Ежедневная молитва свт. Филарета

Господи: не знаю, чего мне просить у Тебя? Ты один ведаешь, что мне потребно.Ты любишь меня паче, нежели я умею любить себя. Отче! Даждь рабу Твоему – чего сам я и просить не умею. Не дерзаю просить – ни креста, ни утешения! Только стою пред Тобою; сердце мое – отверсто. Ты зриши нужды, которых я не знаю. Зри! – и сотвори со мною по милости Твоей: порази и исцели, низложи и подыми меня. Благоговею и безмолвствую пред Твоею святою волею и непостижимыми для меня Твоими судьбами. Приношу себя в жертву Тебе. Предаюсь Тебе. Нет у меня желания, кроме желания – исполнить волю Твою... Научи меня молиться. Сам во мне молись.

Молитва в день воспоминания тысячелетия России

Господи Боже, Царю веков, глаголяй на язык и царство и созиждаяй и насаждаяй их! (Иер. 18:9). Ко Твоему величеству припадающе со страхом и благоговением, благодарне исповедуем милости Твоя, многочастне и многообразне в десяти веках явленные народу и царству Российскому. Ты бо, Господи, возглаголал еси Твое зиждительное слово на сей народ, и создал еси в нем царство, и насадил, и укоренил, и возрастил, и разширил еси его на земли обитания его, и поставил еси над ним от Тебе сущую власть, и укрепил еси его на сопротивных, и оградил еси его законами, наипаче же просветил и одушевил еси его спасительною верою, и Аще иногда и жезлом посещал еси неправды его, но милости Твоея не удалил и не удаляеши от нас. Тя убо, Владыку, Господа и Благодетеля славим, хвалим, благодарим, поем и величаем, и, от самых щедрот Твоих в вере и уповании утверждение и дерзновение пред Тобою приемлюще, смиренно молим: сохрани престол и царство Благочестивейшаго Самодержавнейшаго Великаго Государя Императора Александра Николаевича всей России в истинном величии, твердости и славе. Прости, всемилостиве Господи, вся грехи наша и отец наших, и направи стопы наша к деланию заповедей Твоих. Соблюди в нас православную веру в ея чистоте и силе, и да пребудет она, якоже бысть, средоточием общественнаго единения, источником просвещения, основанием и твердынею народнаго благонравия, правды законов, благодетельности управления, нерушимости благостояния. Да не увянет и не изсохнет древнее насаждение добра, но да привиется к нему новое стеблие лучшаго, и да изыдет новый цвет благолепия и плод совершенства. Тако призри на нас, и ущедри нас, да благословляеми Тобою, от дне до дне и от века до века благословим Тя, Господи. Слава Тебе Богу, Благодетелю нашему, во веки веков. Аминь. По окончании молебна и по возглашении многолетия Благочестивейшему Государю Императору и Высочайшей Фамилии следаны протодиаконом еще следующие провозглашения: Просветившим Россию христианскою православною верою равноапостольным Великому Князю Владимиру и Великой Княгине Ольге, преемственне в течение веков созидавшим и укреплявшим единодержавие России Благоверным Царем и Великим Князем, новосозидавшим Российское царство и разширившим и прославившим оное в Бозе почившим Благочестивейшим Императорам и Императрицам, вечная память. Всем избранным сынам России, в течение веков верно подвизавшимся за ея единство, благо и славу, на поприщах благочестия, просвещения, управления и победоносной защиты Отечества, вечная память. Времена и лета в руце Своей положивый Господи, Твоим премудрым всеблагим Промыслом тысящелетне сохраняемому и возвращаемому царству Всероссийскому, пробави велию милость Твою и сохрани оное в вере и правде, во Богозаконии и благоустроении на лета и веки многие.

Молитва заключенного в темнице

Господи Боже, Создателю и Спасителю мой, Благословенно да будет имя Твое святое! Благодарение и слава Тебе, Господи, о всех благих, яже приях от Тебе в житии сем. Ныне же скорбь и болезнь обретох и имя Твое призываю. Поношения нападоша на мя. Положиша мя в рове преисподнем, в темных и сени смертней. Скорблю о сем, и по сей скорби разумеваю, яко согреших пред Тобою, и по грехам моим приидоша на мя беды. Ибо праведники Твои не унывающе и в темницах пояху Тебе, и во страданиях радовахуся. И Аще беззакония назриши, Господи, Господи, кто постоит? Яко несть человека, иже не согрешит. Но Ты, Господи, грехи всего мира носиши и покаянием очищаеши. Верую, яко и мене, грешнаго, не отвержеши от лица Твоего. За весь мир Единородный Сын Твой излия Свою Божественную кровь. Верую, яко и мене от грехов моих омыти может и хощет. Сего ради с Давидом глаголю: исповем на мя беззаконие мое, Ты же, яко благ, остави нечестие сердца моего. Страшуся суда и осуждения человеческаго, но наипаче да будет мне в страх Твой неумытный суд и вечное осуждение. Аще неправда восстанет на мя: дерзлю словом Давидовым молитися Тебе: услыши, Господи, правду мою, и вонми суду моему, и правдою Твоею избави мя. Аще же неправду сотворих, милосердием Твоим неправду мою уврачуй. Не попусти уклонитися сердцу моему во словеса лукавствия, к сокрытию истины и к ложному оправданию. Помози мне и уразумети, и возненавидети неправду мою, возлюбити же правду и во истине окрести облегчение души моей. Облегчи время бедствия моего. А еще понести мне суждено, да понесу с терпением ради очищения грехов моих и ради умилостивления Твоего правосудия. Аще и стыд покрыет мене пред некими человеки, да потерплю со смирением, да умилостивлю Тебе, Господи, да не постыжен буду пред лицом всего мира на Страшном Суде Твоем. Прихожу к Тебе скорбнын и печальный, не лиши мене духовнаго утешения. Прихожу к Тебе омраченный, яви мне свет упования спасения. Припадаю к Тебе изнемогший, возстави и утверди мене благодатию Твоею. Паче же всего даруй мне желание и помози мне, Господи, творити во всем Твою волю, да в мире совести прославлю имя Твое святое, Отца и Сына и Святаго Духа. Аминь.

Молитва к 700-летию Москвы

Господи Боже Вседержителю, Словом Твоим утвердивый небеса и Духом уст Твоих всю силу их, положивый светила на тверди небесней в знамения, и во времена, и во дни, и в лета, и в бытие видимых созданий Твоих в круги времен заключивый, благословивый начатки времен, и числа исполнения их освятивый! Ты, Господи, усты пророка Твоего Моисея, первым в месяцех лета нарекл еси месяц, в оньже агнцем избавительныя пасхи спасительное таинство Агнца закланного прежде сложения мира, Господа нашего Иисуса Христа, предобразил еси людем Твоим Израилю. Ты, в древнем законе Твоем, в предел седмицы дней и седмицы седмиц, праздники Твоя, в память благодеяний Твоих, поставил еси; и исполнение седмицы седмилетий, во обновление памяти судеб Твоих, летом оставления венчал еси; со благословением безтруднаго изобилия. Се ныне Твой новый Израиль, от древнего образа к новоявленной истине прешед, первый в месяцех, и новое лето начинает от явления во яслех вифлиемских Агнца, вземлющаго грехи мира, Господа нашего Иисуса Христа, и от начатия Его всеспасительныя крестныя жертвы, в страдательном пролиянии крове обрезания. Царствующий же град сей не месяца токмо и лета начало пред собою ныне зрит, и не седмицы дней токмо и лет исчисляет, но седмь протекших над ним веков помянув, судьбам Твоим чудится, и в помышлении о судьбах осьмаго своего века, пред лицем Твоим, Царю веков, благоговеет. Исповедуем милости Твоя древния, и о настоящих благодарим, и о будущих молим. Славим Твое благодатное избрание, и богатый о нас Промысл, яко малую некогда весь во град велий возрастил еси; и, прежде сбытия, еже славну быти граду сему во всех градех российских, и взыти рукам его на плещи враг его, и прославитися Тебе в нем, угодником Твоим святителем Петром предвозвестил еси; таже и приносимый престол Православия зде утвердил еси; и корень Единодержавия всероссийскаго зде насадил еси, и престол Царства возвысил еси, и угасшему светильнику царскаго рода отселе с вящшей светлостию возсияти даровал еси, и святым Твоим зде пожити и во благоухании святыни почити благоволил еси, ихже молитвами овогда убо, аки адамантовою стеною, от напастей ограждал еси град сей, овогда же и бедствующий вскоре избавлял еси, и во дни наши, мневшийся погибнути, от пепела и разрушения еси возставил, и новым благолепием украсил, и обилием исполнил. Отце щедрот и Господи милости! Призри благосердием на сие благодарственное исповедание наше и не остави милости Твоея от нас. Благослови венец новаго лета благостию Твоею: и венец седми веков, иже на версе царствующаго сего града, и во осмем да не увядает. Обнови и умножи благословения Твоя на превознесенном Тобою рабе Твоем Благочестивейшем Самодержавнейшем Великом Государе нашем Императоре Николае Павловиче, и на державном его роде. Долгоденствие и благоденствие, и в делах царствия и во всех добродетелех преуспеяние им даруй. Сохрани Церковь Твою Святую неколебиму на основании Твоего Божественнаго слова, на камени Апостольския веры, и никоеже дерзновенное своемудрие человеческое да не прикоснется кивоту Божию. Реки, Господи, мир на люди Твоя, и на обращающия сердца к Тебе. Да будет близ боящихся Тебе спасение Твое, вселити славу в землю нашу. Милость и истина в ней да сретаются, и правда и мир да лобызаются. Не предаждь нас призрети в суеты и неистовления ложная, но да призрим на вся заповеди Твоя, и не постыдимся. Даруй нам благодать и благую ревность, да Твоего вечнаго царствия и правды его прежде и паче всего ищем, яко да и благая временному житию потребная вся приложатся нам, предстательствующими и покровительствующими молитвами Преблагословенныя Приснодевы Богородицы и святителей Петра, Алексия, Ионы и Филиппа, с нимиже во обращении веры Тебе Единому Триипостасному Богу, Безначальному Отцу и Собезначальному Сыну и Соприсносущному Святому Духу приносим подобающее благодарение, и поклонение, и славу, во веки веков.

Помянник, писанный рукою его высокопреосвященства <митрополита Филарета> от 9 октября 1844 года

Даже если бы не сохранился бесценный автограф и написанный здесь летящим почерком свт. Филарета текст был бы известен только в копии, само содержание его таково, что не оставляет сомнения в авторстве Святителя. Кто еще мог поместить почти в самое начало помянника внезапно скончавшихся, погибших «бедственною смертию» (от стихийных бедствий) и всех одиноких и забытых, о которых некому молиться, и лишь после них – Благочестивейшего Императора и Императриц. Кто еще, кроме свт. Филарета, мог «наипаче» поминать из царей и цариц тех, которые споспешествовали «миру Святыя Церкви и благому жительству человеческому». Среди поминаемых отдельно покойных архипастырей первым стоит имя митрополита Платона (Левшина) (†1812) – наставника святителя Филарета, далее поминаются митрополиты, бывшие при его служении членами Святейшего Синода, в их числе – известный историк Церкви митр. Евгений (Болховитинов) (†1837); архиепископ Августин (†1819), управлявший Московской епархией во время войны с Наполеоном, архиепископ Кирилл (Богословский-Платонов) (†1841), одно время бывший викарием свт. Филарета, архиепископ Симеон (Крылов) (†1834) – преемник Святителя сначала на Тверской, а затем на Ярославской кафедре; наконец, епископ Иннокентий (Смирнов) (†1819) – противник подчинения Церкви «Двойному министерству», удаленный за это из Петербурга и скончавшийся в Пензе в возрасте 35 лет. Помянник, судя по его содержанию, был составлен свт. Филаретом не для себя лично, не для келейных молитв, а для молитвенного поминовения в «обители сея», по всей видимости, в Гефсиманском скиту Свято-Троицкой Сергиевой Лавры, освященном 28 сентября 1844 года, за две недели до составления помянника. В первых строках митрополит Филарет поминает «Отцев и братий наших, служивших в обителях Преподобного Сергия и в сей обители». В сей обители помянник, можно думать, и читался, начиная с Димитриевской субботы в октябре 1844 года (о частом чтении его, причем не в келейной обстановке, а в храме, свидетельствуют многочисленные сгибы листов и капли воска от церковной свечи, застывшие на последней странице). При публикации мы сохраняем особенности орфографии оригинала, написанного по-славянски, все написания слов с прописной буквы также принадлежат свт. Филарету. Редакция Помяни Господи, усопших рабов Твоих, плодоносивших и добродеявших во Святых Твоих Церквах и в обителях Преподобнаго Сергия, и создателей обители сея, и отцев и братий наших служивших в обителях Преподобнаго Сергия, и в сей обители, миловавших нищия, посещавших болящия, заступавших немощныя, подвизавшихся за правду, и всех заповедавших нам недостойным молиться о них; и упокой души их идеже присещает свет лица Твоего. Аминь. Упокой Господи души усопших рабов Твоих, внезапною или нужною

смертию скончавшихся, и предсмертнаго покаяния и причащением Святых Тайн напутствия несподобившихся, яко болезнию, ум и память отъемлющею, пораженных, или на брани убиенных, от разбойников и наветников разными образы жизни лишенных, от грома, от огня, от жара, от мраза, от ярости зверей <...> умерших, утопших, по бедственной смерти погребения лишенных, от нищеты, одиночества и неизвестности не имеющих ближняго, молящагося о них. Помяни их Сам, Господи, Ведый коегождо имя и душевную потребу, и даруй им очищение и прощение, и мира и ослабления сподоби их, непобедимою силою Животворящаго Креста, молитвами Пресвятыя Богородицы и всех святых. Аминь. Помяни Господи Благочестивейших Императора Александра Павловича, Императриц Елисавету Алексеевну, Марию Феодоровну, благоверную великую Княгиню Александру Николаевну

. Помяни Господи усопших рабов Твоих Преосвященных Митрополитов: Платона, Амвросия, Михаила, Феофилакта, Евгения, Серафима, Архиепископов Августина, Симеона, Сергия, Кирилла, Стефана, Афанасия; Епископов: Самуила, Иннокентия, Августина

. Помяни Господи всех, иже от века и доныне, рабов Твоих, во истинной вере и уповании на милосердие Твое преставившихся, и елика в житии сем согрешиша, словом, делом, помышлением, и всяким чувством душевным и телесным, волею или неволею, в ведении или в неведении, прости им, и от всякия вины и юзы разреши их, и упокой души их, идеже присещает свет лица Твоего. Аминь. Помяни Господи усопших рабов Твоих, Благочестивых Императоров и Императриц, Царей и Цариц, благоверных великих Князей, великих Княгинь и Княжен, Царевичей и Царевен, наипаче же миру Святыя Церкви и благому жительству человеческому споспешествовавших, и упокой души их, идеже присещает свет лица Твоего. Аминь. Помяни Господи усопших рабов Твоих, Православных, Святейших Патриархов, Преосвященных Митрополитов, Архиепископов и Епископов, священно-Архимандритов, Игуменов, Иеромонахов, Протоиереев, Иереев и всех священническаго, монашескаго и клирическаго чина, и наипаче послуживших Православной вере и душам ближних своих, словом, и деянием, и молитвою, и упокой их, идеже присещает свет лица Твоего. Аминь. Помяни Господи усопших рабов Твоих иже от правительствующаго Синклита, военачальников, градоначальников, и во всяком начальстве, и власти, и служении блага ради общаго потрудившихся, православных воинов, граждан, поселян, и всех Христиан, в православной вере и в покаянии скончавшихся, и упокой души их, идеже присещает Свет лица Твоего. Аминь. (ОР РГБ, ф. 316, п. 63, ед. хр. 13, л. 3–4 об.)

Заупокойный помянник, составленный святителем Филаретом

Помяни, Господи, всех иже от века и до ныне рабов Твоих, во истенней вере и уповании на милосердие Твое преставльшихся, и елика в житии сем согрешиша словом, делом, помышлением и всяким чувством душевным и телесным, волею и неволею, в ведении или в неведении, прости им и от всякия вины и юзы разреши их и упокой их, идеже присещает свет лица Твоего. Аминь. Помяни, Господи, усопших рабов Твоих: благочестивых императоров и императриц, царей и цариц, благоверных великих князей, великих княгинь и княжен, царевичей и царевен, наипаче же миру Святыя Церкви и благому жительству человеческому споспешествовавших, и упокой души их, идеже присещает свет лица Твоего. Аминь. Помяни, Господи, усопших рабов Твоих: православных святейших патриархов, преосвященных митрополитов, архиепископов и епископов, священноархимандритов, игуменов, иеромонахов, протоиереев, иереев и всех священническаго, монашескаго и клирическаго чина, и наипаче послужив-ших православной вере и душам ближних своих словом, и деянием, и молит-вою, и упокой их, идеже присещает свет лица Твоего. Аминь. Помяни, Господи, усопших рабов Твоих, иже от правительства, военачальников, градоначальников и во всяком начальстве, и власти, и служении блага ради общаго потрудившихся, православных воинов, граждан, поселян и всех христиан, в православной вере и в покаянии скончавшихся, и упокой души их, идеже присещает свет лица Твоего. Аминь. Помяни, Господи, усопших рабов Твоих, плодоносивших и добродеявших во святых Твоих церквах, и во обителех преподобнаго Сергия, и создателей обители сея, и отцев и братии наших, служивших во обителех преподобнаго Сергия и обители сей, миловавших нищия, посещавших болящия, заступовавших немощныя, подвизавшихся за правду, и всех заповедавших нам, недостойным, молитися о них, и упокой души их, идеже присещает свет лица Твоего. Аминь. Упокой, Господи, души усопших рабов Твоих, внезапною или нужною

смертию скончавшихся и предсмертнаго покаяния и причащением Святых Таин напутствия несподобившихся, яко болезнию, ум и память отъемлющею, пораженных, или на брани убиенных, от разбойников и наветников разными образы жизни лишенных, от грома, от огня, от жара, от мраза, от ярости зверей и скотов умерших, утопших, по бедственней смерти погребения лишенных, от нищеты, одиночества и неизвестности не имеющих ближняго, молящагося о них. Помяни их Сам, Господи, ведый коегождо имя и душевную потребу, и даруй им очищение и прощение, и мира и ослабления сподоби их непобедимою силою Животворящаго Креста, молитвами Пресвятыя Богородицы и всех святых. Аминь.

notes

1

Нужная, т.е. насильственная смерть (слав.)

2

Императрица Елизавета Алексеевна – супруга Александра I; вдовствующая Императрица Мария Федоровна – мать Александра I и Николая I; Великая Княгиня Александра Николаевна – младшая дочь Николая I, умершая от чахотки 29 июля 1844 г. в возрасте 19 лет.

3

Здесь поминаются митрополит Московский Платон (Левшин), митрополиты Новгородские и С.-Петербургские Амвросий (Подобедов), Михаил (Десницкий), Серафим (Глаголевский), экзарх Грузии митр. Феофилакт (Русанов), митр. Киевский Евгений (Болховитинов), архиепископ Московский Августин (Виноградский), епископ Оренбургский Августин (Сахаров) и другие архиепископы и епископы.

4

С принуждением, насилием; в нужде.