми́ и благода́тьми Твои́ми.

Неду́гующа мя к сме́рти душе́вней, Влады́чице, и страсте́й огневи́цею содержи́ма, моли́тв водо́ю Твои́х напои́вши, вско́ре возста́ви.

Яко су́щи град Бо́жий одушевле́н, его́же рек мы́сленных веселя́т стремле́ния, моле́ний Твои́х столпо́м души́ моея́ хра́мину утверди́.

Облак разумева́я Тя, Пра́вду и́стинную окропи́вый, молю́, Пречи́стая, всех оби́дящих ско́ро изба́вити раба́ Твоего́.

Песнь 5

Бу́рю и волне́ние, Мари́е Влады́чице, грехо́в и страсте́й мои́х всеконе́чно укроти́, безстра́стия ро́ждши Вино́внаго.

Поста́ве⁶⁰, и́мже свы́ше истка́ Христо́с благоле́пия ри́зу Своего́, доброде́телей одея́нием обна́жшуюся ду́шу мою́, Чи́стая, облецы́.

Очище́ние грехо́в ми да́руй Твои́ми мольба́ми, Де́во Нескве́рная, Боже́ственное Очисти́лище ро́ждши нам, Христа́ и Го́спода.

Вре́ды и я́звы и гное́ния моя́ грехо́вная рукоде́йством моли́тв Твои́х упраздни́, и здра́вие, Де́во, рабу́ Твоему́ устро́й.

Песнь 6

Яже Свет ро́ждшая свети́лом твори́телен, ду́шу мою́ просвети́ и изба́ви страсте́й, Всесве́тлая, омраче́ния.

Иже Ме́рры пе́рвее услади́вшаго, Богоро́дице, во́ды, Сы́на Твоего́ умоли́ лю́тых страсте́й го́речи ско́ро изба́вити мя.

Наводня́ет страсте́й пото́к ду́шу мою́, Всечи́стая, но сего́ изсуши́ мольба́ми Твои́ми и лука́вая помышле́ния потреби́.

Христо́с, челове́ки избавля́яй, от Сио́на прише́л есть, из чре́ва Твоего́, Всенепоро́чная Влады́чице; те́мже и мене́ от бед изми́ и скорбе́й.

Седален, глас пятый. Подобен: Собезна́чальное Сло́во:

В пучи́не житёйстей вла́емь⁶¹, попече́ньми земны́ми погружа́емь и соугнета́емь умо́м,Твою́ от души́ призываю по́мощь: ускоря́ющи

про́чее, упра́ви и к покая́ния приста́нищу приведи́, да пою́ Тя, Де́во Нескве́рная.

Песнь 7

Трепе́щут и бе́гают призыва́ния Твоего́, Влады́чице, де́монстии полцы́, и́хже мя избавля́ющи, спаса́еши и сохраня́вши обою́ду от

вся́каго вре́да.

Неизрече́нна, Де́во, сла́ва Твоя́, Го́спода Сла́вы бо родила́ еси́; те́мже мя небе́сныя сла́вы сподо́би, ве́рно Тя воспева́юща.

При́зри на моле́ния раба́ Твоего́, Влады́чице, и изба́ви мя ско́ро бед и скорбе́й и вся́каго наве́та сопроти́вных неви́димых.

Всего́ мя в сту́дных страсте́х оскве́рншася и очище́ния тре́бующа, измы́й и просвети́, Чи́стая, моли́тв Твои́х окропле́ньми.

Песнь 8

Вода́ безча́дствующая страсте́й души́ моея́ утро́бу изсуши́ и непло́дну сотвори; Богома́ти, о́блаче ле́гкий, дождь Боже́ствен мне окропи́, я́ко да изращу́ плоды покая́ния.

Бу́рю помышле́ний стра́стных и молву́ укроти́, Всечи́стая, мольба́ми Твои́ми, и ко приста́нищу безстра́стия напра́ви, да сла́влю

Тя во вся ве́ки.

Умная две́ре заключе́нная, е́юже еди́н про́йде Благоутро́бный Бог, врата́ страсте́й мои́х заключи́ и упова́ния отве́рзи ми две́ри.

Возми́ от Мене́ согреше́ний бре́мя, еди́на Ро́ждшая неизрече́нно ми́ра всего́ взе́млюща грех весь, Агнца и Сло́во Бо́жие.

Песнь 9

Окаля́вый я́ко челове́к ду́шу мою́ согреше́нии мно́гими и плотски́ми страстьми́ оскверни́выйся, прошу́, Нескве́рная, спротяже́нно Тя

и молю́ся: Твои́ми мольба́ми ны́не очи́сти мя от вся́кия зло́бы.

Водителя ми́лости родила́ еси́ и щедро́т, Человеколю́бца еди́наго Бо́га бла́га, долготерпя́ща, благоутро́бна; Его́же ми́лостива покажи́

ми Твои́ми моли́твами, и грехо́в разреше́ние да́руй.

Себе́ сама́го рыда́ю, помы́шляя грехо́в мои́х мно́жество, страсте́й наведе́ния, души́ ожесте́ние и ума́ премене́ние: отча́яннаго мя спаси́,

Нескве́рная, ми́лостию Твое́ю.

Благословля́ю, сла́влю Тя, и велича́ю те́пле, Всечи́стая; благослови́ у́бо певца́ Твоего́, и от всех изба́ви проти́вных и оскорбля́ющих,

и соблюди́ Твои́ми дла́ньми непобеди́ма.

Стихиры, глас пятый. Подобны: Ра́дуйся, по́стников:

Ра́дуйся, земноро́дных наде́ждо, земле́ избра́нная, Чи́стая и Нескве́рная, Ты бо еси́ исто́чник Уте́шителев запечатле́нный, от него́же пою́щии Тя обрета́ют спасе́ние. Ро́да челове́ча, ра́дуйся, всеконе́чное воззва́ние, село́ благопло́дно, прозя́бшее Клас; ра́дуйся, мо́сте, живо́т наш ко обоже́нию преводя́й, Ко́рмчия Боже́ственная, обурева́емых

анки́р⁶², приста́нище спасе́ния всем любо́вию взыска́ющим Тя, Благооти́шная.

Ра́дуйся, Отрокови́це, светоза́рный и све́тлый исто́чниче, из него́же чи́стая и нему́тная произы́де вода́, напоя́ющи содержи́мых пла́менем греха́ и озлобле́ния. Ра́дуйся, заре́, Со́лнце в мир вве́дшая; ра́дуйся, пре́лести заблужде́ние угаси́вшая и вся к Боже́ственней ве́ре привле́кшая; ра́дуйся, многовожделе́нное и́мя конце́м; ра́дуйся, ве́рных спасе́ние; ра́дуйся, исправле́ние челове́ков; Бо́га, ра́дуйся, Ма́ти, подаю́щаго ми́рови ве́лию ми́лость.

«Ра́дуйся» арха́нгельски приглаша́ем⁶³ Ти, Чи́стая, вся коле́на земна́я, и любо́вию благохва́лим Тя, припева́юще те́пле: ра́дуйся, Бо

же́ственная ста́мно, Ма́нну нося́щая, исто́чниче присноживы́й и сладча́йшую иска́паяй во́ду, от нея́же пию́ще вси очища́емся скве́рны злоу́мия; ра́дуйся, утвержде́ние ми́ра незы́блемо, благоче́стия держа́во и Це́ркве водруже́ние; Бо́га, ра́дуйся, Ма́ти, подаю́щаго ми́рови ве́лию

ми́лость.

Уста́ви ре́ки страсте́й, греха́ моего́ пучи́ну пото́ком изсуши́ моле́ния Твоего́, и ко приста́нищу Боже́ственных хоте́ний честны́х наста́ви;

враги́, души́ мое́й стужа́ющия всегда́ и безме́стными ю сластьми́ возмуща́ющия, в ти́не поги́бельней погрузи́; се́рдце мое́ ра́дости испо́лни

и сла́дости; о́блак расто́ргни, вопию́ Ти, печа́ли, Всечи́стая, Христа́ моля́щи пода́ти согреше́нных мно́ю проще́ние.

Канон Пресвятей Богородице в четверток

Творение Иоанна Евхаитскаго

Песнь 1

Глаго́лы хвале́бныя и гла́сы моле́ний от смы́сла нище́тна и недосто́йных усте́н, дерза́я, Тебе́ приношу́; Ты же, Отрокови́це, приими́ сия́, я́ко две ле́пте богоприя́тныя.

Друго́й рай ве́мы Тя мы́сленный, несосу́дно⁶⁴ побежда́ющ и́же во Еде́ме рая́, Маро́е Всенепоро́чная; Ты бо, Богоневе́стная, нетле́ние

челове́ком прозябла́ еси́.

Дре́во жи́зни объя́ти в раи́ Ада́м возбране́н бысть, дре́ва ве́дения причасти́выйся, от сме́рти же спасе́ся, Богоро́дице, Тобо́ю объя́вый безсме́ртие.

Родила́ еси́ Плотоно́сца, пре́жде Безпло́тнаго, Пита́теля сосцы́ Твои́ми, Всенепоро́чная, воспита́ла еси́, Его́же у́бо моли́ доброде́телей

хле́бом препита́ти мя и дея́ний Боже́ственных.

Песнь 3

Боже́ственне Гаврии́ла иму́ще чинонача́льника, благоче́стно е́же «ра́дуйся», прииди́те, принесе́м Неискусобра́чней Богома́тери вси

согла́сно, Еюже бед, скорбе́й и не́мощей избавля́емся.

Еже «ра́дуйся» Тебе́ ра́достно вси взыва́ем, спасе́ни, Отрокови́це, Боже́ственным Рождество́м Твои́м. Ра́дуйся, земле́ неора́нная, злат Клас воспита́вшая, препита́яй концы́, неве́рием дре́вле гла́дствовавшия.

Ангел Святе́йшая яви́лася еси́, Сотвори́теля тех поро́ждши. Сего́ ра́ди молю́ Тя, Чи́стая: освяти́ ум мой и се́рдце светонаста́ви, о́блак

страсте́й прогоня́ющи.

Лу́ки, се́рдце мое́ уязвля́ющия, бесо́в лю́тых, Влады́чице, сокруши́, и ору́жие о́ных водрузи́ в се́рдце их, творя́щи суд и отмще́ние непра́ведно мя оби́дящим.

Песнь 4

Позлаще́нную Боже́ства ри́зу Тебе́ возложи́в, Сын Твой одесну́ю Его́ поста́ви преиспещре́ну Тя, Де́во, и оде́яну я́ко Цари́цу.

Пе́сненныя гла́сы Ти припева́юще, любо́вию, Чи́стая, вопие́м: сосца́ Твоя́ вресноту́ удобре́ста⁶⁵, я́же сса еди́н безсе́менный Твой Сын и Госпо́дь.

Ева, па́дшая зми́ем, роди́ печа́ль жена́м, Ты же, Де́во, ве́ровавши я́же от Бо́га возвеще́нием, ми́ру всему́ ра́дость процвела́ еси́.

Се Тя ро́ди вси, Влады́чице Блаже́нная, и́стинно в жена́х ублажа́ем, я́коже прорекла́ еси́, еди́наго ро́ждши Царя́ и Го́спода.

Песнь 5

«Вся бли́жняя Моя́ добра́ и непоро́чна от Лива́на, Де́во Неве́сто»⁶⁶, Святы́м Ду́хом Ты предузна́на еси́ в Бо́жия Сло́ва воплоще́ние.

Коль красна́ бесе́да Твоя́, и вервь червле́на уста́ Твоя́⁶⁷, и́миже лобза́ла Бо́га еси́, Всесвята́я, я́ко Младе́нца руконоси́ма.

Со́лнце побежде́но бысть све́тлостию Твое́ю: Ты бо, Мари́е, не́бо свети́лами Украси́вшаго на руку́ Твое́ю держа́ла и от сосцу́ дои́ла еси́.

Неве́ста Бо́жия Всечестна́я, колесни́ца Со́лнца и Све́та прия́телище, цвет благоуха́нный и благоцве́тнейший сад, сла́ва де́вам Ты

еси́, Мари́е Препе́тая.

Песнь 6

Плод Твой нетле́н и утро́ба нетле́нна, Чи́стая, па́че ума́ обоя́ показу́ема; те́мже ве́рнии «ра́дуйся» Ти досто́йно пое́м.

Народ ка́плющ и сот медвя́н и исто́чник животоча́щ чре́во Твое́, Бо́га роди́вше, яви́ся.

Умныя си́лы Тя и челове́ков вси ро́ди я́ко Бо́га ро́ждшую сла́вят, Присноблагослове́нная и Всенепоро́чная.

Лампа́до неугаси́мая, Свет у́мный ро́ждшая, отемне́нный мой смысл просвеще́нием озари́ Твоей благода́ти.

Седален, глас пятый. Подобен: Собезна́чальное Сло́во:

Ра́дуйся, две́ре Госпо́дня непроходи́мая, ю́же предпропове́даша вси му́жие пра́веднии: проро́к Дании́л го́ру несеко́му, и псалмопе́вец Дави́д с Моисе́ом и про́чими купину́, све́щник и ста́мну, жезл же и ле́ствицу, престо́л и Боже́ственный одр, Богороди́тельнице.

Песнь 7

Еже к пра́отцу Авраа́му обеща́ние Бог сконча́, Сын Твой быв, и се́мя его́ язы́ки благословля́яй, Благослове́нная.

Дще́ри вся превозшла́ еси́, Всечестна́я: мно́гия у́бо от них сил дарова́ния сотвори́ша, рождество́ же Твое́ сла́вою сих превзы́де.

Ка́плют, Всепе́тая, сми́рну, тле́ние уставля́ющу, всечестна́я уста́ Твоя́, Бо́га лобза́вшая, Его́же родила́ еси́ я́ко Младе́нца, и почита́еши

я́ко Влады́ку.

Яви́лася еси́ смеше́ние челове́ческо обожи́вшая Боже́ственным рождество́м Твои́м, Мари́е Всенепоро́чная; те́мже Тя по до́лгу, ве́р-

нии, славосло́вим.

Песнь 8

Прииди́те, Чи́стую Де́ву и Богоро́дицу воспои́м, Боже́ственная глаго́люще пе́ния: ра́дуйся, упова́ние ми́ра и заступле́ние превознося́щим Христа́ во ве́ки.

Ри́зу Христо́ви от де́вственных крове́й, Мари́е, истка́ла еси́ во́лны⁶⁸му́жеския кроме́, ю́же Бог поноси́в, Челове́к показа́лся есть, Его́же превозно́сим во ве́ки.

«Земля́ еси́, и в зе́млю по́йдеши, я́ко зе́млен»⁶⁹, да не услы́шу ктому́: к небесе́м бо мя от земли́ возвела́ еси́, Де́во, зане́ Иже от земли́ родонача́льника нам Сотво́ршаго родила́ еси́.

Святы́й плод от ко́рене Иоаки́мова и утро́бы Аннины прозябла́ еси́, Ма́ти Бо́жия; те́мже мир Исто́чником ми́лости богате́ет и немощству́ющии припложа́ют здра́вие.

Песнь 9

Дще́ри свята́го Иерусали́ма, потщи́теся ви́дети Неве́сты благосла́вныя зрак, Мари́ю Нескве́рную, и благоче́стно воспо́йте Той: ра́дуйся, Всепе́тая Богоро́дице, ра́досте на́ша.

Избра́нна, благоприя́тна вся яви́лася еси́ Бо́гу, я́ко крин цветонося́й те́рний посреде́, от ни́хже Тя в благоуха́ние'де́вственно обре́те Себе́ и предста́тельство показа́ чту́щим Тя.

Нард, арома́ты иска́пающ, Нетле́нная, Чи́стая же и До́брая в жена́х вои́стинну яви́лася еси́; красе́н взор Твой и глас испо́лнь есть благи́х; Избавле́ние согреше́ний бо родила́ еси́ пою́щим Тя.

Душа́ моя́ прильпе́ псало́мски, Влады́чице, вся по Тебе́⁷⁰; сего́ ра́ди десни́ца Твоя́ да засту́пит мя, молю́ Ти ся, спаса́ющи ны́не и содержа́щи, храня́щи и покрыва́ющи.

Стихиры, глас пятый. Подобны: Ра́дуйся, по́стников:

Ра́дуйся, Де́во Ма́ти Честна́я, кипари́се превысоча́йший и благово́нный, на высоту́ зре́ния боже́ственно правоше́ствуяй; ке́дре,

в Лива́не процве́тший, кре́пок и помышле́ньми незы́блем отню́д; ма́слино Боже́ственная, благоцве́тна и плодови́та и Ду́ха испо́лнена благода́тьми; виногра́де, Грозд зрел израсти́вый ми́ру, сердца́ весели́й любо́вию я́ко Богоро́дицу госпо́дственно велича́ющих Тя.

Ра́дуйся, Де́во Ма́ти Честна́я, кро́ткая Голуби́це и благода́тьми Ду́ха Свята́го все́ми посре́брена, и в междора́миех позлаще́на; Го́рлице

любобезмо́лвная и любочисто́тная; Ла́стовице благода́ти пресла́дкая, ве́сну благоуха́нную от зимы́ приноси́щая; Пти́це, я́ко слави́й громковеща́нный воспе́вшая и ми́ру Сло́ва Бо́жия воплоще́ние уве́рившая; Бо́га, ра́дуйся, Ма́ти, подаю́щаго ми́ру ве́лию ми́лость.

Ра́дуйся, Де́во Ма́ти Честна́я, исто́чниче, Во́ду жи́зни излива́яй; росо́ небе́сная, от Аермо́на мы́сленна на го́ры Сио́ни низходи́щая;

дождь во́лен, его́же Бог на зе́млю достои́ния Его́ отлучи́ в ве́чное ороше́ние и отра́ду; мо́ре сла́дкое и удобопрохо́дное, вса́дники же триста́ты фарао́ни пото́пльшее; Бо́га, ра́дуйся,Ма́ти, подаю́щаго ми́ру ве́лию ми́лость.

Ру́це к Тебе́ простира́ю и уста́ скве́рная отверза́ю к моле́нию, и преклоня́ю се́рдца коле́но,и мы́сленно нога́ма всенепоро́чныма Твои́ма

прикаса́юся ны́не, Чи́стая, и припа́даю Ти: боле́зни мои́ исцели́, ле́тныя⁷¹мно́ги и неисце́льны бла́гостию Твое́ю уврачу́й и́звы, изба́ви же от назира́ющих мя враг неви́димых; облегчи́, Отрокови́це, тяготу́ уны́ния моего́, я́ко да воспева́ю и сла́влю Тя, Еюже мир обра́те ве́лию

ми́лость.

Канон Пресвятей Богородице в пяток

Творение Святаго Иоанна Дамаскина

Песнь 1

Ирмос: Спаси́телю Бо́гу, в мо́ри люди немо́крыми нога́ми наста́вльшему и фарао́на со всево́инством пото́пльшему, Тому́ еди́ному пои́м, я́ко просла́вися.

Светоприе́мная свеще́, смире́нную мою ду́шу, грехми́ омраче́ну, я́ко Блага́я, све́том Твои́м уясни́, песнь благода́рственную я́ко да вопию́ Ти.

Ра́дуйся, престо́ле Бо́жий, Чи́стая, Препросла́вленная; ра́дуйся, пала́то простра́нная; ра́дуйся, покро́ве ве́рою взыска́ющих Тя; ра́дуйся, цве́те ве́ры; ра́дуйся, Всечу́дная.

Ра́дуйся, ста́мно злата́я, Боже́ственную Ма́нну ужа́сно во чре́ве Твое́м вмести́вшая, Светода́вца, Де́во, и Изба́вителя Иису́са, вся

утве́рждшаго во́лею Боже́ственною.

Ра́дуйся, Ма́ти Бо́жия; ра́дуйся, Де́во Нескве́рная; ра́дуйся, цве́те ве́ры; ра́дуйся, Безневе́стная Отрокови́це и Неискусому́жная, Свет всем конца́м возсия́вшая.

Песнь 3

Ирмос: Си́лою Креста́ Твоего́, Христе́, утверди́ мое́ помышле́ние, во е́же пе́ти и сла́вити тридне́вное Твое́ воскресе́ние.

Ра́дуйся, ца́рствующих поможе́ние тве́рдое и одоле́тельное; ра́дуйся, Нетле́нная Влады́чице, Всесвята́я Ма́ти Де́во.

Ра́дуйся, во́инствующих кре́пкая и Боже́ственная де́рзосте и держа́во; ра́дуйся, сла́во любо́вию и ве́рою несумни́тельною пою́щих Тя.

Всечестна́я а́нгелов ра́досте, ра́дуйся, Благослове́нная; ра́дуйся, Пресвята́я; ра́дуйся, ве́ры воскресе́ние и пре́лести разоре́ние.

Всесве́тлая Вы́шняго ски́ние, ра́дуйся, Де́во Пресла́вная; ра́дуйся, царе́й похвало́ и му́чеников укрепле́ние.

Песнь 4

Ирмос: Услы́шах слух си́лы Креста́, я́ко рай отве́рзеся им, и возопи́х: сла́ва си́ле Твое́й, Го́споди.

Ра́дуйся, всезлата́я пала́то Царя́ и Бо́га; ра́дуйся, Всечи́стая, проро́ков печа́те; ра́дуйся, честно́е иере́ев всех украше́ние.

Ра́дуйся, сосу́де чисте́йший всех Творца́; ра́дуйся, стено́ безопа́сная благочести́вых; ра́дуйся, незы́блемое всех челове́к огражде́ние.

Ра́дуйся, ле́ствице, возводя́щая от земли́ на не́бо; ра́дуйся, всех скорбя́щих ра́досте; ра́дуйся, крепча́йшее согреша́ющих прибе́жище.

Ра́дуйся, купино́ неопа́льная, ю́же Моисе́й ви́де; ра́дуйся, же́зле, прозя́бший нам Цвет честны́й, зе́млю украси́вый.

Песнь 5

Ирмос: Утренююще вопие́м Ти, Го́споди: спаси́ ны; Ты бо еси́ Бог наш, ра́зве бо Тебе́ ино́го не зна́ем.

Ра́дуйся, неги́блемыя ра́дости прия́телище, Всенепоре́чная; ра́дуйся, просвети́вшая всех рождестве́м Твои́м.

Горо́ присе́нная, ра́дуйся, еди́на Пречи́стая, ю́же в Ду́се проро́к дре́вле ви́де.

Ангелов весе́лие всечестно́е, ра́дуйся, еди́на Пресвята́я Влады́чице и челове́ков удобре́ние.

Преподе́бных ри́зо красне́йшая и му́чеников держа́во и утвержде́ние, ра́дуйся, Мари́е всечу́дная.

Песнь 6

Ирмос: Обы́де мя бе́здна, гроб мне кит бысть, аз же возопи́х к Тебе́ Человеколю́бцу, и спасе́ мя десни́ца Твоя́, Го́споди.

Радуйся, Ада́мово воста́ние и пла́ча Евина отъя́тие, Мари́е Пренепоро́чная, всеми́рная похвало́; сла́во, ра́дуйся, чту́щих Тя.

Ра́дуйся, ве́рных утвержде́ние и апо́стол Боже́ственных пропове́дание, Мари́е Всепе́тая, чистоты́ сокро́вище; всех, ра́дуйся, прибе́жище раб Твои́х.

Ра́дуйся, де́вственных похвало́, Де́во, све́тлая и преди́вная, ма́терей све́тлость кра́сная и всечестна́я; па́дающих, ра́дуйся, гото́вейшее воста́ние.

Ра́дуйся, Боже́ственный вхо́де и́же ве́рою ве́дущим Тя, Всенепоро́чная, Бо́га Роди́тельницу, ни́щих попече́ние и злополу́чных упова́ние непосты́дное.

Седален, глас пятый. Подобен: Собезнача́льное Сло́во:

Ра́дуйся, всезлата́я ста́мно, Ма́нну небе́сную внутрь иму́щая; трапе́зо свята́я, ра́дуйся, нося́щая жи́зни Хлеб; ра́дуйся, све́щниче

све́тлый; ра́дуйся, пала́то честна́я; ра́дуйся, престо́ле о́гненный Христа́ Всецаря́; ра́дуйся, Всенепоро́чная, покро́ве душ на́ших.

Песнь 7

Ирмос: В пещи́ о́гненней песносло́вцы спасы́й о́троки, благослове́н Бог оте́ц на́ших.

Ра́дуйся, о́блаче све́та; ра́дуйся, предста́тельство сладкопою́щих: благослове́н Бог оте́ц на́ших.

Ра́дуйся, златы́й киво́те; ра́дуйся, держа́во вопию́щих: благослове́н Бог оте́ц на́ших.

Ра́дуйся, Богоро́дице, ра́досте ве́рно взыва́ющих: благослове́н Бог оте́ц на́ших.

Ра́дуйся, челове́ков наде́ждо и спасе́ние зову́щих: благослове́н Бог оте́ц на́ших.

Песнь 8

Ирмос: Отца́ пре́жде век рожде́ннаго Сы́на и Бо́га, и в после́дняя ле́та воплоще́ннаго от Де́вы Ма́тере, свяще́нницы, по́йте, лю́дие, превозноси́те во вся ве́ки.

Свяще́ннейшими гла́сы Тя ве́рнии почеству́ем со а́нгелы, Де́во, благода́рно взыва́юще: ра́дуйся, Боже́ственный покро́ве Тебе́ песносло́вящих во вся ве́ки.

Яко па́че ума́ рождества́ Твоего́ чу́до, Богоневе́стная: Бо́га бо ражда́еши безсе́менно, содержа́ща вся дла́нию. Те́мже «ра́дуйся» Ти

вопие́м во вся ве́ки.

От вся́ких напа́стей и обстоя́ний изми́ и вся́кия ну́жды, и от враг, борющих мя, да Тя сла́влю, Обра́дованная, во вся ве́ки.

Но́ваго я́ко Младе́нца Ро́ждшая напосле́док, Иже пре́жде всех Бо́га, состаре́вшася уже́ мно́гими мя безме́стии, новосотвори́, Твое́ рождество́ превознося́щаго во вся ве́ки.

Песнь 9

Ирмос: Тя па́че ума́ и словесе́ Ма́терь Бо́жию, в ле́то Безле́тнаго неизрече́нно ро́ждшую, ве́рнии единому́дренно велича́ем.

Храм чист и престо́л Бо́жий одушевле́н Ты еси́, Всенепоро́чная, те́мже благода́рно Тебе́ хвалу́ возсыла́ем.

Озари́ла еси́ нам, Чи́стая, Невече́рний Свет, во тьме спя́щим пре́лести, Безневе́стная, те́мже «ра́дуйся» Тебе́ вси воспева́ем.

Ты мой плач, боле́зни и сле́зы, Влады́чице, угаси́, ра́дости же окая́нное мое́ се́рдце испо́лни, Богоневе́стная.

Плач и гнев, глад же, смерть и тле́ние низпосли́, Всецари́це Мари́е, скве́рным враго́м мои́м и отмще́ние.

Стихиры, глас пятый. Подобны: Ра́дуйся, по́стников:

Ра́дуйся, Матероде́во Чи́стая, Авеля пра́веднейшая, Си́фа благогове́йнейшая, благонаде́жная па́че Ено́са и паче Ено́ха благоуго́дная, род спа́сшая пра́ведный па́че Но́я, Авраа́ма ве́рнейшая, Исаа́ка же послушли́вейшая, в виде́ния Бо́жия дости́гшая па́че Изра́иля, побе́ждшая Ио́сифа пло́ти добро́тою и Моисе́я кротча́йшая; Бо́га, ра́дуйся, Ма́ти, подаю́щаго ми́рови ве́лию ми́лость.

Ра́дуйся, Сампсо́на му́жественнейши, воево́ды Иису́са благоро́днейши, Дави́да же ца́рственнейши и Соломо́на и́стинно прему́дрши су́щая; проро́ки вся богозре́нием препобе́ждшая, апо́столы же богопропове́данием и му́ченики восхожде́нием ве́ры, преподо́бных всех в

труде́х поще́ния пребо́льшая и па́че иера́рхов всех Боже́ственная. Бо́га, ра́дуйся, Ма́ти, подаю́щаго ми́рови ве́лию ми́лость.

Ра́дуйся, всех дре́вних жен пра́веднейши без сравне́ния я́вльшаяся: Са́рры ве́рнейши и Рахи́ли красне́йши, Реве́кки чадолюбнейши,

Ли́и же плодоро́днейши, песносло́внейши Мариа́мы и Авиге́и мудре́йши. Иуди́фь и Дево́рру му́жеством, Всечиста́я, превозшла́ еси́, па́че Анны же боголюби́ва была́ есй и Олды боже́ственнейши. Христа́, ра́дуйся, Ма́ти, подаю́щаго ми́рови ве́лию ми́лость.

Неду́ги смире́нныя моей души́ и неисце́льныя телесе́ боле́зни, Де́во Благослове́нная, в ра́дость и́стинную претвори́, глас усте́н мои́х

прие́мши, Всенепоро́чная, и ми́лостивно наложи́ я́звам мои́м Боже́ственныя цельбы́ бо́дренными моле́ньми Твои́ми. Озари́ ми здра́вия

свет, Богоневе́сто, Ты бо наде́жда моя́, покро́в и держа́вное прибе́жище, и Твоего́ ско́раго посеще́ния, Мари́е Нескве́рная, тре́бую.

Глас шестый Канон Пресвятей Богородице в субботу

Творение Мануила, Великаго Ритора, егоже краегранесие: Еже от души́ рыда́ние ми, Чи́стая, пода́ждь

Песнь 1

Ирмос: Волно́ю морско́ю Скры́вшаго дре́вле гони́теля мучи́теля, под земле́ю скры́ша спасе́нных отроцы; но мы, я́ко отрокови́цы, Го́сподеви пои́м, сла́вно бо просла́вися.

Моего́ се́рдца мно́гую боле́знь ви́диши, Препе́тая Ма́ти Жива́го Бо́га; те́мже Твое́ю Боже́ственною ми́лостию весе́лием мя оде́й, да велича́ю Тя и́стинно Препросла́вленную.

Все упова́ние и ча́яние спасе́ния моего́ на Тя возложи́х, Богороди́тельнице; сего́ ра́ди мя благоутро́бием Твои́м уще́дри, да велича́ю Тя и́стинно Препросла́вленную.

Умное о́блако Све́та Незаходи́ма, при́зри на моле́ние, Чи́стая, раба́ Твоего́, и мно́гую печа́ль, я́же обдержи́т мя, расто́ргни, да велича́ю

Тя и́стинно Препросла́вленную.

Во мно́зей боле́зни живо́т мой, Отрокови́це, лю́те оскуде́, я́ко Дави́д вопи́ю; те́мже мя, Благослове́нная, посеще́нием Твои́м испра́ви, да велича́ю Тя и́стинно Препросла́вленную.

Песнь 3

Ирмос: Тебе́, на вода́х пове́сившаго всю зе́млю неодержи́мо, тварь ви́девши на ло́бнем ви́сима, у́жасом мно́гим содрога́шеся, «Несть свят, ра́зве Тебе́, Го́споди» взыва́ющи.

Зной согреше́ний сожже́ окая́нную ду́шу мою́, и искуше́ния пра́ведно те́ло изнури́ша; те́мже, Чи́стая, моле́нием Твои́м сия́ изгла́ди и

жития́ пода́ждь исправле́ние.

Пе́ти Тебе́, Богоро́дице, сподо́би в безмо́лвии се́рдца Твоего́ мя раба́, я́ко мно́жайшее растли́ся живота́ моего́ в озлобле́ниих; те́мже предста́ни ми, и жития́ пода́ждь исправле́ние.

Яже Вы́шняго Ро́ждшая, возвлецы́ из ро́ва мя согреше́ний, и поста́ви на ка́мени ми́лости но́зе мои́, и к сла́ве напра́ви стопы́, и жития́ пода́ждь исправле́ние.

Ру́це к Тебе́ простира́ю, коле́на прекло́нь, со слеза́ми, Отрокови́це, и Твое́ призыва́ю те́пле ско́рое заступле́ние: озлобле́ния измени́, Богора́дованная, и жития́ пода́ждь исправле́ние.

Песнь 4

Ирмос: На кресте́ Твое́ Боже́ственное истоща́ние провидя Авваку́м, ужа́сся, вопия́ше: «Ты си́льных пресе́кл еси́ держа́ву, Бла́же, приобща́лся су́щим во а́де, я́ко Всеси́лен».

Пламеноно́сная клеще́ нескве́рная, наде́ждо ве́рных, оби́димых Предста́тельнице необори́мая, прииди́ и ны́не, изыма́ющи от беды́, я́же

обдержи́т мя.

Бу́рею лю́тых грехо́в погружа́емь ны́не, Твою́ призыва́ю по́мощь, Всенепоро́чная: яви́ся, прииди́, изыма́ющи от беды́, я́же обдержи́т

мя.

Ты ору́жием моле́ния Твоего́, Богоро́дице Чи́стая, сопроти́вных ссе́кши главы́, предста́ни ны́не, изыма́ющи от беды́, я́же обдержи́т мя.

Воздыха́ние мое́ виждь, Всечи́стая, виждь скорбь мою́, виждь уны́ние, и мно́гую Твою́ покажи́ на мне благода́ть, изыма́ющи от беды́, я́же обдержи́т мя.

Песнь 5

Ирмос: Богоявле́ния Твоего́, Христе́, к нам ми́лостивно бы́вшаго, Иса́ия Свет ви́дев невече́рний, из но́щи у́треневав, взыва́ше: «Воскре́снут ме́ртвии, и воста́нут су́щии во гробе́х, и вси земноро́днии возра́дуются».

Ца́рствующих Царь и Госпо́дь госпо́дствующих, Де́во, из Тебе́ воплоти́выйся за благосты́ню, вто́рство Ти дарова́. Отону́дуже со вла́стию спаса́вши прибега́ющих к Боже́ственному Твоему́ кро́ву; и мене́ ны́не ми́лостию Твое́ю соблюди́.

Облак нестоя́тельных помысло́в, напа́д окая́нней души́ мое́й, возмуща́ет и обдержи́т мя, помрача́ет и оскорбля́ет, Всепе́тая, но Ро́ждшая Со́лнце Христа́, расто́ргни сие́ и ми́лостию Твое́ю мя соблюди́.

Сла́досте души́ моея́ и свобожде́ние лю́тых, Отрокови́це, неви́димо ны́не наше́дши, вся́каго озлобле́ния изба́ви, е́же ми мно́жество исхода́тайствова согреше́ний, и вся́ческаго вре́да вы́шша во ве́ки мя соблюди́.

Умерщвле́нный мой ум живоно́сным Твои́м и честны́м предста́тельством воздви́гни и просвети́, и разу́мно наста́ви пе́ти Тебе́: Де́во, ро́ждшая Христа́, ипоста́сную Прему́дрость, ми́лостию Твое́ю мя соблюди́.

Песнь 6

Ирмос: Ят бысть, но не удержан в пе́рсех китовых Ио́на: Твой бо о́браз нося́, Страда́вшаго, и погребе́нию Да́вшагося, я́ко от черто́га от зве́ря изы́де. Приглаша́ше же кустоди́и: «Храня́щии́ су́етная и ло́жная, милость сию оста́вили есте́».

Не пре́зри к Тебе́ прибе́гша Твоего́ мя раба́, Блага́я, во искуше́ния впа́дша мно́жества ра́ди беззако́ний мои́х. Аще бо и вся челове́ки

грехми́ превзыдо́х, но не отступи́х от Тебе́, Жи́зни Роди́тельнице, те́мже Твое́ю си́лою мя сохрани́.

Щедро́тами Твои́ми, Безневе́стная Ма́ти, виждь суд мой и разсуди́ посреде́ непра́ведно напа́дающих на мя, и по́мощи ру́ку ско́ро простри́, и вся́кия изба́ви беды, наве́та льсти́ва, тли и напа́сти, и покро́вом Твои́м Боже́ственным сохрани́.

Се в пропа́сть бу́ри нестерпи́мыя впадо́х, Влады́чице Чи́стая, мно́жеством лю́тых, окая́нный, обурева́емь. Те́мже из глубины́ серде́чныя

Ти вопию́: предвари́, Де́во, и вы́шша озлобле́ния покажи́ и вре́да и́же от враг, и покро́вом Твои́м Боже́ственным сохрани́.

Обнови́ти даждь ду́шу мою́, и кончи́ны в Бо́зе любле́ние, и страх хода́тайствы Твои́ми, Благослове́нная; от землере́тных⁷² же помышле́ний исто́ргни и от дел и слове́с душетле́нных прибегаю к Тебе́, и Боже́ственным покро́вом Твои́м Боже́ственным сохрани́.

Седален, глас шестый: Упова́ние ми́ра:

Изнемога́ет ны́не мой ум, во глубины́ впалы́й помысло́в сопроти́вных, и несть ми отра́ды. Услы́ши мя во вре́мя напа́стей и да́руй, я́ко Блага́я, поко́й, да не бу́ду лука́ваго снедь, Отрокови́це Благослове́нная.

Песнь 7

Ирмос: Неизрече́нное чу́до: в пещи́ Изба́вивый преподобный о́троки из пла́мене, во гро́бе мертв бездыха́нен полага́ется, во спасе́ние нас поющих: Изба́вителю Бо́же, благослове́н еси́.

Ненаде́жных, ра́дуйся, наде́ждо и заступле́ние, прии́мши бо воздыха́ние души́ моея́, от лю́тых спасла́ мя еси́, во е́же пе́ти и зва́ти Тебе́ немо́лчно: ра́дуйся, Отрокови́це, а́нгел превы́шшая.

Мо́сте, ра́дуйся, ве́рныя преводя́й от сме́рти к жи́зни Боже́ственней; ра́дуйся, свеще́, вся озари́вшая, во е́же пе́ти и звати Тебе́ немо́лчно:

ра́дуйся, Отрокови́це, а́нгел превы́шшая.

Облаче, ра́дуйся, жи́зни Питие́ одожди́вый; ра́дуйся, кру́же у́мнаго Све́та, Христа́ Бо́га, от Тебе́ возсия́вша во спасе́ние любо́вию вопию́щих: ра́дуйся, Отрокови́це, а́нгел превы́шшая.

Же́зле, ра́дуйся, неизрече́нно процве́тший в ми́ре Христа́ Бо́га, живота́ Плод весе́лаго хода́тайствен, во спасе́ние ве́рою Ти вопию́щих:

ра́дуйся, Отрокови́це, а́нгел превы́шшая.

Песнь 8

Ирмос: Ужасни́ся боя́йся не́бо, и да подви́жатся основа́ния земли́: се бо в мертвеце́х вменя́ется в вы́шних Живы́й, и во гроб мал странноприе́млется. Его́же о́троцы благослови́те, свяще́нницы воспо́йте, лю́дие превозноси́те во вся ве́ки.

Огненный, ра́дуйся, сто́лпе, род наш от тьмы к све́ту путеводя́й; ле́ствице, ра́дуйся, небе́сная; ра́дуйся, све́щниче всезлаты́й; ра́дуйся, Де́во, предста́тельство си́рых, плене́нных изба́ва и в бу́ри су́щим приста́нище; ра́дуйся, души́ моей сла́во и весе́лие.

Ши́пок ро́ждшая Христа́, ра́дуйся, Всепе́тая, благоуха́ния бо та́инственнаго вся испо́лнила еси́; ра́дуйся, всезлата́я ста́мно Ма́нны

живо́тныя; ра́дуйся, Боже́ственное прия́телище, Господоимени́тая Отрокови́це, мона́шествующих покро́ве; ра́дуйся, души́ моей сла́во и

весе́лие.

Го́ру прови́де Тя Дании́л, Всечестна́я, от нея́же ка́мень жи́зни неизглаго́ланно Христо́с произы́де, и и́дольская тре́бища сокруши́ си́лою

Божества́; ра́дуйся, высото́ разуме́ния; ра́дуйся, глубино́ му́дрости; ра́дуйся, души́ моей сла́во и весе́лие.

По́лче всех ве́рных, прииди́те сни́дитеся, и Влады́чицу на́шу, неизрече́нно сло́вом вопло́щшую Всетворца́, воспои́м, взыва́юще: ра́дуйся, прибе́жище всех и наде́ждо спасе́ния; ра́дуйся, души́ моей сла́во и весе́лие.

Песнь 9

Ирмос: Не рыда́й Мене́, Ма́ти, зря́щи во гро́бе, Его́же во чре́ве без се́мене зачала́ еси́ Сы́на: воста́ну бо и просла́влюся, и вознесу́ со сла́вою, непреста́нно я́ко Бог, ве́рою и любо́вию Тя велича́ющия.

Дави́дская, ра́дуйся, колесни́це; Ааро́нов, ра́дуйся, же́зле; всечу́дный, ра́дуйся, Соломо́нова хра́ма дави́ре⁷³, о́гненное естество́ неизглаго́ланно содержа́й Божества́, Матероде́во Честна́я, Тя велича́ем.

Боже́ственное, ра́дуйся, сокро́вище живота́; ра́дуйся, сви́тче, Христа́ внутрь имы́й, Сло́ва и Бо́га; ра́дуйся, богопи́санная скрижа́ле

Моисе́ова; ра́дуйся, ра́досте ми́ра, Матероде́во Честна́я, Тя велича́ем.

Ра́дуйся, све́те незаходи́мый, его́же Бог посреде́ всего́ утверди́ озари́ти небе́сная у́мно, вку́пе же и земна́я; ра́дуйся, Влады́чице всех, Матероде́во Честна́я, Тя велича́ем.

Преизлива́ется благода́ть бога́тно Твоя́ на всех ве́рою приходя́щих к Тебе́, Нескве́рная; те́мже благода́ти испо́лни рабы́ Твоя́, я́ко да любо́вию, Матероде́во Честна́я, Тя велича́ем.

Стихиры, глас шестый. Подобны: Вся отло́жше:

Ра́дуйся, горо́ свята́я; ра́дуйся, све́та о́блаче; ра́дуйся, ле́ствице одушевле́нная, е́юже к небе́сному вознесо́хомся ме́ртвии, честно́му же

и Боже́ственному жи́тельству; ра́дуйся, раю́, дре́во жи́зни посреде́ име́яй Христа́, упраздни́вшаго пе́рваго дре́ва го́речь; ра́дуйся, Евы дре́внюю кля́тву потре́бльшая; ра́дуйся, Ада́мово воззва́ние; ра́дуйся, Всенепоро́чная Присноде́во Влады́чице.

Ра́дуйся, всезлата́я ста́мно, Ма́нну небе́сную внутрь стяжа́вшая; ра́дуйся, пала́то Всецаря́; ра́дуйся, Боже́ственный покро́ве; ра́дуйся,

ту́чная горо́; ра́дуйся, ме́сто свяще́ния; ра́дуйся, сладково́нный Ши́пок поро́ждшая, ве́рныя облагоуха́яй; ра́дуйся, Богома́ти Нескве́рная;

ра́дуйся, ма́терей украше́ние и сла́во и́стинная; ра́дуйся де́вственных похвало́ и удобре́ние всечестно́е.

Ра́дуйся, сла́дкое и́мя и де́ло, Отрокови́це

Мари́е, услажде́ние язы́ка и сла́достное поуче́ние се́рдца моего́; душа́ моя́, Тебе́ вслед теку́щи, прилепи́ся вся, и я́коже еле́нь на пото́ки водны́я, си́це к Тебе́ возжеле́ весь ум мой и исчезе́; те́мже десни́ца Твоя́ благоутро́бно да засту́пит мя, Чи́стая, и сла́вы лица́ Твоего́ сподо́бит.

Мно́гими содержи́мь ны́не напа́стьми, всеокая́нный, к Тебе́ прибега́ю, Всенепоро́чная: спаси́ мя, недосто́йнаго, мно́го согре́шша,

я́ко никто́же ин, си́льна еси́ помощи́ ми, вся бо мо́жеши ели́ка хо́щеши, Отрокови́це Всепе́тая, я́ко Ма́ти Преблага́я Всеси́льнаго Бо́га на́шего.

Влады́чице ми́ра, предста́тельство кре́пкое ве́рных, не пре́зри раба́ Твоего́, на Тя упова́юща.

Канон Пресвятей Богородице в неделю

Творение Иоанна Евхаитскаго

Песнь 1

Ирмос: Яко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, «Бо́гу побе́дную песнь пои́м» вопия́ше.

Ка́пле подо́бно ма́лей, лука́ви и ма́ли дни́е мои́, време́н обноше́нием иждива́еми, оскуде́ша пома́лу: се, Влады́чице, спаси́ мя.

Обдержи́т ны́не ду́шу мою́ страх мног, тре́пет неисповеди́м и боле́знен есть, внегда́ исходи́ти ей от телесе́: Чи́стая, ту́ю уте́ши.

Гре́шных изве́стное прибе́жище, на мне извести́ Твою́ ми́лость, Чи́стая, и бесо́вския изми́ руки́, зане́ я́ко пси мно́зи ти́и мя обыдо́ша.

Се вре́мя по́мощи, се вре́мя Твоего́ заступле́ния, се, Влады́чице, вре́мя, о не́мже во дни и в нощи́ призыва́ют те́пле и мо́лят Тя.

Песнь 3

Ирмос: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Издале́ча сей прови́дя, Влады́чице, день и той я́ко настоя́щ помышля́я при́сно, со слеза́ми Тя те́плыми моли́х: не оста́ви мене́.

Угаше́ну уже́ всеконе́чне орга́ну слове́сну, язы́ку свя́зану и затвори́вшуся гла́су, се́рдца сокруше́нием молю́ Тя: Влады́чице моя́, спаси́ мя.

В беззако́ниих зача́т есмь, вску́ю роди́хся? И се прогне́вавый Бо́га Блага́го, во огнь ве́чный отхожду́, имы́й бы́ти му́чимь.

Не отврати́ от Мене́ мно́гих щедро́т Твои́х, ниже́ утро́бу Твою́ человеколю́бную затвори́, но предста́ни ми ны́не, Чи́стая, и в час помяни́

мя су́дный.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т, взыви́ющи, от смы́сла чи́ста, о Го́споде при́зднующи.

Облацы ро́су ка́плите я́ко сле́зы, хо́лми и го́ры состра́стно рыда́йте мя, уда́льшася Бо́га и прибли́жшася де́моном.

Непосты́дное всем и непогреши́тельное в ну́ждах прибе́жище, бу́ди и мне заступле́ние, Всечестна́я, в час ну́жды моея́.

Просте́рши всенепоро́чнеи Твои́ и пречи́стеи ру́це, я́ко свяще́нныя голуби́цы криле́, в кро́ве и се́ни ею́ покры́й мя, Влады́чице.

Се у́жас усре́те мя, его́же при́сно боя́хся, се по́двиг ве́лий пости́же мя, в не́мже Помо́щница бу́ди ми, наде́ждо спасе́ния моего́.

Песнь 5

Ирмос: Бо́жиим све́том Твои́м, Бла́же, у́тренюющих Ти души любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Иже по пло́ти сро́дницы мои́ и по ду́ху бра́тие, дру́зи сообы́чни и зна́емии, пла́чите, воздыха́йте и се́туйте, се бо от вас ны́не разлуча́юся.

Ны́не избавля́яй нигде́же и вои́стинну помога́яй никто́же, Ты ми, Влады́чице, помози́, да не я́ко челове́к безпомо́щный в рука́х враг мои́х

затворю́ся.

О, ка́ко жа́лостивное и боле́зненное вресноту́ стерплю́ с Тобо́ю, Богома́ти, распряже́ние, и от Спа́са моего́ го́рькое испаде́ние и всех святы́х отчужде́ние!

Победи́ти мно́жество грехо́в ве́лия благоутро́бия Твоего́ не мо́жет, Влады́чице, но да обы́дет мя Твоя́ ми́лость и вся покры́ет беззако́ния моя́.

Песнь 6

Ирмос: Жите́йское мо́ре воздвиза́емое зря напа́стей бурею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Устне́ молча́т, язы́к немотству́ет, но се́рдце пла́менствуется, огнь сокруше́ния бо пожига́ющ внутрь опаля́ет е́, и гла́сы неизглаго́лан

ными, Отрокови́це, зове́т Тя.

При́зри с высоты́, Ма́ти Бо́жия, и ми́лостивно изво́ли ны́не на мое́ посеще́ние сни́ти, я́ко да узре́вый Тя, от те́ла изы́ду веселя́ся.

Святы́х а́нгел мя свяще́нным и чи́стым рука́м преда́ждь, Влады́чице, я́ко да сих крилы́ покрове́н нечести́ва не узрю́, сту́дна и мра́чна зра́ка бесо́вскаго.

Неве́стниче Бо́жий всечестны́й, Небе́снаго мя неве́стника у́мнаго сподо́би, уга́сшую мою́ и несве́тлу свещу́ возже́гши святы́м еле́ем Твои́м,

Всенепоро́чная.

Седален, глас шестый. Подобен: Мно́гая мно́жества:

Бесо́вскими прило́ги коле́блему, Де́во, всеокая́нную мою́ ду́шу на ка́мени утверди́ Боже́ственных повеле́ний Христо́вых, да не потопи́т

мене́ бу́ря грехо́вная и помышле́ний злых треволне́ние.

Песнь 7

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: «Благослове́н еси́, Бо́же оте́ц на́ших».

Нощь сме́ртная мя объя́т негото́ваго, мра́чная и безлу́нная, посыла́ющи на путь о́ный дале́к и стра́шен; да спу́тствует мне ми́лость Твоя́,

Де́во.

Теку́ща ра́ди и привре́менна наслажде́ния безсме́ртно му́читися и́мам, Влады́чице, и кра́ткия ра́ди стра́сти плотски́я боле́ти во огни́, но

ми́лость Твоя́ да предвари́т мя.

Отводя́щиИ отсю́ду ну́дят, обдержа́ще мя вся́чески, душа́ же моя́ оде́яся стра́хом, смуще́ния мно́га испо́лнь, юже уте́ши, Чи́стая, Твои́м

настоя́нием.

Соскорбя́ща никого́же се́рдцу моему́, ниже́ утеша́юща, Влады́чице, обрето́х, дру́зи бо и зна́емии вку́пе мя ны́не оста́виша; но Ты, наде́ждо

моя́, ника́коже отсту́пиши от Мене́.

Песнь 8

Ирмос: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси; вся бо твори́ши, Христе́, то́кмо е́же хоте́ти, Тя превозно́сим во вся ве́ки.

Яко Бо́га Человеколю́бца Ма́ти, человеколю́бно умилосе́рдися и ми́лостивным вонми́ о́ком, егда́ пло́ти душа́ моя́ разлуча́ется, да

сла́влю Тя, Пресвята́я Богоро́дице.

Высо́кая Христа́ Влады́ки пала́то, Твою́ благода́ть с высоты́ посыла́ющи, предвари́ мя ны́не в день ну́жды моея́, да сла́влю Тя, Пресвята́я Богоро́дице.

Разбежа́тися ва́рваров безпло́тных полко́м и бе́здне возду́шней разве́рзтися, и к небеси́ взы́ти ми сподо́би, да сла́влю Тя, Пресвята́я Богоро́дице.

Яко Го́спода Вседержи́теля ро́ждшая, го́рькия мироде́ржца мытаренача́льники дале́че прогони, внегда́ скончава́тися ми, да сла́влю

Тя, Чи́стая, во ве́ки.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́и Тя ублажа́ем.

Яко раб вне́шняя очеса́ возво́дяй на ру́це госпо́дий свои́х, Всепе́тая, си́це и аз очеса́ я́же вне и внутрь к Тебе́ возвожу́, Влады́чице моя́, Госпоже́ и жизнь, да уще́дриши мя.

Богора́дованная Отрокови́це, на мое́ при́зри ми́лостивно смире́ние, жа́лостное сие́ и после́днее моле́ние прие́млющи, и му́чащаго огня́

ве́чнаго изба́вити мя потщи́ся.

Яже ме́ртвых и живы́х Бо́га ро́ждшая, мертвотво́рных, мя, Де́во, боле́зней изба́ви, здра́вие и живо́т пода́ждь; си́лою же препоясу́ющи с высоты́, свободи́ мя неду́жна и кре́постию изнемо́гша.

Храм Бо́жий живы́й и одушевле́нный и слове́сное пребыва́лище ве́дый Тя, прибега́я к хра́му Твоему́ ве́рою те́плою, ны́не пре́жде не́же отыти́, молю́ся: осла́би ми, да почи́ю, воспева́я вели́чествия Твоя́.

Стихиры, глас шестый. Подобны: Тридне́вен воскре́сл еси́:

Ра́дуйся, апо́столов честносло́вие, а́нгелов весе́лие све́тлое; ра́дуйся, вселе́нныя похвало́, Нескве́рная Де́во, и ве́рных удобре́ние.

Ра́дуйся, горо́ несеко́мая, Де́во Всенепоро́чная, ю́же прови́де проро́к Дании́л, от нея́же отсече́ся ка́мень, и́долы сокруши́вый, Христо́с

еди́н Царь всех.

Ра́дуйся, черто́же всесве́тлый; ра́дуйся, одушевле́нная трапе́зо Хле́ба Боже́ственнаго, в не́йже предлежи́т Христо́с; ра́дуйся, благоче́стия добро́то, Богоро́дице; ра́дуйся, покро́ве душ на́ших.

Всепе́тая, низложи́ враго́в скверноуби́йц бровь, и скорбь люде́й Твои́х в ра́дость обрати́, Де́во, и кре́пость пода́ждь, я́ко да воспева́ем Тя

спасе́ни.

Канон Пресвятей Богородице в понедельник

Творение святаго Андрея Критскаго, егоже краегранесие: Идем а́бие до́браго пла́ча ра́ди

Песнь 1

Ирмос: Помо́щник и Покрови́тель бысть мне во спасе́ние, Сей мой Бог, и просла́влю Его́, Бог отца́ моего́, и вознесу́ Его́, сла́вно бо просла́вися.

Ио́иль чу́дный, Госпо́день вели́кий проро́к, боговеща́тельне рече́ е́же пла́кати свяще́нне и рыда́ти во вре́тищи, но аз небрегу́; Ты же, Де́во,

спаси́ мя.

Яко исто́чник су́щи благоутро́бия, Богороди́тельнице, те́ло и ду́шу оскве́рншаго сту́дно, омы́й и оде́ждею чи́стою облецы́ благода́ти.

Не пре́зри, Блага́я, растли́вшася в беззакониях, сластьми́ го́рькими всего́ оскверне́на бы́вша уже́, но ка́ла мя вся́каго омы́й и спаси́.

«Да изы́дут черто́га бра́чна жени́х с неве́стою», глаго́лет проро́к, «и плачево́пльствие ны́не да сотворя́т»⁷⁴; мы же к Ма́тери Изба́вителя достожа́лостне, душе́ моя́, припаде́м.

Песнь 3

Ирмос: Утверди́, Го́споди, на ка́мени за́поведей Твои́х подви́гшееся се́рдце мое́, я́ко еди́н Свят еси́ и Госпо́дь.

Обнови́м ни́ву душе́вную, в зде́шнем житии́ доброде́тели се́юще, да живота́ клас та́мо по́жнем.

Неискусому́жная Влады́чице, умерщвле́на мя грехо́вным сове́том чужда́го, оживи́ к Сы́ну Твоему́ мольба́ми.

Впадо́х, Влады́чице, в безслове́сие дея́ний мои́х и в ро́ве ны́не лежу́ поги́бельнем; покая́ние ми даждь, Нескве́рная.

Зве́ри вселю́тыя, стра́сти пита́ю в души́ мое́й, и́хже сожи́тия не терпя́й, прибега́ю, Де́во, к Твоему́ заступле́нию.

Песнь 4

Ирмос: Услы́ша проро́к прише́ствие Твое́, Го́споди, и убоя́ся, я́ко хо́щеши от Де́вы роди́тся и челове́ком яви́тися, и глаго́лаше: «Услы́шах слух Твой и убоя́хся, сла́ва си́ле Твое́й, Го́споди».

Кре́постию Твое́ю, Богома́ти, да обратя́тся врази́ мои́ вспять, лу́цы да сокруша́тся их, по́мыслы нечи́стии и скве́рнии, и даждь ми Твое́ю моли́твою слеза́ми ити́ к безстра́стию.

Плени́цами согреше́ний затяза́емь, не оставля́ю, но па́че исплета́ю нереши́мая, Богома́ти, стра́сти прилага́я на стра́сти, и быва́ю всем в кля́тву, глас проро́ч «го́ре тебе́!» привлача́яй.

Язвы души́ моея́ не престаю́ любостра́стьми стружа́яй и прилага́ю вре́дом боле́зни, пребыва́яй нечу́вственне неисце́лен; поми́луй, исцели́ и спаси́ мя мольба́ми Твои́ми, Богороди́тельнице.

Со́ний нестоя́тельных прю⁷⁵, дела́ жития́, на ки́йждо день преходя́щая ви́дяй, ника́коже прие́млю сих чу́вство, но па́че прильпо́х к сим, я́коже блющ⁷⁶ к ду́ба высоте́.

Песнь 5

Ирмос: От но́щи у́тренююща, Человеколю́бче, просвети́ молю́ся, и наста́ви и мене́ на повеле́ния Твоя́, и научи́ мя, Спа́се, твори́ти во́лю Твою́.

Вознесы́йся горды́нею, падо́х греха́ паде́нием лю́тым, сокруша́ющим ду́шу мою́, и кто воздви́гнет мя, а́ще не Ты, Богома́ти?

Терпе́ние, Влады́чице, да́руй ми вся́кия тесноты́ и я́же от внеу́ду зол внеза́пу напа́дающих, малоду́шен бо есмь и мзды лиша́юся.

Or собла́зн чужда́го изба́ви мя, от вся́каго преще́ния и вне́шния тьмы, на Тя, Всепе́тая, неукло́нно наде́жду возло́жша.

По́мыслы блу́днии возмуща́ют, Всенепоро́чная, окая́нную ду́шу мою, и препира́ют безу́мно им сосложи́тися, от ни́хже изба́ви мя ско́ро.

Песнь 6

Ирмос: Возопи́х всем се́рдцем мои́м к Ще́дрому Бо́гу, и услы́ша мя от а́да преиспо́дняго, и возведе́ от тли живо́т мой.

Госпо́дь прелюбоде́йство нарече́ ли́ца зре́ти всестра́стно, аз же, Де́во, невоздержа́нием боля́й, ду́шу безсту́дными оскверня́ю взира́нии.

Спя́щу мне лю́те неподо́бнии налега́ют по́мыслы, и предсре́ют⁷⁷ скокта́ньми и истица́ньми, но пощади́ от сих вре́да, Нескве́рная.

Богоневе́сто Мари́е, припа́даю Ти и с пла́чем вопию́: изми́ ду́шу мою́ окая́нную бу́дущаго суда́ и огня́ ве́чнаго.

О глаго́лех пра́здных сло́ву возда́тися вем, науче́н от Писа́ния, но аз, Де́во в безвре́менных буесло́виих и словопре́ниих упраздня́яся, не

страшу́ся.

Седален, глас шестый. Подобен: Упова́ние ми́ра:

Судию́ ми́ра, Блага́я, Сы́на Твоего́ ми́лостивна мне сотвори́, мно́го согре́шшу, никто́же бо я́ко Ты исхода́тайствовати мо́жет, я́ко Ма́ти

су́щи Бо́га и Влады́ки; Того́ у́бо моля́ за мя, еди́на Благослове́нная.

Песнь 7

Ирмос: Согреши́хом, беззако́нновахом, непра́вдовахом пред Тобо́ю: ниже́ соблюдо́хом, ниже́ сотвори́хом, я́коже запове́дал еси́ нам; но не преда́ждь нас до конца́, отце́в Бо́же.

Согреши́хом, беззако́нновахом, преогорчи́хом Христа́, вся́кое зло́е соверши́хом дея́ние, на гнев Его́ подвиза́юще; но Ты, Де́во, Сего́ милостива соде́лай нам осужде́нным.

Помышле́ньми, чу́вствами же и дея́ньми, Богоро́дице, весь от Бо́га Жива́го отступи́х, и мучи́телем порабо́тихся, страсте́й обрета́телем, но Ты изба́ви от сих и покая́ния зарю́ пода́ждь ми.

Егда́ душа́ моя́ окая́нная е́же от телесе́ терпе́ти разлуче́ние и́мать, и несть избавля́яй или́ утеша́яй, тогда́ предста́ни, Влады́чице, и де́монскаго изми́ мя стремле́ния.

Лицеме́рство Влады́ка мой ве́лие зло в житии́ нарече́; его́же де́лания льсти́ва, Богоневе́стная, Твое́ю изба́влюся кре́постию, да не мече́м ду́ха расте́шет мя Христо́с.

Песнь 8

Ирмос: Его́же во́инства небе́сная сла́вят, и трепе́щут херуви́ми и серафи́ми, вся́ко дыха́ние и тварь, по́йте, благослови́те и превозноси́те во вся ве́ки.

По до́лгу Твое́, Богома́ти, моле́ние призыва́ем к Сы́ну Твоему́ вси согре́шшии и осужде́ннии, да гее́нны хода́тайством Твои́м изба́вимся.

Гре́шники призва́ти прии́де покая́нием Христо́с: «Прииди́те ко Мне!»; ели́цы Сего́ слове́с отве́ргшиися есмы́, покая́нием припаде́м к

Богоро́дице.

То́ки ны́не слез низпоси́ ми и воздыха́ние от души́ с сокруше́нием, я́ко да пла́мень той угашу́ нестерпи́мый и ра́йския сла́вы улучу́.

Да обожи́т челове́ки Сын Твой, Влады́чице, ви́ден бысть от Тебе́ Челове́к соверше́нный. Сего́ у́бо моли́ очище́на в коне́ц Ца́рствия Его́

показа́ти мя о́бщника.

Песнь 9

Ирмос: Безсе́меннаго зача́тия Рождество́ несказа́нное,

Ма́тере безму́жныя нетле́нен Плод, Бо́жие бо Рожде́ние обновля́ет естества́. Те́мже Тя вси ро́ди, я́ко Богоневе́стную Ма́терь, правосла́вно велича́ем.

Неве́стник уготовля́ется на небеса́х, Богоневе́сто, от Сы́на Твоего́, ра́дости вся́кия испо́лнь и́же Сего́ повеле́ния непоро́чно сохра́ньшим, мне же тьма и вопль и огнь гее́нск, и́хже изба́витися ми помоли́ся.

По́тове, сле́зы же и труд на три́знищи сем мета́ются, та́мо у́бо венцы́ и по́чести и дая́ния, и кто блаже́н вои́стинну? Иже пла́чущ се́ет, жнет ра́дуяся.

Окриля́еми быва́ют покая́нием, Всенепоро́чная, па́дшии, а́бие я́ко я́стреби лета́ние творя́ще к небеса́м у́мным; и́хже ча́сти беззако́нный и сам сподо́блюся, моле́нием Твои́м спаса́емь.

Яко ми́лости Бе́здну ро́ждшая, поми́луй мя, и изба́ви суда́ и му́ки, Влады́чице, неключи́маго раба́ Твоего́, и Ца́рствия Небе́снаго, Де́во,

сподо́би, да любо́вию велича́ю Тя.

Стихиры, глас шестый. Подобны: Всеотло́жше:

Ра́дуйся, Отца́ Нескве́рная Дщи́, Ма́ти Сло́ва; ра́дуйся, Неве́сто Ду́ха, престо́лов превы́шшая, серафи́м пла́меннейшая и лу́чшая,

херуви́м разу́мнейшая, госпо́дств же госпо́дственнейшая, сил сильне́йшая и нача́л нача́льственнейшая, арха́нгел же воинствосло́внейшая, па́че а́нгел ве́рным служа́щая, спасе́ния улучи́ти хотя́щим.

Ра́дуйся, Цари́це всех цари́ц, Богоро́дице; ра́дуйся, небе́сных всех си́л преиму́щая; ра́дуйся, земли́ и мо́ря еди́на Влады́чице, и тва́ри

всея́. Ра́дуйся, держа́внейший ски́птре и до́блее утвержде́ние, си́ло ца́рствующих и держа́во, Всепе́тая; ра́дуйся, Боже́ственный вертогра́де;

а́дово, ра́дуйся, умерщвле́ние, Чи́стая; ра́дуйся, христиа́н прибе́жище; ра́дуйся, Благослове́нная.

Ра́дуйся, престо́ле о́гнен Царя́ и Го́спода; ра́дуйся, Боже́ственная трапе́зо, Хлеб посреде́ небе́сный нося́щая; ра́дуйся, земле́ благопло́дная, Клас живота́ воспита́вшая, от Него́же яду́щии сме́рти не у́зрят, Влады́чице, но к жи́зни ве́чней возво́дятся, я́коже прорече́ еди́н всех

Влады́ка, Пита́тель и Содержи́тель; ра́дуйся, ве́рных прибе́жище, ра́дуйся, Пречу́дная.

Тя Всевзбра́нную мо́лим, Де́во, и ми́ли ся де́ем, бие́ми лю́то скорбьми́: я́ко си́лу ма́терню иму́щи ко Го́споду, враги́ на́ша разори́, да не реку́т: «Где есть Бог, Ему́же слу́жат?», и да уви́дят окая́ннии, я́ко Тя еди́ну стяжа́хом покро́в, и предста́тельство, и по Бо́зе столп кре́пок; не пре́зри, Всепе́тая, к Тебе́ притека́ющия.

Канон Пресвятей Богородице во вторник

Творение святаго Феодора Начертаннаго, епископа Никейскаго, яко зрится в последних Богоодичнах

Песнь 1

Непрохо́дную дверь, чистоты́ храм, до́брую в жена́х, Святу́ю Влады́чицу, ве́рнии, сладкопе́ньми свяще́нными просла́вим.

Живы́й Бог Сло́во на небесе́х, Иже в нача́ле Безнача́льный, не́бо слове́сно Тя на земли́ соде́лав, Чи́стая, не оста́вль небесе́, в Тебе́ всели́ся.

Со́лнца о́блаче, све́щниче светоза́рный и многосве́тлая свеще́, души́ моей трича́стное, е́же грехми́ помраче́но, просвети́, молю́ся, Всенепоро́чная.

Богора́дованная Отрокови́це, держа́вная ве́рных по́моще и наде́ждо смире́нных, Ты мя свободи́ сласте́й плотски́х и страсте́й, борю́щих мя.

Песнь 3

Несть и́же к Твоему́ притече́ покро́ву, и не улучи́, Отрокови́це, мно́гих Твои́х щедро́т; те́мже и аз молю́ся, да улучу́ Твоего́ заступле́ния.

Яко ши́ршая небе́с и земли́ превы́шшая, я́ко Свята́я святы́х, херуви́м и серафи́м несравне́нно сла́внейшая, Бо́га, Чи́стая, вмести́ла еси́.

Огне́м стра́ха Бо́жия мя от грехо́вныя скве́рны очи́стивши, облецы́ доброде́телей златоза́рною ри́зою, Отрокови́це, и лико́м святы́х сочини́.

От дел отню́д несть мне спасе́ния, но Ты, Богоро́дице, наде́ждо нело́жна наде́ющихся на Тя, спасе́ние пода́ждь ми, молю́ся.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыви́ющи, от смы́сла чи́ста, о Го́споде пра́зднующи.

Яко дверь, вводя́щу в Боже́ственное прише́ствие, я́ко рай Бо́жий, я́ко у́мное ме́сто свяще́ния, я́ко ве́рных прибе́жище, Де́ву вси ублажи́м.

Све́щник всесве́тлый и Боже́ственная трапе́зо, Бо́жие вмести́лище и киво́т, жезл, прозя́бнувый в ми́ре Цвет Христа́, яви́лася еси́, Матероде́во.

Разу́мно Тя ви́де в купине́ священнообразу́ему Моисе́й, Огня́ Роди́тельницу хотя́щу яви́тися та́йно, Богоро́дице Присноде́во.

Сло́во, Нескве́рная, в Тебе́ всели́ся, от безслове́сия страсте́й мир избавля́яй, Влады́чице, и Ца́рствия Небе́снаго сподобля́яй Тя воспева́ющия.

Песнь 5

Ирмос: Бо́жиим све́том Твои́м, Бла́же, у́тренюющих Ти души любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мри́ка грехо́внаго взыва́юща.

Добро́то Иа́ковля, пре́жде не́же всем бы́ти Богоизбра́нная, Святы́ня и Чисте́йшая, ра́дуйся, Влады́чице, несравне́нно обогати́вшися.

Проразуме́в издале́ча та́инственно богосве́тлый проро́ческий лик, Де́во Богоневе́сто, рождества́ Твоего́ неизрече́нную глубину́, о́бразы Тя свяще́нными проначерта́.

Пресвята́я, Яже Бо́га еди́на на земли́ я́ко вои́стинну Пресвята́го ро́ждшая, Тя Богоро́дицу при́сно пропове́дающия освяти́ и спаси́ хода́тайством Твои́м.

Све́том Твои́м Боже́ственным, я́ко Блага́я, ду́шу мою́, помраче́ну сластьми́, светонаста́ви и ко спасе́ния стези́ путево́ждствуй, еди́на Спа́са

Христа́ Поро́ждшая.

Песнь 6

Ирмос: ите́йское мо́ре воздвиза́емое зря напа́стей бурею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Еди́ну Всепе́тую и до́брую в жена́х Богороди́тельницу, неруши́мую сте́ну христиа́н, Мари́ю Нескве́рную несумня́щимся се́рдцем ве́рнии ублажи́м.

Боговмести́мая ски́ние, свята́я горо́ Бо́жия, злата́я кади́льнице, престо́ле о́гнен, свети́льниче многосве́тлый, непроходи́мая врата́, ра́дуйся, Влады́чице.

Стра́нно Твое́ зача́тие, стра́нно, Отрокови́це, и стра́шно е́же па́че ума́ Твое́ рождество́, вся от Бо́га устра́ншияся Тому́ примири́вшее и

добро́ту пре́жнюю возда́вшее.

Ублагости́, Влады́чице, ду́шу мою́, мно́гими озло́блену прегреше́нии, и Пода́теля всех благи́х Христа́ умоля́й Ца́рства вы́шняго мя сподо́бити.

Седален, глас шестый. Подобен: Мно́гая мно́жества:

Немощству́ющия моея́ души́ мно́гия боле́зни и телесе́ люте́йшия стра́сти, Чи́стая, посети́, и исцеле́ния ско́раго сподо́би, и святы́я за́поведи твори́ти ми благопоспеши́ Бо́га Блага́го, я́ко да Тя велича́ю.

Песнь 7

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: «Благослове́н еси́», Бо́же оте́ц на́ших.

Превы́шши была́ еси́, Всенепоро́чная, у́мных сил: на Него́же о́ныя не дерза́ют отню́д взира́ти, Того́ на объя́тиих носи́ла еси́ Твои́х, сего́ ра́ди благода́рственными гла́сы Тя сла́вим.

Боже́ственнаго Угля честно́е кади́ло, мир облагоуха́вшее, от злосмра́дия нечи́стых мя, Де́во, изба́ви страсте́й, и сла́дце даждь воспева́ти: благослове́н еси́, Бо́же оте́ц на́ших.

Сотре́на мя безме́рными преступле́нии Боже́ственным хода́тайством Твои́м новосотвори́, ду́шу мою́ врачу́ющи и сло́во подаю́щи вопи́ти: благослове́нна Бо́га пло́тию Ро́ждшая.

Хра́мы Ду́ха Бо́жия нас, всесвяты́й хра́ме, сотвори́, Тя почита́ющия в Боже́ственнем сем хра́ме Твое́м и благогове́йно пою́щия: благослове́н еси́, Бо́же оте́ц на́ших.

Песнь 8

Ирмос: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́; вся бо твори́ши, Христе́, то́кмо е́же хоте́ти, Тя превозно́сим во вся ве́ки.

Огнено́сну свещу́ и златоза́рну, светоно́сный черто́г и порфироблиста́ющ, ста́мну сла́дости и Хле́ба живо́тнаго трапе́зу позна́хом Тя,Отрокови́це Преблагослове́нная.

Тя всечестну́ю го́ру и превысо́кую и́же во глубину́ прегреше́ний впа́дшии, Влады́чице Чи́стая, мо́лим: к дея́нием Боже́ственным возвы́си доброде́телей возноше́ния⁷⁸.

Изба́влени пре́жния кля́твы рождество́м Твои́м, Де́во Богороди́тельнице, Гаврии́лов глас Тебе́ воспева́ем: ра́дуйся, вина́ всех спасе́ния.

Яже Грозд ро́ждшая невозде́лан, плодоно́сна мя покажи́ дея́ний благи́х, и Небе́снаго Ца́рствия сподо́би, да Тя сла́влю, Чи́стая, во ве́ки.

Песнь 9

Бо́жия пала́то чисте́йшая, ны́не на мне ми́лости мно́гия Твоя́ удиви́, Богоро́дице Мари́е Всенепоро́чная, я́ко да велича́ю и ублажа́ю Тя, Превы́шшую небе́с и вся́кия тва́ри.

Благода́рственными гла́сы воспева́ем Тя, Тобо́ю вои́стинну обоже́ния улучи́вшии, и вопие́м: ра́дуйся, Всепе́тая; ра́дуйся, Благослове́нная; ра́дуйся, огнеобра́зный престо́ле Царя́ всех; ра́дуйся, Мари́е Влады́чице.

Пе́ти, сла́вити и блажи́ти Тебе́ пода́ждь нам досто́йно Тя чту́щим, Пренепоро́чная, и рождество́ Твое́ велича́ти, еди́на Благослове́нная; Ты бо похвала́ еси́ христиа́н и к Бо́гу Моли́твенница благоприя́тная.

Ка́пля я́коже с небесе́, на чре́во Твое́ ту́ча сни́де, и пре́лести пото́ки изсуши́вши, нетле́ние одожди́ и избавле́ние всем челове́ком Тобо́ю, Богора́дованная.

Стихиры, глас шестый. Подобны: Тридне́вен воскре́сл еси́:

Ра́дуйся, ца́рствующих, Чи́стая, дерзнове́ние непобеди́мое; ра́дуйся, сла́во честне́й Твое́й ико́не ве́рно кла́няющихся; ра́дуйся, де́монов паде́ние и челове́ков исправле́ние.

Ра́дуйся, спасе́ния на́шего нача́ток и ко́рень, Всечи́стая; ра́дуйся, све́щниче, свещу́ Христа́ посреде́ стяжа́вый; ра́дуйся, и небе́с превы́шшая, Мари́е Влады́чице.

Ра́дуйся, Чи́стая, честне́йшая тва́ри всея́ ви́димыя же и у́мныя, я́ко па́че ума́ обои́х ро́ждшая Влады́ку; ра́дуйся, Богоро́дице, души́ моея́ весе́лие.

Всепе́тая, спаси́ от обдержа́щих мя лютых раба́ Твоего́, и ра́дости смире́нную ду́шу мою́, Всесвята́я, и утеше́ния испо́лни, я́ко да непреста́нно велича́ю Тя.

Канон Пресвятей Богородице в среду

Творение преподобнаго Николая Катаскепина, яко зрится в последних Богоодичнах

Песнь 1

Ирмос: Помо́щник и покровитель бысть мне во спасе́ние, Сей мой Бог, и просла́влю Его́, Бог отца́ моего́, и вознесу́ Его́, сла́вно бо просла́вися.

Помо́щница и Покрови́тельница, Изба́вительница моя́ и Засту́пница бу́ди, от лю́тых напа́стей, го́рьких неду́г, жесточа́йших скорбе́й и

трудо́в изыма́ющи мя.

Всесвята́я наде́ждо и́же Тя от любве́ призыва́ющим, яви́ся и мне, послу́шающи ны́не, и приими́ песнь от скве́рных усте́н смире́ннаго

моле́бника Твоего́.

Избавля́ющи сострада́тельно, яви́ мне лице́ Твое́, тьма бо лю́таго отчая́ния всего́ мя кры́ет, но осия́й ми зарю́ чи́стаго моле́ния Твоего́.

Истопле́нием го́рьким погруже́н есмь греха́, даждь и мне десни́цу, я́ко Петру́, и спаси́ мя, Сло́ве, проше́ньми без истле́ния па́че ума́ Ро́ждшия Тя.

Песнь 3

Припа́дающа приими́ мя к щедро́там Твои́м, Ма́ти Сло́ва, и проще́ние прегреше́ний прося́щу те́плыми Твои́ми мольба́ми пода́ждь.

Пещь угаси́вшая Вавило́ню, Тя живопису́ющу, страсте́й мои́х пещь и недуго́в о́гненную угаси́, Влады́чице.

Изсуши́, Госпоже́, го́рькое пия́нство сласте́й мои́х, трезве́ние Боже́ственное подаю́щи ми покая́ния и обраще́ние спаси́тельное.

Ми́лостивным Твои́м о́ком вонми́ ми, Влады́чице, оскорбля́ему, поми́луй же и спаси́ мя, спасе́ние ми́ру и челове́ком по́моще.

Песнь 4

Ирмос: Услы́ша проро́к прише́ствие Твое́, Го́споди, и убоя́ся, я́ко хо́щеши от Де́вы роди́тися и челове́ком яви́тися, и глаго́лаше: «Услы́шах слух Твой и убоя́хся, сла́ва си́ле Твое́й, Го́споди».

Возлюби́х настоя́щая, плоть, мир и я́же в ми́ре сластна́я, сла́ву и мзду, оба́че бу́дущих ника́коже попеко́хся; сего́ ра́ди го́рния сла́вы и

любве́ Бо́жия отпадо́х, окая́нный.

Две́ре Боже́ственныя сла́вы, две́ри отве́рзи ми покая́ния, и к све́ту незаходи́му введи́ Сы́на и Зижди́теля Твоего́, Всепе́тая, страсте́й

изыма́ющи тьмы и ле́ности мглу разоря́ющи.

Недрема́ну свещу́ души́ моея́ соблюди́, да не я́ко безъеле́йну угаси́ши, и затвори́тся мне неве́стника дверь, но ми́лости две́ри отве́рзи и предста́ни ми в час исхо́да моего́.

Низложи́ враги́ моя́, побори́ непра́ведно мя борю́щия, да уве́дят чий раб есмь, в ко́е предста́тельство напису́юся, и спаси́ воспева́юща Тя, Всепе́тая.

Песнь 5

Спаси́ мя блу́днаго, Всенепоро́чная, предста́ни и изба́ви мя от враг всех ви́димых и неви́димых, состужа́ющих при́сно смире́нней души́

мое́й.

Ми́лостива Сы́на Твоего́ соде́лай, егда́ дела́ моя́ хо́щет та́йная и я́вная, увы́, истяза́ти, да не по́слет мя во огнь осужде́нна.

На Твою́ безме́рную бла́гость, Влады́ко Го́споди, аз окая́нный дерза́я и Ма́тере Твоея́ мольбы́, Спа́се, отню́д не отчаява́юся.

Весь от ю́ности бех непотре́бен, Всенепоро́чная, умерщвле́н сластьми́ и уморе́н окая́нный, лю́те лежу́, но возста́ви мя.

Песнь 6

Припа́даю Ти, Мари́е Нескве́рная, и с пла́чем, Богоро́дице, вопию́: изми́ злополу́чную ду́шу мою́ бу́дущаго суда́ и огня́ ве́чнующа.

Напо́й моле́ний Твои́х вода́ми всеокая́нную ду́шу мою́, страсте́й зно́ем опа́льшуюся, и плодоно́сну сию́ покажи́, Пренепоро́чная

Влады́чице.

Освяти́ мя всего́ и просвети́, очисти́лище ве́рных, и Твои́ми мольба́ми Святы́я Тро́ицы дом покажи́, Отрокови́це, молю́ Ти ся.

Приста́нище Тя вем ти́хое, Богороди́тельнице Мариа́м, и из глубины́ серде́чныя вопию́: не оста́ви мя погружа́тися вра́жиими треволне́ньми.

Седален, глас шестый. Подобен: Мно́гая мно́жества:

Помысло́в сопроти́вных смуща́ет мя бу́ря и страсте́й наважде́ния в глубину́ низво́дят поги́бели окая́нную мою́ ду́шу, но уще́дри мя, Бо́га ро́ждшая, и изба́ви раба́ Твоего́ бу́дущаго преще́ния, еди́на Благослове́нная.

Песнь 7

Прогне́вах, преогорчи́х Долготерпели́ва-го и Соде́теля моего́, Иже дре́вле созда́ мя от земли́ и от не су́щих во е́же бы́ти приведе́, но

уми́лостиви ми Сего́, Де́во, ма́терними Твои́ми проше́нии.

О, Влады́чице, отве́рзшая честна́я рая́ врата́, сия́ и мне затворе́ны де́лы безме́стными и́хже соде́ях, отве́рзши, спаси́ мя и того́ жи́теля

покажи́.

Уми́лостиви Сы́на Твоего́, Го́спода Бо́га и Благоде́теля на́шего, Влады́чице Всесвята́я, е́же изба́вит ми ся бед и скорбе́й, и све́тлости

святы́х и сла́вы ве́чныя улучи́т.

Освяти́ и светонаста́ви се́рдце мое́, Богома́ти, изсуши́ страсте́й его́ то́ки, окропи́ водо́ю Боже́ственнаго моле́ния Твоего́, и сподо́би приноси́ти Тебе́ песнь благоприя́тну душе́ю чи́стою.

Песнь 8

По до́лгу Твое́ призыва́ем моле́ние, Богома́ти, к Твоему́ Сы́ну вси гре́шнии и осужде́ннии, да гее́нны хода́тайством Твои́м изба́вимся.

Спору́чница бу́ди мне, Всенепоро́чная, ко Го́споду Бо́гу, егда́ на зе́млю прии́дет е́же суди́ти вся́ческая, и насле́дника покажи́ мя ча́сти

спаса́емых, окая́ннаго, молю́ Ти ся.

Угаси́ огнь страсте́й и пло́ти умертви́ мудрова́ние, ум просвети́, се́рдце очи́сти, и ду́шу напита́й хле́бом небе́сным, и спаси́ мя, Богороди́тельнице.

Путенаста́ви, Влады́чице, на стези́ за́поведий Бо́жиих мя гре́шнаго, уклони́ мое́ се́рдце на путь спасе́ния, Тя бо и́мам еди́но заступле́ние и

предста́тельство.

Песнь 9

Ирмос: Безсе́меннаго зача́тия Рождество́ несказа́нное, Ма́тере безму́жныя нетле́нен Плод, Бо́жие бо Рожде́ние обновля́ет естества́. Те́мже Тя вси ро́ди, я́ко Богоневе́стную Ма́терь, правосла́вно велича́ем.

Осужде́н и вся́чески неиспра́влен окая́нный аз, всем пови́нен, ины́я осуди́х су́щия неосужде́ны; го́ре мне тогда́ во вре́мя суда́, Де́во, я́ко и́мам осуди́тися.

Плене́на взят мя и тщи́тся погуби́ти диа́вол, всех хотя́й погуби́ти, но умилосе́рдися, и не преда́ждь, Отрокови́це, враго́м, и не оста́ви поги́бнути недосто́йнаго моле́бника Твоего́.

Упова́ние непосты́дное, по́моще и покро́ве, прибе́жище мое́ и те́плое заступле́ние, помози́ ми тогда́ на бу́дущем суде́, и изба́ви вся́каго

преще́ния, и сы́на Ца́рствия Сы́на Твоего́ покажи́, Нескве́рная.

Пою́ Твою́, Всепе́тая, сла́ву, могу́тство светле́йшее и ми́лость неизрече́нну благоутро́бия и человеколю́бия Твоего́, и молю́ся, Блага́я, да не отпаду́ упова́ния, но да улучу́ сла́вы Твоей.

Стихиры, глас шестый. Подобны: Все отло́жше:

Ра́дуйся, Боже́ственное жили́ще всех Бо́га и Влады́ки; ра́дуйся, му́чеников кре́посте и неувяда́емый ве́нче, ве́рных утвержде́ние и преподо́бных сла́во; ра́дуйся, Ма́ти Неискусобра́чная; ра́дуйся, небе́сных сил похвало́, проро́ков основа́ние и апо́столов пропове́дание; ра́дуйся,

Чи́стая, пре́лести заблужде́ние попра́вшая; грехо́в очище́ние, ра́дуйся, Матероде́во.

Ра́дуйся, Све́та жили́ще, Нескве́рная, Всесвята́я; ра́дуйся, сто́лпе о́гненный, и́мже путеводи́ми бы́хом, тли прича́стницы, к небе́сней

сла́ве блаже́нней и поко́ю негибну́щу; ра́дуйся, лозо́, Грозд жи́зни прозя́бшая, мсто иска́паяй и злобы́ пия́нство отье́мляй, и весе́лия вино́м напая́яй ве́рныя, я́ко Богороди́тельницу Тя испове́дующия.

Ра́дуйся, пала́то светле́йшая Царя́ и Го́спода; ра́дуйся, гра́де одушевле́нный Влады́ки всех; ра́дуйся, еди́ный покро́ве неразори́мый

и изве́стный моля́щихся Тебе́ ве́рою; ра́дуйся, спасе́ние ми́рови и те́плое очисти́лище; ра́дуйся, угаси́вшая многобо́жия пещь; ра́дуйся, а́нгелов Боже́ственная ра́досте, и челове́ков держа́вная и неги́блемая, Влады́чице, по́моще.

Приими́ моле́ние мое́, Богороди́тельнице Мари́е, и не отве́ржи мене́ недосто́йна от лица́ Твоего́, зане́ я́ко никто́же ин на земли́, Всечи́стая, в челове́цех согреши́х. Те́мже Боже́ственныя Твоея́ благода́ти испроша́ю, всеокая́нный: предваря́вши мя ны́не, уще́дри боле́зненно одержи́ма, и бе́дствовати не оста́ви в коне́ц на Тя еди́ну возупова́вша, Влады́чице,

всех спасе́ние.

Канон Пресвятей Богородице в четверток

Творение преподобнаго отца нашего Павла, епископа Аморийскаго, егоже краегранесие: Даждь ми, Де́во, сле́зы покая́ния

Песнь 1

Влады́чице, плач приими́ от скве́рнаго се́рдца, Всенепоро́чная, и окая́нных усте́н, и от ти́ны омы́й мя страсте́й и прегреше́ний лю́тых,

да сла́влю Тя.

Ту́чи слез пода́ждь ми Твои́ми мольба́ми, Всесвята́я Влады́чице, я́ко да пла́чуся те́пле и́хже согреши́х на земли́, и изба́влюся жду́щия мя

му́ки.

Воздохни́, воспла́чи, душе́ моя́, и себе́ отсю́ду возсе́туй, вопию́щи Христу́: Твоея́ Ма́тере, Ще́дре, проше́ньми, стра́шныя гее́нны изба́ви мя пови́нна.

Моего́ рьда́ния не отри́ни, Яже ми́лости Исто́чник ро́ждшая, но ми́лостивно, Блага́я, благоутро́бным Твои́м о́ком, души́ моея́, Богоро́дице, стра́сти исцели́.

Песнь 3

Ирмос: Несть свят, я́коже Ты, Го́споди Бо́же мой, вознесы́й рог ве́рных Твои́х, Бли́же, и утверди́вый нас на ка́мени испове́дания Твоего́.

Несть ин в челове́цех, и́же беззако́ния соде́я и блу́дно поживе́, Блага́я, я́коже аз: в студоло́жствиих бо лю́те Боже́ственное креще́ние

окаля́х.

Се наидо́ша на мя, я́коже ра́ны, вся зло́бы вра́жия, отяготе́вша же, возсмерде́ша зело́, и души́ претя́т всеконе́чным низпаде́нием.

Мно́гая мно́жества мои́х, Богоро́дице, прегреше́ний, сего́ ра́ди ве́рою Ти припа́даю, вопия́: в час стра́шный уми́лостиви, Его́же во

плоти́ла еси́.

Свята́я Влады́чице, вся́кому мя осужде́нию пови́нна изми́, дерзнове́ние к Бо́гу я́ко иму́щи ма́терне, и в черто́ге Сего́ мене́ учини́.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыва́ющи, от смысла чи́ста, о Го́споде пра́зднующи.

Тече́ние ми да́руй слез, Влады́чице, я́ко да омы́ю скве́рну души́ и обря́щу, окая́нный, ю́же погуби́х добро́ту сове́том змии́ным.

Бо́же благоутро́бне, Христе́ Человеколю́бче, Води́телю ми́лости, ны́не на мне окропи́ ми́лость Твою́, мо́лит Тя наде́жда и предста́тельство мое́ и Ма́терь Твоя́.

Мене́ блу́днаго, па́че всех челове́к прогне́вавша Сы́на Твоего́, ве́чнующих изба́ви муче́ний, еди́на наде́ждо ве́рных, Богороди́тельнице.

Па́жить сме́рти уста́вила еси́, Ро́ждшая Живо́т всех, те́мже и мене́ умерщвле́на грехми́, оживи́ и ве́чный жи́зни сподо́би.

Песнь 5

Враг мя творя́ща ви́дяй вся́кое беззако́ние, безсту́дно посмева́ется мои́м грехо́м; изми́ мя сего́ плене́ния, Чи́стая, и в студ обрати́ смех его́.

Спаси́ мя от страсте́й, ско́рби и вре́да противля́ющихся лука́вых, и сих изба́ви лови́тельства смире́нную мою ду́шу, да не реку́т к сему́,

Чи́стая: укрепи́хомся нань.

Непра́ведныя руки́ изба́ви мя, язы́ка же льсти́ва и лю́тых усте́н, Де́во Богоневе́сто; вся́кое бо мое́ ча́яние на Тя возложи́х, да не постыжу́ся, молю́ Ти ся.

Се́рдца ми даждь сокруше́ние и сле́зныя то́ки, Отрокови́це, и ду́ха нищету́, да возрыда́ю соде́янная мно́ю зле, я́ко рыда́ний досто́йная.

Песнь 6

Ирмос: Жите́йское мо́ре воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Ток слез мои́х мал и нище́тен прие́мши, Влады́чице, я́ко ми́ро избра́нно, благоуха́нно, чи́сто, вку́пе и фимиа́м, злосмра́днаго изми́ мя

страсте́й стремле́ния.

Повину́хся страсте́м, удали́хся Бо́га блу́дно всеокая́нный, Его́же умоли́ спасти́ мя, Блага́я; к Тебе́ бо прибего́х, и ри́зами, и́миже пре́жде, мя уясни́.

Яко святы́х а́нгел Тя благоле́пие воспева́ю и молю́ся, Всенепоро́чная: неле́пая отжени́ от Мене́ де́монская мечта́ния, в тишине́ соблюда́ющи се́рдце мое́.

Да не волна́ покры́ет мя, не потопи́т бу́ря, не потреби́т пучи́на, да не погрузи́т мо́ре и глубина́ го́рькаго неча́яния па́губы сла́ныя, Всесвята́я.

Седален, глас шестый. Подобен: Упова́ние ми́ра:

От се́рдца и утро́б стена́ния Ти приношу́, Твоего́ прося́ благоприе́мна предста́тельства: поми́луй всеокая́нную мою ду́шу, уми́лостивитмногоблагоутро́бнаго Бо́га изба́вити мя суда́ ите́зера о́гненна, еди́на Благослове́нная.

Песнь 7

На Тя, Влады́чице, все упова́ние мое́ возложи́х, окая́нный: не отврати́ от Мене́ лица́ Твоего́, утро́бу не затвори́ человеколю́бную, Ма́ти

Бо́жия, но помози́ ми.

Согреше́ний бу́рею углеба́юща возведи́, Богоневе́сто, и к Боже́ственному мя безстра́стия напра́ви приста́нищу, Чи́стая, вопию́ща

благогове́йно: благослове́н еси́, Бо́же оте́ц на́ших.

Беззако́ния де́лателище бех и вся́каго де́лания сту́дна пребыва́лище, и прия́телище помышле́ний злых, но Ты, Всепе́тая, Чи́стая,

прия́телище Бо́га свято́е, мя освяти́.

Яко ассири́янин, мы́сленнаго смеше́ния Вавило́нска власти́тель⁷⁹, ум мой о́гненных помысло́в седмери́цею разжже́ во мне пещь, в не́йже мя неопа́льна, Чи́стая, Твое́ю росо́ю соблюди́.

Песнь 6

Ви́димо о́бразу Твоему́ предстоя́й, неви́димо мню, Ма́ти Живота́, Тебе́ живе́й предстоя́ти, со стра́хом моля́ся: неви́димых враг и ви́димых

мя изба́ви.

Моле́ние, Де́во, Бо́гу принеси́, ду́ши на́ша спасти́, и страсте́й вины́ нас изба́вити, и де́монов зле́йша наве́та.

Греха́ раздра́вши вре́тище мра́чное, спасе́нием мя облецы́ и весе́лием и́стинным препоя́ши, да Тя сла́влю, Чи́стая, во вся ве́ки.

Бе́здно состра́стия безконе́чная, благоутро́бия мо́ре безме́рное, гре́шников гото́вая по́моще, спаси́ мя, Де́во, неключи́маго раба́ Твоего́.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю же,

Всечи́стая, яви́ся челове́ком Сло́во воплоще́нно, Его́же

велича́юще, с небе́сными во́и́ Тя ублажа́ем.

Страсте́й волне́ние смуща́ет мя и в сласте́й погружа́ет про́пасть, Всенепоро́чная. Яже Окорми́теля Христа́ ро́ждшая, ру́ку по́мощи

мне простри́ и спаси́ мя, еди́на ве́рных спасе́ние и обновле́ние.

При́сно покро́ву Твоему́ и заступле́нию руково́дствующу спребыва́ти ми испроша́ю, Влады́чице, изря́дно же в час суда́ и исхо́да,

егда́ мра́чный де́монов полк лука́вых на мя соста́вится.

Ве́щнаго мя стремле́ния измени́ и чи́сте умо́м безве́щным в нощи́ и во дни Тя содержа́ти пода́ждь, Богома́ти, наде́жду мою и свет, сла́дость, живо́т и весе́лие.

Прие́м от Тебе́, Христе́, Твоея́ благода́ти бога́тство, блу́дно то расточи́х, прилепи́хся же обнища́вый гра́жданом злым, любостла́стным

словесе́м и дея́нием; но мольба́ми Ма́тере Твоея́, уще́дрив, спаси́ мя.

Стихиры, глас шестый. Подобны: Тридне́вен воскре́сл еси́:

Ра́дуйся, живота́ сокро́вище; ра́дуйся, све́щниче всезлаты́й; ра́дуйся, ста́мно, Ма́нну нося́щая всех Царя́ Христа́; ра́дуйся, Чи́стая

Де́во, дре́вния кля́твы разреше́ние.

Ра́дуйся, Це́ркве честны́я сто́лпе незы́блем; ра́дуйся, еди́но предста́тельство ве́рных; ра́дуйся, ми́ра сла́во, Преблагослове́нная; ра́дуйся, челове́ков прибе́жище.

Ра́дуйся, светлоплодови́тая я́блонь, из нея́же прозябе́ Яблоко Боже́ственное и всеблагоуха́нное, Чи́стая; ра́дуйся, шипе́ц⁸⁰ сла́дкий

червле́ный, Де́во; ра́дуйся, покро́ве душ на́ших.

Беда́ми и скорбьми́ содержи́ма раба́ Твоего́, Богоро́дице, не пре́зри, Блага́я, но уще́дри и спаси́, ненаде́жных наде́ждо, и лю́тых мя

свободи́.

Канон Пресвятей Богородице в пяток

Творение Святаго Иоанна Дамаскина

Песнь 1

Ирмос: Помо́щник и Покрови́тель бысть мне во спасение, Сей мой Бог, и просла́влю Его́, Бог отца́ моего́, и вознесу́ Его́, сла́вно бо просла́вися.

Благода́ти Твоея́, Блага́я, смире́нное мое́ се́рдце испо́лни, я́ко да Тебе́, Безневе́стная Отрокови́це, ра́дости вопи́ю глас: ра́дуйся, Ма́ти Живота́; ра́дуйся, а́нгелов похвале́ние.

Ра́дуйся, две́ре мы́сленная; ра́дуйся, сто́лпе де́вства; ра́дуйся, Свет неизрече́нно нам источи́вшая, ве́дущим Тя Бо́га всеи́стинную Роди́тельницу.

Ра́дуйся, мо́сте, ме́ртвыя к жи́зни Боже́ственней преводя́й; ра́дуйся, наде́ждо и ра́досте ве́рных, Всепе́тая; ра́дуйся, престо́ле Бо́жий; ра́дуйся, ве́нче му́чеников.

Не презри, Блага́я, истле́вша в беззакониях, всего оскверне́на го́рькими сластьми́, но от скверны вся́кия измы́й и спаси мя.

Песнь 3

Ирмос: Утверди, Го́споди, на ка́мени за́поведей Твоих подви́гшееся се́рдце мое́, яко един Свят еси и Госпо́дь.

Ра́дуйся, живота́ безбе́днаго сокро́вище, едина Благословенная; ра́дуйся, диади́мо честна́я царе́й; ра́дуйся, вселе́нныя весе́лие.

Ра́дуйся, Ра́дости нескве́рное приятелище, еди́на Богороди́тельнице, иере́ев свяще́нная похвало́; ра́дуйся, апо́столов пропове́дание.

Ра́дуйся, просла́вленное Бо́га Сло́ва злато́е жили́ще; ра́дуйся, всеми́рная сла́во; ве́рных, ра́дуйся, слы́шание и честно́е глаго́лание.

Родила́ еси́, Нескве́рная, Творца́ и Благоде́теля всех, Его́же уми́лостиви, Всенепоро́чная, е́же улучи́ти ми сла́вы та́мошния и све́тлости.

Песнь 4

Ирмос: Услы́ша проро́к прише́ствие Твое́, Го́споди, и убояся, яко хо́щеши от Де́вы родитися и челове́ком явитися, и глаго́лаше: «Услы́шах слух Твой и убоя́хся, сла́ва силе Твое́й, Го́споди».

Ра́дуйся, ту́чная горо́, в нюже всели́ся всех Творе́ц; ра́дуйся, Свет от Сва́та заче́ншая, просвети́вый вселе́нную всю; ра́дуйся, Нетле́нная Де́во, стено́ Ца́рствия неруши́мая.

Ра́дости неизрече́нныя прия́телище, ра́дуйся, Чи́стая, Всесве́тлая, Благослове́нная; ми́ра, ра́дуйся, прибе́жище; гре́шных, ра́дуйся, очисти́лище, Всецари́це; ра́дуйся, Мари́е, Це́ркве сте́лпе непоколеби́мый.

Седмосве́тлый Тя све́щник, огнь богоразу́мия нося́щ, проро́к дре́вле, Отрокови́це, прови́де, и́же во тьме неве́дения бе́дствующим светя́й. Те́мже Ти вопи́ю: просвети́ мя, раба́ Твоего, Всенепоро́чная.

Ста́до Твое́, Богоре́дице, ны́не бе́дствующее, спаси́, и́маши бо е́же ве́лити и мощи́, я́ко всех Царя́ ро́ждшая, и изба́ви от тли́телей челове́к и злообра́зных, я́ко Блага́я, раба́ Твоего.

Песнь 5

Ирмос: От но́щи у́тренююща, Человеколю́бче, просвети́ молю́ся, и наста́ви и мене́ на повеле́ния Твоя́, и научи́ мя, Спа́се, твори́т во́лю Твою́.

Ра́дуйся, всея́ тва́ри Цари́це; ра́дуйся Всенепоро́чная; ра́дуйся, наде́ждо всех к Тебе́ притека́ющих; ра́дуйся, исто́чниче чи́стый неистоща́емыя Струи́.

Ра́дуйся, светле́йшая пала́то вся руко́ю

Содержа́щаго неизрече́нно; ра́дуйся, преподе́бных украше́ние и сла́во му́чеников, Нескве́рная Влады́чице.

Радуйся, сто́лпе о́гненный, преводя́й Изра́иля у́мнаго в Боже́ственное упокое́ние; ра́дуйся, незаходи́маго Све́та о́блаче, Богома́ти, Отрокови́це Всепе́тая.

Спаси́ мя окая́ннаго, лю́тыми ра́нами и беда́ми разли́чными обдержи́ма всего́, и не оста́ви, Чи́стая, до конца́ бе́дствовати.

Возопи́х всем се́рдцем мои́м к Ще́дрому Бо́гу, и услы́ша мя от а́да преиспо́дняго, и возведе́ от тли живо́т мой.

Ра́дуйся, исто́чниче присноживо́тныя воды́; ра́дуйся, све́тлый о́блаче; ра́дуйся, Боже́ственный покро́ве ве́рою Тя чту́щих; ра́дуйся,

честно́е пе́ние безпло́тных.

Ра́дуйся, све́тлое благода́ти позна́ние; ра́дуйся, раю́ сла́дости; ра́дуйся, Ро́ждшая Бо́га воплоще́нна; ра́дуйся, спасе́ния на́шего Хода́таице.

Ра́дуйся, всего́ ми́ра искупле́ние; ра́дуйся, челове́ков к Бо́гу дерзнове́ние; ра́дуйся, всезлато́е прия́телище Вы́шняго, Де́во Богороди́тельнице.

Во искуше́ниих вем Тя предста́тельство, в неду́зех Цели́тельницу, в треволне́ниих ти́хое приста́нище, в ско́рбех же ра́дость и весе́лие.

Седален, глас шестый. Самогла́сен

Нача́ло спасе́ния Гаврии́лово провеща́ние к Де́ве бысть; слы́ша бо е́же «ра́дуйся», не отбеже́ целова́ния, не усумне́ся я́ко Са́рра в се́ни, но

си́це глаго́лаше: «Се Раба́ Госпо́дня, бу́ди Мне по глаго́лу твоему́».

Песнь 7

Ра́дуйся, хра́ме богоукраше́нный; ра́дуйся, одушевле́нный до́ме Царе́в; ра́дуйся, ко́тво ве́ры, Нескве́рная; ра́дуйся, добро́то многовожделе́нная; ра́дуйся, Всепе́тая, всех упова́ние.

Ра́дуйся, ве́рных удобре́ние; ра́дуйся, а́нгелов многослову́щее и пресла́вное чу́до и челове́ков держа́вное утвержде́ние; ра́дуйся,

Безневе́стная Ма́ти, всех ра́досте.

Ра́дуйся, заре́, Со́лнце ми́ру всему́ возсия́вшая; ра́дуйся, невмести́маго Существа́ пребыва́ние све́тлое и пресла́вное; ра́дуйся, одушевле́нная трапе́зо, Хлеб жи́зни нося́щая, Всесвя́тая.

Удиви́ ми́лости Твоя́ моле́бнику Твоему́, Богороди́тельнице, покры́й мя кро́вом Боже́ственного Твоего́ заступле́ния, и сохрани́ я́ко зе́ницу о́ка, и спаси́ от стрел вра́жиих наде́ющася на Тя.

Песнь 8

Свяще́ннейшими гла́сы Тя ве́рнии почеству́ем, с Гаврии́лом немо́лчно зову́ще: ра́дуйся, Ма́ти Госпо́дня; ра́дуйся, предста́тельство

оби́димых.

Вои́стинну превы́шши всех тва́рей, Честна́я, была́ еси́, я́ко Творца́ сих поро́ждшая; сего́ ра́ди, веселя́щеся, непреста́нно зове́м Ти: ра́дуйся, Благослове́нная.

От всех скорбе́й и напа́стей, от вся́каго искуше́ния, неду́га и гне́ва Бо́жия изба́ви те́пле взыска́ющих покро́ва Твоего́, Де́во, я́ко да благода́рне пое́м Тя.

Облак мно́гих собла́зн обы́де ду́шу мою́, но я́ко Блага́я спаси́ мя, Бо́га и Спа́са ро́ждшая, и ве́чныя му́ки изба́ви.

Песнь 9

Но́ва мя сотвори́, грехми́ состаре́вшася, Богоро́дице, я́ко да реку́ Ти глас ра́достный со арха́нгелом: ра́дуйся, разреше́ние кля́твы и всех

предста́тельство честву́ющих Тя, Всепе́тая.

Яже боже́ственне пре́лести пещь попра́вшая, ра́дуйся, Де́во, Еюже небе́сная земны́м свеселя́тся; ра́дуйся, затворе́нный Еде́м нам отве́рзшая; ра́дуйся, всея́ вселе́нныя ра́дование и похвало́.

Ты мою́ утоли́ искуше́ний бу́рю, Ты согреше́ний бе́здну изсуши́, ны́не обдержа́щих мя и ко глубине́ влеку́щих поги́бельней; ра́зве Тебе́ бо ино́го не и́мам, Блага́я, предста́тельства, всеокая́нный аз.

Богоневе́сто Влады́чице, а́нгелов весе́лие и сла́во святы́х, с си́ми же молю́ ми́лость нам обрести́ и долго́в разреше́ние, и живота́ тече́ние

до́бре сконча́ти, Боже́ственная творя́ще.

Стихиры, глас шестый: Все отло́жше:

Ра́дуйся, Вседержи́теля Бо́га прия́телище; ра́дуйся, звездо́ незаходи́мая; ра́дуйся, Многоимени́тая; ра́дуйся, Всечестна́я, Яже Свет

Ея́ ро́ждшая на земли́, Непоро́чная, и вся озари́вшая; ра́дуйся, пала́то одушевле́нная все́ми Владу́щаго; ра́дуйся, избавле́ние Евино и первозда́ннаго исправле́ние; ра́дуйся, Богоро́дице, ве́рных держа́во и покро́ве; ра́дуйся, челове́ков воззва́ние; ра́дуйся, Неискусобра́чная.

Ра́дуйся, Присноде́во, луно́ всесве́тлая, свет от Со́лнца прии́мшая, Тобо́ю просвеща́юща у́мно всю тварь и тьму изгоня́юща. Ра́дуйся,

Яже жа́ра и пра́вды Верх, Ме́рила же и Льва, я́ко Де́выя зо́дий, Твоим хода́тайством сраствори́вшая нам⁸¹, Всепе́тая, и гнев умягча́ющая Бога Вседержи́теля.

Ра́дуйся, удобрение, вся́ческия доброты превы́шшее; ра́дуйся, честны́й да́ре, почесть вся́ку превосходя́й, нестерпи́маго Божества́

всего прия́телище, спасение мое́, Всепетая, утешение и животе, свете мой, надеждо и сла́досте, дыха́ние и предста́тельство мое́, хода́тайство

ти́хое и похвало, пе́ние и ра́дование, пи́ще моя́, просвеще́ние и Помощнице, святы́ня и све́тлость моя́, сла́во и посеще́ние.

Уста́ви, Всенепоро́чная, страсте́й мои́х истица́ния и струи́ возрази́ греха́ моего́, и то́ки похоте́й изсуши́, молю́ бо Тя, припа́даю и взыва́ю: сокруши́, Влады́чице, окамене́нное мое́ се́рдце, исто́чники умиле́ния и слез ту́чи ми подаю́щи, да и ру́це и все те́ло оскве́рншееся си́ми измы́вый, ми́лость Бо́жию привлеку́.

Глас седьмый Канон Пресвятей Богородице в субботу

Творение Иоанна Евхаита

Песнь 1

Ирмос: Ма́нием Твои́м на земны́й о́браз преложи́ся пре́жде удоборазлива́емое водно́е естество́, Го́споди; те́мже немо́кренно пешеше́ствовав, Изра́иль пое́т Тебе́ песнь побе́дную.

«Несть поро́ка в Тебе́, Де́ве Нескве́рней, до́брая и непоро́чная еси́ вся», Влады́чице, дре́вле я́ко песнопоя́ рече́ Соломо́н, «и бли́жняя Творца́ Твоего́»⁸².

Яко благово́нный ши́пок и крин честне́йший посреде́ удо́лий укра́шен обре́т Тебе́ Сло́во, созда́вый мир, всели́ся в Тя, Богоро́дице.

Обагри́ся от нескве́рных Твои́х крове́й боготка́ная ри́за и порфи́ра ца́рская Сло́ву Влады́це всех, плоть одушевле́нна, Мари́е Всепе́тая.

Ты Соде́теля Твоего́ во чре́ве Твое́м прии́мши, без истле́ния родила́ еси́, Бо́га Младе́нца бы́вша; стра́нное чу́до! Раба́ Ма́ти еси́ Влады́ки Безневе́стная.

Песнь 3

Ирмос: В нача́ле небеса́ всеси́льным сло́вом Твои́м утвержде́й, Го́споди Спа́се, и вседе́тельным и Бо́жиим Ду́хом всю си́лу их, на недви́жимем мя ка́мени испове́дания Твоего́ утверди́.

Боговеща́нный Иезеки́иль сви́ток иногда́ Тя прови́де, в не́мже Сло́во написа́ся, Чи́стая, пе́рстом Отчим; те́мже молю́ Тя в кни́зе написа́ти мя живота́, лука́вное написа́ние беззако́ний мои́х раздра́вши.

Тя Дании́л чу́дный прови́де го́ру, от нея́же ка́мень отсече́ся Христо́с, сокруши́вый, Чи́стая, де́монския куми́ры; те́мже я́ко всех Тя взыва́юще песносло́вим вину́, изба́вленнии рождество́м Твои́м.

Багряни́цу пло́ти от Твои́х нескве́рных крове́й истка́ всех Царь, и сию́ кроме́ тле́ния понесы́й естество́м Бог же и Челове́к, из Тебе́ про́йде, Де́во, Ца́рство име́яй непрее́мное.

Яже Бо́га безболе́зненно и безстра́стно ро́ждшая, многостра́стнаго се́рдца боле́зни моего́ посети́, молю́ся, Боже́ственным Твои́м посеще́нием: Ты бо ми́ру покро́в, Влады́чице, и заступле́ние.

Песнь 4

Ирмос: Отча не́дра не оста́вль и соше́д на зе́млю, Христе́ Бо́же, та́йну услы́шах смотре́ния Твоего́ и просла́вих Тя, еди́не Человеколю́бче.

Иже в мы́сленных не́дрех Отчих я́ко Сын возлю́блен седя́й, в не́дрех Твои́х седи́т, я́ко Сын Твой, Всечи́стая, Единоро́дный и Перворо́дный.

Многоцвету́щ явила́ся еси́ сад, благоуха́нный вертогра́д и рай доброцве́тный, сладково́нными противоды́хающи обоня́ньми благода́тей

Твои́х, Всепе́тая, и мирска́я отгоня́щи злосмра́дия.

От ко́рене ца́рска и от коле́на и сро́дства Дави́дова, я́ко цвет красе́н произра́стшая, процвела́ еси́, Цари́це, Царя́ Христа́.

Дави́дскую песнь Тебе́, Чи́стая, прера́достно вопие́м, зову́ще: ра́дуйся, горо́ ту́чная и свята́я, позлаще́нный ковче́же у́мнаго и честна́го свяще́ния.

Песнь 5

Ирмос: Го́споди, Бо́же мой, от но́щи у́треневав, Тебе́ молю́ся: пода́ждь ми оставле́ние прегреше́ний мои́х и к све́ту Твои́х повеле́ний пути́ моя́ напра́ви, молю́ся.

Яко зако́н начерта́н пе́рстом Отца́ Безнача́льнаго Бо́га, Бо́га Сло́ва нося́й Безнача́льна и в кни́зе жи́зни ны написа́вша, ви́де Тя, Де́во, Иса́ия проро́к.

Цвет нетле́ния, я́ко жезл Ааро́нь, Христа́ прозя́бши ненапое́нно, Всечи́стая, от прозябе́ний гнилы́х и мы́слей тлетво́рных се́рдце мое́

очи́сти.

Те́сная покая́ния врата́ и ско́рбную стезю, е́юже про́йде Бог, даждь ми с широто́ю серде́чною ра́достно проходи́ти, Мари́е, две́ре одушевле́нная.

Воздви́гни мя, на одре́ лежа́ща греха́, и успи́, Влады́чице, двиза́ния страсте́й мои́х неусы́пною Твое́ю мольбо́ю, и от тя́жкаго сна возбуди́.

Песнь 6

Ирмос: Пла́вающаго в молве́ жите́йских попече́ний, с корабле́м потопля́ема грехи́ и душетле́нному зве́рю примета́ема, я́ко Ио́на, Христе́, вопию́ Ти: из смертоно́сныя глубины́ возведи́ мя.

Вети́йствующая уста́ словесы́ сказа́ти не мо́гут чудо рождества́ Твоего́, е́же го́рним си́лам непостижи́мо: еди́на бо неизрече́нно заче́нши, родила́ еси́ от Ду́ха Свя́та, Всечи́стая.

Яко добру́ Тя еди́ну в жена́х и красну́, я́ко всю нескве́рну и свя́ту, я́ко свяще́нну, я́ко че́стну и непоро́чну, я́ко чисте́йшу Тя вся́кия тва́ри

обре́т Соде́тель, в Тебе́ всели́ся.

Исцеле́ний струи́ источа́еши, Богоро́дице Де́во, уставля́еши неду́ги и подае́ши весе́лие ве́рою воспева́ющим Тя; те́мже неду́гующу грехми́ исцели́ ду́шу мою, Блага́я, и спаси́ мя.

На мно́жество взира́яй благоутро́бия Твоего́, Де́во, со слеза́ми припа́даю и зову́: исправля́ющи весь живо́т мой, в разреше́нии телесе́

бу́ди ми поко́й и изба́ва.

Седален, глас седьмый. Подобен: Го́споди, мы есмы́:

Влады́чице, прогне́вася Сын Твой проше́ньми грехо́вными, ми́лование бо на гнев обрати́хом, но на ми́лость, Нескве́рная, Его́ пре-

мени́. Умилосе́рдися, Ма́ти Де́во, и моле́нии самодви́жными уми́лостиви Благоутро́бнаго изба́вити плене́нныя.

Песнь 7

Ирмос: Пещь о́троцы огнепа́льну дре́вле росоточа́щу показа́ша, Еди́наго Бо́га воспева́юще и глаго́люще: «Превозноси́мый отце́в Бо́же и препросла́влен».

О, та́инства ужа́сна и стра́нна! О, нове́йшаго слы́шания! Яко Бог Жены́ Сын бысть де́лом, не о́бразом, да положе́нием сы́на Бо́жия сотвори́т мя.

Кто ви́де или́ слы́ша вся́ко когда́ Де́ву Отрокови́цу непра́здну, без му́жа заче́ншую и ро́ждшую? В Тебе́ еди́ней, Влады́чице, неслы́шанное услы́шася и соде́яся.

Высоту́ и глубину́, долготу́ же и широту́ тва́ри ви́димыя всея́ рождества́ Твоего́, Влады́чице, вели́чие превосхо́дит: тоя́ бо Творца́ па́че

сло́ва воплоти́ла еси́.

Горо́ вели́кая гор святы́х, па́че сил безпло́тных святы́нею превознесе́на, и́же в горе́ па́губней заблужда́юща, взыщи́, Чи́стая, и спаси́ мя.

Песнь 8

Ирмос: Неопа́льная огню в Сина́и прича́щшаяся купина Бо́га яви́ медленоязы́чному и гугни́вому Моисе́ови, и о́троки ре́вность Бо́жия три непребори́мыя во огни́ певцы́ показа́: вся дела́ Госпо́дня, Го́спода по́йте и превозноси́те во вся ве́ки.

Нов небе́сный показа́лася еси́, Богоро́дице, и слове́сный рай, одушевле́нный дом честны́й и свяще́нный, пала́та чи́стая, храм пресла́вный Иису́са Царя́, Сего́ во чре́ве Твое́м вмести́вши

нетесновме́стно, Де́во, небе́с простра́ннейшая.

Ви́дите, лю́дие, и пра́ведно почуди́теся, и «ди́вна», возопийте, «вои́стинну вся дела́ Бо́жия!»: Де́вы бо на рука́х Его́же не вмеща́ет

не́бо, содержи́тся я́ко Младе́нец, де́ло руки́ Своея́ исхи́тити хотя́й из руки́ наси́льствующия руко́ю всеси́льною.

Яви́лася еси́, Чи́стая, киво́т и мирополо́жница, свяще́ние у́мное избра́нно и многоце́нно, и Ми́ро, е́же не челове́ческим ухищре́нием и

худо́жеством, но еди́нем Отца́ хоте́нием и Ду́ха Свята́го наи́тием состро́ено бысть, досто́йно вмести́вшая.

Неопа́льный Огнь ро́ждши, соблюла́ся еси́ чиста́, Отрокови́це Всепе́тая; сего́ ра́ди с ли́ки святы́х моли́ Его́же родила́ еси́ ве́рным спасти́ся, поющим: вся дела́ Госпо́дня, Го́спода по́йте и превозноси́те во вся ве́ки.

Песнь 9

Ирмос: Не тле́ния искуше́нием ро́ждшая и Всехитрецу́ Сло́ву плоть взаимода́вшая, Ма́ти Неискусому́жная Де́во Богоро́дице; прия́телище Нестерпи́маго, село́ Невмести́маго Зижди́теля Твоего́, Тя велича́ем.

Ны́не на мне ми́лости Твоя́ удиви́, Богороди́тельнице, спаса́ющи наде́жду иму́щих на Тя, и соблюди́ мя я́ко зе́ницу о́ка от сопроти́вных

бесо́в и страсте́й мои́х, в кро́ве крилу́ Твое́ю покрыва́ющи.

Ма́нием вся нося́щаго Сло́ва ро́ждши, Богоотроко́вице, помава́й ми ма́нием Его́ поко́рствовати всегда́, до́лу обра́щшуся и уклоня́ющуся к страсте́м плотски́м, и льсти́вным поко́рствующу лука́ваго ма́нием.

Никто́же притека́яй кро́ву Твоему́, Богосла́вная, посра́млен оты́де и печа́ли прича́стен, те́мже притека́юща и мя к шедро́там Твои́м поми́луй, Де́во, ча́яние мое́, да любо́вию при́сносла́влю Тя.

От ми́лости безме́рный сляца́емь, Воли́тель ми́лости не презре́ во а́дову про́пасть впа́дшия, и из Тебе́ человеколю́бно, Чи́стая, вочелове́чився, отринове́нныя воззва́.

Стихиры, глас седьмый. Подобны: Не ктому́ возбраня́еми есмы́:

Ра́дуи́ся, Боже́ственная ле́ствице, Еюже сни́де Пребоже́ственныи́ и изба́ви челове́ки е́же дре́вле паде́ния.

Ра́дуи́ся, сла́дости раю, Яже Дре́во жи́зни посреде́ неизрече́нно, Чи́стая, израсти́вшая.

Ра́дуйся, человеколю́бнаго Бо́га Ма́ти, на мя человеколюбие Твое́ и щедро́ты, Отрокови́це, Твоя́ низпосли́.

От мно́гих па́губных раб Твои́ смуща́емь, к Тебе́ припа́даю, Богороди́тельнице: предвари́ и спаси́ мя.

Канон Пресвятей Богородице в неделю

Творение Андрея Критскаго, егоже краегранесие: Седьмый плач ка́ко у́бо мимотеку́?

Песнь 1

Ирмос: Ма́нием Твои́м на земны́й о́браз преложи́ся пре́жде удоборазлива́емое во́дное естество́, Го́споди; те́мже немо́кренно пешеше́ствовав Изра́иль, пое́т Тебе́ песнь побе́дную.

Трепе́щу, Отроковице, осуди́тельна изрече́ния, пре́жде суда́ дела́ бо горце осужда́ют мя; те́мже пре́жде не́же прииму́ иску́с отложе́ннаго истяза́ния, спаси мя.

Весь истощи́в сопроти́вный ту́ло⁸³ злобы его, стрела́ми мя уязви́; те́мже боле́зней не терпя́, к Твоему́ спасе́нию прибега́ю, Богоневе́сто.

Нов Младе́нец яви́ся от Тебе́ Созда́вый Ада́ма, Всенепоро́чная, все обветша́вшее грехми́ естество́ обнови́ти и к нача́льней наста́вити

све́тлости.

Возста́ви мя па́дша в напа́стей глубину́, Мари́е Всенепоро́чная, и в неду́зех лежа́ща ско́ро воздви́гни, еди́на оби́димых гото́вая по́моще.

Песнь 3

Отягче́н лютым бре́менем греха́, я́ко пре́жде до́лу сляче́нна, и аз Ти припа́даю, Всенепоро́чная: я́ко о́ну Сын Твой от уз ле́тных⁸⁴, та́ко Ты мя разреши́ от согреше́ний мои́х.

Сле́зы, иста́яние, плач, я́же суть покая́ния цве́ти, плод присноцвету́щ ника́коже, Де́во, яви́ша во мне, но неча́яние, отку́дуже бу́ря напа́дши зе́льна, сия́ увяде́, Богоневе́сто.

Ио́сиф удержа́выйся госпожи́ невозде́ржныя беззако́нных дре́вле сласте́й, све́тлый Еги́пта бысть царь, аз же теле́сным мно́гим

страсте́м повину́вся безу́мно, досе́ле под грехо́м ца́рствуюся.

Не преста́ни, Блага́я, о ми́ре моли́ти, е́же изба́витися вся́ческаго преще́ния и настоя́щаго ны́не озлобле́ния, ва́рварския туги́ и наше́ствия, рабо́ты го́рькия и про́чих лю́тых всем почита́ющим Тя.

Песнь 4

Уподо́бивыйся Челове́к нам, Отца́ неразлу́чный, благосоверше́нную Тя, Матероде́во, возлюби́; Его́же нам подража́ти моля́щи не преста́й, Всепе́тая.

Зако́ны но́выя дая́й на земли́ Творе́ц, блаже́нств нача́тки даде́, «ни́щии», глаго́ляй, «блаже́ни и пла́чущии», и́хже нам исполня́ти моли́ся.

Бо́га челове́ком, Чи́стая, ро́ждши, воплоще́нна от чи́стых крове́й Твои́х, моли́ страсте́й мя изба́вити, согреше́ний и вся́кия ско́рби.

Изми́ ны, Богороди́тельнице, вся́каго преще́ния и лю́тыя му́ки и огня́ ве́чнующа, я́же угото́вашася преступа́ющим зако́ны Христо́вы.

Песнь 5

Услы́шах проро́ка, «на вся́ку нощь», ре́кша, «измы́ю слеза́ми посте́лю мою́»⁸⁵, и изуми́хся, сего́ ра́ди ве́рою, Всесвята́я, зову́: даждь ми

слез то́ки, е́же спасти́ся.

Ум, ду́шу и те́ло омертви́х, Отрокови́це, грехо́м, возста́ви, молю́ся, ум мой на покая́ние, на труды́ досто́йныя те́ло, да веселя́ся велича́ю Тя.

Одожди́ ми́лости ка́плю ми, Де́во Богороди́тельнице, и грехи́ моя́ мно́ги изгла́ди, язв стру́пы и о́бразы тех в коне́ц потребля́ющи.

Истека́ют помышле́ний нечи́стых то́ки от всеокая́ннаго се́рдца моего́, и испуща́ют уму́ злосмра́дие, но сия́ изсуши́, Богома́ти, молю́ Ти ся.

Песнь 6

Ирмос: Пла́вающаго в молве́ жите́йских попече́ний,с корабле́м потопля́ема грехи́ и душетле́нному зве́рю примета́ема, я́ко Ио́на, Христе́, вопию́ Ти: из смертоно́сныя глубины́ возведи́ мя.

Раб греха́ от самовла́стнаго моего́ нра́ва бых окая́нно, но к Тебе́ госпо́дственно, Госпоже́ мое́й, у́мне взем душе́вныя зе́ницы, изба́вити

мя от ра́бства страсте́й молю́ся.

Угаси́х свети́льник и чистоты́ свещу́ де́лы тьмы и скве́рны, но возвра́щся к Тебе́, Пречи́стей, молю́ся: слеза́ми мои́ми па́ки и воздыха́ньми ту́ю возжзи́.

Благода́тей реко́ и Све́та невеще́ственна прия́телище, ума́ моего́ движе́ния облагода́тствуй, Влады́чице, и мра́чныя ти́ны мирски́я изба́вльши, озари́ и просвети́.

О, стра́ннаго нра́ва! Ка́ко пло́ти ра́ди непотре́бен быва́ет Боже́ственный о́браз Влады́чень, и па́ки той же ра́ди с боле́знию просвеща́ется? Сие́ та́инство, Де́во, Рожде́ннаго от Тебе́ ту́не бысть.

Седален, глас седьмый. Подобен: Иже мене́ ра́ди Претерпе́вый:

Всеще́драго Го́спода о нас умоли́ изба́вити ду́ши на́ша от вся́кия се́ти зми́евы.

Песнь 7

Ирмос: Пещь о́троцы огнепа́льну дре́вле росоточа́щу показа́ша, Еди́наго Бо́га воспева́юще и глаго́люще: «Превозноси́мый отцо́в Бо́же и препросла́влен».

Спасти́ мир из Тебе́ Влады́ка щедро́тством прии́де, те́мже моля́щи не преста́й всегда́ о всех нас пою́щих Тя.

Дея́ние доброде́тельное изря́дно есть безве́стное и сокрове́нное, его́же и Бог прие́млет неви́димо; сего́ мя сподо́би о́бщника бы́ти, Всеблагослове́нная.

Грехо́в мои́х бре́мя и тяготу́ облегчи́, я́ко Блага́я, к Сы́ну Твоему́, Де́во, взыва́юща: превозноси́мый отце́в Бо́же и препросла́вленный.

Укрепля́ется вся́ка́ душа́ поще́нием и утучня́ется ми́лостию, слеза́ми же напоя́ется; сего́ ра́ди, Чи́стая, молю́ся: те́ми ду́шу мою́ уясни́.

Песнь 8

Непоро́чен никто́же от челове́к, а́ще у́бо

есть сему́ и день еди́н в житии́; аз же, состаре́выйся во гресе́х, ника́коже вся́кия зло́бы возненави́дех. Тем уще́дри мя, покая́нием уцелому́дри и спаси, Богоро́дице.

Сле́зы ми даждь умиле́ния, Де́во, я́коже гво́здие зла́то в окая́нную мою́ во́нзши ду́шу, да и́мам вы́ну па́мять и труд злых слове́с и дея́ний; Ты бо еси́ приста́нище обурева́емых, и ненаде́жных наде́жда и предста́тельство.

Нзба́ви мя от ви́димых и неви́димых враг, от бед, напа́стей, боле́зней и искуше́ний разли́чных, Нескве́рная, окая́ннаго и всестра́стнаго раба́ Твоего́, пою́ща: вся дела́ Госпо́дня, Го́спода по́йте и превозноси́те во вся ве́ки.

Бе́здну страсте́й мои́х, Богороди́тельнице, ка́ко покая́ние изсуши́т, а́ще не вве́ржется ми и огнь у́мный, его́же воврещи́ весть Христо́с, Сын Твой, в ду́ши всегда́. Сего́ моли́ ча́сти спасе́нных сподо́бити смире́нную мою́ ду́шу.

Песнь 9

Ирмос: Не тле́ния искуше́нием ро́ждшая и Всехитрецу́ Сло́ву плоть взаимода́вшая, Ма́ти Неискусому́жная Де́во Богоро́дице, прия́телище Нестерпи́маго, село́ Невмести́маго Зижди́теля Твоего́, Тя велича́ем.

Не соблюды́й, Влады́чице, о́браза неврежде́нное, его́же человеколю́бно восприя́т от Зижди́теля моего́, вся́чески испо́лнен бых зло́бы; еди́на сло́вом Творца́ прие́мшая и ро́ждшая нетле́нно, спаси́ мя.

О, сове́та вражде́бнейша! о науче́ния лю́та, его́же потерпе́х, Богороди́тельнице! о, безме́рных мои́х зол! Препре́н бых безу́мно и низведо́хся пло́ти сладостра́стием, и приидо́х в поги́бель.

О, кий страх и тре́пет бу́дет, Нескве́рная, егда́ ся́дет Созда́тель суди́ти вся́ческая! О, ка́ко уви́жду моя́ дея́ния безме́стна, го́рько осужда́ющая окая́нную ду́шу мою́! Пре́жде да́же не дости́гну конца́, спаси́ мя.

Якоже от сна и пия́нства мно́га, возни́кни, душе́, от нераде́ния и небреже́ния моего́, и ле́ности испраздни́вшися и вся́кое оцепене́ние тя́жкое отря́сши, а́ще и по́зде, лу́чшу себе́ сотвори́.

Стихиры, глас седьмый. Подобны: Днесь бдит Иу́да:

Ра́дуйся, не́бо, преми́рнаго ли́ка честне́йшее, све́тлыми доброде́телей, Де́во, свеща́ми и благода́тей Боже́ственных уясня́емо, от него́же пра́вды нам возсия́ Со́лнце, и день незаходи́мь све́том Свои́м соде́я во спасе́ние всех челове́ков.

Ра́дуйся, Ма́ти еди́на безму́жная, в ма́терех чисто́тствующая и е́же от ма́терей проти́ву дев иму́щая естество́, чуде́с всех нове́йшее чу́до! Ра́дуйся, Де́во, еди́на нетле́нна в де́вах Роди́тельнице, и е́же от дев нося́щая проти́ву ма́терей, зна́мений всех ужа́снейшее глаго́лание.

Ра́дуйся, ста́кти благово́ннейшая; ра́дуйся, кинамо́не честны́й; фимиа́ме, ра́дуйся, из рая́ мы́сленна при́сно иска́паяй; ра́дуйся, Боже́

ственный на́рде, Яже от валсамоде́лия⁸⁶ Твоего́ мироуха́нна Ми́ро ро́ждшая многоце́нное Христа́, Имже ца́рственное свяще́нство помазу́ется.

Приклони́ мне тре́бующу любоблаго́е у́хо Твое́, и не отве́ржи от лица́ Твоего́, Всенепоро́чная, и не дале́че поели́ от Твоея́ по́мощи;

ле́стию бо лука́вый тщи́тся мене́ погуби́ти, безслове́сными страстьми́ се́рдце мое́ движа́; Ты же мя соблюди́ всего́ вре́да его́ неприча́стна.

Канон Пресвятей Богородице в понедельник

Творение Климентово, якоже зрится в последних Богородичнах

Песнь 1

Ирмос: Истря́сшему Бо́гу фарао́на в мо́ри Чермне́м, песнь побе́дную пои́м, я́ко просла́вися.

Бо́га, обно́вльшаго Ада́ма пра́отца, преслуша́нием впа́дша в тле́ние, младоноси́ла еси́, Нескве́рная.

Умерщвле́нный мой ум, Непоро́чная Ма́ти, де́йствием Живота́ воскреси́, Иже от Тебе́ вои́стинну воплоти́вшася.

Бдагословя́щии Тя ве́рно от Бо́га я́ве благословля́ются, благослове́ния бо Плод родила́ еси́, еди́на Богоневе́сто.

Приклони́ ко мне любоблаго́е у́хо Твое́, прося́щу Тя, Всепе́тая, и пода́ждь искуше́ний и бед избавле́ние.

Песнь 3

Ирмос: Утверди́ся ве́рою Христо́ва Це́рковь, не́бо непреста́нно пе́сньми вопие́т, пою́щи: Свят еси́, Го́споди, и Тя пое́т дух мой.

Тя Де́ву во о́бразе, я́ко ски́нию свиде́ния законополо́жнику Бог предпоказа́: жили́ще бо была́ еси́ Святя́щаго вся́ческая.

Ви́дено бысть ше́ствие Бо́га Неви́дима, в Тебе́, Де́во, неизрече́нно вопло́щшася, престо́л бо была́ еси́ все́ми Ца́рствующаго.

Зе́млю чи́стую и святу́ю ве́мы, Отрокови́це, Тя, безсе́менно кра́сный нам прозя́бшую Клас, ве́рою пита́ющ и любо́вию Тебе́ блажа́щия.

Разреше́ние нам долго́в подава́й ма́терними Твои́ми мольба́ми, Всенепоро́чная: Бо́га бо родила́ еси́, мир осужде́ния изба́вльшаго.

Песнь 4

Ирмос: Услы́шах слух Твой и убоя́хся, разуме́х дела́ Твоя́ и ужасо́хся, Го́споди.

Услы́ша Авваку́м Тя, Нескве́рная, го́ру Ду́ха, се́ньми преосия́нную, из Тебе́ бо яви́ся Бог Сло́во воплоща́емь.

Красну́ Тя и добро́тами украше́ну Жени́х обре́т, в Тебе́ всели́ся и Богоро́дицу Всечестну́ю соде́ла.

Услажда́ется правосла́вных собо́р, воспева́яй Тя я́ко Богома́терь, Всенепоро́чная, и со а́нгелом Тебе́ зовы́й: «ра́дуйся».

Прево́диши на благоволе́ние, Влады́чице, кля́тву Ада́мову, ро́ждши нам Христа́, к Нему́же вопие́м: сла́ва си́ле Твое́й, Го́споди.

Песнь 5

Ирмос: Утренюет дух мой к Тебе́, Бо́же, зане́ Свет еси́,

и Твоя́ повеле́ния бы́ша исцеле́ния рабо́м Твои́м, Человеколю́бче.

Храм показа́лася еси́ освяще́н Вседержи́теля, Твое́ бо чре́во чи́стшее небе́с обре́т Влады́ка, в Тебе́ водвори́ся, Богома́ти Нескве́рная.

Благоле́пие Твое́, Госпоже́, и добро́ту сладча́йшую возлюби́вый Влады́ка, в Тя, Де́во, всели́ся.

Иже Богоро́дицу испове́дающии Тя непрее́мнаго Ца́рства и наслажде́ния улучи́ти Тобо́ю да сподо́бятся.

Благослове́нная и Препросла́вленная Ма́ти Неискусому́жная, умерщвле́нную грехми́ мою́ ду́шу и страсте́й хище́ньми погребе́нную,

сию́ оживотвори́.

Песнь 6

Ирмос: Ио́на из чре́ва а́дова вопия́ше: «Возведи́ от тли живо́т мой»; мы же Тебе́ вопие́м: всеси́льне Спа́се, поми́луй нас.

Добро́та а́нгел святых, ра́дость всех челове́к еси́, Чи́стая, зане́ родила́ еси Бо́га Преве́чнаго.

Киво́т, зако́на скрижа́ли прие́мый, прописа́ше Тя, Богоро́дицу, я́ко Сло́во Бо́жие я́вльшую, во чре́ве Твое́м нас ради воплоща́ема.

Емману́ила сугу́баго естество́м родила́ есй, Матероде́во, Всесоверше́нное Сло́во и Бо́га воплоще́нна, избавле́ние нам да́рующа.

Вода́ми духо́вными напоя́еши вся, Присноде́во Отрокови́це, точа́щи я́ко исто́чник благоутро́бие, те́мже уще́дри мя и поми́луй.

Седален, глас седьмый. Подобен: Превозшла́ еси́:

Предста́тельство христиа́н Ты еси́, и напа́стей изба́ви к Тебе́ прибега́ющия, Богоро́дице. Сего́ ра́ди вопие́м: не пре́зри пою́щих Тя.

Песнь 7

Ирмос: В пещь о́гненную вве́ржени преподо́бнии о́троцы, огнь в ро́су преложи́ша, воспева́нием си́це вопию́ще: «Благослове́н еси́, Го́споди Бо́же оте́ц на́ших».

Су́щия в пещи́ о́гненней Рождество́ Твое́ дре́вле у́бо спасе́, ны́не же ны па́че сло́ва Его́ прише́ствием, «благослове́н еси́», пою́щия, «Бо́же оте́ц на́ших».

Осужде́нна Ада́ма и сме́ртию содержи́ма, Ада́м вторы́й, Всечи́стая, Тобо́ю поми́ловав, взыва́ет, «благослове́н еси́», вопию́щаго, «Бо́же оте́ц на́ших».

Богооте́ц у́бо Дави́д сла́ву Твою́ напису́ет и Тя тва́ри Цари́цу я́ве провозвеща́ет, предстоя́щую одесну́ю, Всенепоро́чная, Бо́га оте́ц на́ших.

Непостижи́мое Рождество́ Твое́ славосло́вим, Имже сме́рти изба́вихомся, рожде́ннии от Него́ в нетле́ние, «благослове́н еси́», зову́ще, «Бо́же оте́ц на́ших».

Песнь 8

Ирмос: Еди́наго Безнача́льнаго Царя́ Сла́вы, Его́же благословя́т небе́сныя си́лы, и трепе́щут чи́ни а́нгельстии, по́йте свяще́нницы, лю́дие превозноси́те Его́ во ве́ки.

Страсте́й пещь опаля́ет мя, Де́во, и потребля́ет оге́нм сласте́й: предвари́вши, сострада́ния Твоего́ росо́ю ту угаси́ и пода́ждь души́ мое́й

отра́ду изве́стную.

Украше́н доброде́тельми всеразли́чными, и уясне́н храм Вы́шняго ве́мы Тя, Всесвята́я, воспева́юще благоче́стно и превознося́ще во ве́ки.

Во двою́ естеству́ Еди́наго Тро́ицы боголе́пно без Се́мене родила́ еси́ Спа́са ми́ру; те́мже Тя ве́рнии, Богома́ти, любо́вию превозно́сим во

ве́ки.

Непостижи́мый и всех Влады́ка, Его́же небеса́ не мо́гут вмести́ти, вмеща́ется, Де́во, во чре́ве Твое́м; те́мже Тя ве́рнии любо́вию пре

возно́сим во ве́ки.

Песнь 9

Ирмос: Всепе́тая, небе́с Превы́шшая, Безначальное Сло́во безсе́менно Заче́ншая, и воплоще́ннаго Бо́га Ро́ждшая челове́ком; тем Тя вси велича́ем.

Рождество́ Твое́ е́же па́че естества́, Богоро́дице, изумля́ет а́нгелы, диви́т челове́ки, всем бо неизрече́нно и непости́жно есть, его́же воспева́юще благоче́стно, Тя сла́вим.

Поми́ловано ныне бысть Тобо́ю челове́чество, Дево́, по ипоста́си су́щне Сло́ву соедине́нное и воздая́нием Божества́; те́мже Тя вси

при́сно велича́ем.

Умерщвле́ния и тле́ния моего́ ри́зы отъя́ла еси́, Пречи́стая, спасе́ния Ри́зу, воплоще́ннаго Бо́га ро́ждшая челове́ком, те́мже Тя вси при́сно велича́ем.

Преесте́ственно, Богома́ти, была́ еси́ вресноту́ Царя́ всех жили́ще и златови́дный зако́на ковче́г, Законода́вца внутрь иму́щ, воплоще́ннаго Бо́га.

Стихиры, глас седьмый. Подобны: Не ктому́ возбраня́еми есмы́:

Ра́дуйся, заре́, вели́кое Со́лнце в ми́ре нося́щая, Иже просвети́л есть, Чи́стая, спя́щия во тьме.

Ра́дуйся, Юнице, ро́ждшая Тельца́ непоро́чна и совоку́пльшая земны́м небе́сная.

Ра́дуйся, хра́ме богоукраше́нный Христа́ Бо́га; ра́дуйся, ве́ры анки́ро; ра́дуйся, добро́то многовожделе́нная.

Мно́гое мно́жество обурева́ет ду́шу мою́ обстоя́ний, и от всех мя, Богоро́дице, свобо́дна яви́.

Канон Пресвятей Богородице во вторник

Творение Митрофана Смирнскаго, егоже краегранесие: Всецари́цу благословля́ю ныне седми́жды

Песнь 1

Чи́нове а́нгельстии, Всенепоро́чная, я́ко вои́стинну и госпо́дственно Ма́терь Тя Бо́га всех чтут, но и ны́не от бре́нных мои́х усте́н приими́ песнь моле́бную.

Со́лнце от Со́лнца, непостижи́мое Сло́во безле́тно облиста́вшее, в ле́то возсия́ла еси́, Его́же луча́ми, Де́во, просвети́ и вразуми́ ду́ши

на́ша.

Умертви пло́ти моей еще́ живу́щую зло́бу, Жизнь ро́ждши и́стинную, Всенепоро́чная, согреше́ний же и страсте́й пода́ждь избавле́ние,

Чи́стая, рабу́ Твоему́.

Подоба́ет Ти, Богоро́дице, похвале́ний сло́во, вы́ну де́йствуемо, мы же мо́лим: спаси́ от вся́кия ско́рби жите́йския к Тебе́ прибега́ющих.

Песнь 3

Воздая́й до́лги раболе́пно и доброразсу́дно благода́тей Твои́х, Влады́чице, те́пле Тя воспева́ю, Ма́ти Нескве́рная Сло́ва, всех Изба́вителя; но и ны́не изми́ мя я́же в житии́ обстоя́ний.

Умерщвле́на Ада́ма преслуша́нием дре́вле, лу́чшия жи́зни, Живонача́льное Сло́во ро́ждши, Влады́чице, я́ве сподо́била еси́, но и ны́не мя от сме́рти грехо́вный свободи́.

Вы́ю вознося́й всестра́стный пло́ти зако́н, ны́не угнета́ет зако́н духо́вный, и к лютым ум мой, Всенепоро́чная, по́хотем сре́ет⁸⁷; но безстра́стия мир ско́ро пода́ждь ми Твои́ми моли́твами.

Несказа́нно во чре́ве Содержи́теля всех заче́нши Христа́, Всечи́стая, земноро́дных существо́ разреши́ла еси́ от а́дова одержа́ния; но и ны́не многоплете́нныя се́ти зави́дящих мя растерза́й.

Песнь 4

Нощеборю́ся со тьмо́ю лю́тых, по́мыслом омрачи́хся, о две́ре Све́та! Све́тлостьми Твои́ми мя озари́, и го́речи вско́ре изми́ скорбе́й.

Грехо́в мно́жеством содержи́мь и плени́цами искуше́ний зело́ окова́н, по́мощь ны́не Твою́, Влады́чице, призыва́ю, избавля́ющу вся́каго озлобле́ния.

Со́нмы лю́тых и злых, лука́вых же и зави́дящих челове́к сове́ты расто́ргни, Пречи́стая, и вся́кия мя напа́сти жите́йския изба́ви и ско́рби.

Развраще́ния лжи́вых слове́с и я́же на мя сострое́ния ору́жием мо́литв Твои́х ссецы́, Влады́чице, и ско́ро разори́, и вся́кия мя изба́ви напа́сти и ско́рби.

Песнь 5

Ирмос: Нощь не светла́ неве́рным, Христе́, ве́рным же просвеще́ние в сла́дости слове́с Твои́х; сего́ ра́ди к Тебе́ у́тренюю и воспева́ю Твое́ Божество́.

Необори́ма стена́ су́щи ве́рным, покро́в бу́ди рабу́ Твоему́, и вся́кий лю́тыя, Де́во, изми́ печа́ли и озлобле́ния.

Боля́й зело́ и обою́ду лю́те озло́блен, Всечи́стая, души́ здра́вие от Тебе́ да прииму́ Твои́ми моле́нии, ку́пно и телесе́.

К пучи́не, Де́во, щедро́т Твои́х и ны́не прибе́гнувый раб Твой, обдержа́ща мя сове́та непра́ведна да изба́влюся и кова́рствия.

Высока́ Твои́х сла́ва моле́ний повсю́ду, Матероде́во Нескве́рная, и́миже мя и ны́не вся́каго изба́ви е́же в житии́ обстоя́ния.

Песнь 6

Ирмос: Пла́вающаго в молве́ жите́йских попече́ний, с корабле́м потопля́ема грехи́, и душетле́нному зве́рю примета́ема, я́ко Ио́на, Христе́, вопию́ Ти: из смертоносный глубины́ возведи́ мя.

Бесе́ды и словеса́ всех ве́рных Тя благохва́лят, я́ко весь долг челове́ч рождество́м Твои́м Я́ве отда́вшую; но и ны́не певца́ Твоего́

приими́, и от вся́ких напа́стей и бед изба́ви.

Боле́знующа мя, и те́рнием страсте́й и согреше́ний стрека́ема, и и́щуща е́же от Тебе́ исцеле́ния, вся́кия боле́зни и печа́ли изба́ви, Все-

непоро́чная, искуше́ний же изми́ и скорбе́й.

Земноро́дных естество́ на не́бо, Богоро́дице, я́ве возвела́ еси́, Царя́ Сла́вы бы́вши пала́та; сего́ ра́ди мя из глубины́ мно́гих грехо́в, искуше́ний же и страсте́й возведи́.

Вопло́щшееся Сло́во па́че ума́ и словесе́, Де́во Чи́стая, сло́вом породила́ еси́, безслове́сия нас изба́вльшее; сего́ ра́ди Боже́ственными

словесы́ непреста́нно Тя песносло́вим и ве́рно сла́вим.

Седален, глас седьмый. Самогласен

Богоро́дице Де́во Нескве́рная, Сы́на Твоего́ с вы́шними си́лами моли́ согреше́ний проще́нию ми пре́жде конца́ дарова́тися, ве́рно Тя

сла́вящу.

Песнь 7

Преукраше́на ря́снами чистоты́, Отрокови́це Нескве́рная, душе́вныя моея́ ны́не преложи́ зло́бы студ к добро́те Боже́ственней, Благослове́нная Влады́чице и предста́тельство ро́да на́шего.

Юно́тствуют⁸⁸ и ны́не зело́ бе́си отмсти́телие, и огнь страсте́й пригнеща́ют ми; но па́че светлостьми́ щедро́т Твои́х в коне́ц сих попали́, предста́тельство ро́да на́шего.

О нас Сы́на Твоего́ моли́ти, Нескве́рная Ма́ти Бо́жия, отню́д не преста́й проше́ньми Твои́ми, скорбе́й челове́ческих изыма́ющи и лю́тых всех Твоя́ моли́твенники.

От страсте́й нас, Чи́стая, мучи́тельства изба́ви всех, я́ко да спаса́еми пое́м Сы́ну и Бо́гу Твоему́, Де́во Ма́ти, «благослове́н еси́», вопию́ще, «Бо́же оте́ц на́ших».

Песнь 8

Ирмос: Вои́стинну су́щаго Бо́га, и всех существа́ вино́внаго, Христа́ превозно́сим, и славосло́вим во вся ве́ки.

Тьмы вои́стинну страсте́й и многообра́зных, Влады́чице, лю́тых обыдо́ша моле́бника Твоего́, но изми́ мя вся́ческаго наве́та.

Да прии́дет ны́не на ны держа́вная Твоя́ длань, Влады́чице, и от челове́ческия печа́ли ча́емыя изба́вит.

Се́ти лука́вых и злосове́тных челове́к сокруши́, Богороди́тельнице Чи́стая, и раба́ Твоего́ вся́ческих лю́тых изба́ви.

Яко еди́но ве́рных Боже́ственное приста́нище, Мари́е Всечи́стая, молю́ Тя изъя́ти мене́ я́же в мо́ри жите́йстем го́рькия бу́ри.

Песнь 9

Ирмос: Па́че естества́ Ма́терь и по естеству́ Де́ву, еди́ну в жена́х благослове́нную, пе́сньми ве́рнии Богоро́дицу велича́ем.

Отскочи́вый я́ко жребя́ от за́поведей Влады́чних, уздо́ю моле́ний Твои́х да возвлачу́ся, Пречи́стая, к путе́м состоя́ния тщали́вейша.

Рыда́ю зело́, низполза́яйся безсове́тно к дело́м лука́вным греха́; изба́ви мя, Богоро́дице, о́браза го́ршаго.

Иселе́ние пре́жде я́вльшися существа́ челове́ча, исцели́ла еси́ сокруше́ние Ада́мле и Евино; исцели́ и мене́, Богоро́дице, Твои́ми моли́твами.

Целому́др ум пода́ждь ми и се́рдце чи́сто, и нрав внима́телен, да соблюда́ю, Влады́чице, честны́я за́поведи Бо́га на́шего.

Стихиры, глас седьмый. Подобны: Не ктому́ возбраня́еми есмы́:

Ра́дуйся, Бо́га неизрече́нно поро́ждшая, обожи́вшаго сни́тием Свои́м челове́ка, Отрокови́це.

Ра́дуйся, ми́ра всего́ сла́вное прибе́жище, а́нгел же и челове́к наро́читое слы́шание.

Ра́дуйся, Матероде́во Благослове́нная, Свет ми́рови па́че смы́сла и словесе́ пло́тию ро́ждшая.

Яко по́мощи ины́я ра́зве Тебе́ не и́мам, моли́твенник Твой, к Тебе́ припа́даю, Богороди́тельнице: ту́не спася́ мя.

Канон Пресвятей Богородице в среду

Творение Святаго Андрея Критскаго

Песнь 1

Ирмос: Ма́нием Твои́м на земны́й о́браз преложи́ся пре́жде удоборазлива́емое водно́е естество́, Го́споди; те́мже немо́кренно пешеше́ствовав Изра́иль, пое́т Тебе́ песнь побе́дную.

Пе́рвее в вы́шних, страсте́й вознеду́говав мне́нием зле́йшим, де́мон гордели́вно паде́; Ты же, Всепе́тая Богоро́дице, от сего́ нас изба́ви, смире́нием соблюда́ющи.

Словеса́ хуле́ния и помысло́в нечи́стых от еди́на мне́ния истека́ют, Всенепоро́чная; Ты у́бо росо́ю ми́лости Твоея́ зол мои́х прохлади́, Блага́я, пото́ки.

Ве́лие нестяжа́ния бога́тство неги́блемо есть, Христу́ обнища́вшу и стра́нну бы́вшу; си́це житие́ исправля́ти, Де́во, и мы от Него́ наказу́емся.

Струя́ми Иорда́нскими обно́вль естество́ Христо́с, нам подаде́ креще́ние, Богоневе́стная, его́же оскве́рнше, увы́, креще́нием сле́зным

очища́емся.

Песнь 3

Ирмос: В начале небеса́ всеси́льным сло́вом Твои́м утвержде́й, Го́споди Спа́се, и вседе́тельным и Бо́жиим Ду́хом всю си́лу их, на недви́жимей мя ка́мени испове́дания Твоего́ утверди́.

Покая́нию вся́ко зло и всяк грех повину́ется; Богоро́дице, всех наде́ждо; того́ путьми́ ны напра́ви, я́ко да возыме́вших е́ смире́нно подража́юще, грехо́в разреше́ние улучи́м.

Покая́нием разбо́йник, воздыха́ньми мыта́рь, слеза́ми блудни́ца до́бре Бо́га уми́лостивиша, аз же еди́ну на Тя, Богома́ти, призыва́ю

наде́жду, е́юже му́ки изба́влюся.

Ле́ствица, ю́же ви́де Иа́ков, Сама́ еси́, Де́во: прообрази́ла у́бо еси́ доброде́телей чин, дея́ние и восхо́д. Те́мже и нам подава́й чрез пя́тый ея́

восходи́ти степе́нь⁸⁹, чу́вствия очища́ющим.

Предсказу́я Гедео́н Твое́, Де́во, та́инство, на руно́ привлече́ ро́су небе́сную иногда́; Ты же ми от слез росе́ низпосла́тися Бо́га моли́, да

руно́ мое́ Ду́ха испо́лню.

Песнь 4

Ирмос: Отча не́дра не оста́вль, и соше́д на зе́млю, Христе́ Бо́же; та́йну услы́шах смотре́ния Твоего́ и просла́вих Тя, еди́не Человеколю́бие.

Всесве́тлая, радостотво́рная и скверн чисти́тельная, пла́ча воззва́ние иму́щая и весе́лия Де́лательнице, бу́ди ми в соблюде́ние.

Юно́шески⁹⁰ гне́ва и я́рости го́речь вся́ку умиле́ния изгоня́ет слеза́, е́юже я́ко ри́зою и мне облещи́ся, Пречи́стая, помоли́ся.

Словеса́ прему́дрых я́сно глаго́лют, я́ко и́ну от всех ничесо́муже ра́дуется Госпо́дь, я́ко гре́шнаго исправле́нию; сего́ ра́ди, Пречи́стая, Ты мя испра́ви.

Впады́й в согреше́ния мно́га, недоуме́ю, ко́его пла́чуся пе́рвее, но вся забы́вый, Богоневе́стная, к те́плому Твоему́ прибега́ю заступле́нию.

Песнь 5

Реко́ша Боже́ственная и самои́стинная уста́, я́ко лжец еди́н диа́вол есть; убежи́м у́бо лжи, да проше́ньми Всечи́стыя ча́да и́стины бу́дем.

Рече́ Христо́с Петру́: «Се́дмьдесят крат седмери́цею подава́й проще́ние согреша́ющим», мне же, Богоневе́стная, моли́ про́чее прости́ти, егда́ я́ко Судии́ Сему́ предста́ну.

Сво́йственная Влады́чня суть благосты́ня, ми́лость, благоутро́бие: ще́дрит я́ко Благоутро́бен, проща́ет грехи́ я́ко Ми́лующ, и промышля́ет я́ко Благ о е́же спасти́ся всем, Богома́ти.

Влады́чице Богоро́дице, вопло́щшая Творца́ моего́, и Соде́теля ро́ждшая, не оста́ви мя, и заступле́ния Твоего́ дале́че не отосли́, молю Ти ся.

Песнь 6

Ирмос: Пла́вающаго в молве́ жите́йских попече́ний, с корабле́м потопля́ема грехи́ и душетле́нному зве́рю примета́ема, я́ко Ио́на, Христе́, вопию Ти: из смертоносный глубины́ возведи́ мя.

Мно́жество а́нгел, херуви́м, престо́лов и у́мный весь чин я́ко превы́шшую их, Богома́ти, Тя велича́ют, мы же земни́и и до́льнии, грехо́в

от Тебе́ оставле́ния испроша́ем.

Небе́с еси́ и всея́ земли́ ши́ршая и всех тва́рей святе́йшая, и кто возмо́жет досто́йно воспе́ти Тя? Оба́че произволе́ние мое́ прие́мли

и согреше́ний, Чи́стая, подава́й ми проще́ние.

Око пролия́вшееся⁹¹ и зри́мыми отреша́емо, уму́ не оставля́ет в восхожде́ниих премину́ти к созерца́ния высоте́, но па́че, Богороди́тель-

нице, к плотски́м низвлачи́т его́ многоча́стным страсте́м.

Соломо́н в кни́зе пе́сненней жениха́ и невесты́ пропису́ет бесе́ду, Бо́га и души́ объявля́я соедине́ние. Си́це сочта́тися и мне моли́ Иже из

Тебе́, Чи́стая, безсе́менно Произше́дшему.

Седален, глас седьмый. Подобен: Плод чре́ва:

Ника́коже и́нуде упова́ем на́шего спасе́ния обрести́, Пренепоро́чная, а́ще не от Тебе́ по́мощи ско́ро улучи́м, те́мже Тя велича́ем.

Песнь 7

Ирмос: Пещь о́троцы огнепа́льну дре́вле росоточа́щу показа́ша, Еди́наго Бо́га воспева́юще и глаго́люще: «Превозноси́мый отцо́в Бог и препросла́влен».

Устне́ к пе́нию движа́ проро́к, привлече́ Ду́ха, я́ко пи́сано есть, аз же сия́ отверза́яй, буесло́вная отрыга́ю, но Ты мя уцелому́дри жела́нием Твои́м.

Нощь мя глубо́кая содержи́т согреше́ний, и воззре́ти не могу́

к покая́ния све́ту, Богоневе́сто, но Ты воздви́гни те́плою Твое́ю моли́твою

ко умиле́нию.

Безпло́дная яви́хся смоко́вница аз, Богома́ти, и бою́ся изрече́ния посека́тельна, но Ты ми исхода́тайствуй и ны́не пожда́ние, я́ко да

осы́плю себе́ в гно́я ме́сто слеза́ми.

О, ка́ко понесу́ огнь гее́нский! О, ка́ко стерплю́ че́рвия и скре́жет зубны́й, Всепе́тая! Но Ты мя изба́ви те́плым Твои́м моле́нием к Вы́шнему.

Песнь 8

Воздохни́, душе́, и от среды́ се́рдца го́рький глас испусти́ и жа́лостный к Богома́тери: поми́луй, Чи́стая, па́че всех челове́к согреши́вша, изба́ви гее́нны и тьмы ве́чныя, и десна́го мя предста́теля сотвори́.

Трезвя́щееся ми даждь се́рдце и о́ко смы́сла бо́дренно, бдя́щее же и ча́ющее, в час, его́же не мню, во тьме нощне́й приходя́ща Бо́га. Черто́га Его́ сподо́би, Чи́стая, доброде́телей свещу́ возжже́ну стяжа́вшия.

Троичен: Держа́ва Еди́наго Богонача́лия еди́на есть, неразде́льно дели́ма и несли́тно соединя́ема: Оте́ц вина́ и исто́чник Иже от Него́ Сы́на и Ду́ха происходя́щих. Сию́ согла́сно ве́рнии песносло́вим и славосло́вим во вся ве́ки.

По́мощь бу́ди, Де́во, к Тебе́ притека́ющу и ве́рою вопию́щу: поми́луй, Блага́я, и очище́ние согреше́ний пре́жде конца́ пода́ждь ми,

и в час конца́ спасе́ние, и по конце́ поко́й соверше́нный.

Песнь 9

Глаго́лы оте́ц Боже́ственных, Чи́стая, наставля́ют ны: отложе́ние зло́бы покая́ние есть и по сем удруче́ние, поще́ние, бде́ние, сокруше́ние се́рдца и плач очище́н, и́хже да́руй ми, Ма́ти Де́во.

Стра́шный день Влады́чень уже́ настои́т, ты же спи́ши, душе́ моя́, о́ле неразу́мия твоего́! Потщи́ся, воста́ни, слези́ боле́зненно и возопи́й

Де́ве, поро́ждшей Христа́: Богоро́дице, Ты мя уще́дри.

Жития́ ны́не, душе́ моя́, нощь належе́, гро́зный у́бо день истяза́ния соде́янных приближа́ется. Убо́йся суди́ща, ему́же предста́ти и́маши, сего́ ра́ди воззови́: спаси́ мя, Влады́чице.

Ты мне Засту́пница еси́ и прибе́жище, Ты весе́лие, Де́во, и Боже́ственная похвала́; изми́ мя вся́каго греха́, смертоно́снаго гне́ва, вре́да и бед, и бу́дущия стра́шныя му́ки.

Стихиры, глас седьмый. Подобны: Днесь бдит:

Ра́дуйся, сладкоуха́нная я́блонь, я́же от цве́тов де́вства Ши́пок чермны́й прозя́бшая благово́нный; ра́дуйся, кри́не Боже́ственный,

от него́же Бог кри́ны се́льныя пе́стрым одея́нием пло́ти непря́денным облече́, багряни́цу покрыва́ющим Соломо́ню; ра́дуйся, цве́те, вся́каго ша́ра пестро́тнейший⁹².

Ра́дуйся, цари́ц Цари́це, ро́ждшая Царя́ ца́рствующих, Его́же Ца́рство Ца́рство есть всех веко́в; ра́дуйся, сме́рти ца́рство побе́ждшая

и Ца́рство отве́рзшая, жи́зни хода́тайственное; ра́дуйся, Мариа́ме Всецари́це, Юже ца́рие почеству́ют.

Ра́дуйся, ле́гкий о́блаче, воздухови́ден же и тонча́йш, и́же телесе́ Своего́ зе́мленое и тяготе́ющее от чистоты́ Ве́рха обогаща́яй, на не́мже

Христо́с воссе́д, я́ко Иса́ия рече́, в Еги́пет сни́зшел и сего́ и́долы сокруша́л, и к богоразу́мию пресочта́л есть.

Испо́лни се́рдце мое́ уми́ления, Отрокови́це, молю́ Ти ся, пода́ждь и души́ мое́й спаса́телен плач, я́рость мою́ на де́моны обрати́, вся́кое жела́ние ко Го́споду преложи́, в моли́твах упраздня́тися вы́ну укрепи́, я́ко да Тобо́ю живота́ улучу́ и све́тлости Боже́ственныя.

Канон Пресвятей Богородице в четверток

Творение Иоанна Евхаита

Песнь 1

Ирмос: Ма́нием Твоим на земны́й о́браз преложи́ся пре́жде удоборазлива́емое водно́е естество́, Го́споди; те́мже немо́кренно пешеше́ствовав Изра́иль, пое́т Тебе́ песнь побе́дную.

На оде́ мя ле́ности возлежа́ща многообра́зных грехо́в Сама́ возста́ви, Отрокови́це, здра́вие Боже́ственное подаю́щи, да сла́влю вели́чия Твоя́, я́ко вои́стинну Препросла́вленная.

Исцели́ души́ моея́ сокруше́ние, Богоро́дице, ю́же враг ле́стию сластно́ю стрясе́, Боже́ственными лечба́ми де́йствующи благоутро́бия Твоего́, Чи́стая, и могу́тства.

Уста́ви бу́рю страсте́й и сласте́й мои́х ве́тром Боже́ственных Твои́х моле́ний, Всенепоро́чная, я́ко да в тишине́ се́рдца славосло́влю Твою́ безприкла́дную си́лу.

Сло́во вселе́нныя, Пресло́вная Де́во, Бо́га Пресло́внаго сло́вно ро́ждшая, славы сподо́би Боже́ственныя я́ко Богоро́дицу при́сно Тя

сло́вящия.

Песнь 3

Ио́сиф дре́вле возде́ржся госпожи́ невозде́ржныя беззако́нных сласте́й, све́тлый Еги́пта царь бысть, аз же мно́гим страсте́м теле́сным

безу́мно повину́выйся, ны́не яви́хся я́ко под грехо́м ца́рствуемый.

Богома́ти Мари́е, мы́сленнаго мя Еги́пта и рабо́ты лука́ваго исхити́, моря́ рассеко́ющи лука́вых мои́х помысло́в, и на го́ру покая́ния возводя́щи и спаса́ющи.

Бегле́ц Боже́ственных заповедей безу́мным умо́м бых, и раб яви́хся страсте́й, и́миже души́ угаси́х, Блага́я, добро́ту; Ходо́таица ми я́вльшися, преклони́ся к рабу́ Твоему́.

Оскверне́н сластьми́, молю́ Тя, Отрокови́цу Нескве́рную: от вся́кия скверны́ плотски́я свободи́, и плач чисти́телен вы́ну ми да́руй,

и сле́зное гаси́ло пода́ждь пла́мене гее́нска.

Песнь 4

Ирмос: Отча не́дра не оста́вль, и соше́д на зе́млю, Христе́ Бо́же, та́йну услы́шах смотре́ния Твоего́ и просла́вих Тя, еди́не Человеколю́бче.

Богоизбра́нну еди́ну от всех родо́в пре́жде вся́кия тва́ри, естества́ удобре́ние, цвет честны́й, Де́ву Отрокови́цу воспои́м.

Просвеще́ние и сла́дость на Тя упова́ющих, ра́дости многоболе́зненное мое́ се́рдце испо́лни, подаю́щи сего́ проше́ния.

Ма́ние Твое́ яви́, Блага́я, на рабе́ Твое́м, наде́ющемся на Тебе́ от души́ и призыва́ющем Тя, всех наде́жду и похвалу́.

Неве́сто Бо́жия, приими́ мольбы́ моя́, и от вся́кия ско́рби, наве́та же, озлобле́ния и напа́стей изба́ви любо́вию пою́ща Твое́ рождество́.

Песнь 5

Ум расточе́нный мой собери́, Богоро́дице, и зре́ти ми сотвори́ моя́ я́звы, воздыха́ти и пла́ката в сих, чужди́х же оша́ятися⁹³.

Одожди́ ми состра́стия ка́плю, Отрокови́це, и грехи́ моя́ мно́гия изгла́ди, и ран стру́пы же и о́бразы, Врача́ отроди́вшая, потреби́.

Ро́ждшая Со́лнце пра́вды, о́блаче ле́гкий, о́блаки разжени́ нераде́ния моего́, и к покая́ния небеси́ отве́рсту со тща́нием мя напра́ви.

Горе́ о́ко мы́сленное на Тя возведы́й, вопию́: поми́луй, Влады́чице, ду́шу мою́, к Тебе́ взира́ющу и на ве́лию Твою́ ми́лость наде́ющуся.

Песнь 6

Ирмос: Пда́вающаго в молве́ жите́йских попече́ний, с корабле́м потопля́ема грехи́ и душетле́нному зве́рю примета́ема, я́ко Ио́на, Христе́, вопию́ Ти: из смертоносный глубины́ возведи́ мя.

Истопле́нием впад пучи́ны жите́йския посреде́, погрузи́х корабле́ц душе́вный, и погуби́х, Чи́стая, вся́кое до́брых дово́льство, но из па́губныя мя глубины́ возведи́.

От мы́сленнаго зве́ря, душетле́ннаго ки́та мя изведя́, Де́во, молю́ Ти ся, из чре́ва а́дова зва́ние мое́ услы́шавши; и да прии́дет к Тебе́, Влады́чице, моли́тва моя́; ели́ка же помоли́хся, Блага́я, возда́ждь ми.

Напа́даньми согреше́ний и прило́гми волн жите́йских обурева́ет мя и смуща́ет ве́тров противодыха́ние непреста́емых; изба́ви, Окорми́теля Бо́га Ма́ти, от смертоно́снаго ду́шу мою́ волне́ния.

Адовы мра́чныя земли́, земли́ тьмы, я́коже есть пи́сано, ве́чныя и несвети́мыя, иде́же несть све́та, ниже́ ви́дети живота́ челове́ческа⁹⁴, да не

узрю́ аз, на Тя, Влады́чице, упова́яй.

Седален, глас седьмый. Самогласен

Безсе́менно зачала́ еси́, Де́во Богороди́тельнице, Сы́на во утро́бе Твое́й, Бо́жие Сло́во и Отчее, Его́же непреста́нно моли́ о душа́х на́ших.

Песнь 7

Одожде́нием слез ороси́ олядене́вшее се́рдце мое́, и души́ моей бразды́, Отрокови́це, напо́й умиле́нием, доброде́телей ро́ждия мно́жащи.

Якоже в нощи́ преидо́х житие́, дела́ нощна́я творя́й, помраче́н душе́ю, но просвети́ мя све́том моле́ний Твои́х, Свет Боже́ственный

ро́ждши, Всепе́тая.

Стремле́ньми неоде́ржными ко греху́ долувлеко́м всегда́, я́коже раб повеле́ния пло́ти творю́, Всенепоро́чная; го́рькаго сея́ мучи́тельства изба́ви мя.

Многообра́зно лука́вый змий при́сно мне належи́т, сластьми́ и печа́льми смуща́я, но утверди́ мя, Чи́стая, на ка́мени безстра́стия.

Песнь 8

Ирмос: Неопа́льная огню́ в Сина́и прича́щшаяся купина́ Бо́га яви́ медленоязы́чному и гугни́вому Моисе́ови, и о́троки ре́вность Бо́жия три непребори́мыя во огни́ певцы́ показа́: вся дела́ Госпо́дня, Го́спода по́йте и превозноси́те во вся ве́ки.

Тя чи́сту и све́тлу и светоно́сну пала́ту Иису́сову и слове́сное Сло́ва жили́ще, одушевле́нный киво́т, небе́с ши́ршую и вы́шшую земли́, молю́, Всечестна́я Отрокови́це: спаси́ смире́нную ду́шу мою́.

Дар от нас да́вшаяся Влады́це, я́ко нача́ток естества́, моле́ния на́ша приими́, да́ры кра́сныя воздаю́щи нам, по́мощь Твою́, да ве́рою и любо́вию покланя́емся Тебе́ и Сы́ну Твоему́ во вся ве́ки.

Преклоня́емь, я́ко Благ, Сын Твой, Свои́м человеколю́бием, по́мощь на враги́ и страсте́й враче́бницу Тя подаде́ ве́рою зову́щим: вся дела́, Го́спода по́йте и превозноси́те во вся ве́ки.

Яви́ся мне ны́не в беда́х предста́тельство, в напа́стех отра́да, по́мощь во обстоя́ниих, цельбовре́яй в боле́знех исто́чник и страсте́й врачева́ние, всяк вред прогоня́ющи, Богоро́дице, да сла́влю Тя во вся ве́ки.

Песнь 9

Не лише́на сокро́вища де́вства Твоего́, Неве́сто Неискусому́жная, Ма́ти по пло́ти яви́лася еси́ Вседержи́теля, воспитова́ющи, я́ко Младе́нца, мир Пита́ющаго и Освяща́ющаго.

Незаходи́маго Со́лнца сла́вы всесве́тлый восто́че, от Нея́же преозари́хомся вси све́том ра́зума, господоимени́тая Отрокови́це, свет

о́чию мое́ю, не пре́зри мя, моле́бника Твоего́.

Любогрехо́вен сый трепе́щу, и убоя́хся, да не ка́ко коне́ц жития́ внеза́пу пости́гнет мя; Нескве́рная Де́во, предста́тельство всех оби́димых, покая́ния образми́ удобри́тися мне ны́не помоли́ся.

Грехо́в хла́дом мя измерза́юща, благоутро́бия Твоего́ теплото́ю огре́й, и к любле́нию те́плому Сы́на Твоего́ возста́ви, я́ко да те́плым

се́рдцем велича́ю Тя те́пле, раб Твой.

Стихиры, глас седьмый. Подобны: Не ктому́ возбраня́еми есмы:

Ра́дуйся, Боже́ственный кро́ве и предста́тельство чту́щих Тя, я́ко Вы́шняго Бо́га Ма́терь; ра́дуйся, Всенепоро́чная.

Ра́дуйся, Еюже ад умертви́ся и смерть упраздни́ся, Богороди́тельнице, и Ада́м спасе́ся.

Ра́дуйся, ве́рных похвало́, Всесвя́тая, ра́дуйся, Влады́чице, Бо́га пло́тию ро́ждшая.

Воздыха́юща мя приими́, я́ко Ми́лостив, и поми́луй, я́коже мытаря́, Ма́тере Твоея́ мольба́ми.

Канон Пресвятей Богородице в пяток

Творение святаго Иоанна Дамаскина

Песнь 1

Ирмос:

Поспе́шествовавшему Бо́гу во Еги́пте Моисе́ови извести́ Изра́иля, Тому́ еди́ному пои́м, я́ко просла́вися.

Боже́ственным све́том Твои́м, Блага́я, озари́ мой смысл, я́ко да вопию́ Ти ве́рно песнь благода́рственную, Мари́е Многопе́тая.

Онебеси́вшая земно́е на́ше существо́, ра́дуйся, Всенепоро́чная, Госпоже́ и Влады́чице ми́ра; ра́дуйся, Чи́стая.

Ра́дуйся, две́ре Бо́жия; ра́дуйся, Нескве́рная Ма́ти; ра́дуйся, о́блаче све́тлый, челове́ков прибе́жище; ра́дуйся, Де́во Всепе́тая.

Ра́дуйся, раю́ сла́дости, Дре́во посреде́ нося́й, Его́же причаща́ющеся, челове́цы к жи́зни неги́блемей я́ве прево́дятся.

Песнь 3

Ра́дуйся, звездо́, Со́лнце в ми́ре явля́ющая; ра́дуйся, неруши́мая стено́ ве́рою вопию́щим: Свят еси́ Христе́, и пое́т Тя дух мой.

Ра́дуйся, черто́же светоно́сный еди́наго Царя́; ра́дуйся, Де́во, покро́ве любо́вию вопию́щих: Свят еси́, Го́споди, спаса́яй ду́ши на́ша.

Угаси́ страсте́й мои́х тьму, Чи́стая Богороди́тельнице, и просвети́ мя све́том Твои́м, ве́рно пою́ща: ра́дуйся, ми́рови мо́сте и ве́лие очище́ние.

Утверди́хся Боже́ственное рождество́ уразуме́вый Твое́, и предста́тельством бога́тным Тебе́ взыва́яй: ра́дуйся, Препе́тая, всех Влады́чице.

Песнь 4

Ирмос: Услы́шах слух Твой и убоя́хся, разуме́х дела́ Твоя́ и ужасо́хся, Го́споди.

Сла́вное Светода́вца жили́ще благода́рственными пе́сньми воспои́м, лю́дие: ра́дуйся, ми́рови сла́во и спасе́ние.

Всесве́тлую пала́ту Иису́сову воспои́м, ве́рнии, взыва́юще я́сно: ра́дуйся, Де́во, всех удобре́ние.

Ра́дуйся, одушевле́нный черто́же Царе́в, похвало́ ве́рных и проро́ков печа́те; а́нгелов, ра́дуйся, весе́лие.

Наслажда́ется правосла́вных собо́р, пою́ще Тя, я́ко Богома́терь, Всенепоро́чная, со а́нгелом Тебе́ зовы́й е́же «ра́дуйся».

Песнь 5

Ирмос: Утренююще, Сло́ве, в сла́ву Твою́ и хвалу́, восхваля́ем непреста́нно о́браз Креста́ Твоего́, Его́же дал еси́ нам ору́жие в по́мощь.

Ра́дуйся, вседо́брая Неве́сто Пребезнача́льнаго Отца́; ра́дуйся, Нетле́нная Ма́ти Собезнача́льнаго Сы́на; ра́дуйся, сосу́де чи́стый

Ду́ха Свята́го.

Ра́дуйся, ми́ра покре́ве, ши́рший о́блака; ра́дуйся, сто́лпе о́гненный, просвеща́яй су́щия во тьме; ра́дуйся, ста́мно злата́я, Ма́нну вмести́вшая.

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте; ра́дуйся, по́стников Боже́ственное весе́лие.

Обурева́емаго молво́ю жите́йскою, ко приста́нищу ра́дости мя путево́ждствуй, Де́во, Ра́дость ро́ждши ми́рови непреста́емую.

Песнь 6

Ра́дуйся, заре́ та́инственннаго и Боже́ственнаго дне; ра́дуйся, ми́ра сла́досте; ра́дуйся, Све́та прия́телище; ра́дуйся, ве́рным стено́ и ору́жие непобеди́мое.

Ра́дуйся, честна́я наде́ждо благ ве́чных, одушевле́нное Влады́чне седа́лище, царе́й держа́во; ра́дуйся, сто́лпе тве́рдый, ми́ру Помо́щнице.

Обурева́ет мя помысло́в треволне́ние; к покая́ния и́стиннаго приста́нищу окорми́, Де́во, в тишине́ соблюда́ющи се́рдце мое́.

Це́ркве, Богоро́дице, возвыси рог, и вра́жию бровь и де́рзость низложи́, я́ко еди́нопредста́тельство су́щи ве́рных.

Седален, глас седьмый. Подобен: Иже мене́ ра́ди Претерпе́вый:

Всеще́драго Го́спода о нас умоли́ изба́витися душа́м на́шим от вся́кия се́ти змиины́.

Песнь 7

Ра́дуйся, кра́сная Царе́ва пала́то; ра́дуйся, Чи́стая, Помо́щнице сладкопою́щим: благослове́н еси́ во ве́ки, Го́споди Бо́же оте́ц на́ших.

Ра́дуйся, тве́рдый благоче́стия сто́лпе; ра́дуйся, исправле́ние ве́рою взыва́ющих: благослове́н еси́ во ве́ки, Го́споди Бо́же оте́ц на́ших.

Ра́дуйся, светле́йшаго све́та блиста́ние, ра́дость и весе́лие любо́вию пою́щих: благослове́н еси́ во ве́ки, Го́споди Бо́же оте́ц на́ших.

Возста́ви мя, в бе́здну напа́стей впа́дшаго, пода́ждь ру́ку, Влады́чице, моле́бнику Твоему́, вопию́щу: благослове́н еси́ во ве́ки, Го́споди Бо́же оте́ц на́ших.

Песнь 8

Небе́сных чино́в Святе́йшую ве́рнии Тя разуме́юще, Тебе́, Всепе́тая, вопие́м: ра́дуйся, ми́ра покро́ве, пала́то злата́я всех Царя́; ра́дуйся, Благослове́нная.

Яко вои́стинну неизрече́нна зело́ и стра́нна суть челове́ком и а́нгелом вся стра́шнаго младоноше́ния Твоего́, Де́во Нескве́рная.

Ины́я не стяжа́х по́мощи в ну́ждах, гото́вейшия в беда́х Изба́вительницы и изве́стныя Засту́пницы, в неду́зех Целе́бницы,

ра́дости и весе́лия в ско́рбех разли́чных, Всенепоро́чная.

Вжили́, Чи́стая, си́лу души́ моея́, мно́гими умерщвле́нную грехи́, и просвети́ покая́ния све́том Боже́ственными Твои́ми проше́нии, я́ко

да сла́влю Тя во ве́ки.

Песнь 9

Храм и дверь еси́ и чисте́йший престо́л всех Зижди́теля, те́мже Тя ве́рнии по до́лгу сла́вим.

Невозде́ланная страно́, Клас небе́сный процве́тшая на земли́ несказа́нно, пе́сньми та́инственными досто́йно сла́вится.

Угаси́ страсте́й мои́х пла́мень и напа́стей нахо́ды разори́ ма́терними Твои́ми мольба́ми, я́ко да ра́достно велича́ю Тя, Нескве́рная.

Богора́дованная Отрокови́це, предста́тельство ми́ра, вра́жию низложи́ горды́ню, спаса́ющи лю́ди и ста́до Твое́ невре́димо.

Стихиры, глас седьмый. Подобны: Днесь бдит:

Ра́дуйся, ви́ссон беле́йший и ска́ный, Де́во, глубину́ ра́зумов спря́дшая смы́слом Ду́ха Свята́го, из него́же истка́ся па́че ума́ златопорфи́рный ефо́д воплоще́ния Священнонача́льнику

го́рних сил и Началосоверши́телю Христу́.

Ра́дуйся, Чи́стая, Благода́тная, прекра́сное и́мя и де́ло, Богоро́дице, Ра́дости ве́чныя сла́дкое вмести́лище, печа́ли пра́отцев упраздне́ние,

я́ко ра́дости Вину́ поро́ждшая и ра́дость всем певце́м Твои́м подающая, Еюже не́бо и земля́ ра́дуются.

Ра́дуйся, безуте́шныя души́ моея́ сладча́йшее утеше́ние; ра́дуйся, благоуха́нная у́тренняя росо́; благорастворе́нный, ра́дуйся, и ти́хий ду́ше, ветр прохлажда́ющ и дыха́ние поко́ищно, гла́се то́нкий и до́брый, подава́яй отра́ду пали́мым огне́м скорбе́й.

Благогове́инства и́мя себе́ сама́го кроме́ положи́вый, блуда́ игра́лище внутрь есмь, и киче́ния смех зрю́ся, звере́м бо двема́ я́ко противора́тным преда́хся от невнима́ния моего́. Оба́че сих мя изба́ви, Ты бо еси́ души́ моея́ наде́жда и ра́дование.

Глас осьмый Канон Пресвятей Богородице в субботу

Творение преподобнаго Николая Катаскепина, яко зрится в конечных Богородичнах

Песнь 1

Ирмос: Колесницегони́теля фарао́ня погрузи́, чудотворяй иногда́ Моисе́йский жезл, крестообра́зно порази́в и раздели́в мо́ре, Изра́иля же беглеца́ пешехо́дца спасе́, песнь Бо́гови воспева́юща.

Боже́ственным промышле́нием прише́дый в бытие́, и е́же по о́бразу Бо́жию, увы́ мне, души́ разу́мное окаля́х на ху́ждшее уклоне́ньми. Но Ты, Де́во, гее́нны изми́ и спаси́ мя, я́ко да благода́рно сла́влю Тя.

Оскверне́ну в гну́сных страсте́х со́весть ношу́ и я́ко дре́во гни́ло отягоще́н грехми́. Влады́чице, даждь бы́ти ми дре́ву насажде́ну во исхо́дищих слез мои́х и плодопринести́ покая́ние.

До́брых ви́ды ду́шу мою́ удобри́, добро́то Иа́ковля, в Ню́же Бог Сло́во, я́ко До́брую и Непоро́чную возлю́бль, всели́ся, и страсте́й гну́сных безобра́знаго мя одея́ния совлецы́.

Храм Ду́ха Свята́го мя покажи́, Чи́стая Богома́ти вои́стинну и Пресла́вная, Тя бо предста́тельство стяжа́х и Побо́рницу во всех обстоя́ниих жития́, и к Бо́гу Моли́твенницу неусы́пну.

Песнь 3

Ирмос: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя, Христе́, за́поведей Твои́х утверди́, я́ко несть свят па́че Тебе́, еди́не Человеколю́бче.

Па́че естества́ во чре́ве безсе́менно Заче́ншая и Сло́ва па́че сло́ва Ро́ждшая, чрезъесте́ственно во мно́зех согреши́вшаго мя приими́ и

безслове́сным уподо́бльшася поми́луй.

Препобежда́еши, еди́на Чи́стая, земноро́дныя чистото́ю, аз же блудо́м естество́; те́мже а́нгелов честне́йши была́ еси́, аз же де́монов

го́рший, но спаси́ мя блу́днаго.

Аще и достиго́х, Чи́стая, в ров окая́нства и в про́пасть неча́яния весь, но ве́дый мно́гое Твое́ и безме́рное милосе́рдие, ру́це к Тебе́ простира́ю: уще́дривши, спаси́ мя.

Да сла́влю благогове́йно и благоче́стно покланя́юся Ти, изми́ мя, Отрокови́це, неключи́ма раба́ Твоего́ вся́ческих искуше́ний, бед и

скорбе́й, боле́зней же и бу́дущаго муче́ния.

Песнь 4

Ирмос: Ты моя́ кре́пость, Го́споди, Ты моя́ и си́ла, Ты мой Бог, Ты мое́ ра́дование, не оста́вль не́дра Отча и на́шу нищету́ посети́в. Тем с проро́ком Авваку́мом зову́ Ти: си́ле Твое́й сла́ва, Человеколю́бче.

Ты моего́ се́рдца ра́дование, Богоро́дице, держа́ва моя́, похвала́ и свет, Ты утеше́ние мое́, сла́ва и удобре́ние, дыха́ние же и сла́дость, весе́лие мое́, пи́ща и наслажде́ние.

От скве́рных приими́ усте́н хвалу́, Свята́я Отрокови́це, и прибе́жище нело́жное бу́ди ми обли́чену и очисти́лище, и изба́ви а́дова го́рькаго осужде́ния, моли́твами Твои́ми, Богора́дованная.

Еди́на ве́рных гото́вое поможе́ние, по́мощи нам ру́ку простри́, и побо́рствуй ску́дости на́шей во вре́мя бра́ни, со гла́сом благодаре́ния

мо́лим Тя, я́ко да непреста́нно те́плое Твое́ воспева́ем заступле́ние.

Покори́выйся е́же де́яти зла́я, приидо́х от де́лания во обы́чай, от обы́чая же в похоте́ние просто, от похотения в одержа́ние достиго́х;

одержа́ние же, я́ко естество належа́ще второе, обы́чая а́ки долга взыску́ет, Пречистая.

Песнь 5

Ирмос: Вску́ю мя отринул еси́ от лица́ Твоего, Свете Незаходи́мый, и покры́ла мя есть чужда́я тьма, окая́ннаго? Но обрати́ мя и к све́ту за́поведей Твои́х пути́ моя напра́ви, молюся.

Ле́ности сном и дремотою нераде́ния отягче́н безчу́вственно есмь, и во мра́це страсте́й обношу́ся, но просвети мои́ очи, све́та врата́, да

ника́коже усну́ в смерть.

К Тебе́ припа́даю и вопию́: умертви, Всенепорочная, ца́рствуяй и живы́й от неду́гования ума́ во мне грех, и Живота́ мя Боже́ственнаго

прича́стника сотвори, плотским мудрова́нием умерщвле́на.

Яко ю́ноши три неопа́льны в пламенопита́тельнем ме́сте лику́ющия и попира́ющия сласте́й клоко́чущу пещь, души моея́ трича́стное

покажи, Еди́наго Святы́я Троицы Ро́ждшая.

Тучеро́дный облак, во́ду кропя́щ разу́мную, иста́явшия же неве́жства пла́менем и оскуде́вшия прохлажда́яй и росото́чно назида́яй, ве́мы Тя, Отроково́це Всепе́тая.

Песнь 6

Ирмос: Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся: к Тебе́ бо возопи́х, и услы́ши мя, Бо́же спасе́ния моего́.

Безбо́жных ага́рян стре́лы, Влады́чице, сокруши́, и всяк наве́т бесо́вский су́етен сотвори́, лю́ди христоиме́нныя покрыва́ющи и соблюда́ющи, да любо́вию сла́вим Тя.

Мари́е, чи́стое и всечестно́е Зижди́теля пребыва́лище, сле́зное очище́ние души́ ми пода́ждь, и услы́ши мольбу́ мою́, Всенепоро́чная.

Пала́та у́мная Царе́ва была́ еси́, те́мже молю́: дом Тро́ицы покажи́ мя, Влады́чице, те́мныя стра́сти души́ моея́ изгоня́ющи.

Да осия́ет ны́не на мне неизрече́нное благоутро́бие Твое́, глубины́ грехо́в и неча́яния изменя́я и к покая́ния приста́нищем направля́я, Отрокови́це.

Седален, глас осьмый. Подобен: Недви́жимое утвержде́ние ве́ры:

Небе́сное чти́лище сил и мирско́е возноше́ние душ на́ших, Матероде́вственную Отрокови́цу восхва́лим, ве́рнии: ра́дуйся, а́нгелов

Творца́ во утро́бе носи́вшая; ра́дуйся, согреша́ющих очище́ние, воплоти́вшая Бо́га Сло́ва; ра́дуйся, Неве́сто Неневе́стная.

Песнь 7

Ирмос: Or Иуде́и доше́дше о́троцы в Вавило́не иногда́ верою Тро́ическою пла́мень пе́щный попра́ша, пою́ще: «Отце́в Бо́же, благослове́н еси́».

Плод, Богоро́дице, честны́я утро́бы Твоея́ нас оживи́л есть, плодо́м умерщвле́нных, те́мже по до́лгу Тя воспева́юще, вопие́м: оте́ц на́ших Бо́же, благослове́н е́си.

Па́че естества́ и сло́ва Влады́ку всех чревоноси́ла еси́, и пита́еши от сосце́в Твои́х всем благовре́менную трапе́зу Уготовля́ющаго, Его́же приле́жно, Блага́я, о нас моли́.

Младому́дрен нрав, ум нетве́рд и по́мысл несоверше́н, Де́во, стяжа́вый аз, па́че го́ршаго лу́чшее, я́ко младе́нец, не предразсуди́х; но

Сама́ ми даждь му́жески разуме́ти поле́зная.

Пресвята́я Отрокови́це, воплоще́ннаго Бо́га нам ро́ждшая, все́ми грехи́ безме́стными облада́ну ду́шу мою́ спаси́, да Тя ублажа́ю.

Песнь 8

Ирмос: Седмери́цею пещь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: «Отроцы благослови́те, свяще́нницы воспо́йте, лю́дие превозноси́те во вся ве́ки».

Коле́на иногда́ беззако́нному чти́лищу не прекло́ньше, о́троцы во огнь возгнеще́н вверго́шася, и неопа́льни пребы́ша. Аз же, сласте́м повину́выйся, и́мам во огнь воврещи́ся ве́чный и посещи́ся и пла́катися; но пощади́ мя, Отрокови́це, обраще́ние подаю́щи Боже́ственными Твои́ми мольба́ми.

Сла́сти теле́сныя, безчи́нна двиза́ния и премене́ния естества́, зле соверша́емая, че́рвию неусы́пну посыла́ют в сих пребыва́ющих всеконе́чно и покая́ния не прине́сших; что сотворю́, окая́нный аз? Оба́че к Тебе́ прибега́ю, Отрокови́це: уще́дри мя.

Прии́мши, Нескве́рная, Огнь Божества́ во утро́бе Твое́й, попали́ все страсте́й мои́х вещество́, молю́ся: ум озари́ и се́рдце просвети́, и вся́каго мя вре́да изба́ви, вопию́ща: о́троцы благослови́те, свяще́нницы воспо́йте, лю́дие превозноси́те во вся ве́ки.

Всели́выйся Госпо́дь в нескве́рную утро́бу Твою́, друго́е не́бо Тя на земли́ показа́, Мари́е Всепе́тая; те́мже ве́рно зову́ Ти: от всех мя земны́х искуше́ний и бед спаси́, и вся́ка прило́га бесо́вска, боле́зней и согреше́ний, Свята́я Богороди́тельнице.

Песнь 9

Ирмос: Ужасе́ся о сем не́бо, и земли́ удиви́шася концы́, я́ко Бог яви́ся челове́ком пло́тски, и чре́во Твое́ бысть простра́ннейшее небе́с. Тем Тя Богоро́дицу а́нгелов и челове́к чинонача́лия велича́ют.

Во всем животе́ мое́м, Чи́стая, заступа́ющи, смире́нную огрева́й и многогре́шную мою́ ду́шу, наипа́че же в год распряже́ния и отсече́ния ея́ от окая́нныя пло́ти тле́нныя и расторжи́мыя подо́бием пра́ха.

Яви́ ми тогда́, Ма́ти Бо́жия, заступле́ния Твоего́ лице́, и враго́в ли́ца мра́чная, я́ти мене́ хотя́щих и растерза́ти зверообра́зно, испо́лни безче́стия, путе́м спаса́емых, Одиги́трие, наставля́ющи мя.

Бу́ди ми во искуше́ниих предста́тельство, в день гне́ва необори́мый столп, в наве́тех еди́на Помо́щница, в беда́х заступле́ние. Иму́щи е́же мощи́, Блага́я, я́ко Вы́шнняго Ма́ти, мо́жеши невозбра́нно, ели́ка же хо́щеши, Богоневе́стная.

Вознесе́ся, просла́вися род челове́ч и че́сти сподо́бися лу́чшия сро́дством, Отрокови́це, Твои́м, и Боже́ственнаго сыноположе́ния Твои́м улучи́ хода́тайством: и́бо Бог я́ко Плотоно́сец неизрече́нно яви́ся из Тебе́, неизме́нно пребы́в в Божестве́.

Стихиры, глас осьмый. Подобны: О, пресла́внаго чудесе́:

Ра́дуйся, всесвяты́й хра́ме Царя́ Христа́; ра́дуйся, глубино́ безме́рная; ра́дуйся, высото́ неизрече́нная и а́нгелом несказа́нная; царе́й,

ра́дуйся, ве́нче, и иере́ов честна́я похвало́; ра́дуйся, Всесве́тлая; ра́дуйся, Всенепоро́чная; ра́дуйся, ве́рных неруши́мое утвержде́ние и

сто́лпе незы́блемый.

Ра́дуйся, многовожделе́нное и́мя; ра́дуйся, киво́те златы́й; ра́дуйся, пла́ча отъя́тие и ра́дости воста́ние, Всепе́тая Богоро́дице; слез на́ших, ра́дуйся, избавле́ние; весе́лия, ра́дуйся, вхо́де; ра́дуйся, Неискусому́жная Ма́ти Безневе́стная, прибе́жище и заступле́ние всех к Тебе́ прибега́ющих.

Ра́дуйся, всеми́рная похвало́; ра́дуйся све́щниче всезлаты́й, ясне́йший и светоза́рный; ра́дуйся, Боже́ственный мо́сте, к животу́

преводя́й грехми́ умерщвле́нныя и ко страсте́й попо́лзшияся; ра́дуйся, Нескве́рная Де́во; ра́дуйся, исто́чниче, ток жи́зни неистоща́емый

источи́вый; ра́дуйся, Всечу́дная.

Плоть прие́м от крове́й Твои́х Преве́чный Бог, Тя, Нескве́рная, Предста́тельницу пока́за челове́ков. Те́мже изба́ви рабы́ Твоя́ от вся́кия

ну́жды и обстоя́ния и се́тей борца́, и све́та избра́нных причасти́тися сподо́би вся сла́вящия и покланя́ющияся Тебе́.

Канон Пресвятей Богородице в неделю

Творение Феофана Никейскаго, яко зрится в последних Богородичнах

Песнь 1

Ирмос: Колесницегони́теля фарао́ня погрузи́, чудотворя́й иногда́ Моисе́йский жезл, крестообра́зно порази́в и раздели́в мо́ре, Изра́иля же беглеца́ пешехо́дца спасе́, песнь Бо́гови воспева́юща.

От скве́рных усте́н благода́рственную приими́ песнь, Всенепоро́чная, я́ко пре́жде Сын Твой, Бог мой и Госпо́дь вдови́чи прия́л есть ле́пте, и разреше́ние долго́в пода́ждь ми, я́ко да по до́лгу почита́ю Тя.

Сло́во Бо́жие вопло́щшееся преесте́ственно родила́ еси́, прежде Безпло́тнаго, богому́жно в ми́ре пожи́вша, Пречи́стая Богоро́дице; те́мже Тя чтим вси и по до́лгу ублажа́ем.

Еже Богоро́дицу Тя пропове́дати вся́кия е́реси отвраще́ние вво́дит: естество́м бо Бы́вшаго пре́жде тва́ри, пло́тию родила́ еси́ непреме́нно, Сло́во Бо́жие ве́чное.

Богороди́тельнице Мариа́м, Тобо́ю обоже́ния улучи́ челове́ков смире́нное естество́ и теку́щее⁹⁵; в Тебе́ бо плоть мою́ уневе́стивый Бог,

воипоста́сно сию́ просвети́л и на не́бо возве́л есть.

Песнь 3

Ирмос: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя, Христе́, за́поведей Твои́х утверди́, я́ко несть свят, па́че Тебе́, еди́не Человеколю́бче.

Дверь показа́лася еси́ мы́сленная Восто́ка, с высоты́ на земли́, Де́во, я́вльшагося: Тобо́ю бо к нам Сло́во вни́де, во е́же спасти́ вся от безслове́сия, Всенепоро́чная.

Жезл, прозя́бший Христа́, цвет нетле́ния и кади́льницу вси ве́мы злату́ю Тя, Чи́стая, Боже́ственнаго существа́ на объя́тиих Угль нося́щу, Богора́дованная Отрокови́це.

Спаси́тельнаго нас ра́ди Сло́ва смотре́ния, све́тлая Де́во Ма́ти, врата́ позна́на вои́стинну бысть: Ты бо ввела́ еси́ нам зарю́ у́мную Пребоже́ственнаго Божества́.

На нескве́рное не́дро Твое, я́ко дождь на руно́, сни́де Бог мой, Де́во, и ороси́л ны есть, зно́ем иста́явшия грехо́вным, росо́ю человеколю́бия и благода́ти.

Песнь 4

Ты и́стиннаго спасе́ния подложе́ние, Богома́ти, еди́на была́ еси́, плоть взаимода́вши Творцу́ и Зижди́телю от нескве́рных Твои́х

крове́й, е́юже сме́ртная сокруши́шася врата́ и живо́т челове́ком дарова́ся.

Новоцве́тен безсме́ртия рай и красе́н вои́стинну, и живота́ дре́во показа́лася еси́, Дре́во жи́зни в Тебе́ богонача́льнейше насажде́но чревонося́щи и ражда́ющи, всем иска́плющее живоно́сная упова́ния, Богоро́дицу ве́рно му́дрствующим Тя.

Дави́дски от царе́ва прозя́бши сродства́, Всецарю́ющаго и пре́жде век от Отца́ Сло́во неизрече́нно и па́че ума́ возсия́вшее родила́ еси́,

Де́во; те́мже Богоро́дицу Тя богому́дренно ве́рнии возвеща́ем.

Соде́тель от ве́ка обре́те Тя во удо́лии крин чисте́йш, доброде́тельми сия́ющу, Непоро́чная, глубино́ю чистоты, благогове́инства широто́ю, и в ро́де возвы́сил есть челове́честем; те́мже Тя я́ко Ма́терь Творца́ сла́вим.

Песнь 5

Ирмос: Вску́ю мя отри́нул еси́ от лица́ Твоего́, Све́те Незаходи́мый, и покры́ла мя есть чужда́я тьма, окая́ннаго? Но обрати́ мя и к све́ту за́поведей Твои́х пути́ моя́ напра́ви, молю́ся.

Во́инства го́рних сил, Пречи́стая, ублажа́ют Тя, ро́ди же вси челове́ков досто́йно сла́вят; Тобо́ю бо еди́ною и́же на земли́ небе́сным совоку́пльшиися, пое́м рождество́ Твое́.

Безсме́ртному естеству́ ме́ртвенное предтече́ во святы́ню, и Де́ва Отрокови́ца безпло́тным преды́де, я́ко Бо́га ро́ждшая, Царя́ а́нгелов,

к Нему́же о́нем взира́ти невозмо́жно есть.

Ве́рных Предста́тельница, стена́ неразо́рна благохва́лящих Тя, ро́ду челове́чу всему́ спаси́тельна я́вльшаяся, Бо́га ро́ждши, пло́тски прише́дшаго, ду́шу мою́ спаси́, Всенепоро́чная.

Све́тлый о́блак Тя, незаходи́мое Со́лнце нося́й, ве́дуще челове́цы, воспева́ем и любочеству́ем, Влады́чице: о́браз бо, помрачи́вшийся во Ада́ме, вообрази́ла еси́ Боже́ственными све́тлостьми.

Песнь 6

Ирмос: Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся; к Тебе́ бо возопи́х, и услы́ши мя, Бо́же спасе́ния моего́.

Престо́л Бо́жий, херуви́мов превысоча́йш, Све́та го́рняго о́блаче, души́ моей, Всесвята́я, очеса́ просве́ти, и от страсте́й омраче́ния се́рдце

очи́сти.

Ма́ти Изба́вителя и созда́ний Цари́це, плене́нием лю́тым е́млема мя изба́ви, и Ца́рствия Сы́на Твоего́ сподо́би.

Зва́ние Твое́ вои́стинну душ очище́ние есть и помысло́в скве́рных прогна́ние, и бе́гство лука́вых духо́в, Богоро́дице Присноде́во.

Пе́сней песнь еси́ Ты, Богора́дованная Влады́чице, а́нгелов же добро́та и челове́ков назда́ние: Бо́га бо родила́ еси́ воплоще́нна и естества́ пременя́юща.

Седален, глас осьмый. Подобен: Прему́дрость и Сло́во:

Прииди́те вси язы́цы, боголе́пно Ма́терь всех Соде́теля воспои́м, глаго́люще: ра́дуйся, Престо́ле огнезра́чный Влады́ки Христа́ Всецаря́; ра́дуйся, еди́на Госпоже́ всея́ тва́ри; ра́дуйся, Прия́телище Святы́я Тро́ицы, Отца́, Сы́на и Ду́ха, све́тлое и нескве́рное, Мариа́м богосла́внейшая. Моли́ся Твоему́ Сы́ну и Бо́гу согреше́ний оставле́ние дарова́ти прибега́ющим к Тебе́ ве́рно и любо́вию пою́щим Тя.

Песнь 7

Ирмос: Бо́жия снизхожде́ния огнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице лику́юще, поя́ху: «Благослове́н еси́, Бо́же оте́ц на́ших».

Ны́не вся испо́лнишася све́та Боже́ственнаго Тобо́ю, Всечи́стая, Ты бо дверь яви́лася еси́, е́юже ми́рови Бог приобщи́ся, просвеща́яй ве́рою зову́щия: благослове́н Бог оте́ц на́ших.

Зачала́ еси́, Нескве́рная, Иже над все́ми Бо́га и Го́спода, благоволи́вшаго спасти́ род челове́ч от тли сме́ртныя, Его́же досто́йно пою́ще, взыва́ем: благослове́н Бог оте́ц на́ших.

Ра́дуйся, Всепе́тая, пала́то одушевле́нная Царя́ Христа́; ра́дуйся, ста́мно, Яже Ма́нну во чре́ве Твое́м боже́ственне поноси́вшая, препита́ющую любо́вию зову́щих: благослове́н Бог

оте́ц на́ших.

Неве́стник всенепоро́чен е́же па́че сло́ва Боже́ственнаго воплоще́ния, черто́г же и престо́л правому́дрствующе Тя имену́ем, и возвесели́вшеся, Рождеству́ Твоему́ пое́м: благослове́н Бог оте́ц на́ших.

Песнь 8

Богороди́тельнице Влады́чице, ве́рных держа́во, Твои́ми к Сы́ну ма́терними мольба́ми Того́ мне уми́лостиви, вои́стинну Благоми́лостиваго, и грехо́в мои́х рукописа́ние раздери́, и покажи́ мя спаса́емых ча́сти насле́дника, да велича́ю Тя во вся ве́ки.

Яже в ну́ждах спаса́ющая и те́пле заступа́ющая всех в ско́рби су́щих, Всесвята́я Влады́чице, умилосе́рдися, спаси́ мя и па́дша воздви́гни, ру́ку по́мощи пре́жде конца́ подаю́щи, да не нощь сме́ртная обы́мет мя спя́ща, и по до́лгу сла́влю Тя во вся ве́ки.

Ины́я не вем по́мощи, ра́зве Тебе́, Влады́чице, оба́че Твоего́ к Бо́гу не стяжа́х примире́ния; поми́луй, Нескве́рная, мя погиба́юща беззако́нных ра́ди я́же от младе́нства дея́ний мои́х, и спаси́ вопию́ща: ра́дуйся, Благослове́нная; ра́дуйся, Препросла́вленная во вся ве́ки.

Небодо́лгую ле́ствицу у́мную ве́мы Тя, е́юже челове́ком Вы́шний, с пло́тию снизше́д, примеси́ся, и смире́нныя возне́се к небе́сных высо́кому жи́тельству. Отону́дуже вы́шшую небе́с, а́нгелов же и всех творе́ний Тя пропове́мы, Отрокови́це.

Песнь 9

Престо́л Влады́чень высо́к, седа́лище Христо́во пресла́вное, честны́й черто́же, всезлато́е святи́лище, богоприе́мный дом, Всецари́цу Мариа́м, сла́ву а́нгелов, челове́ков спасе́ние, вси ве́рнии возблагохва́лим.

Всех Царя́ и Творца́ заче́нши, родила́ еси́, Де́во, и ны́не се, ели́ка у́бо Цари́ца одесну́ю Сего́, Чи́стая предстои́ши! Те́мже молю́ Тя:

ча́сти шу́ия в час су́дный изба́ви мя и десны́м Его́ овца́м сочини́.

От цве́тник безпло́тных души́ цвет пе́ний объя́в и слез мои́х струе́ю смеси́в, огне́м серде́чным возгре́ях, Влады́чице, и ми́ро состро́ив песнь, я́ко блудни́ца нескве́рнеи но́зе Твои́ сим омыва́ю, зовы́й: спаси́ мя.

Спаси́телен бу́ди ми, Нескве́рная, столп, де́монским запреща́яй полко́м, напа́стей и искуше́ний тьму отгоня́яй, страсте́й же нахо́ды

отрева́яй дале́че, свобо́ду чи́стую и Боже́ственных подая́й дарова́ний оби́лие.

Стихиры, глас осьмый. Подобны: О, пресла́внаго чудесе́:

Ра́дуйся, исто́чниче живото́чный; ра́дуйся, клеще́ у́мная, Боже́ственный и негаси́мый воичре́ве нося́щая Его́же ви́де Иса́ия Угль, ми́ра всего́ отме́щущ грехи́; ра́дуйся, пресла́вное слы́шание и глаго́лание; ра́дуйся, честно́е жили́ще Бо́жие и горо́ свята́я.

Ра́дуйся, Де́во Всенепоро́чная; ра́дуйся, живота́ сокро́вище; ра́дуйся, горо́ присе́нная; ра́дуйся, сто́лпе о́гненный и пресве́тлый о́бла-

че; скве́рны вся́кия, ра́дуйся, очище́ние; ми́ра, ра́дуйся, обновле́ние; ра́дуйся, Неневе́стная; радуйся, Ма́ти Пречи́стая; ра́дуйся, пла́мень

угаси́вшая рождество́м Твои́м; ра́дуйся, всех наде́ждо.

Ра́дуйся, чистоты́ сокро́вище; ра́дуйся, Све́та чи́стое и я́сное пребыва́ние; всезлата́я, ра́дуйся, ста́мно и пала́то одушевле́нная, престо́ле Царе́в огнезра́чный; ра́дуйся, Благослове́нная и Неискусому́жная; ра́дуйся, Всенепоро́чная; ра́дуйся, ве́рных прибе́жище; ра́дуйся, Нескве́рная; ра́дуйся, Богосла́внейшая; ра́дуйся, всех ра́досте.

Те́ло, ду́шу и дух мой все́ми лютыми окая́нно делесы́ окаля́х: те́ло у́бо сту́дным страсте́м предая́й, ду́шу же всем лука́внейшим начина́нием, с ни́миже пожи́х, дух а́бие превознося́щимися обы́чаи и стро́потным мудрова́нием, от ни́хже мя, Влады́чице, свободи́.

Канон Пресвятей Богородице в понедельник

Творение святаго Андрея Критскаго, егоже краегранесие: Плач челове́ком от Бо́га есть благода́ть

Песнь 1

Ирмос: Во́ду проше́д я́ко су́шу, и еги́петскаго зла избежа́в, изра́ильтянин вопия́ше: «Изба́вителю и Бо́гу на́шему пои́м».

Плачевное житие, Ма́ти Божия, тесное, горькое же и слез испо́лнено даждь ми, я́ко да омы́ю скверну мою и чист Судии́ предста́ну.

Тле́нна и зе́млена и скве́рна улучи́вый спряже́ния, не пощаде́х души́ светле́йшия, Богома́ти, добро́ты, но сластьми́ отщети́хся теле́сными.

Две́ре Боже́ственнаго Восхо́да, две́ри отве́рзи ми покая́ния, и от смертоно́снаго две́рий греха́ хода́тайством Твои́м изба́ви, Влады́чице.

Посто́м, слеза́ми и пла́чем умилостивля́ется Бог о я́же во мне, безу́мием, Его́ опеча́ливших; Сего́ пре́жде конца́ ми уми́лостиви,

Влады́чице.

Песнь 3

Ирмос: Небе́снаго кру́га Верхотво́рче Го́споди, и Це́ркве Зижди́телю, Ты мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.

Небе́сных а́нгел служе́бнии ду́си го́рце о па́дшем мне воспла́кашася, и де́монов возду́шных возвесели́шася мра́чнии ду́си, Богороди́тельнице.

В смире́нии трудо́в доброде́тельми смире́нными мед всечу́ден возде́ловается, Нескве́рная; те́мже укрепи́ окая́нную ду́шу мою́ в смиренному́дрии жи́тельствовати.

Дщерь Царе́ва и вои́стинну Влады́чица, и Всецаря́ Влады́ки Ма́ти су́щи, ны́не ца́рствующий во мне грех я́ко раба́ безче́стна дале́че отжени́

Кропле́нием слез, Влады́чице, грехо́в безобра́зие мои́х очи́сти, и омы́й гное́ния моя́ и я́звы злосмра́дныя, и здра́вие, молю́ Ти ся, пода́ждь рабу́ Твоему́.

Песнь 4

Ирмос: Услы́шах, Го́споди, смотре́ния Твоего́ та́инство, разума́х дела́ Твоя́ и просла́вих Твое́ Божество́.

«Па́дшия возставля́йте», Христо́с повелева́ет, да не проти́вимся, но наипа́че восприи́мем Ма́терь Его́ к сострада́нию.

Кто Петра́ спасе́, и разбо́йника и блудни́цу и блу́днаго? Покая́ние вся́ко; и́хже мя подража́ти, Богоневе́сто, сподо́би.

Иже все́ми Невме́стный вмеща́ется, Всесвята́я, во утро́бе Твое́й, благосты́нею спаса́я мя, потопля́ема согреше́ньми.

Молю́ся, Влады́чице, не оста́ви в час ско́рби мя, но ми́лостивно ми яви́ся и де́монскаго изба́ви уязвле́ния.

Песнь 5

Ирмос: Утренююще вопие́м Ти Го́споди: спаси́ ны; Ты бо еси́ Бог наш, ра́зве бо Тебе́ ино́го не ве́мы.

Оде́жде креще́ния, неключи́му мне, мно́гих слез потре́ба есть е́же сей очи́ститися.

Ум мой, го́рдостию мирско́ю прельща́емый, стра́хом му́ки, Влады́чице, обрати́.

При́зри, услы́ши, молюся, гла́са моего́, и вся грехи́ моя́ изгла́ди, Пречи́стая.

Све́том лица́ Твоего́ просвети́ мя, Неве́сто солнцезра́чная, раба́ Твоего́, отемне́на страстьми́.

Песнь 6

Ирмос: Ри́зу ми пода́ждь све́тлу, одея́йся све́том я́ко ри́зою, многоми́лостиве Христе́ Бо́же наш.

Пе́ти непреста́нно Бо́га до́лжни есмы́ се́рдцем и усты́, но уны́нием содержи́мся, Де́во.

Бед многоплете́нных и лю́тых, Чи́стая, и обстоя́ний, ны́не печа́лящих мя, изми́ окая́ннейшаго раба́ Твоего́.

В час сме́рти моей по́мощь яви́, Нескве́рная, и бесо́в изба́ви лука́вых, и́щущих восхи́тити мя.

Пости́мся, я́ко вре́мя и́мамы, пла́чимся, вопие́м, да наслади́мся та́мо и ве́чная возлику́ем.

Седален, глас осьмый. Подобен: Воскре́сл еси́ из гро́ба:

Сло́во Отчее в мир сни́де, и а́нгел све́та Де́ве возопи́: «Ра́дуйся, Благослове́нная, де́вство еди́на соблю́дшая; ра́дуйся, заче́ншая Преве́чнаго Бо́га и Го́спода, да спасе́т от пре́лести, я́ко Бог, род челове́ческий».

Песнь 7

Ирмос: От Иуде́и доше́дше о́троцы в Вавило́не иногда́ ве́рою Тро́ическою пла́мень пе́щный попра́ша, пою́ще: «Отце́в Бо́же, благослове́н еси́».

От зимы́ весна́ и от бу́ри тишина́, Чи́стая, происхо́дит, от мра́ка же согреше́ний покая́нием вхо́дит безстра́стия свет; стра́стнии у́бо дерза́им, пока́явшеся.

Господоимени́тая Отрокови́це, Бо́га воплоще́нна нам ро́ждшая, мно́гими облада́ему ми безме́рными грехми́, ду́шу мою́ спаси́, да Тя

ублажа́ю.

Престо́л о́гнен яви́лася еси́ и пала́та Вседержи́теля, ми́ра спасе́ние и покро́в вопию́щих Сы́ну Твоему́, Всенепоро́чная: отце́в Бо́же, благослове́н еси́.

От по́тов, трудо́в же и воздыха́ний серде́чных сочу́вствие происхо́дит, безстра́стие у́бо от сего́, его́же и аз подно́жий дости́гнути

да сподо́блюся, Богоро́дице, па́че всех согреши́вый.

Песнь 8

Ирмос: Царя́ Небе́снаго, Его́же пою́т во́й а́нгельстии, хвали́те и превозноси́те во вся ве́ки.

Царь Небе́сный всем у́бо хо́щет Ца́рство Его́ испо́лнити, мы же, Де́во, вожделе́ем гее́нны.

Па́че ми́ра всего́ созда́ния, согреша́ющих челове́к спасе́ния жела́ет Созда́тель всех, Богома́ти.

Христу́ пострада́вшу за ны, до́лжни есмы́ и мы я́ко ве́рнии за Него́ пострада́ти, и стра́сти душетле́нныя умертви́ти.

Чи́стая Де́во, христиа́н Предста́тельнице, вся́кия ну́жды изба́ви ны, да воспева́ем Тя во вся ве́ки.

Песнь 9

Ирмос: Вои́стинну Богоро́дицу Тя испове́дуем, спасе́нии Тобо́ю, Де́во Чи́стая, с безпло́тными ли́ки Тя велича́юще.

Ка́плю ми́лости мне, Богома́ти, иска́пай, и неве́жствия мрак отжени́; Ты бо еди́на родила́ еси́ Избавле́ние челове́ков.

Ти́ною страсте́й спокрове́на мя и ка́лом сласте́й оскверне́на, я́ко Блага́я моя́ Предста́тельница, очи́сти.

Креста́ всеору́жием утверди́ ве́ру христолюби́вых царе́й, Человеколю́бче, Ро́ждшия Тя мольба́ми, я́ко Многоми́лостив.

Тру́са и гла́да, огня́, плене́ния и междоусо́бныя бра́ни изба́ви почита́ющих Тя, Богора́дованная.

Стихиры, глас осьмый. Подобны: Что вас нарече́м:

Ра́дуйся, Присноде́во Влады́чице, Яже Бла́гаго естество́м, Блага́я, подража́ющая, и от прису́щих Его́, я́ко пе́рвым и наро́читым, богатя́щаяся ма́терски благосты́нею⁹⁶; те́мже ублажа́еши пою́щия Тя, я́ко состра́стна и человеколю́бна, и путево́ждствуеши я́ к наслажде́нию ве́чных благи́х.

Ра́дуйся, бога́тное жили́ще Бо́жие, высо́кий и светоза́рный хра́ме Царе́в, нерукоплете́нный неве́стниче, златопорфи́рный черто́же, ло́жнице благово́нная и всечестна́я, пала́то благоуха́нная и камнеблиста́ющая;

ра́дуйся, престо́ле всезлаты́й, углено́сная же клеще́ и одушевле́нная Огня́, Богоро́дице, невеще́ственнаго.

Ра́дуйся, Мариа́м господоимени́тая, ми́ру всему́ Госпоже́ Всечестна́я, я́ко Го́спода господе́й поро́ждшая, Присноде́ва госпо́дственне су́щи, чистоты́ всеиме́нием пресоверше́нным

госпо́дски обога́щшися ума́, души́ же и телесе́, Ейже вся́ческая, я́ко Госпоже́, рабо́тна суть.

Даждь ми житие́ мое́ провожда́ти всех ра́ди честны́х Твоего́ Сы́на блаже́нств, е́же нище́тствовати умо́м, пла́ката, укроща́тися, алка́ти и жа́ждати с жела́нием пра́вды, чи́сту бы́ти и ми́лостиву и миротво́рцу, изгоня́тися пра́вды ра́ди и ра́доватися, о сих веселя́ся.

Канон Пресвятей Богородице во вторник

Творение Митрофана, митрополита Смирнскаго, егоже краегранесие: Ныне осми́жды пою Тя, Твой Митрофа́н

Песнь 1

Вод Тя исто́чник моле́бных све́дуще вси, ве́рным здра́вие душ и теле́с источа́яй, непреста́нно сла́вим, Богороди́тельнице.

Па́че естества́ Сло́во Богонача́льное родила́ есй, Де́во, и естество́ от тле́ния изба́вила еси́; те́мже мя безслове́сных и я́же чрез естество́

страсте́й свободи́.

Со́нмы страсте́й плотски́х ны́не обстоя́т и стесня́ют мя го́рце; посети́ ско́ро раба́ Твоего́ и от озлобля́ющих, Де́во, спаси́.

Иже всю тварь Направля́яй, Нося́й и Спаса́яй, на объя́тиих Твои́х опи́сан яви́лся, Чи́стая, и челове́ков род обнови́л есть.

Песнь 3

Ирмос: Ты еси́ утвержде́ние притека́ющих к Тебе́, Го́споди; Ты еси́ свет омраче́нных, и пое́т Тя дух мой.

Успи́ смуще́ние ны́не обдержа́щия мя, Влады́чице, лю́тыя боле́зни, и согреше́ний и страсте́й свободи́.

Ускори́ посети́ти неду́гующа, и го́рькия мя боле́зни изба́ви, Нескве́рная, и вся́кия ско́рби.

Неизрече́нна пучи́на щедро́т Твои́х, Всенепоро́чная, и́миже и мене́ грехо́в изми́ и неду́гов.

Утверди́ ми́лость и заступле́ние Твои́х, Пречи́стая, моле́ний на мне, скорбе́й же изба́ви и искуше́ний.

Песнь 4

Ирмос: Услы́шах, Го́споди, смотре́ния Твоего́ та́инство, разума́х дела́ Твоя́ и просла́вих Твое́ Божество́.

Очисти́лшце⁹⁷ всегда́ се́рдце мое́, Пренепоро́чная, показу́й помышле́ний святы́х и грехо́в очище́ние.

Спасе́ние ми пода́ждь душе́вное и теле́сное, и неду́гующему да́руй цельбу́ и боле́зней избавле́ние.

Ко́зни бесо́в лука́внейших, Непоро́чная, упраздни́ и страсте́й привозста́ние, и немощству́ющим здра́вие да́руй.

Из утро́бы Твоей, Всесвята́я, пра́вды возсия́ Со́лнце и мир озари́л есть, Его́же Боже́ственными заря́ми и мене́ просвети́.

Песнь 5

Разреши́шася Твои́м рождество́м у́зы сме́ртныя и прогна́ся держа́ва тли, Пресвята́я Де́во Всепе́тая; те́мже разреши́ ско́ро и мои́х прегреше́ний плени́цы, и скорбе́й тяготы́.

Лука́вствия де́монска и челове́ков зло́бы изми́ мя, Влады́чице, и души́ боле́знь, ку́пно и телесе́, ско́ро уврачу́й, еди́на ро́ждшая пло́ти

вся́кия и духо́в Врача́, Спа́са же и Го́спода.

Яко Боже́ственнаго Угля клещу́ молю́ Тя, Всенепоро́чная, всестра́стное раба́ Твоего́ состоя́ние и не́мощи лю́тыя и нестерпи́мыя попали́ти, и изсуши́ти пото́ки скорбе́й.

Спасе́ние Тя Сын Твой всем подаде́, Всесвята́я Влады́чице, уве́ровавшим в Него́ и Бо́га, я́ве вопло́щшася от Тебе́, пропове́дающим; те́мже спаси́ мя разли́чных бед и скорбе́й.

Песнь 6

При́зри на мя ми́лостивным о́ком, Влады́чице, и боле́зней лю́тых вско́ре изба́ви, и вся́каго озлобле́ния, ны́не ча́ема, и се́ти, и зла́го слу́чая.

Безу́мия во́льнаго, и е́же по естеству́ пристра́стия, и за́висти сопроти́вных, и вся́кия укори́зны, Пречи́стая, и зло́бы изми́ мя жите́йския

Твои́ми моли́твами.

Созда́вый нас Сам в Тебе́, Де́во, созда́лся есть, естество́ челове́чо от тли избавля́я; и мене́ у́бо приклю́чшихся искуше́ний изба́ви Твои́ми

моли́твами.

Пдамену́емо не́бо и престо́ле вои́стинну огнезра́чный, одушевле́нный раю́ Христо́в, всезлата́я ста́мно Ма́нны, жи́зни Боже́ственныя сподо́би мя.

Седален, глас осьмый. Подобен: Повеле́нное та́йно:

Несеко́мую го́ру, ве́рнии, Боже́ственную и чисте́йшую Сло́ва пала́ту, огнеобра́зный престо́л Всецаря́, трапе́зу и све́щник, мост, к животу́ преводя́й, и небе́сную ле́ствицу, Богоро́дицу Мариа́м воспои́м, зову́ще: ра́дуйся, Неве́сто Неневе́стная.

Песнь 7

Ирмос: От Иуде́и доше́дше о́троцы в Вавило́не иногда́ верою Тро́ическою пла́мень пе́щный попра́ша, пою́ще: «Отце́в Бо́же, благослове́н еси́».

Ста́мна безду́шная дре́вле одушевле́нную ста́мну Тя проявля́ше, Влады́чице: жи́зни бо но́сиши Ма́нну, Христа́, го́речь сме́ртную притупи́вша, Сла́дость и́стинную и Просвеще́ние ми́рови.

Да не восхи́тит а́ки лев ду́шу мою́ враг зверонра́вный, не су́щу избавля́ющу, ниже́ спаса́ющу, Де́во: Изба́вительницу Тя бо стяжа́х,

Спа́са Христа́ и Изба́вителя ро́ждшую.

Блаже́нная Де́во, прибе́жище всех оскорбля́емых, печа́ли вся́кия, наве́та и зло́бы зави́дящих мя изба́ви, и согреше́ний мно́гих, и боле́зней разли́чных.

Грозд живота́ невозде́ланный ро́ждшая, Богоро́дице, плоды́ покая́ния приноси́ти досто́йно сподо́би мя Сы́ну Твоему́, зову́ща: оте́ц

на́ших Бо́же, благослове́н еси́.

Песнь 8

Вели́чия, Пречи́стая, разли́чных чуде́с Твои́х вси возглаго́лем, ве́рно притека́юще к Твои́м заступле́нием, но и ны́не мя лю́та неду́га, боле́зней души́ и пло́ти измени́, и здра́ва по обою́ покажи́, сла́вити Сы́на Твоего́ Христа́ во ве́ки.

Свире́по дхну́ша зави́дящих ве́тры и лю́тых ре́ки приидо́ша зело́ до́му у́мному моему́, Де́во Чи́стая. Но я́коже пе́ну волня́щася мо́ря, стремле́ние всех оскорбля́ющих разори́, и пода́ждь тишину́ ми мольба́ми Твои́ми во ве́ки.

Образова́вый в бре́нное те́ло Ада́ма и ду́шу ему́ посе́м Вложи́вый безсме́ртную, в Тебе́ образу́ется и па́ки того́ обновля́ет. Его́же и мне

ми́лостива и примири́тельна яви́ моле́ньми Твои́ми, и здра́вие пода́ждь, и оскорбля́ющих всех избавле́ние вско́ре.

Светозари́ши всегда́ Све́та Незаходи́маго сла́вящим от Твои́х ложе́сн, Всечи́стая, возсия́вша, и стра́ха нощна́го, бесо́в же лови́тельства

те́мна рабы́ Твоя́ избавля́еши; и́хже и мя изми́, и от обдержа́щих лю́тых спаси́ Твои́ми моле́ньми.

Песнь 9

Возвы́си рог Це́ркве и ве́рным на язы́ки кре́пость пода́ждь, и ца́рствия ски́птры, Чи́стая, утверди́.

Иноплеме́нных полки́, бра́ней хотя́щия, я́ко немощны́я, осла́бленныя же и побежде́нныя, Де́во Нескве́рная, ско́ро яви́

Еди́но споборе́ние чту́щих Тя христиа́н правосла́вных, Твои́ми моли́твами, Богома́ти, ага́ряны вско́ре оружено́сныя постыди́.

Вразуми́, Де́во, ве́рных ли́ки, и на враги́ ви́димыя и неви́димыя благопоспе́шствовавши, спаси́ от вся́кия ско́рби.

Стихиры, глас осьмый. Подобны: О, пресла́внаго чудесе:

Ра́дуйся, огнезра́чная колесни́це; ра́дуйся, заре́ та́инственная, в ми́ре поро́ждшая све́тлое, незахо́димое и невече́рнее Со́лнце; ра́дуйся,

червлени́це, порфи́ру от крове́й Твои́х Всецарю́ омочи́вшая; ра́дуйся, Всенепоро́чная; ра́дуйся, всех ве́рных Храни́тельнице, призыва́ющих Тя

упова́нием душе́вным.

Ра́дуйся, па́дших исправле́ние; ра́дуйся, а́лчущих пи́ще; ра́дуйся, бога́тство безбе́дное и ни́щих сокро́вище неистоща́емо; немощны́х, ра́дуйся, посеще́ние; скорбя́щих, ра́дуйся, утеше́ние; ра́дуйся, по́моще призыва́ющим Тя и ору́жие непобеди́мо, утверже́ние и стено́ неруши́мая.

Ра́дуйся, та́инственный раю́, дре́во жи́зни Христа́ во чре́ве Твое́м Нося́щая и Ро́ждшая нетле́нно, во оживле́ние нас, дре́ва сне́дию

иногда́ умерщвле́нных и сме́рти зле поко́ршихся; ра́дуйся, Всевожделе́нная и Всепа́мятная; ра́дуйся, челове́ком Боже́ственное весе́лие подаю́щая при́сно.

Спаси́ мя, Всесвята́я Влады́чице, Спа́са Христа́ неизрече́нно ро́ждшая; Тя бо еди́ну стяжа́х предста́тельство раб Твой, сте́ну же, кров и

ра́дование, и души́ моея́ Боже́ственное утеше́ние; Ты у́бо изба́ви мя че́рвия неусыпа́юща и огня́ ве́чнующа, Ма́ти Христа́ Бо́га.

Канон Пресвятей Богородице в среду

Творение Каллиника Ираклийскаго, егоже краегранесие: К Пречи́стей притека́ю и Де́ве

Песнь 1

Гное́ние души́ моея́ изсуши́ и язв стру́пы де́тельным врачевство́м Сы́на Твоего́, Всечи́стая; на Тя бо наде́жду всю мою́ возложи́х, и Тя Хода́таицу предлага́ю Твоему́ Сы́ну и Бо́гу на́шему.

Неради́во и ле́ностно житие́ мое́ все ижди́х, Влады́чице, блу́дный аз; в себе́ же прише́д, к Твоему́ притека́ю покро́ву и ве́рою Ти зову́: спаси́ мя мольба́ми Твои́ми, Пречи́стая.

Па́че песка́ вои́стинну исчисля́еми беззако́ния моя́ и греси́, и́хже безсту́дно соде́ях и себе́ оскверни́х, преоби́дев е́же по о́бразу, окая́нный; но Ты, я́ко Многоблагоутро́бна, спаси́ мя.

Прибега́юща ны́не к Тебе́ со слеза́ми, мно́гим же воздыха́нием и се́рдца ско́рбию, не пре́зри, молю́ся, но Твои́м хода́тайством в день суда́ Сы́на Твоего́ умоли́, я́ко да изба́влюся му́ки.

Песнь 3

Слез мои́х ка́пли, се́рдца стена́ния и воздея́ния рук просте́ртых ми́лостивно испра́ви, и уще́дри раба́ Твоего́, и́бо ины́я не и́мам по́мощи ра́зве Тебе́, Влады́чице.

Тле́нное естество́ мое́ ве́дущи, Богоро́дице, всегда́ пополза́ющееся, увы́ мне, на го́ршее неуде́ржно, заступи́ и спаси́ мя, и́бо ины́я не и́мам по́мощи ра́зве Тебе́, Влады́чице.

Испыта́вый себе́, обрето́х всех челове́к зло́бами превозше́дша, и ка́мо бегу́? То́кмо к благоутро́бию Твоему́, окая́нный, и́бо ины́я не и́мам по́мощи ра́зве Тебе́, Влады́чице.

Наг и пуст есмь и вся́ческих до́брых лише́н, и́хже окра́ден бых, окая́нный, зле́йшим сове́том; те́мже к Тебе́ прибего́х, и́бо ины́я

не и́мам по́мощи ра́зве Тебе́, Влады́чице.

Песнь 4

Ниневи́тянов сле́зы и воздыха́ния Сын Твой дре́вле прие́м, долг грехо́вный весь о́ных оста́ви, я́ко многоми́лостив. Те́мже молю́ся: уми́лостиви Сего́ презре́ти и моя́ согреше́ния.

О, умовре́дия моего́, Всепе́тая! Яко хотя́й, грехо́м примеси́хся вся́ко нечу́вственных и лени́вых, и я́ко безу́мствуяй, по́хотем су́етным. Те́мже на путь покая́ния наста́ви мя, обраща́ющи и вразумля́ющи.

Всеблагогове́йно о́бразу предстою́ нескве́рному Твоему́, прося́ и моляся́: не отве́ржи окая́нна мя от лица́ Твоего́, но уще́дри и от вре́да и

бед спаси́ и вся́каго озлобле́ния.

Здра́вие души́, здра́вие телесе́ ми да́руй, да де́ю и творю́ во́лю Сы́на Твоего́ стра́хом и ра́достию, и́бо мо́жеши, я́ко Ма́ти су́щи Созда́теля

Твоего́, и твори́ши ели́ка хо́щеши, Де́во, ве́рою и любо́вию к хра́му Твоему́ притека́ющим.

Песнь 5

Весь бых, увы́ мне, безме́стными дея́ньми и беззако́ньми скве́рное, Де́во, и сту́дное вои́стинну пребыва́лище, и возненави́ден от а́нгел и челове́к, но мои́ми омы́й мя слеза́ми.

Мно́жайшими искуше́ньми содержи́ма отвсю́ду и обстоя́ньми, и коле́блема, увы́, бу́рями и скорбьми́, сохрани́ мя, Всечи́стая, под кро́вом

Твои́м Боже́ственным, всегда́ избавля́ющи и спаса́ющи.

Те́плым Твои́м моле́нием к Сы́ну Твоему́ о мне, неключи́мем и многогре́шнем рабе́ Твое́м, я́ко да обрету́ разреше́ние грехо́в мои́х, Спа́са пре́жде истяза́ния умоли́, Всесвята́я.

Избавля́ти мя не преста́ни, испове́дающа грехи́ и беззако́ния моя́, и́миже окая́нный в ве́дении беззако́нновах. Сего́ ра́ди, воздыха́ньми

моля́ся, зову́: не отри́ни раба́ Твоего́, Влады́чице.

Песнь 6

Бы́ша псало́мски беззако́ния моя́, Влады́чице, я́ко бре́мя тя́жкое, тяготе́ющее на мне, и души́ я́звы за безу́мие мое́ возсмерде́ша и

согни́ша⁹⁸.

По до́лгу к хра́му свяще́нному Твоему́ притеко́х, и я́ко моле́бник плаче́вный предстою, Влады́чице: сле́зы моя́ приими́, я́ко вдови́чи

иногда́ ле́пты Христо́с Госпо́дь.

О, ка́ко но́сит земля́ самоосужде́ннаго, па́че всех челове́к блу́дно пожи́вша, и не пожре́т мя! Недоуме́ю и трепе́щу; но Ты еси́ спаса́ющая.

Угаси́, Блага́я, ороше́нием ми́лости Твоея́ стре́лы о́гненны, льсти́вно дви́жимыя в нощи́ и во дни от врага́, борю́ща мя.

Седален, глас осьмый. Подобен: Прему́дрость и Сло́во:

Многосве́тлая колесни́це Бо́жия, Све́та Боже́ственна све́щниче златови́дный, Нескве́рная и Пренепоро́чная Влады́чице, те́мную ду́шу

мою́, осле́пшую страстьми́, безстра́стия просвети́ заре́ю, молю́ся, и оскверне́нное се́рдце мое́ то́ками омы́й умиле́ния, покая́ния же слеза́ми,

да любо́вию зову́ Ти: моли́ся Сы́ну Твоему́ и Бо́гу согреше́ний да́ти ми оставле́ние; Тя бо и́мам наде́жду раб Твой.

Песнь 7

Ирмос: Oт Иуде́и доше́дше о́троцы в Вавило́не иногда́ ве́рою Тро́ическою пла́мень пе́щный попра́ша, пою́ще: «Отце́в Бо́же, благослове́н еси́».

Простира́ю о́ко всеокая́нныя и злополу́чныя моея́ души́ к Тебе́, и вопию́ ве́рою к Сы́ну Твоему́, Спа́су и Соде́телю: Ма́тере Твоея́, Христе́, мольба́ми уще́дри мя.

Целе́б пучи́ну стяжа́вши, Де́во, Христа́ поро́ждшая, ка́плю изле́й и мне незави́стно, моле́бнику немощству́ющу Твоему́, отвсю́ду лю́те

уя́звлену.

Всесвята́я Отрокови́це, умиле́ния испо́лни смире́нную мою́ ду́шу, я́ко да омочу́ храм Твой струя́ми сле́зными, и омы́ю, Чи́стая, скве́рну

страсте́й.

Неискусобра́чная Неве́сто, сохрани́ вся прибе́гшия к Тебе́; а́ще не бы соблюда́ла рабы́ Твоя́, поги́бли вси бы́хом и снедь де́моном бы́ли.

Песнь 8

Ирмос: На горе́ святе́й просла́вльшася и в купине́ огне́м Присноде́вы Моисе́ови та́йну я́вльшаго, Го́спода по́йте и превозноси́те во вся ве́ки.

Изба́ви тогда́ Твоя́ рабы́, егда́ Сын Твой суди́ти прии́дет род челове́ч и разлучи́ти, увы́, друг от дру́га пра́ведныя и гре́шныя.

Чу́до ве́лие: ка́ко млеко́м пита́еши, Де́во, и Де́ва яви́ся по рождестве́? Пресла́вны вои́стинну та́йны Твоя́; те́мже покланя́емся

и превозно́сим неизрече́нное Твое́ рождество́.

Удали́хся Тебе́ и омерзе́х, поноше́ние и поруга́ние су́щим о́крест мене́; но не пре́зри, Де́во, молю́ся, в коне́ц раба́ Твоего́.

Умерщвле́на угрызе́нии льсти́ваго, оживи́ мя, Жизнь Ро́ждшая, и не оста́ви мя соодолева́ти сему́ недоуме́юща и смире́нна.

Песнь 9

Ирмос: Устраши́ся всяк слух неизрече́нна Бо́жия снизхожде́ния, я́ко Вы́шний во́лею сни́де да́же и до пло́ти, от деви́ческаго чре́ва быв Челове́к; те́мже Тя, Пречи́стую Богоро́дицу, ве́рнии, велича́ем.

Воздви́жеся рог благочести́вых, вознесе́ну на дре́во Твоему́ Сы́ну и Бо́гу, Всенепоро́чная, Имже раздра́ся рукописа́ние, и упраздни́ся враг

в коне́ц и паде́; те́мже Нескве́рная, я́ко всех сих вину́ Тя сла́вим.

То́ки слез мои́х состра́стно ви́дящи, умилосе́рдися на мне Влады́чице, ми́лостию Твое́ю смире́нную ду́шу мою́ при́сно обвеселя́ющи, освяща́ющи, соблюда́ющи и от руки́ бесо́вския исхища́ющи.

Царе́й благочести́вых держа́во, проро́к и апо́стол похвало́, иера́рхов добро́то, му́чеников удобре́ние и преподо́бных весе́лие, пра́ведных наслажде́ние, скорбя́щих ра́досте, не пре́зри, Отрокови́це, моле́ния раб Твои́х.

Лю́дие, язы́цы и племена́, ю́ноши с де́вами, прии́дем Правосла́вия чи́стым смы́слом вси воспита́ни, Де́ве и Ма́тери Бо́га на́шего те́пле возопии́м: Всесвята́я, спаси́ всех мольба́ми Твои́ми.

Стихиры, глас осьмый. Подобны: О, пресла́внаго чудесе́:

Ра́дуйся, Де́во Богоневе́сто; ра́дуйся, ве́рных наде́ждо; ра́дуйся, ми́рови очище́ние; ра́дуйся, от вся́кия ско́рби рабы́ Твоя́ спаса́ющая;

сме́рти, ра́дуйся, разоре́ние; живоно́сный, ра́дуйся, раю́; ра́дуйся, заступле́ние призыва́ющих Тя; ра́дуйся, Боже́ственное пребыва́ние и

горо́ свята́я.

Ра́дуйся, Богоро́дице Пречи́стая; ра́дуйся, исто́чниче жи́зни; ра́дуйся, ле́ствице небе́сная; ра́дуйся, всея́ тва́ри Госпоже́ и Влады́чице; Благослове́нная, ра́дуйся, и Всенепоро́чная; ра́дуйся, Боже́ственное жили́ще; ра́дуйся, Всечестна́я; ра́дуйся, Де́во Ма́ти, Неве́сто Неневе́стная.

Ра́дуйся, Матероде́вственная Влады́чице; ра́дуйся, челове́ков еди́на наде́ждо и заступле́ние; ра́дуйся, гре́шных прибе́жище; ра́дуйся,

све́щниче всесве́тлый; преукраше́нная, ра́дуйся, пала́то; светоно́сная, ра́дуйся, свеще́; ра́дуйся, де́вства нескве́рная похвало́; ра́дуйся, исто́чниче, исцеле́ния вре́яй к Тебе́ притека́ющим.

Приими́ моли́тву мою́ сию́, и не пре́зри, Чи́стая, пла́ча и слез, ниже́ отри́ни мене́, в лю́тых бе́дствующа, на Тя бо все ча́яние мое́ возложи́х, Богора́дованная еди́на: яви́ мя свобо́дна от всех оскорбля́ющих, и ра́дость да́руй, ра́дости я́ко Пода́тельница.

Канон Пресвятей Богородице в четверток

Творение преподобнаго отца нашего Павла, Епископа Аморийскаго, егоже краегранесие: В коне́ц мя спаси́, недосто́йнаго, Отрокови́це, Па́вла

Песнь 1

Юже ко мне, Нескве́рная, сострада́ния Твоего́ превосходя́щую благода́ть ка́ко дерзну́ воспе́ти, Влады́чице? Или́ ка́ко изря́дное промышле́ния Твоего́ просла́влю, зане́ от сме́рти спасла́ еси́ мя толи́ко сея́ досто́йнаго?

В беззако́ниях зача́т окая́нный, весь роди́хся грехо́в испо́лнь; не ве́дый чесо́ ина́го, еи́дн бо бех сосу́д зело́ непотре́бен человеколю́бно Сотво́ршему мя. Но помози́ мне, ми́ра Владычице.

Разреши́ страсте́й мои́х мглу, Всепе́тая, све́том рождества́ Твоего́, мра́чный о́блаки восприя́тий мои́х дале́че от ума́ отгоня́щи, и чи́стый безстра́стия свет ра́бу Твоему́ возсия́й.

Увы́ мне, злым сочта́нием лю́те держи́му, Влады́чице! Увы́ мне, еди́ну от челове́к в па́губный ров низпо́лзшуся, и сласте́й злосмра́дием я́ту, и е́же из пла́мене сих избавле́ния ожида́ющу.

Песнь 3

Сте́чное⁹⁹ и́мам вои́стинну плотско́му рожде́нию моему́ е́же страсте́м покори́тися и безслове́сно тех послужи́ти дело́м, увы́ мне, окая́нному! Влады́чице всех, помози́ ми.

Еди́н у́бо день ка́юся Бо́гу, во вся же благоутро́бие Его́ прогневля́ю, безчу́вственный аз и душе́ю немилосе́рдый; но долготерпе́ти на мне

Сего́ моли́, Всенепоро́чная.

Окая́нствовах лю́те и сляко́хся в коне́ц тяжча́йших зол мои́х бре́менми, и́мже во́лею повину́хся изде́тска, безу́мный; но не пре́зри мя, Чи́стая, в сих погубля́ема.

Те́лом, ду́хом же и душе́ю сый оскверне́н, прехожду́, окаля́я возду́х и де́лы мои́ми зе́млю скверня́, окая́нный; но образми́ преложе́ния, Де́во, лу́чша мя сотвори́.

Песнь 4

Яко в нощи́ еди́н от всех хожду́, дела́ творя́й тьмы досто́йная, и челове́ков оче́с укры́тися вся́ко пону́дився, утаи́тися Бо́га не возмого́х. Его́же пра́ведным судо́м и́мам во тьму изда́тися, но отсю́ду, Чи́стая, мя уще́дри.

Стеню́ го́рце из глубины́ ны́не се́рдца моего́, помышля́я недомы́сленное мно́жество мои́х зол, я́ко вои́стинну песка́ морска́го число́м превосхо́днейшее. Те́мже мя, Богоро́дице, пре́жде конца́, Твои́ми обра́щши моле́ньми, спаси́ раба́ Твоего́.

Не возмога́ет род челове́ч, моля́ще, Бо́га уми́лостивити о ни́хже аз еди́н согреши́х, ду́шу страсте́й студа́ злосмра́днейша испо́лнивый,

а́ще не Ты, Богоро́дице, изба́виши и спасе́ши раба́ Твоего́.

Ны́не о мне стеня́т земли́ исполне́ния¹⁰⁰, Зижди́телеву вельми́ изумева́ющеся долготерпе́нию и кро́тости на мно́гих мои́х и всепа́губных

беда́х, и́бо тварь сподвиго́х вся́ку, лю́тыми мои́ми ужаса́ему согреше́нии.

Песнь 5

Безду́шных естеству́, во о́вех еди́нех и́же не подоба́ше подража́вый, во о́вех же подоба́ше, в сих не покори́хся возревнова́ти, зако́ны пре

ступи́в естества́ и чрез естество́ жи́тельствовав; те́мже мя, Отрокови́це, поми́луй.

Тьмы предста́телие дел свои́х в науче́ние мя положи́ша и ины́м а́бие в тех нечести́ва наста́вника; увы́ мне, что сотворю́, злы́ми мои́ми

мно́гая уловле́й? Всенепоро́чная, спаси́ мя.

Умертви́тися ми́ру от всех возмне́выйся

ви́дящих мя, проти́ву мне́ния тех гряду́, преше́дый стезю́, окая́нный; но и́стинно го́ре мне, а́ще не Ты, Пречи́стая, ско́ро сея́ отведе́ши мя.

Грехи́ умножа́ю ины́ми грехми́ всегда́, и собира́ю огнь нестерпи́мь окая́нней мое́й души́, от него́же изба́ви мя пре́жде искуше́ния о́наго, Всенепоро́чная.

Песнь 6

Мертв от всех до́брых сый вся́цем о́бразом и неключи́м, во еди́ных де́лех тлетво́рных живы́й не стыжду́ся и веселя́йся. О, ка́ко не срамля́юся аз души́ моей досто́инства!

Вся́кия у́бо за́поведи уклони́хся, низведе́н же бых ле́ностию к про́пастем зло́бы горча́йшим со тща́нием, но обрати́ мя, Влады́чице.

Суха́ земля́ быв и Ду́ха плодо́в безпло́дна, лю́те олядене́вый и бу́дущаго огня́ вещество́ прозяба́яй; но Ты, Отрокови́це, мя обрати́.

Се все зол мо́ре мене́ обы́де и ре́ки страсте́й воздвиго́ша гла́сы своя́, Нескве́рная; о́ных же се́ти изми́ мя и безчи́нна стремле́ния.

Седален, глас осьмый. Подобен: Прему́дрость и Сло́во:

Све́тлый о́блак Тя и слове́сен, ро́су Боже́ственную и та́инственную, во́ду в жизнь ве́чную изменя́ему, и спасе́ния ту́чу дождя́щу уве́девый

аз, прошу́ Твоей благосты́ни: даждь главе́ мое́й струю́ умиле́ния и исто́чник, я́ко пото́ки сле́зы точа́щ, да свы́ше омы́ет от скве́рны грехо́в мя и сне́га яви́т беле́йша; на Тя бо наде́юся, неключи́мый моле́бник Твой.

Песнь 7

Не и́мам умиле́ния, ниже́ смире́ния в се́рдцы мое́м, ниже́ бде́ния, ни моли́твы, ниже́ воздержа́ния, ни ины́я доброде́тели ки́я; те́мже Ти

вопию́: ту́не спаси́ мя, Влады́чице.

Ума́ омраче́нием покая́ния отню́д не стяжа́х, ни поуче́ния сме́ртна, ни целому́дрия су́щне, ни му́дрости, но ниже́ му́жества с пра́вдою; те́мже Ти вопию́: ту́не спаси́ мя, Влады́чице.

Дмя́ся страстьми́ и вся́ческими процвета́яй грехи́, о вня́тии стра́ха Бо́жия и Бо́гу предстоя́нии небрего́х, та́кожде о любви́, наде́жде и ве́ре; те́мже Ти вопию́: ту́не спаси́ мя, Влады́чице.

Несть ин, и́же па́че мене́ согреши́ на земли́, ниже́ та́ко прогне́ва Сотво́ршаго, блу́дно живы́й, я́ко аз окая́нный; те́мже Ти вопию́: ту́не спаси́ мя, Влады́чице.

Песнь 8

Изба́ви вся́каго злых мя обы́чая, да́руй ко Го́споду обраще́ние непоро́чно и чистоте́ присвое́ние; добро́тами превысо́кими, Де́во, целому́дренно мое́ сотвори́ житие́, и всех благи́х пода́ждь ми хода́тайство, да славосло́влю Тя во вся ве́ки.

Яже Свет Бо́жий неизрече́нный челове́ком возсия́вшая, просвети́, Дево́, душе́вная моя́ чу́вства, тьму прогоня́ющи от Мене́ лю́таго уны́ния; возжзи́ в се́рдцы мое́м огнь любве́ к Сы́ну Твоему́, и сла́дкаго весе́лия Его́ испо́лни мя во вся ве́ки.

Всех до́брых ви́ды мя украси́, Влады́чице, ра́дости духо́вныя раба́ Твоего́ испо́лни, кру́гом доброде́телей увенча́й, вся́каго сподо́би даро́в

хода́тайства, и Ца́рства Небе́снаго прича́стника мя покажи́, а́ще и па́че досто́инства моего́ испро́шено есть.

Неуде́ржным ма́нием, невла́емым же

стремле́нием к ше́ствию доброде́тельну посыла́тися невозбра́нно благопоспе́шствуй, и к су́щим дале́че ми простира́тися, за́дняя вся забыва́ющу, и те́плое покая́ние и моли́твы пода́ждь, да любо́вию пою́ Тя во ве́ки.

Песнь 9

Воспе́та ка́ко Чи́стую возмогу́, душе́ю и се́рдцем нечи́стый? Ки́ими словесы Нескве́рную восхвалю́, аз оскверне́нный? Ка́ко Де́ву Юже зре́ти соскутова́ются¹⁰¹ а́нгелов чи́ни, зре́ти дерзну́ во о́бразе си́це зле, я́ко и́мам? Те́мже мя уще́дри, Влады́чице.

Взе́мши мя, Де́во, за ру́ку десну́ю, Царю́ Безсме́ртному усво́й и Сы́ну Твоему́, погреше́нных пода́ти прося́щи ми оставле́ние и жития́ исправле́ние всеконе́чное; Тя бо предста́тельство, упова́ние и покро́в напису́ю аз, живя́й или́ умира́яй.

Сло́во, е́же глагола́х ны́не к Тебе́, ни зол мои́х вся исчи́сли, ниже́ о́тай сту́дная объяви́, но от челове́к сляче́но стыде́нием, вя́щшая утаи́. Ты же, Де́во, предложе́нная от Мене́ прие́млющи, соверше́нное сих пода́ждь оставле́ние.

Черто́га безсме́ртнаго улучи́ти и сла́дости ра́йския сподо́би еди́ну Тя на земли́ наде́жду по Бо́зе иму́ща, еди́но моле́ние, еди́но предста́тельство, кре́пость еди́ну. Те́мже сокрове́нно дерза́я, сия́ глаго́лю: Влады́чице, спаси́ мя, раба́ Твоего́.

Стихиры, глас осьмый. Подобны: Го́споди, а́ще и на суди́щи:

Ра́дуйся, белообра́зный би́сере, светосия́нный и многоце́нный, Ро́ждшая от очервле́ния крове́й Твои́х Воплоще́ннаго и сла́дкими Его́

зарелу́чными све́тлостьми ми́ра всего́ мрак, Всепе́тая, Просвети́вшаго.

Ра́дуйся, Де́во, на объя́тиих Твои́х младоле́пно носи́вшая Иже на престо́ле сла́вы высо́цем боголе́пно Седя́ща, и на пе́рсех Твои́х я́ко

со́нна держа́вшая недре́манное о́ко Иму́ща и вся Назира́юща.

Ра́дуйся, Отрокови́це, Яже па́че ме́да, горта́ни сластнопита́тельнаго, и па́че со́та, усто́м и язы́ку сла́дость точа́щаго, и па́че са́мыя амвроси́и сла́дким и́менем Твои́м сердца́ услажда́ющая пою́щих Тя.

Совлецы́ мя плаче́вныя ри́зы, и спаси́тельною Боже́ственнаго весе́лия ри́зою и ра́дования облецы́, я́ко да не изве́ржен бу́ду, не имы́й

одея́ния бра́чна, от черто́га Сы́на Твоего́, Богора́дованная Влады́чице.

Канон Пресвятой Богородице в пяток

Творение Фотия, Патриарха Константинопольскаго, егоже краегранесие: Сей и моле́ние осьмо́е подоба́ет

Песнь 1

Уста́ моя́ испо́лни, Отрокови́це, Боже́ственныя сла́дости Твоея́, и просвети́ ум мой, я́ко да воспева́ю и велича́ю щедро́т Твои́х пучи́ну

безме́рную.

Немощству́ющее лю́тыми страстьми́ се́рдце мое́ и мно́гою тягото́ю боле́знующее, уврачу́й, Де́во, Врача́ душ ро́ждшая.

Бы́шша покажи́ мя сласте́й плотски́х, тене́т же и попече́ний жите́йских, сил небе́сных превы́шшая и со́лнца светле́йшая, Богоневе́сто.

Благослове́нную в жена́х и просла́вленную молю́ Тя гла́са благослове́нна послуша́ти ми Сы́на Твоего́ и сла́вы Его́ улучи́ти.

Песнь 3

Пресла́вный гра́де и слове́сный, Влады́чице, Всецаря́ моли́, Богора́дованная, Вы́шняго Гра́да мя жи́теля бы́ти, и не посрами́ мене́ от упова́ния моего́.

Прибе́жище ми́ра, христиа́н похвало́, покро́в и заступле́ние всех на Тя упова́ющих, поко́ршася Тебе́ не пре́зри мя, но ми́лостию Твое́ю спаси́, Влады́чице.

Неча́яние и мрак, вку́пе и помышле́ний смяте́ние рождество́ Твое́ сказу́ющих покрыва́ет, Влады́чице: Его́же бо Моисе́й прови́де, мра́ком кры́емый, Сего́ родила́ еси́.

От свяще́ннаго рая́ и живо́тныя страны́, бра́шном мя улови́в льсти́вым, змий лука́вый дале́че изгна́, и ме́сто Еде́мле в тле́ния ме́сто

измени́ти за́вистию уклони́.

Песнь 4

Ирмос: Услы́шах, Го́споди, смотре́ния Твоего́ та́инство, разума́х дела́ Твоя́ и просла́вих Твое́ Божество́.

Чре́во Твое́, Нескве́рная, небе́с простра́ннее бысть, вме́щшее Невмести́маго, Его́же моли́ спасти́ пою́щия Тя.

Ту́не поми́луй мя, Богома́ти, неду́гов же вся́ческих измени́ и му́ки исхити́, прибе́жище мое́ и предста́тельство.

На Тя все упова́ние возлага́ю спасе́ния моего́ и жития́ окормле́ние, Благода́тная Присноде́во.

Наде́жда моя́ и похвала́, прибе́жище, живо́т и заступле́ние, предста́тельство и утеше́ние Ты еси́, Всечестна́я Отрокови́це.

Песнь 5

Ирмос: Утренююще вопие́м Ти Го́споди: спаси́ ны; Ты бо еси́ Бог наш, ра́зве бо Тебе́ ино́го не ве́мы.

Спа́са и Человеколю́бца Го́спода Ро́ждшая, и спасе́ния стезю́ человеколю́бием Твои́м скажи́ ми.

Ми́лостивным Твои́м о́ком, Владычице Богоро́дице, при́зри на смире́ние мое́ и спаси́ мя.

Яко ору́жием благоволе́ния, Всепе́тая, в Боже́ственнем кро́ве Твое́м главу́ мою́ увенча́й, соблюда́ющи мя.

Вы́шний воплоти́ся во утро́бе Твое́й, Нескве́рная Богоро́дице, и роди́ся и новотвори́т челове́чество.

Песнь 6

Ирмос: Ри́зу ми пода́ждь све́тлу, одея́йся све́том я́ко ри́зою, многоми́лостиве Христе́ Бо́же наш.

Тишины́ Ро́ждшая Христа́ вино́внаго, свире́пое страсте́й волне́ние, молю Ти ся, укроти́.

Тещи́ за́поведий Бо́жиих путь се́рдце мое́, стесне́нное страстьми́, разшири́, Отрокови́це, небе́с ши́ршая.

Не стяжа́х слез пото́ки, да омы́ю безме́рная моя́ согреше́ния; моле́ньми Твои́ми, Чи́стая, сих мя изба́ви.

Ма́ти Вы́шняго, от страсте́й вод мно́гих в покая́ние приими́ мя, с высоты́ низпосыла́ющи благода́ть Твою́.

Седален, глас осьмый. Подобен: Прему́дрость и Сло́во:

Облаче Со́лнца у́мнаго, ума́ моего́ о́блаки те́мныя расто́ргни, Влады́чице, све́том лица́ Твоего́, и покая́ния заре́ю просвети́ о́чи мра́чныя моея́ души́, страсте́й очерне́нием ожесточе́ннеи и злых дея́ний му́тными сли́тии в коне́ц ослепле́ннеи, да любо́вию зову́ Ти: моли́ Христа́ Бо́га согреше́ний оставле́ние да́ти мне, Тя бо и́мам наде́жду, недосто́йный раб Твой.

Песнь 7

Ирмос: Отроцы евре́йстии в пещи́ попра́ша пла́мень дерзнове́нно и на ро́су огнь преложи́ша, вопию́ще: «Благослове́н еси́, Го́споди Бо́же, во ве́ки».

Ве́рою и любо́вию к Тебе́ прибега́ю, согреше́ний плени́цами затяза́емь, благоутро́бием же ми́лости разреши́ мя вопию́ща: благослове́н, Всечи́стая, Плод Твоего́ чре́ва.

Струю́ исцеле́ния ми источи́, и пещь угаси́, Де́во, сласте́й и страсте́й, согреше́ний же и боле́зней; Ты бо еси́ исто́чник, жи́зни Боже́ственныя сла́дкий пото́к излива́ющ.

Яко еле́нь ядоме́тными ура́нен стрела́ми, ка́плю ми́лости Твоей жа́жду испи́ти, я́ко да я́да избу́ду иногда́ смертоно́сна.

Вся́кое ча́яние на Тя возлага́ю, Де́во, живота́ моего́, те́мже не пре́зри мя, но уще́дри, спаси́ и та́мошняго изба́ви ве́чнаго осужде́ния.

Песнь 8

Ирмос: Царя́ Небе́снаго, Его́же пою́т во́и́ а́нгельстии, хвали́те и превозноси́те во вся ве́ки.

Во утро́бе Твое́й Бы́вшаго пре́жде Тебе́ заче́нши, Мари́е Нескве́рная, родила́ еси́ неизрече́нно Христа́ Царя́.

Да сла́влю, Отрокови́це, и покланя́юся стра́хом всечестно́му и́мени Твоему́, ско́рби вся́кия мя изба́ви и вре́да.

Но́сиши я́ко Младе́нца на святу́ю руку́ Твое́ю вся Нося́щаго сло́вом; те́мже с Ним Тя воспева́ем во ве́ки.

Яко кре́пкую наде́жду еди́ну Тя содержа́й, молю́ся: грехо́в и бед, Богома́ти Мари́е, изба́ви мя ско́ро.

Песнь 9

Твоя́ плаче́вныя уще́дри, Де́во, моле́бники, неудо́бства же вся́каго свободи́, наноше́ния находя́щая возвраща́ющи.

Ми́лостив бу́ди, Спа́се мой, всем чту́щим Пресла́вную вресноту́ Ма́терь Твою́, и рая́ сла́вы покажи́ я́ жи́тели.

Путь зло́бы вся́кия приле́жно теки́й, доброде́телей же путь мимотеко́х; путь скажи́ ми, Отрокови́це, во́ньже пойду́.

Песнь Ти коне́чную, пе́рвую же и сре́днюю, арха́нгельски, Чи́стая, е́же «ра́дуйся» приношу́, сообра́зныя бо Тебе́ ины́я обрести́ не моги́й.

Стихиры, глас осьмый. Подобны: О, пресла́внаго чудесе́:

Ра́дуйся, сме́рти разоре́ние; ра́дуйся, а́дово умерщвле́ние, Ада́ма воста́ние и Евы избавле́ние; ра́дуйся, му́чеников кре́посте непобеди́мая; ра́дуйся, преподо́бных ри́зо богосоде́ланная; ра́дуйся, спасе́ние ми́ра, Всенепоро́чная; ра́дуйся, ра́досте всех держи́мых скорбьми́, Де́во Ма́ти Честна́я.

Ра́дуйся, цве́те ве́ры; ра́дуйся, упова́ние челове́ков; ра́дуйся, стено́ неруши́мая; ра́дуйся, гра́де Влады́ки тва́ри одушевле́н; ма́терей, ра́дуйся, украше́ние и дев вселюбе́зная добро́то; ра́дуйся, всечу́дная вселе́нныя похвало́; ра́дуйся, Бо́жие нескве́рное пребыва́лище; ра́дуйся, Богоневе́сто.

Ра́дуйся, всех сказа́ние слове́с, Чи́стая Отрокови́це, вся́кия кни́ги ве́тхия же и но́выяТсоверше́ние, сладкопе́ний сконча́ние, та́йный письме́н всех соста́в¹⁰², а́льфа, оме́га, нача́ток же и коне́ц. По Рождестве́ Твое́м Ты еси́ Влады́чица, те́мже Твое́ю си́лою пе́ния сия́ соверши́шася.

Приими́ сей труд мой ску́ден, Блага́я, его́же аз в не́мощи телесе́ принесо́х и Твое́ю любо́вию укрепля́емь, ту́ю препобеди́х; и спасе́ния

мя сподо́би, Чи́стая, да коне́чную, сре́днюю же и пе́рвую песнь а́нгельскую Ти вопи́ю: ра́дуйся, Ма́ти Бо́жия.

Соверши́телю до́брых. Бо́гу благода́ть.

Приложение Ин канон молебный ко Пресвятей Богородице

Творение Богоносного отца нашего Иоанна Евхаитскаго, егоже краегранесие: Не́мощи уврачу́й моя́, Отрокови́це, мона́ха Иоа́нна

Глас 8

Песнь 1

Не́мощи моя́ и боле́зни исцели́, Богороди́тельнице, я́ко Бо́га Сло́ва пло́тию ро́ждшая, Иже страстьми́ Свои́ми на́ша я́звы и неду́гивсех поне́сша и неможе́ния уврачева́вша.

Без боле́зней поро́ждши, Влады́чице, боле́зни моя́ и тя́жкия труды́ и утесня́ющия мя и соугнета́ющия отвсю́ду люте́йшия ско́рби облегчи́, осла́би и посеще́нием Твои́м уврачу́й.

Обрати ми плач болезни моея́ в здра́вия ра́дость, темное вретище злорастовре́ния моего, Де́во, раздра́вши, све́тлым благорастворе́ния

препоя́ши весе́лием мя, и ра́дования испо́лни.

Возгнеща́емая страсте́й пещь и́скрами горя́щими тлетво́рных неду́г и пламеноно́сным у́глием разжиза́ет и опаляет мене́ огне́м темне́йшим, но а́ще ороси́ши мя, Влады́чице, исцеле́ние роса́ Твоя бу́дет ми.

Песнь 3

Ирмос: Небе́снаго кру́га Верхотво́рче, Господи, и Це́ркве Зиждителю, Ты мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.

Ди́внаго во святы́х Бога, Отрокови́це, родила́ еси́, те́мже на мне ми́лости Твоя удиви́, Пресвята́я Чи́стая, и нестерпи́мыми боле́зньми

уже́ умерщвле́на оживи́ мя, молю́ся.

На одре́ боле́зни го́рце лежа́, Тя призыва́ю, Де́во: приклони́ у́хо Твое́ мне, потщи́ся спасти́ мя, скоро е́же изъя́тися огня негаси́ма ны́не

се́рдцу моему́.

Младоу́мное отроча́ ю́но, сы́на безчи́нна же́злом уцелому́дривает, наказу́я, оте́ц любе́зный, вем, Человеколю́бче; но вельми́ опа́льшася мя Ро́ждшия Тя ра́ди поми́луй.

Кре́пкое Тя огражде́ние и анки́ру свяще́нную и неруши́мое упова́ние стяжа́х, Влады́чице; те́мже мя волна́ми неду́г обурева́ема к здра́вия напра́ви приста́нищу ти́хому.

Песнь 4

Ты струю́ исцеле́ний источи́ла еси́, бе́здну неду́г изсуши́вшую и подаю́щую ту́не кре́пость боля́щим и злостра́ждущим здра́вие. Те́мже

уму́чена лю́тыми боле́зньми и го́рькими неможе́нии мя исцели́.

Да Твоя́ возвещу́ чудеса́, Богоро́дице, и вели́чия Твоя́, да испове́м в сыне́х челове́ческих, Всепе́тая, Твоя́ ми́лости, при́зри благоутро́бно

на мя боле́знующа и здра́вие соверше́нное ми да́руй.

Измене́ние немощству́ющих, здра́вие удо́бное и цельба́, преложе́ние и отра́да су́щим в печа́лех, напа́стех и ско́рбех, неду́ги горча́йшими и непреста́емыми труды́ иждива́ема мя уще́дри, Влады́чице.

Немощно́е существа́ челове́ча, Христе́, понесы́й ра́ди бла́гости, не́мощи моя́ мно́гая и боле́зни ми́лостивно исцели́, Благоутро́бне; на сие́ моля́щуюся чи́сто Тя ро́ждшую стяжа́х Нескве́рную Богома́терь.

Песнь 5

Ирмос: Вску́ю мя отринул еси́ от лица́ Твоего, Све́те Незаходи́мый, и покры́ла мя есть чужда́я тьма, окая́ннаго? Но обрати́ мя и к све́ту за́поведей Твои́х пути́ моя́ напра́ви, молю́ся.

Кропле́ньми щедрот Твои́х неможе́ния моего ти́ну измыва́ющи, чи́стаго здра́вия наслади́тися пода́ждь ми, Влады́чице, и́бо живот мой

пома́ле иждива́ется и спаса́ния наде́жды несть мне.

В боле́зни ле́та и в воздыха́ниих жизнь мою́ оскуди́х, и изнемо́же кре́пость телесе́ моего, Де́во, зане́ смято́шася потопле́нием многодне́вным кости моя́; те́мже мя поми́луй.

Тя те́плое предста́тельство и помощь гото́вую в ско́рбех, Отрокови́це, стяжа́в, к Твоему́ прибега́ю заступле́нию: го́рькия боле́зни, печа́ли несно́сныя и тяжкую скорбь мою́ облегчи́.

Грехми́ умножа́ю ины́я грехи́ на всяк день, окая́нный, и собира́ю гее́нны огнь нестерпи́мь всеокая́нней мое́й души́, от него́же изба́ви мя

пре́жде искуше́ния о́наго, Всенепоро́чная¹⁰³.

Песнь 6

Ирмос: Бе́здна грехо́в и прегреше́ний бу́ря мя смуща́ет, и во глубину́ ну́жднаго ре́ет мя отча́яния: но Твою́ кре́пкую ру́ку мне простри́, я́ко Петро́ви, о Упра́вителю, и спаси́.

Го́рькия пе́щи Вавило́нския вя́щшее огнесожже́ние, и пла́мень зно́йнейш пожига́яй, истаява́яй и огнь паля́щ внутрь се́рдца изверга́яй,

мои́х грехо́в вещество́ возгнете́ мне.

Одожди́ ми, све́тлый и благода́ть вре́яй о́блаче, исцеле́ний струи́, и иста́явшаго мя зно́ем огневи́цы паля́щия ороси́, молю́ся, и к пе́рвому

па́ки востещи́ здра́вию пода́ждь ми.

Воды́ живо́тныя исто́чниче, го́рькую и непостоя́нную во́ду боле́зней, трудо́в и страсте́й плотски́х люте́ обурева́ющую мя, укроти́, успи́, уста́ви, прохлади́, и се́рдце ути́ши.

Успи́ неусы́пною Твое́ю мольбо́ю боле́зней непреста́емая и и́злиха свире́пеющая обхожде́ния огневи́чная, и зе́льнейшую от них сту́жу утоли́, зане́ ко́сти сокруша́ет моя́.

Песнь 7

Все на Тебе́ ча́яние и наде́жду спасе́ния всю возверза́ю, те́мже все ло́же боле́зни моея́, Влады́чице, на здра́вие обрати́.

Струю́ исцеле́ний ми изле́й и клоко́чущую пещь лю́тыя огневи́цы угаси́ в коне́ц, Ты бо исто́чник, живота́ вре́яй Боже́ственнаго сла́дость.

Собра́ безме́рный ми пла́мень телесе́ мно́гое злорастворе́ние, е́же и есте́ственную испепели́ вла́гу, подо́бием главни́¹⁰⁴ изсуши́в окая́нное мое́ се́рдце.

Еди́на скорбя́щих ра́досте, я́ко скорблю́, ско́ро услы́ши мя; вонми́ души́ мое́й и ми́лости Твоея́ не отврати́ лице́ от Мене́, Богороди́тельнице.

Песнь 8

Нов сый разсла́бленный, мертве́ц ды́шущ пове́ржен едва́ живы́й, на одре́ положе́н есмь,и мне бо одр мой бысть гроб, Влады́чице, рука́ма осла́блену, коле́нома и нога́ма. Но оба́че а́ще хо́щеши, сло́вом мя спасе́ши еди́нем, я́ко еди́ная Бо́га Ма́ти и Нескве́рная Де́ва.

Нестерпи́мыми неду́ги и тя́жкими неможе́нии, непрестаю́щими же и неисце́льными страстьми́ лю́те обурева́емь, к ти́хому Твоея́ ми́лости приста́нищу прибего́х, Де́во: ути́ши боле́зней мои́х смяте́ние и утоли́ во́лны скорбе́й.

Ра́дуйся, благосты́ни исто́чниче, бла́гости пучи́но, человеколю́бия же и ми́лости бе́здно, сия́ же и на мне удиви́, и одержа́щаго мя и томя́ща неможе́ния кра́йняго ка́плею благоутро́бия Твоего́ измени́ вско́ре.

Реко́ благода́ти, ба́не исцеле́ний, ра́дости и весе́лия ча́ше неисчерпа́емая, Богоро́дице Влады́чице, исцели́ и мене́, на одре́ боле́зни го́рце пове́ржена я́ко бре́мя безду́шно, и питие́ ми раствори́ здра́вия пода́тельное.

Песнь 9

Исцели́ неду́гующа мя лю́те, Богоро́дице, я́ко Бо́га заче́ншая без Се́мене, неду́гующих те́лом и душе́ю ма́нием исцеля́ющаго, я́ко да в

здра́вии пребыва́я, воспева́ю Тя ра́достно, почеству́ю ве́село и велича́ю све́тло.

Яко Ма́ти всех Соде́теля, в персть страсте́й сокруше́на мя всего́ обнови́, и вве́ржена в зе́млю мя, я́ко Блага́я, испра́ви; вся бо си́льна еси́

твори́ти, Влады́чице, я́ко Си́льнаго в кре́пости ро́ждшая, и ели́ка хо́щеши, Де́во, вся мо́жеши.

Исправле́ние па́дших и немощству́ющих кре́посте, здра́вие же и исцеле́ние боля́щих, многогре́шна вои́стинну мя и па́дша душе́ю и

те́лом испра́ви, Де́во, здравия сподо́би и спасе́ние ми устрой.

Болящих скоре́йшее измене́ние, немощны́х готовое утеше́ние, отра́до и́же в напа́стех злостра́ждущим, на неможе́ние мое́ и злостра́стие многое призри благоутро́бно, и вонми́ человеколю́бно тихим Твоим, Отрокови́це, о́ком.

Канон ямвический

¹⁰⁵

ко Пресвятей Богородице

Творение Иоанна Евхаитскаго, егоже краегранесие: Проше́ние приими́, Всесвята́я, Твои́х прибе́жников

Глас 1

Песнь 1

Ирмос: Спасе́ лю́ди чудоде́йствуяй Влады́ка, мо́крую мо́ря во́лну оземлени́в дре́вле; во́лею же ро́ждся от Де́вы, стезю́ прохо́дну небесе́ полага́ет нам. Его́же, по существу́ ра́вна же Отцу́ и челове́ком, сла́вим.

Словесы́ Тя, Чи́стая, па́че сло́ва Бо́га еди́ну ро́ждшую, Иже пре́жде век Сло́во, воспева́ти никто́же от а́нгел или́ земноро́дных мо́жет;

приими́ у́бо в дар наш любо́вь, от всех избавля́ющи бед и скорбе́й.

Виждь, держа́вный отринове́нных покро́ве, печа́ли на́шея бре́мя, я́ко не прису́щна я́же от ну́ждных ско́рбем утеше́ния ника́я наде́жда,

ниже́ спасе́ния. Уще́дри ны: избавле́ние бо еси́ от скорбе́й.

Трепе́щут о́браза младотворе́ния¹⁰⁶ Твоего́ безпло́тных ли́цы, народоводи́тели вы́шних: Изше́дша у́бо пре́жде от Отца́ единая но́сиши я́ко Сы́на, Ему́же и спротяже́ннно моли́ся, Чи́стая: избавле́ние бо еси́ от скорбе́й.

Облиста́ всесве́тлая Твоя́ благода́ть, и мра́чный весь о́блак грехо́вный отгна́ся,Нескве́рная, и боле́зней измене́ние стра́нно

всем показа́ла еси́; и ны́не све́том Твои́м страсте́й на́ших всю мглу разреши́.

Песнь 3

Ирмос: При́зри на пе́ния рабо́в, Благоде́телю, врага́ смиря́я вознесе́нную горды́ню, нося́й же, Всеви́дче, греха́ превы́ше, непоколе́блемо утвержде́нныя, Бла́же, певцы́ основа́нием ве́ры.

Ны́не моле́нием Ма́тере Твоея́, Всецарю́, от прираже́ний враг ви́димых и неви́димых соблюда́й вся: есть бо Та еди́на стена́ и похвала́,

Юже я́ко и́стинную Предста́тельницу сла́вим.

Приими́ песнь ми́лостивно, о Де́во,и уста́ви враг лю́тых преще́ние, е́же Тебе́ покланя́ющимся жестоковы́йнии ху́льными словесы́ нано́сят безбо́жно; истни́ тех, я́ко прах, шата́ние.

Де́лом проро́цы Всенескве́рное Сло́во от Тебе́ богоза́рно Ма́тере Неискусобра́чныя дре́вле провозвести́ша, Чи́стая Де́во; Ты бо, исхода́таивши Боже́ственным рождество́м, подала́ еси́ нам согреше́ний избавле́ние.

Христо́во прия́телище и огнепа́льную купину́, храм честны́й и мы́сленный све́щник, жезл и трапе́зу, от Нея́же Пита́яй вся прозябе́,

Богоро́дице, богови́дцев Тя усмотря́ше собо́р.

Песнь 4

Ирмос: Ро́да челове́ча обновле́ние дре́вле, поя́, проро́к Авваку́м предвозвеща́ет, ви́дети неизрече́нно сподо́бився о́браз: млады́й Младе́нец бо из го́ры Де́вы изы́де, люде́й во обновле́ние, Сло́во.

Имже есть язы́к вети́йствовати Боже́ственне, Твои́ми себе́ яснотворя́ще плеска́ньми¹⁰⁷, всю Тя показу́ют Христо́ву бли́жнюю, непоро́чну Де́ву, красну́ и чи́сту, всех очище́ние к Бо́гу спаси́тельное.

Сон отжени́ моея́ ле́ности, бо́дренна су́щи ко е́же спаса́ти, Де́во. Врага́ сие́ вои́стинну есть тьмоде́тельная вина́, зе́ницы бо смежи́л есть се́рдца моего́ всезло́бно, но безно́щный свет проше́нии мне Твои́ми хода́тайствуй.

Заступи́ вся и́же в труде́х скончава́ющия житие́, покрыва́ющи от вся́каго прило́га сопроти́вна. Се бо я́коже многово́лненною бу́рею

содержи́ми есмы́ у́жами грехо́вными, бу́ди по́мощь безбе́дная Твои́м моле́бником.

Безму́жная Ма́ти, ка́ко Безо́тчаго зачина́еши? Непоро́чная Неве́сто, ка́ко ражда́еши в рождестве́? Бог истощи́выйся в челове́ческо естество́, плоть есть ны́не от Де́вы моей, да к Себе́ привлече́т челове́ки.

Песнь 5

Ирмос: Из но́щи дел омраченный пре́лести очище́ние нам, Христе́, бо́дренно ны́не соверша́ющим песнь, я́ко Благоде́телю, прииди́, подава́яй удо́бну стезю́, по не́йже востека́юще, обря́щем сла́ву.

Но́ва су́ща и пре́жде всех Безвре́менна, но си́ла еси́, Нескве́рная, я́ко Младе́нца, на объя́тиих Твои́х; Его́же моли́, неусы́пными все́ми

дерзнове́нии Твои́ми ма́терски подвиза́емая, да ско́рое нам исхода́тайствуеши спасе́ние.

Чи́стая, хвалу́ я́ко проше́ние прие́мли, сокруша́ющи лу́ки и стре́лы сыно́в Ага́риных; в Тебе́ бо и́стинно наде́жду свою́ я́ко на Крепча́йшее и еди́но спасе́ние положи́хом, ны́не спаса́й вся, Де́вая.

Уве́данное ми яви́ся пре́жде недове́домое: от недр Твои́х де́ло стра́шное, Де́во, ны́не бопроизы́де созда́вый вся Сло́во, и па́дшее па́ки

назда́ естество́, а́бие же взы́де в не́бо свето

но́сное.

Приплы́вших ны́не к отча́янию еди́на свободи́ла еси́ от бе́здны душепа́губныя: Ты бо всех высота́, Мари́е Чи́стая, су́щие была́ еси́ и

предгра́дие и покро́в, и́мже измени́хомся язы́ческа вре́да.

Песнь 6

Ирмос: Обита́я Ио́на в преиспо́дних морски́х, приити́ моля́шеся и бу́рю утоли́ти; унзе́н же аз му́чащаго стрело́ю, Христу́ воспева́ю, зол губи́телю, ско́ро приити́ Тебе́ к мое́й ле́ности.

По вся́цей ве́рнии грехо́вней молве́ обре́тше Тя я́ко зна́мение светоно́сно, вла́яние вся́ко и треволне́ния бу́рю прехо́дят, и ко приста́ни

щу ти́хому ду́ши направля́ют, Благослове́нная.

Пита́ющи сосцы́ небесе́ Влады́ку, пи́щу услажда́вши дре́вле человекоуби́йственную, го́рькое мое́ греха́ питие́. Сла́дким Твои́м к челове́ком благоутро́бием, Всечи́стая, покажи́ сла́дость спасе́ния.

Яви́лася еси́ безопа́сно и́стинная мне Предста́тельница и лю́тых избавле́ние и утеше́ние в боле́знех. И ны́не бу́ди ми душе́вных сокруше́ний обяза́ние, подаю́щи страсте́й мои́х реше́ние, Влады́чице, Ма́ти Бо́га Сло́ва еди́наго.

Облак помысло́в возмуща́ет мя, бу́ри глубино́ю низвлача́ и волне́нием согреше́ний; но, о тишино́ и приста́нище благоутро́бия, мглу

лука́вую моо́х оглаго́ланий расто́ргни, я́ко свет несосу́дный.

Песнь 7

Ирмос: Всецаря́ любо́вию уловле́ннии, о́троцы укори́ша безчи́сленно яря́щася мучи́теля злобо́жное языковре́дие. Имже повину́ся огнь мно́гий, Влады́це глаго́лющим: «Во ве́ки благослове́н еси́».

Ты дре́вняго прама́терня до́лга, Христа́ ро́ждши, разреше́ние яви́лася еси́, Де́во, и ны́не долго́в грехо́вных мои́х подава́й, Чи́стая, молю́ся, к Бо́гу испоруче́ние: Ты бо Хода́таица благопримири́тельная еди́на.

Яко Зижди́теля заче́ншая, во утро́бе яви́ла еси́, о Влады́чице, пре́жде о́браза су́що¹⁰⁸ добро́ту а́бие украше́нну, я́ко свет вои́стинну ра́зума просве́щши, Честна́я, и́щущим спасе́ния.

Неве́ста всенепоро́чная пре́жде не прийде от рождества́ без Се́мене о́тча; ника́коже дре́вле младе́нец яви́ся, де́вы не разори́вый ключи́. О, ка́ко, Чи́стая, Ты от сих, Богоприя́тельная

Влады́чице, искуше́на, соблюда́ешися Де́ва!

К Твоему́ Сы́ну ма́терне дерзнове́ние при́сно употребля́ющи и про́пастей вся избавля́ющи, не пре́зри, Де́во, я́же отвсю́ду ны́не

скорбьми́ обстои́мыя, я́ко да Ти покланя́емся спасе́ни.

Песнь 8

Ирмос: Утро́бу неопа́льно образу́ют Отрокови́цы и́же в ве́тсем опаля́емии юноши, преесте́ственно ражда́ющую запечатле́нну; обоя́ же содева́ющи чудоде́йство еди́но, лю́ди к пе́нию возставли́ет благода́ть.

Пото́к я́вльшися, душе́вных скверн ти́ну омы́й мои́х согреше́ний, и́хже мне тли́тель змий зле приложи́, Нескве́рная Ма́ти и чудоде́тельная, всем хода́тайствующи чисти́тельную благода́ть.

Все от Ада́ма па́дшее мое́ естество́ весь из Тебе́ истощи́выйся богому́жно Пребезнача́льное Сло́во спаса́ет мя, Де́во. Его́же у́бо моли́

матеродви́жным Твои́м стремле́нием и ны́не мя всех лю́тых исхи́тити.

Тебе́ моле́ния от соверше́ннаго се́рдца принося́ще я́ко челове́ков наде́жде, стра́стных боле́зней на́ших всех обнажа́емся, Де́во, всекре́пким Твои́м покро́вом: бу́ди Хода́таица спаса́ющая моли́твенником Твои́м.

Яви́ свет лю́дем Твои́м, омраче́ния бо вина́ творя́ше нам боле́знь душе́внаго невиде́ния; Ты бо Свет поро́ждши, Де́во Нескве́рная, сия́еши

всем челове́ком спасе́ние, и́мже на присносве́тлую прихо́дим стезю́.

Песнь 9

Ирмос: Люби́ти у́бо нам, я́ко безбе́дное стра́хом, удо́бее молча́ние; любо́вию же, Де́во, пе́сни тка́ти, спротяже́нно сложе́нный, неудо́бно есть. Но и, Ма́ти, си́лу, ели́ко есть произволе́ние, да́ждь.

Песнь у́бо никто́же я́ко досто́йну прино́сит Ти, Ма́ти Чи́стая, и́бо кре́пость не возмога́ет безпло́тных всех и челове́ческа ро́да; молча́ние

же про́чее вме́сто пе́сней приими́, сло́ва бо есть произволе́ние па́че.

Язы́цы лука́вых, к льще́нию вознеи́стовавше, словеса́ излива́ют на ны я́ко стре́лы; ты́я в пусты́нях у́глий одожде́ньми покажи́ держа́вне испепеля́емыя, исполня́я моли́тву Ма́тере Твоея́, Всецарю́.

О, христиа́н всеконе́чное спасе́ние! О, па́че ума́ дарова́ний вина́! Нечи́стых мои́х усте́н пе́ние, е́же Тебе́ и от Тебе́, Всесвята́я, по́сланное,

приими́, разреше́ние хода́тайствующи согреше́ний.

Побе́ду на враги́ лю́тыя и ва́рвары и́мут Тя лю́дие, Всецари́це, и держа́ву, Де́во, вси служи́телие Рождества́ Твоего́. И ны́не Помо́щница

неразо́рнейша еди́на сим бу́ди, от тя́жких избавля́ющи.

Преподобный Никодим Святогорец. Творения. Новый Богородичник

Вместо предисловия

От переводчика

Преподобный Никодим Святогорец. Предуведомление тем, кто прочтет

Глас первый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас вторый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас третий Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице в вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас четвертый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас пятый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас шестый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас седьмый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятей Богородице в пяток

Глас осьмый Канон Пресвятей Богородице в субботу

Канон Пресвятей Богородице в неделю

Канон Пресвятей Богородице в понедельник

Канон Пресвятей Богородице во вторник

Канон Пресвятей Богородице в среду

Канон Пресвятей Богородице в четверток

Канон Пресвятой Богородице в пяток

Приложение Ин канон молебный ко Пресвятей Богородице

Канон ямвический

Телеграм канал с цитатами святых

Телеграм бот с цитатами святых

Преподобный Никодим Святогорец. Творения.
Новый Богородичник

Телеграм канал
с цитатами святых

Телеграм бот
с цитатами святых